Psalm 39 in Sunwar
1 कुम्सो पपाइक्ब येदुथून कली। दाऊद आ कुम्सो। मिनु गो “गो आं गेय नेल्ल होस पा पाइक्नुङ। गो लोव़ पचा यो होस पा पाइक्नुङ। मरिम्शो पाइबपुकी आं नेक्था बाक्तेक्म हना, गो सिक्सी पा बाक्नुङ” देंती।
2 गो मब्वाक्थु, सिक्सी पा बाक्ती। मिनु रिम्शो लोव़ यो मपथु, आं थुं ङा श्येत बारत। भजन संग्रह ३८:१४
3 आं थुं चोशो बाक्त। शुश मिम्शा, मी ब्रशो खोदेंशो दुम्ती।
4 “परमप्रभु यावे, आं बेक्तीक नाक्त कोंइदीनी। आं ब्रोंइचा गिश नाक्त लीमे तुइक्पाइय्यीनी। गो रीब पा जाम्शा लाइब मुर बाक्नुङ। भजन संग्रह ९०:१२; अय्युब १४:५
5 गे आं ब्रोंइतीक नाक्त बित्ता का निक्शी खोदेंशो सेल्तीनी। आं ब्रोंइतीक नाक्त इन ङोंइती मारेइ ममाइ। मुर नेल्ले आन ब्रोंइतीके जाम्शा लाइब फश खोदेंशो बाक्नीम” देंती। भजन संग्रह ९०:५-६ठेयब सेंदा पा।
6 मुरपुकी वांकु खोदेंशो पा गाक्शो बाक्नीम। मेकोपुकी मोशा सुर्ता पाइनीम। शुश शोंप तेल्नीम। मेको सुम जाइबा मतुइक्नीम। भजन संग्रह ४९:१७-२१; उपदेसक २:१८-२१; लूका १२:१५-२१
7 “परमप्रभु, गो मार कली रिम्ना रिम्न बाक्नुङा? गो इन लां ला कोव़शा बाक्नुङ।
8 आं मरिम्शो पशो रे प्रोंइयीनी। मूर्खपुकीम आं कली शुक्शी मपामेक्ल।
9 गो सिक्सी पा बाक्शा मब्वाक्ङ। मारदे हना गे मो पपाइक्तीनी।
10 इन याम पाइश्शो लेत्तीन। गो इन तुप्शोमी जाम्शा लाइब दुम्ती।
11 गे मुर आन कली पाप पशो आ पर्बम तुप्तीनी। आ दाक्शो तुाम्बुम वा नेक्शो खोदेंशो पा जाम्शा लाइब। थमा पा मुर नेल्ले आन ब्रोंइतीक जाम्शा लाइब फश खोदेंशो बाक्नीम। ठेयब सेंदा पा।
12 परमप्रभु यावे, आं पुंइशो लोव़ नेनीन। आं वाइ ब्रेश्शो नेनीन। आं ङाक्शो तशा, वारच पाइय्यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३
13 आं बेक्चा ङोंइती आं पर्बम गाइक्चा प्रोनीन। मिनु गो लेंशा ग्येरशा बाक्चा तङल” दे पुंइता।