Psalm 70 in Sunwar

1 कुम्‍सो पपाइक्‍ब कली मिम्‍पाइक्‍चा कली दाऊद आ कुम्‍सो। भजन संग्रह ४०:१४-१८ “परमप्रभु, आं कली राइक्‍चा कली रीब पा जाक्‍कीन। परमप्रभु यावे आं कली वारच पचा कली रीब पा जाक्‍कीन।

2 आं कली साइक्‍चा माल्‍बपुकी मुने दोक्‍शा, वाम ग्‍याम दुम्‍मल। आं कली मरिम्‍शो दुम्‍शो दाक्‍बपुकी प्रोक्‍शा, ठेयब मुने दोक्‍मल।

3 मिनु सुमी आं पर्बम ‘ठीक दुम्‍त!’ देंमा, मेको मुने पा लल गोंगो जिमल।

4 तन्‍न सु सुमी इन कली माल्‍नीमी, मेकोपुकी इन पर्बम ग्‍येरशा सोम्‍शा बाक्‍मल। सु सुमी इन पाप रे प्रोंइतीक दाक्‍नीमी, मेकोपुकीमी गेना हना यो ‘परमप्रभु ठेयब बाक्‍ब’ देंमल।

5 गो प्रुङग नु श्‍येत जाइब बाक्‍ती हना यो, परमप्रभु रीब पा आं बाक्‍तीक जाक्‍कीन। गे आं कली वारच पाइब नु आं कली राइक्‍ब बाक्‍नीनी। परमप्रभु यावे, रीब पा जाक्‍कीन” दे पुंइता।