Psalm 29 in Sunwar
1 दाऊद आ कुम्सो। गे सक्ति पाइश्शो आन तौपुकी, परमप्रभु यावे कली “गे सक्ति नु छेङछेङ पाइश्शो बाक्नीनी” देनीन। भजन संग्रह १०३:२०-२१
2 गे परमप्रभु यावे कली “इन नें नेल्ल आन क्येङा ठेयब बाक्ब” देनीन। गे परमप्रभु यावे आ दाक्तीकेमी ग्योम्सीशा परमप्रभु यावे आ ङोंइती बाप्पीन।
3 परमप्रभु यावे आ सेंदा ब्वाक्कु तारी बाक्ब। छेङछेङ ङा परमप्रभुमी ठेयब ब्वाक्कु तारी बुंबु पपाइक्ब। परमप्रभु यावे ब्वाक्कु तारी बाक्ब।
4 परमप्रभु यावे आ सेंदा सक्ति पाइश्शो बाक्ब। परमप्रभु यावे आ सेंदा नेल्ल मान ततीक बाक्ब।
5 परमप्रभु यावे आ सेंदामी लेबानोन ङा लाइश्शो रवा आन कली जिक्ब। परमप्रभु यावे आ लोव़मी लेबानोन ङा लाइश्शो रवा आन कली जिक्ब।
6 मेकोमी लेबानोन डांडा कली बाछा नु हेरमोन डांडा कली ब्वाकी ङा ब्यफ खोदेंशो पा प्रेक्पाइक्ब। ब्यवस्था ३:८-९
7 परमप्रभु यावे आ सेंदा चिला खोदेंशो बाक्ब।
8 परमप्रभु यावे आ सेंदामी गोरशो रागी हिम्पाइक्ब। परमप्रभु यावेमी कादेश माइश्शो गोरशो रागी हिम्पाइक्ब।
9 परमप्रभु यावे आ सेंदामी ठेयब रवा कली जिक्पाइक्ब। ब्वाकी ङा रवा नेल्ल शोल्मो पा खोल्ब। मिनु नेल्लेमी “परमप्रभु ला ठेयब बाक्ब” दे आ बाक्तीकेमी लोव़ पाइनीम।
10 परमप्रभु यावे आ ठेयब नित्तीके ब्वाक्कु तारी बाक्ब। मेको आ ठेयब नित्तीकेम निश्शा, गेना हना यो सासन पाइब।
11 परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्पाइक्ब।