Psalm 61 in Sunwar

1 कुम्‍सो पपाइक्‍ब कली तार पाइश्‍शो ताप्‍तीके ताप्‍शा पतीक, दाऊद आ कुम्‍सो। परमप्रभु, आं ब्रेश्‍‍शो नेनीन। आं पुंइशो लोव़ नेनीन।

2 गो ङोन रागी रे इन कली ब्रेत्‍नुङ। आं थुं ग्‍येत्‍थ लुक्‍च दुम्‍मेनु, ब्रेत्‍नुङ। आं कली लाइश्‍शो सेरथे फुल्‍लु तार लाइय्‍यीनी।

3 मारदे हना गे आं ख्रुइक्‍तीके बाक्‍नीनी। गे ङोंइती रे आं जोरी सत्रुमी मथित्‍तीके बोल्‍यो लाइश्‍शो खिं बाक्‍नीनी। भजन संग्रह ७१:३; हितोपदेस १८:१०

4 गे आं कली इन ताम्‍बुमी गेना हना यो बाक्‍चा गेने। मिनु इन फ्रां आगाम ख्रुंइसीनुङ।ठेयब सेंदा पा।भजन संग्रह १७:८

5 परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी।

6 पिप कली शुश ब्रोंइतीक नाक्‍त गेने। शुश पाला सम्‍म आ ब्रोंइतीक नाक्‍त बारपतीन। भजन संग्रह २१:५

7 मेको परमप्रभु आ ङोंइती गेना हना यो आ नित्‍तीकेम बाक्‍चा तवल। इन गेना हना यो दाक्‍तीके नु इन दाक्‍शा मप्रोंइतीकेमी मेको कली खाल पपतीन। २सामुएल ७:१६

8 मेना गो इन नें गेना हना यो ठेयब सेल्‍तीक कुम्‍सो पाइनुङ। मिनु नाक्‍त किंत किंत गो आं कसम जशो खाप्‍नुङ।