Matthew 6:24 in Sunwar 24 सुइमी होव़प निक्शी आस गेय पने मचाप्ब। मारदे हना का कली मदाक्ब, का कली दाक्ब। का कली मान पा टीब, का कली मान मपथु मटीब। परमप्रभु यावे नु शोंप निम्फा आस कली गेय पने मचाप्नीनी। लूका १६:१३; याकूब ४:४
Other Translations King James Version (KJV) No man can serve two masters: for either he will hate the one, and love the other; or else he will hold to the one, and despise the other. Ye cannot serve God and mammon.
American Standard Version (ASV) No man can serve two masters; for either he will hate the one, and love the other; or else he will hold to one, and despise the other. Ye cannot serve God and mammon.
Bible in Basic English (BBE) No man is able to be a servant to two masters: for he will have hate for the one and love for the other, or he will keep to one and have no respect for the other. You may not be servants of God and of wealth.
Darby English Bible (DBY) No one can serve two masters; for either he will hate the one and will love the other, or he will hold to the one and despise the other. Ye cannot serve God and mammon.
World English Bible (WEB) "No one can serve two masters, for either he will hate the one and love the other; or else he will be devoted to one and despise the other. You can't serve both God and Mammon.
Young's Literal Translation (YLT) `None is able to serve two lords, for either he will hate the one and love the other, or he will hold to the one, and despise the other; ye are not able to serve God and Mammon.
Cross Reference Joshua 24:15 in Sunwar 15 तन्न परमप्रभु यावे आ नें ठेयब सेल्चा मदाक्नीनी हना, सु कली ठेयब सेल्नीनी? मुलाक्ती योव़ङीन। गे इन किकी पिपीमी खोला आइक्ची हांबुम पूजा पशो देवी देवता आन कली ठेयब सेल्नीनी देय मुल बाक्शो एमोरी आन रागी ङा देवी देवता आन कली ठेयब सेल्नीनी? योव़ङीन। तन्न गो नु आ खिं ङा मुरुमी परमप्रभु यावे कली ला ठेयब सेल्नीकी” देंत। ब्यवस्था ६:१३-१४
Joshua 24:19 in Sunwar 19 मिनु यहोसुमी मुर आन कली “गेपुकीमी परमप्रभु यावे कली ठेयब सेल्ने मचाप्नीनी। मारदे हना मेको का ला परमप्रभु नु रुश पाइब परमप्रभु बाक्ब। मिनु मेकोमी इन मरिम्शो पशो नु इन पाप मक्याम्ब। ब्यवस्था २९:३; प्रस्थान २०:५
1 Samuel 7:3 in Sunwar 3 मिनु सामुएलमी इस्राएली नेल्ल आन कली “गे इन थुं नेल्लेमी परमप्रभु यावे गे लेत्चा दाक्ताक्नी हना, इन दाते रे अर्को रागी ङा देवी देवता नु अश्तारोथ माइश्शो मूर्ति पाइश्शो थाम नेल्ल ग्रुंइदीन। मिनु इन थुं नेल्लेमी परमप्रभु यावे कली ला ठेयब सेलीने। मिनु मेकोम इन कली पलिस्ती आन गुइ रे प्रोंइब” देंमाक्त। उत्पत्ती ३५:२; यहोसु २४:२३
1 Kings 18:21 in Sunwar 21 मिनु एलीया मुर नेल्ल आन ङोंइती राप्शा “गे गेना सम्म थुं निक्शी पा बाक्नीनी? परमप्रभु यावे, थमा परमप्रभु बाक्ब देंनीनी हना, मेको आ नोले खोतीन। बालन परमप्रभु बाक्ब देंनीनी हना, मेको आ नोले खोतीन” देंमाक्त। तन्न मुरपुकीम लोव़ का यो मलेत्थु, सिक्सी पा बाक्मा बाक्त। यहोसु २४:१४; मत्ती ६:२४
2 Kings 17:33 in Sunwar 33 मिनु मोपा मेकोपुकीम परमप्रभु यावे कली ठेयब सेल्शा, आंम आन देवी देवता आन कली यो पूजा पामे बाक्त। तेको रागी रे चाक्शो बाक्मा, मेको आन देवी देवता आन पतीक पशा, पूजा पामे बाक्त।
2 Kings 17:41 in Sunwar 41 मेको रागी रागी ङा मुरपुकीमी परमप्रभु यावे कली ठेयब सेल्शा यो आन मुशा सेल्शो मूर्ति आन कली पूजा पामे बाक्त। मुल सम्म आन चच युइमी आन किकी पिपीम पशो खोदेंशो पना पन बाक्नीम।
Ezekiel 20:39 in Sunwar 39 ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्नीनी हना, मुल रे गे नेल्लेम इन इन मूर्ति आन कली पूजा पने। तन्न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।
Zephaniah 1:5 in Sunwar 5 खिं तार बाक्शा, नां तास्ला नु सोरुल आन ङोंइती बाप्ब, परमप्रभु यावे आ ङोंइती बाप्शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१
Matthew 4:10 in Sunwar 10 मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्शो बाक्ब” देंमाक्त। ब्यवस्था ६:१३
Luke 16:9 in Sunwar 9 मोपतीके गे यो निप्स पाइश्शो गेय पा वारचपुकी सेलीने। इन शोंप क्येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्त। लूका १४:१४; मत्ती ६:२०; मत्ती १९:२१
Luke 16:11 in Sunwar 11 मोपतीके गे रागी ङा क्येट आ पर्बम जोल पाइब दुम्तीनी हना, स्वर्ग ङा शोंप दोपा ताइब दुम्ने चाप्नीनी?
Luke 16:13 in Sunwar 13 गेय पाइब कामी होव़प निक्शी आस गेय पने मचाप्ब। मारदे हना का आ देंशो टिप्तु हना, अर्को कली मटीब दुम्ब। का कली दाक्ताक्व हना, अर्को कली चहिं काइ मदाक्ब। मोपतीके गे यो परमप्रभु यावे नु शोंप निक्शी आस नोले खोइक्ने मचाप्नीनी” दे येसुमी शेंदीमी बाक्त। मत्ती ६:२४
Romans 6:16 in Sunwar 16 तेको होव़प आ वाइली दुम्या, मेको होव़प कली टिचा माल्नय, दे मतुइक्नीनी? “पाप पना पन बाक्य” देंतीनी हना, पाप आ वाइली दुम्शा, बेक्नीनी। “परमप्रभु यावे आ देंशो टिय” देंतीनी हना, परमप्रभु यावे आ वाइली दुम्शा, ठीक पाइब दुम्नीनी। यूहन्ना ८:३४
Galatians 1:10 in Sunwar 10 मार, गो मुर आन थुं नुपाइक्चा माल्नुङा ङा? गो परमप्रभु यावे आ थुं कका नुपाइक्चा माल्नुङ। गो मुर आन थुं नुपाइक्तीके लोव़ पाता हना, ख्रीस्त आ गेय पाइब माइक्चा मपुंइसीनुङ। १थिस्सलोनिकी २:४-६
1 Timothy 6:9 in Sunwar 9 तन्न सु सु शुश क्येट थीब दुम्चा दाक्नीमी, मेको आन थुं थाम्चा पुंइसीशा, ग्याइलीम रेश्शो खोदेंशो पा, निप्स मपाइश्शो नु श्येत जाइब दुम्नीम। आंम कली खतम सेल्सीशो बाक्नीम। हितोपदेस २८:२२; मत्ती १३:२२
1 Timothy 6:17 in Sunwar 17 गे मुल शुश क्येट थीब आन कली “ठेयब लेश्शो मदुमीन। जाम्शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्शा गेब। आ गेशो तशा ग्येरसीन” दे माइक्मी। भजन संग्रह ६२:११; लूका १२:१५-२१
2 Timothy 4:10 in Sunwar 10 मारदे हना डेमासमी रागी ङा गेय दाक्शा, आं कली प्रोंइती। मिनु थिस्सलोनिकी सहर लत। क्रेसेन्स गलातीया नु तीतस डाल्मातीया रागी लाम्ताक्स। कलस्सी ४:७,१०,१४
James 4:4 in Sunwar 4 गे परमप्रभु यावे आ लां प्रोंइशा हेंथे गाक्बपुकी, गे थमा मसुइक्ब आन वारच बाक्तीनी हना, परमप्रभु यावे आ जोरी सत्रु दुम्नीनी। सु थमा मसुइक्ब आन वारच दुम्चा माल्बा, मेको परमप्रभु यावे नु जोरी सत्रु दुम्ब। लूका ६:२६; रोमी ८:७; १यूहन्ना २:१५
1 John 2:15 in Sunwar 15 गेपुकी रागी नु रागी ङा थोव़क कली मदाक्तीन। सु चहिं रागी कली दाक्बा, मेको आ थुंमी इं आफ, परमप्रभु यावे आ दाक्शो मबाक्ब। याकूब ४:४