Matthew 7:11 in Sunwar 11 गेपुकी मरिम्शो बाक्तीनी हना यो, इन तमी तौ आन कली रिम्शो थोव़क गेस जोक्नीनी। इन पशो क्येङा स्वर्गमी बाक्ब इन आफोमी आ कली पुंइब आन कली रिम्शो थोव़क मगेब ङा?
Other Translations King James Version (KJV) If ye then, being evil, know how to give good gifts unto your children, how much more shall your Father which is in heaven give good things to them that ask him?
American Standard Version (ASV) If ye then, being evil, know how to give good gifts unto your children, how much more shall your Father who is in heaven give good things to them that ask him?
Bible in Basic English (BBE) If you, then, being evil, are able to give good things to your children, how much more will your Father in heaven give good things to those who make requests to him?
Darby English Bible (DBY) If therefore *ye*, being wicked, know [how] to give good gifts to your children, how much rather shall your Father who is in the heavens give good things to them that ask of him?
World English Bible (WEB) If you then, being evil, know how to give good gifts to your children, how much more will your Father who is in heaven give good things to those who ask him!
Young's Literal Translation (YLT) if, therefore, ye being evil, have known good gifts to give to your children, how much more shall your Father who `is' in the heavens give good things to those asking him?
Cross Reference Genesis 6:5 in Sunwar 5 मिनु परमप्रभु यावेमी “रागीम बाक्शो मुर आं अरेशो मटीब नु मरिम्शो पाइब ला बाक्नीम। मार मिम्ताक्म हना यो, मरिम्शो बाक्त” दे मिम्ता बाक्त। उत्पत्ती ८:२१
Genesis 8:21 in Sunwar 21 मिनु परमप्रभु यावेमी मेको ब्रोव़शो रिना नाम्शा, ग्येरसे बाक्त। आ थुंमी “मुरुम मरिम्शो पतीकेम खप कली मुल सराप गेनायो मपाइनुङ। मुर आ थुं मरिम्शो बाक्त हना यो, गेनायो सराप मपाइनुङ। गो ब्रोंइशा बाक्ब नेल्ल आन कली साइश्शा क्याम्ताक्ङ। मोदेंशो गेनायो लेंशा मपाइनुङ। उत्पत्ती ६:५; अय्युब १४:४; भजन संग्रह १४:३; मत्ती १५:१९; रोमी ३:२३
Exodus 34:6 in Sunwar 6 मिनु परमप्रभु यावे मोसा आ नेक्था गाक्ना गाक्न “यावे, यावे, शिशी पाइब नु दाक्ब परमप्रभु बाक्ब। रीब पा मगाइक्ब। गेना हना यो शिशी पाइब नु आ दाक्चा मप्रोंइब बाक्ब। प्रस्थान ३३:१८-२६; गन्ती १४:१८; भजन संग्रह १०३:८; नहुम १:३; १यूहन्ना ४:१६
2 Samuel 7:19 in Sunwar 19 आं कली पशो इन ङोंइती आइक्च बाक्ब। गे इन गेय पाइब आ खिं आ पर्बम नोले दुम्ब लोव़ यो पाइतीनी। परमप्रभु यावे, मेको इन मुर आन कली अरेशो लोव़ बाक्ब।
Job 15:16 in Sunwar 16 मेको आन क्येङा ग्रांग्रा दिशो नु खराप दुम्शो कली दोपा थमा सुइक्बा ङा? मेकोमी मरिम्शो पतीक ब्वाक्कु तूशो खोदेंशो पा तूब कली दोपा थमा सुइक्बा ङा?
Psalm 84:11 in Sunwar 11 मारदे हना परमप्रभु, परमप्रभु यावे नां नु तेक्तीक बाक्ब। परमप्रभु यावेम ठेयब दुम्तीक नु मान गेब। मेकोमी ठीक लां खोइक्ब आन कली रिम्शो पाइब।
Psalm 85:12 in Sunwar 12 परमप्रभु यावेमी मार रिम्शो बाक्मे, मेको गेब। मिनु आंइ रागीम बाली नाली ग्रेल्पाइक्ब।
Psalm 86:5 in Sunwar 5 परमप्रभु, गे रिम्शो पाइब नु माफ गेब बाक्नीनी। इन कली पुंइब नेल्ल आन कली गेना हना यो दाक्नीनी।
Psalm 86:15 in Sunwar 15 तन्न परमप्रभु, गे दाक्ब नु शिशी पाइब परमप्रभु बाक्नीनी। रीब पा मगाइक्ब, गेना हना यो दाक्शा मप्रोंइब बाक्नीनी। भजन संग्रह १०३:८; प्रस्थान ३४:६
Psalm 103:11 in Sunwar 11 रागी रे सरीङ दोशो इर बाक्बा, मोशोन आ गेना हना यो दाक्तीके आ कली मान पा हिंब आन कली पशो बाक्ब। भजन संग्रह ३६:६; यसैया ५५:८-९
Isaiah 49:15 in Sunwar 15 मिनु परमप्रभुम “सुइ मीश मुरुम आ दूध तूब आल कली प्रेंबा ङा? आंम आ आल कली शिशी मपाइबा ङा? मेकोम आ आल कली प्रेंने चाप्तु हना यो, गो इ कली मप्रेंनुङ। उत्पत्ती २१:१६; १राजा ३:२६; येरमीया ३१:२०
Isaiah 55:8 in Sunwar 8 परमप्रभु यावेमी “आं मिम्शो इन मिम्शो खोदेंशो ममाइ, इन लां आं लां खोदेंशो ममाइ। रोमी ११:३३
Jeremiah 17:9 in Sunwar 9 मुर आन थुं नेल्ल क्येङा जोल पाइब बाक्ब। गेना हना यो दूली पाइब बाक्ब। मेको कली सुम रुप्ने चाप्बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६
Jeremiah 33:14 in Sunwar 14 परमप्रभु यावेम “इस्राएल आ खिं ङा मुर नु यहूदा आ खिं ङा मुर आन कली आं थोक्शा पशो लोव़ खाप्तीक नाक्त थमा पा जाक्ना जाक्न बाक्नीम। येरमीया २३:५-६; जकरिया ३:८
Hosea 11:8 in Sunwar 8 एफ्राइम, गो इ कली दोपा प्रोंइने चाप्नुङा? इस्राएल, गो इ कली दोपा इ जोरी सत्रु आन गुइमी गेने चाप्नुङा ङा? गो इ कली दोपा अदमाह कली पाइश्शो खोदेंशो पाइनुङा ङा? गो इ कली दोपा सेबोयीम खोदेंशो सेल्नुङा ङा? मुल आं थुं फांइसाक्व। गो गाइक्चा रे लेश्शा, शिशी पाइब दुम्ती। ब्यवस्था २९:२२; येरमीया ३१:२०
Hosea 14:2 in Sunwar 2 परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्ल क्याम्दीने! आंइ कली शिशी पा ब्रने। गो इन नें ठेयब सेल्नीकी। हिब्रू १३:१५
Micah 7:18 in Sunwar 18 इन खोदेंशो परमप्रभु अर्को सु बाक्बा ङा? गे ठीक मपशो क्याम्ब बाक्नीनी। इन लीशो मुर आन मरिम्शो पतीके माफ गेनीनी। गे गेना हना यो गाइक्स ङा गाइक्स मबाक्नीनी। तन्न शिशी पचा कली ग्येरशा बाक्नीनी। भजन संग्रह १०३:३,८-१३
Malachi 1:6 in Sunwar 6 मिनु मुर नेल्ल आन परमप्रभु यावेमी आ नें आइक्च सेल्ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्च सेल्का?” देंतीनी। प्रस्थान २०:१२
Luke 2:10 in Sunwar 10 तन्न परमप्रभु यावे आ स्वर्ग ङा गेय पाइबमी “महिनीने। गो इन कली नु मुर नेल्ल आन कली ग्येरपाइक्ब लोव़ नेंपाइक्थ जाक्ती।
Luke 11:11 in Sunwar 11 तौमी आ आफ कली ‘ङांइ ब्वाइनुङ’ दे पुंइतु हना, मार, आ आफोमी ङांइ, दे बुस्स ब्वचा गेबा ङा? मत्ती ७:९
John 3:16 in Sunwar 16 परमप्रभु यावेमी रागी ङा मुर आन कली शुश दाक्ताक्व। मोपतीके आ कांइचीक तौ रागीमी सोइक्ताक्व। सु सुमी मेको कली थमा सुइक्नीमी, मेकोपुकी नरक मलाइनीम। तन्न गेना हना यो परमप्रभु यावे नु बाक्चा ताइनीम। रोमी ५:८; रोमी ८:३२; १यूहन्ना ४:९
Romans 3:9 in Sunwar 9 मिनु मार देंचा देंशा हना, अर्को जात क्येङा गो यहूदी रिम्शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४
Romans 3:19 in Sunwar 19 अरेशो लोव़ अरेशो टीब आन कली ब्रेक्शो बाक्ब। मेको लोव़ मटिम्तेक्म हना, सिक्सी पचा माल्नीम। यहूदी नु रागी ङा मुर नेल्ल पापी दुम्तेक्म। मोपतीके परमप्रभु यावेमी मुर नेल्ल आन कली निसाफ पाइब। रोमी २:१२; गलाती ३:२२
Romans 5:8 in Sunwar 8 तन्न परमप्रभु यावेमी इं कली शुश दाक्शा, गो पापी, इं बेक्चा आ पा ङा ख्रीस्त कली बेक्चा गेप्तु। यूहन्ना ३:१६; १यूहन्ना ४:१०
Romans 8:32 in Sunwar 32 परमप्रभु यावेमी इं कली दाक्शा, आ दाक्शो तौ कली इं पाप क्याम्चा कली बेक्चा गेप्तु। मोपा आ दाक्शो तौ लाइ गेवानु, इं कली मार मार माल्या, मेको मगेबा ङा? गेब।
2 Corinthians 9:8 in Sunwar 8 परमप्रभु यावेमी इन कली माल्शो क्येङा शुश गेने चाप्ब। मिनु मारेइ मारेइम गाप्शा, मारेइ वारच पचा ङा गेय बाक्त हना यो, गे पने चाप्नीनी।
Galatians 3:22 in Sunwar 22 तन्न परमप्रभु यावेमी ब्रेक्पाइश्शो लोव़मी “मुर नेल्ल पाप आ वाइलीम वाइल दुम्शो बाक्नीम” दे ब्रेक्शो बाक्ब। सु सुमी येसु ख्रीस्त कली थमा सुदमे, मेको आन थमा सुइश्शोमीन “पाप रे ब्रोंइचा ताइनीम” दे गेशो लोव़ खाप्शो ताम्तेक्म। रोमी ३:९-२०; रोमी ११:३२
Ephesians 2:1 in Sunwar 1 गेपुकी ङोंइती बेक्शो मुर खोदेंशो बाक्तीनी। दोपा मोदेंशो बाक्तीनी देंशा हना, मरिम्शो पशा, परमप्रभु यावे कली मटिथु, हेंथे गाक्शो बाक्तीनी। लूका १५:२४,३२; कलस्सी २:१३
Titus 3:3 in Sunwar 3 ङोंइती गो मरुप्ब बाक्तय। परमप्रभु यावे कली मटीब बाक्तय, हेंथे गाक्ब, मार मार दाक्तय, मेको दला दाक्स पाइब बाक्तय। ग्रांग्रा दिचा ङा गेय पाइब बाक्तय। गो मरिम्शो पा गेहे पाइतय। मिनु गोपुकी काइ मदाक्मुय। १कोरिन्थी ६:११; एफिसी २:२; एफिसी ५:८; १पत्रुस ४:३
James 1:17 in Sunwar 17 हाइश्शो नु रिम्शो ठीक मिम्तीके थुं नेल्ल परमप्रभु यावे रे जाक्ब। मिनु परमप्रभु यावे छेङछेङ कली सेल्ब बाक्ब। मोपतीके परमप्रभु यावे छेङछेङमी बाक्ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्ना १:५
1 John 3:1 in Sunwar 1 इं आफोमी इं कली शुश दाक्शा “परमप्रभु यावे आ तमी तौ” दे नें वोइश्शो बाक्त। मिनु गोपुकी आ तमी तौ दुम्तय। मोपतीके रागी ङा मुरपुकीमी इं कली मतुइक्नीम। मारदे मतुइक्नीम देंशा हना, मेकोपुकीमी येसु ख्रीस्त कली यो मतुइक्नीम। यूहन्ना १:१२; यूहन्ना १६:३
1 John 4:10 in Sunwar 10 मिनु परमप्रभु यावे आ दाक्चा मार बाक्ब देंशा हना, गोपुकी ङोंइती परमप्रभु यावे कली काइ मदाक्ताक्य हना यो, परमप्रभु यावेमी इं कली दाक्ताक्व। गिश दाक्ताक्व देंशा हना, आंम तौ कली साइक्चा पुंइसीब पपाइक्चा कली रागीमी सोइक्ताक्व। इं कली मरिम्शो गेय नु सैतान आ राज्य रे प्रोंइचा, दे साइक्चा पुंइसीचा कली रागीमी सोइक्ताक्व।