Psalm 101 in Sunwar
1 दाऊद आ कुम्सो। परमप्रभु यावे, गो इन दाक्शा मप्रोंइतीक नु इन ठीक निसाफ पतीक आ पर्बम इन कली कुम्सो पाइनुङ।
2 गो दोस मततीक लां शेंसीचा दाक्नुङ। गो मेको गेना पने चाप्नुङा? गो आं खिंमी रिम्शो थुं पाइश्शो मुर दुम्शा बाक्चा दाक्नुङ।
3 गो मारेइ मरिम्शो मिम्शा कोव़चा मदाक्नुङ। नोले शोंइसीब आन पतीके काइ मदाक्नुङ। गो मोदेंशो मदुम्ङल। हितोपदेस २०:८,२८
4 दूली पतीक थुं आं क्येङा ङोन बाक्चा माल्ब। मिनु गो मरिम्शो पतीके यो तुइक्चा मदाक्नुङ।
5 सु आ नेक्था ङा मुर आन पर्बम मरिम्शो लोव़ पाइबा, गो मेको कली खतम सेल्नुङ। ठेयब लेश्शो नु बोरशो थुं पाइश्शो मुर आन कली आं नेक्था बाक्चा मगेनुङ।
6 गो रागी ङा थमा सुइक्चा पुंइसीब मुर आन कली दाक्शा कोव़नुङ। मिनु गो नु बाक्चा गेनुङमी। सु सु दोस मततीक लां गाक्नीमी, मेको आन कली आं गेय पाइब सेल्नुङमी। हितोपदेस २२:११
7 दूली पाइब आन कली आं खिंम बाक्चा मगेनुङमी। जोल पाइबपुकी आं ङोंइती बाक्चा मताइनीम।
8 गो सुनी कुस कुस रागीम बाक्ब परमप्रभु आ अरेशो लोव़ मटीब आन कली खतम सेल्नुङमी। मोपा परमप्रभु यावे आ सहरम बाक्ब मरिम्शो पाइब मलीनीम। हितोपदेस २०:२६