Revelation 2:23 in Sunwar 23 आ आल आन कली मुर साइक्ब रोइम साइक्नुङमी। मेको आन श्येत जशा, बेक्शो तशा ‘गोम पाप्तु’ दे थमा सुइक्ब नेल्लेमी तुइक्नीमी। मिनु थमा सुइक्ब आन ग्रुम्तीके ङा मुर नेल्लेमी ‘येसु ख्रीस्तमी मुर आन थुं नु आन पशो तुइक्ब। मिनु नोले दोपा पामे, मोपा गेब’ दे तुइक्नीम। भजन संग्रह ७:१०; येरमीया १७:१०
Other Translations King James Version (KJV) And I will kill her children with death; and all the churches shall know that I am he which searcheth the reins and hearts: and I will give unto every one of you according to your works.
American Standard Version (ASV) And I will kill her children with death; and all the churches shall know that I am he that searcheth the reins and hearts: and I will give unto each one of you according to your works.
Bible in Basic English (BBE) And I will put her children to death; and all the churches will see that I am he who makes search into the secret thoughts and hearts of men: and I will give to every one of you the reward of your works.
Darby English Bible (DBY) and her children will I kill with death; and all the assemblies shall know that *I* am he that searches [the] reins and [the] hearts; and I will give to you each according to your works.
World English Bible (WEB) I will kill her children with Death, and all the assemblies will know that I am he who searches the minds and hearts. I will give to each one of you according to your deeds.
Young's Literal Translation (YLT) and her children I will kill in death, and know shall all the assemblies that I am he who is searching reins and hearts; and I will give to you -- to each -- according to your works.
Cross Reference Deuteronomy 13:11 in Sunwar 11 मिनु इस्राएली नेल्ल मेको नेंशा, हिंचा माल्नीम। मिनु इन दातेमी मोदेंशो मरिम्शो गेनायो मपमेक्ल।
Deuteronomy 17:13 in Sunwar 13 मिनु मुर नेल्लेमी मेको नेंशा हिंशा मोदेंशो मपाइक्नीम।
Deuteronomy 19:20 in Sunwar 20 मिनु अरु मुरपुकीमी मेको नेंशा हिंचा माल्नीम। मिनु नोले इन दातेमी मोदेंशो मरिम्शो मपाइनीम।
Deuteronomy 21:21 in Sunwar 21 मिनु मेको सहर ङा मुर नेल्लेमी मेको कली फुल्लु आप्शा साइक्चा माल्नीम। मिनु गेपुकीमी इन दाते ङा मरिम्शो क्याम्चा माल्नीनी। मिनु इस्राएली नेल्लेमी मेको नेंशा, हिंचा माल्नीम।
1 Samuel 16:7 in Sunwar 7 तन्न परमप्रभु यावेम मेको कली “मेको दारशो नु लाइश्शो बाक्त हना यो, मेको कली ममिम्तो। गो मेको कली पिप मसेल्नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्नीम। गो मुर आ थुं कोव़नुङ” देंमाक्त। येरमीया १७:१०; प्रकाश २:२३; प्रेरित १०:३४
1 Chronicles 28:9 in Sunwar 9 आं तौ सोलोमन, इ आफ आ परमप्रभु कली तुइश्शा मालो। इ थुं नेल्लेमी ग्येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्शो नु पशो नेल्ल तुइक्ब। गे मेको कली माल्तीवी हना, गे थित्नेवे। तन्न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३
1 Chronicles 29:17 in Sunwar 17 आं परमप्रभु, गे मुर आन थुं नाक्शा कोव़नीनी, दे तुइक्नुङ। गे ब्रेम्शो थुं पाइश्शो मुर तशा ग्येरनीनी। गो आं ब्रेम्शो थुं दुम्तीकेमी ग्येरशा एको नेल्ल इन कली चढ़ेता। मुल गो एक बाक्शो इन मुर आन कली ताता। ग्येरशो थुंमी एको नेल्ल चढ़ेम्तेक्म। भजन संग्रह ७:१०
2 Chronicles 6:30 in Sunwar 30 गे, इन मुर आन पुंइशो इन स्वर्ग ङा बाक्तीक रे नेनीन। मिनु मेको आन पाप क्याम्दीन। गे इन मुर आन थुं तुइश्शो खोदेंशो पा रिम्शो कली रिम्शो नु मरिम्शो कली मरिम्शो पने। मारदे हना गे ला मुर आन थुं तुइक्ब बाक्नीनी। भजन संग्रह १३९:१-४,२३
Psalm 7:9 in Sunwar 9 इन अरेशो मटीब आन मरिम्शो पतीके थुम्पतीन। मिनु नोले गे ठीक पाइब आन कली बोल्यो सेलीन। ठीक पाइब परमप्रभु, गे मुर आन थुं नु आन पतीके नाक्ब बाक्नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३
Psalm 26:2 in Sunwar 2 परमप्रभु यावे, गे आं कली नाक्तीन। आं थुं नु मिम्तीक नाक्शा कोव़ङीन।
Psalm 44:21 in Sunwar 21 मार, परमप्रभुमी मतुइक्बा ङा? मारदे हना परमप्रभुमी मुर आन थुं ङा ख्रुइश्शो नेल्ल तुइक्ब।
Psalm 62:12 in Sunwar 12 परमप्रभु यावे गेना हना यो दाक्ब बाक्ब” देंशो नेंता। गे थमा पा मुर नेल्ल आन कली आन पशो खोदेंशो पा गेनीनी। रोमी २:६-११
Isaiah 3:10 in Sunwar 10 दोस मताइब मुर आन कली रिम्शो दुम्ब। मारदे हना मेकोमी आ गेय पशो रे जाइब।
Jeremiah 11:20 in Sunwar 20 तन्न गे, मुर नेल्ल आन परमप्रभु यावे, ठीक पा निसाफ पाइनीनी। मिनु थुं नु सोक्त नाक्शा कोव़नीनी। गेमी मेको आन कली क्येक्क लेश्शो गो कोव़चा तङल। मारदे हना गो इन कली आं निसाफ पतीक जिम्मा गेशो बाक्नुङ। भजन संग्रह ७:१०; येरमीया १७:१०; येरमीया २०:१२
Jeremiah 17:10 in Sunwar 10 गो, परमप्रभु यावेमी मुर आन कली नाक्नुङ। आन थुंम मार बाक्मे, मेको कोव़नुङ। आन गाक्शो लां नु आन पशो कोव़शा, इनाम गेनुङमी।
Jeremiah 20:12 in Sunwar 12 मुर नेल्ल आन परमप्रभु यावे, गे ठीक पाइब आन कली नाक्शा कोव़नीनी। गे मुर आन थुं नु आन मिम्तीके कोव़नीनी। आं कली मेको आन कली क्येक्क लेश्शो तचा गेयीनी। मारदे हना गो आं निसाफ पतीके इन कली जिम्मा गेता। येरमीया ११:२०
Zephaniah 1:11 in Sunwar 11 गे माकतेशम बाक्बपुकी रोंका पने। मारदे हना ग्याप्ब लेयब नेल्ल खतम दुम्तेक्म। चांदी नाक्ब नेल्ल क्याम्चा पुंइसाक्म। माकतेश यरूसलेम सहर ङा बजार का बाक्त।
Matthew 16:27 in Sunwar 27 रागीम जरमेशो आ आफ आ दारसमी परमप्रभु यावे आ स्वर्ग ङा गेय पाइबपुकी नु जाक्ब। मिनु मुर आन गेशो पशो कोव़शा, आन गेशो का का पा लेश्शा गेब। रोमी २:६
John 2:24 in Sunwar 24 येसुमी चहिं मेको आन कली थमा मसुद।
John 21:17 in Sunwar 17 लेंशा येसुमी “योआन्नेस आ तौ सिमोन, गे आं कली दाक्नेवे?” दे हिल्लो पाप्तु। मिनु येसुमी खेयप सां “आं कली दाक्नेवे?” दे हिल्लो पशो नेंशा, पत्रुस आ थुं खाइक्त। मिनु “प्रभु, गे नेल्ल तुइक्नीनी। गो इन कली दाक्नन्नी, दे तुइक्नीनी” दे माइक्तु। मिनु येसुमी “आं भेडा आन कली योव़मी। यूहन्ना १३:३८; यूहन्ना १६:३०
Acts 1:24 in Sunwar 24 मिनु मेकोपुकीमी “परमप्रभु, गे मुर नेल्ल आन थुं तुइक्नीनी। मोपतीके एको निक्शीमी तेको कली योव़नीनी, आंइ कली तुइक्पतीने। प्रेरित ६:६
Romans 2:5 in Sunwar 5 इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।
Romans 8:27 in Sunwar 27 मारदे हना परमप्रभु यावे आ सोक्तीम इं थुं ङा लोव़ नेल्ल तुइक्ब, परमप्रभु यावेमी मार दाक्बा, मेको यो तुइश्शा, थाम सुइक्ब आन पर्बम पुंइब।
Romans 14:12 in Sunwar 12 गो नेल्लेमी परमप्रभु यावे आ ङोंइती मार पशो बाक्या, मेको का का पा शोव़चा माल्नय।
2 Corinthians 5:10 in Sunwar 10 मारदे हना गो नेल्ल ख्रीस्त आ ङोंइती निसाफ पची ना जाक्चा माल्नीकी। रांम बाक्यानु, इं रांम पशो रिम्शो नु मरिम्शो नेल्ल ताइनीकी। प्रेरित १७:३१; रोमी २:१६; रोमी १४:१०; यूहन्ना ५:२९; एफिसी ६:८
Galatians 6:5 in Sunwar 5 मारदे हना नेल्लेमी आंम गेय आंमा पचा माल्ब। रोमी १४:१२
Hebrews 4:13 in Sunwar 13 मेको आ ङोंइती सुइमी मारेइ ख्रुइक्ने मचाप्नीम। नेल्लेमी पशो नु मिम्शो मेको आ ङोंइती तांइसीब।
1 Peter 1:17 in Sunwar 17 गेपुकीमी परमप्रभु यावे कली “इं आफ” दे पुंइना पुंइन बाक्नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्नीनु, पाप पचा हिनीन। रोमी २:११; फिलिप्पी २:१२
Revelation 2:7 in Sunwar 7 परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्ब ब्रोंइतीक रवा आ फल ब्वचा गेनुङ” दे ब्रेक्पाइक्ती। प्रकाश २२:२; उत्पत्ती २:९
Revelation 2:11 in Sunwar 11 परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। सु सुमी सैतान कली ग्रानीमी, मेको निक्शी खेयप बेक्चा ममाल्नीम। मिनु परमप्रभु यावेमी गेशो सजाइ यो मताइनीम” दे ब्रेक्पाइक्ती। प्रकाश २०:१४
Revelation 6:8 in Sunwar 8 मिनु गो हौ शारा का ताता। मिनु मेको शारा ङोइक्ब आ नें चहिं साइक्पाइक्ब नु बेक्पाइक्ब बाक्त। मिनु रागी ङा बेक्शो मुरपुकीमी मेको आ नोले खोइक्तेक्म। मिनु मेको कली रागी ङा ४ भाग ङा भाग का मुर आन कली साइक्पाइक्चा, दे अधिकार गेशो बाक्त। दोपा साइक्पाइक्चा गेशो बाक्त देंशा हना, कोइ आन कली तरवारम साइक्पाइक्चा, कोइ आन कली अन्कालम बेक्पाइक्चा, कोइ आन कली मुर साइक्ब रोइ पा बेक्पाइक्चा नु कोइ आन कली जन्तुमी साइक्पाइक्चा, दे अधिकार गेशो बाक्त। इजीकीएल १४:२१
Revelation 20:12 in Sunwar 12 गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०