Revelation 2:14 in Sunwar 14 तन्न गो इन कली लोव़ का पचा माल्नुङ। मार लोव़ पचा माल्नुङ देंशो हना, गे का निक्शीमी मरिम्शो गेय पाइतीनी। इन ग्रुम्तीके ङा का निक्शीमी बालाम माइश्शो मुर आ शेंशो थमा सुइक्नीमी। बालाममी मार शेंताक्व देंशा हना, ङोंइती बालाक माइश्शो पिप कली इस्राएल जात ङा वोंइश मुर आन कली खतम सेल्तु। दोपा खतम सेल्तु देंशा हना, चढ़ेशो थोव़क ब्वपाइक्तु। मिनु तेल्लेम पपाइक्तु। गन्ती ३१:१६; २पत्रुस २:१५; यहूदा :११
Other Translations King James Version (KJV) But I have a few things against thee, because thou hast there them that hold the doctrine of Balaam, who taught Balac to cast a stumblingblock before the children of Israel, to eat things sacrificed unto idols, and to commit fornication.
American Standard Version (ASV) But I have a few things against thee, because thou hast there some that hold the teaching of Balaam, who taught Balak to cast a stumblingblock before the children of Israel, to eat things sacrificed to idols, and to commit fornication.
Bible in Basic English (BBE) But I have some things against you, because you have with you those who keep the teaching of Balaam, by whose suggestion Balak made the children of Israel go out of the right way, taking food which was offered to false gods, and going after the desires of the flesh.
Darby English Bible (DBY) But I have a few things against thee: that thou hast there those who hold the doctrine of Balaam, who taught Balak to cast a snare before the sons of Israel, to eat [of] idol sacrifices and commit fornication.
World English Bible (WEB) But I have a few things against you, because you have there some who hold the teaching of Balaam, who taught Balak to throw a stumbling block before the children of Israel, to eat things sacrificed to idols, and to commit sexual immorality.
Young's Literal Translation (YLT) `But I have against thee a few things: That thou hast there those holding the teaching of Balaam, who did teach Balak to cast a stumbling-block before the sons of Israel, to eat idol-sacrifices, and to commit whoredom;
Cross Reference Numbers 24:14 in Sunwar 14 मुल गो आं मुर आन बाक्तीके लाइनुङ। तन्न इस्राएलीपुकीम इन मुर आन कली नोले मार पाइक्नीमी, मेको इन कली शेंनुङ” देंत।
Numbers 25:1 in Sunwar 1 इस्राएलीपुकी शित्तीममी बाक्मानु, मुरपुकी मोआबी आन तमीपुकी नु इप्शा, मरिम्शो पचा गोम्तेक्म। गन्ती ३३:४९; १कोरिन्थी १०:८
Numbers 31:8 in Sunwar 8 मेकोपुकीमी मिदयान ङा ५ जना पिप एवी, रेकेम, सुर, हुर नु रेबा आन कली साइक्तेक्म। मिनु मेको नु बाक्ब अरु मुर यो साइक्तेक्म। मिनु बेओर आ तौ बालाम कली यो तरवारमी साइक्तेक्म। यहोसु १३:२१-२२; गन्ती २२:५
Numbers 31:16 in Sunwar 16 एको मीश मुरपुकीमी बालाम आ देंशो पशा, इस्राएली आन कली पेओरम परमप्रभु यावे कली मरिम्शो पपाइश्शो बाक्तेक्म। मोपतीके परमप्रभु यावे आ मुर आन दातेमी मुर साइक्ब रोइ ग्रूत। गन्ती २५:१-३; प्रकाश २:१४
Joshua 24:9 in Sunwar 9 मिनु मोआब ङा पिप सिप्पोर आ तौ बालाकमी इस्राएलीपुकी नु लडाइ पचा मिम्शा, इन कली सराप पचा कली बेओर आ तौ बालाम कली ब्रेत्थ सोइक्ताक्व। गन्ती २२:-
Isaiah 57:14 in Sunwar 14 मिनु परमप्रभुमी “सेलीन, सेलीन। रिम्शो लां सेलीने। आं मुर आन गाक्तीक लां ङा दाइल पाइब फुल्लु याक्तीन” देंत। यसैया ४०:३; यसैया ६२:१०
Jeremiah 6:21 in Sunwar 21 मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्तीके थोव़क वोइक्नुङ। मिनु आम आफ, आलपुकी कालेम नु आन नेक्था ङा मुर नु आन वारच कालेम खतम दुम्नीम” देंत।
Ezekiel 3:20 in Sunwar 20 मिनु ठीक पाइब मुर काम आ ठीक पतीक रे लेश्शा मरिम्शो पाप्तु हना, गो मेको आ ङोंइती दाइल पाइक्तीक फुल्लु वोइक्ता हना, मेको बेक्ब। गे मेको कली हिंच मकोंइतीके, मेको आ पापम पतीके बेक्ब। मेको आ ङोंइती ठीक पशो मारेइ ममिम्सीब। मिनु गो मेको आ हुश आ क्येक्क इ रे पा ताक्नुङ। इजीकीएल १८:२४
Ezekiel 44:12 in Sunwar 12 तन्न लेवीपुकीम मुर आन कली आन मूर्ति पूजा पतीकेम वारच पाम्तेक्म। मोपा मेकोपुकी इस्राएल आ खिं ङा मुर आन कली मरिम्शो पपाइक्तेक्म। मोपतीके मेकोपुकी सजाइ तचा माल्नीम, दे कसम जाता।
Matthew 18:7 in Sunwar 7 पाप पपाइक्ब आन पर्बम, आबी आबी। एको रागीमी पाप पपाइक्ब शुश जाक्नीम। तन्न सुमी अरु आन कली पाप पपाइक्बा, मेको आन कली आबी आबी।
Acts 15:20 in Sunwar 20 मेको आन कली ‘मूर्ति कली चढ़ेशो मजचा, तेल्लेम मपचा, हुश मचुइक्थु साइश्शो श्ये मब्वचा, हुश मब्वचा’ दे चिठी ब्रेक्शो बाक्त। लेवी १९:४; लेवी १९:२९; लेवी ३:१७
Acts 15:29 in Sunwar 29 मेको लोव़ मार बाक्ब देंशा हना ‘मूर्ति कली चढ़ेशो मजचा, हुश मब्वचा, हुश मचुइक्थु साइश्शो श्ये मब्वचा, तेल्लेम मपचा’ एको लोव़ टीतीनी हना, गे रिम्शो दुम्नीनी। आंइ लोव़ ओशोन बाक्ब” दे ब्रेक्शो बाक्माक्त।
Acts 21:25 in Sunwar 25 अर्को रागी ङा ख्रीस्त कली थमा सुइक्ब कली चहिं दोदेंशो शेंचा, दे ङोंइती कना ब्रेक्शा सोइक्ने थुम्तक। मेको आन कली ‘मूर्ति कली चढ़ेशो मजचा, हुश मब्वचा, हुश मचुइक्थु साइश्शो श्ये मब्वचा, तेल्लेम मपचा’ दे नेंपाइक्ने थुम्तक” दे माइक्तेक्म। प्रेरित १५:२१,२९
Romans 9:32 in Sunwar 32 मारदे ठीक दुम्ने मचबेम देंशा हना, थमा सुइश्शोमी ठीक दुम्चा ममालेम, रिती थिती ङा गेय रे ठीक दुम्चा माल्तेक्म। मोपतीके दाइल पाइब फुल्लुमी राम्साक्म। मत्ती २१:४१,४४; १पत्रुस २:८
Romans 11:9 in Sunwar 9 दाऊदमी “मेको आन भोज आन कली ग्याइली खोदेंशो दुम्ल। मेको आन कली बेक्तीक नु क्येक्क लेत्तीक दुम्ल।
Romans 14:13 in Sunwar 13 मोपतीके आंम आंमा मनाक्मुय। थमा सुइक्ब लोक्ब आन थुं खाइक्पाइक्चा ङा गेय मपमुय। १कोरिन्थी १०:३३
Romans 14:21 in Sunwar 21 मोपतीके श्ये मब्वथु, अङगुर शांबु मतूथु, इन लोक्ब आन कली थुं मखाइक्पाइक्थु, बाक्चा रिम्शो दुम्ब। रोमी १४:२; १कोरिन्थी १०:२५-२७
1 Corinthians 1:23 in Sunwar 23 मेको आन दाक्शो, आन माल्शा गाक्शो नेल्ल तुइश्शा यो गोमी चहिं “ख्रीस्त पाप क्याम्चा कली साइक्चा पुंइसाक्व” दे आन कली नेंपाइक्नीकी। मोदेंशो नेंपाइक्कानु, ख्रीस्त लांमी वोइश्शो फुल्लु खोदेंशो दुम्शा, यहूदी आन कली दाइल पाइक्ब। मिनु राम्सीनीम। अर्को रागी ङा मुरपुकीमी “मूर्ख लोव़ बाक्माक्त” दे काइ नेंचा मदाक्नीम। प्रेरित १७:३२; गलाती ५:११; १कोरिन्थी २:१४
1 Corinthians 6:13 in Sunwar 13 जचा थोव़क कोव़ज कली बाक्ब, कोव़ज जचा थोव़क कली बाक्ब। मिनु परमप्रभु यावेमी निम्फा आस कली जाम्शा लाइब सेल्शो बाक्ब। मुर आ रां ग्रांग्रा दिशो तेल्लेम पचा कली मसेल्शो बाक्ब। तन्न रां प्रभु कली सेल्शो बाक्ब। मिनु प्रभु यो रां कली सेल्शो बाक्ब। १थिस्सलोनिकी ४:३-५
1 Corinthians 7:2 in Sunwar 2 मो हना यो हेंथे मगाक्मल देंशा, ग्युंबे पा वोंइश मुर मीश का नु मीश मुर वोंइश का नु बाक्चा रिम्शो दुम्ब।
1 Corinthians 8:4 in Sunwar 4 मूर्ति कली चढ़ेशो श्ये ब्वचा आ पर्बम मार देंनुङ देंशा हना, मूर्तिपुकी सोक्त पाइश्शो मनम। मेकोपुकी नु मारेइ मबाक्ब। परमप्रभु यावे ङा लाक्शा सुइ मबाक्ब दे तुइक्ताक्य। ब्यवस्था ६:४
1 Corinthians 10:18 in Sunwar 18 आंइ इस्राएल ङा चढ़ेबपुकीमी चढ़ेशो गेय मिम्तीने। चढ़ेबपुकीमी मारेइ मारेइ क्योरशा, मेको चढ़ेशो जाइनीम ब्वाइनीम। मो पामेनु, चढ़ेतीके नु काथा बाक्शो खोदेंशो दुम्नीम। लेवी ७:६
Hebrews 13:4 in Sunwar 4 गे नेल्लेमी “ग्युंबे पशो रिम्शो बाक्ब” दे मिम्तीने। मुर आ मीश नु मुरु आ वोंइश मइम्मल। मीश वोंइश आस नाता ख्रोइक्ब नु तेल्लेम आन कली परमप्रभु यावेमी निसाफ पाइब।
1 Peter 2:8 in Sunwar 8 मिनु लेंशा “मेको फुल्लुमी मुर आन कली दाइल पपाइक्ब। मेको ठेयब फुल्लुमी मुर आन कली थिप्पाइक्ब” दे ब्रेक्शो बाक्ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्ब। भजन संग्रह ११८:२२; यसैया ८:१४; रोमी ९:३३; लूका २:३४
2 Peter 2:15 in Sunwar 15 ठीक लां प्रोंइशा, हेंथे गाक्शा, बेओर आ तौ बालाम माइश्शो मुर खोदेंशो दुम्तेक्म। बालाममी मार पशो बाक्त देंशा हना, मरिम्शो गेय पतीके रे ताक्शो क्येट शुश दाक्शो बाक्त। गन्ती २२:७-३५
Jude 1:11 in Sunwar 11 मेको आन पर्बम आबी। काइन खोदेंशो दुम्शो बाक्तेक्म। बालाम बुदी परमप्रभु यावे कली मटिथु, क्येट आ पर्बम दूली गेय पाइनीम। मिनु कोराह माइश्शो मुर खोदेंशो पा जाम्शा लाइनीम। उत्पत्ती ४:८; गन्ती ३१:१६; गन्ती १६:-
Revelation 2:4 in Sunwar 4 तन्न गो इन कली लोव़ का पचा माल्नुङ। मार लोव़ पचा माल्नुङ देंशा हना, ङोंइती गे आं कली थमा पा दाक्ताक्नी। मुल चहिं ङोंइती ङा खोदेंशो पा दाक्चा प्रोंइतीनी।
Revelation 2:20 in Sunwar 20 तन्न इन कली लोव़ का पचा माल्नुङ। मार लोव़ पचा माल्नुङ देंशा हना, गे इजेबेल माइश्शो मीश मुर कली इन ग्रुम्तीकेमी बाक्चा गेतीनी। इजेबेलमी ‘गो परमप्रभु यावेमी तुइक्पाइश्शो लोव़ पाइब नङ’ देंखु पा, आं गेय पाइब आन कली मरिम्शो पचा शेंताक्मी। मार मरिम्शो पचा शेंताक्मी देंशा हना, तेल्लेम पचा नु मूर्ति कली चढ़ेशो थोव़क जचा ब्वचा दुम्ब, दे शेंताक्मी। २राजा ९:२२
Revelation 21:8 in Sunwar 8 तन्न मुर तशा हिंबपुकी, परमप्रभु यावे कली थमा मसुइक्बपुकी, पापमी ग्रुम्शोपुकी, मुर आन कली साइक्बपुकी, तेल्लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्ल गन्धक रे हुरुर पा ब्रशो मीमी हुम्चा पुंइसीनीम। मिनु मेको नोले ङा बेक्तीक बाक्ब” दे माइक्ती।
Revelation 22:15 in Sunwar 15 सु सुमी चहिं टुना मुना पाइनीमी, तेल्लेम पाइनीमी, मुर साइक्नीमी, मूर्ति नु फुल्लु कली सेउ पाइनीमी। जोल पना पन बाक्नीमी। मेको कुचुम खोदेंशो पा सहर रे लाङगा बाक्नीमी” देंत। प्रकाश २१:८,२७; १कोरिन्थी ६:९-१०