Cross Reference Genesis 4:5 in Sunwar 5 तन्न काइन आ चढ़ेशो मब्रवा बाक्त। मिनु काइन आ कुल राव किक्पा चुरमाक्त। प्रस्थान ३३:१९; हिब्रू ११:४
Genesis 37:4 in Sunwar 4 मिनु आ लोक्बपुकीमी “आफोम नेल्ल क्येङा योसेफ कली दाक्ताक्व” दे तुइश्शा, योसेफ कली मदाक्तमे बाक्त। मिनु योसेफ नु रिम्शो लोव़ यो मपामे बाक्त।
Genesis 37:8 in Sunwar 8 आ लोक्बपुकीम “गे आंइ कली अरेब दुम्नेवे? आंइ कली हुकुम पाइब दुम्नेवे?” दे गाइश्शा देंमा बाक्त। मिनु योसेफ कली आ ङोमु नु आ देंशो आ पर्बम ङोंइती क्येङा मदाक्तमे बाक्त।
Deuteronomy 15:11 in Sunwar 11 मारदे हना रागीम श्येत जशो प्रुङगपुकी गेना हना यो बाक्नीम। मोपतीके गो इन कली इन रागीम बाक्शो श्येत जाइब इन लोक्ब नु प्रुङग आन कली तशा, हाइश्शो मुर दुम्शा गेन। मत्ती २६:११; यसैया ५८:७; याकूब २:१५-१६
Deuteronomy 18:18 in Sunwar 18 मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्ब आन दाते रे का योव़नुङ। आं देंचा माल्शो लोव़ गो मेको कली देंपाइक्नुङ। मिनु आं अरेशो लोव़ मेकोमी नेल्ले मुर आन कली देंब। प्रस्थान ४:१२; यसैया ६:८; येरमीया १:९; मत्ती १०:१९
1 Samuel 17:27 in Sunwar 27 मिनु मेको आ पर्बम मार दुम्बा? मेको कली साइक्ब मुर कली मार पांइसीबा, दे मुरपुकीमी दाऊद कली शेंदमे बाक्त।
1 Samuel 18:8 in Sunwar 8 मिनु सावल थाम्पा गाइक्ता बाक्त। मेको लोव़ नेंशा थाम्पा आ थुं खुरसे बाक्त। मेकोमी दाऊद कली चहिं “१० हजार, हजार तन्न आं कली चहिं हजार हजार ला देंतेक्म। मुल मेको कली पिप सेल्चा का ला लीत” दे मिम्ता बाक्त।
1 Samuel 20:30 in Sunwar 30 मिनु सावल योनाथन नु गाइश्शा मेको कली “गे दूली पाइब नु मटीब मीश आ तौ, गे येस्से आ तौ कली वारच सेल्शा, मुने दोक्शो बाक्नेवे। मिनु इ ममा इ कली जरमेशो आ पर्बम मुने दोक्त।
1 Samuel 22:12 in Sunwar 12 मिनु सावलम “ए अहीतुब आ तौ नेनो” देंमाक्त। मिनु मेकोमी “दुम्ब, आं प्रभु” देंमाक्त।
2 Samuel 6:20 in Sunwar 20 मिनु दाऊद आ खिं ङा मुर आन कली आसीक गेथ लेम्मेनु, सावल आ तमी मिकाल मेको कली ग्रुम्थ लाङगा ग्रूशा पिमाक्त। मिनु मेकोम “मुलाक्ती इस्राएल ङा पिप थम ठेयब मिम्सीशो बाक्त। मेको मुलाक्त आ गेय पाइब वाइलीम आन ङोंइती शिश्रा दुम्शा, मुने मपाइश्शो आइक्च मुर खोदेंशो दुम्त” देंमाक्त।
2 Samuel 16:7 in Sunwar 7 शिमेइमी “लावो, लावो, ए मुर साइक्ब नु मरिम्शो पाइब” दे ग्रीशा, सराप पवा बाक्त।
1 Kings 21:4 in Sunwar 4 मोपतीके आहाब आ थुं खुरसीशा गाइश्शा आ खिं लमाक्त। मारदे हना येज्रेली नाबोथमी “आं किकी पिपी आन गेशो रू इन कली मगेनुङ” देंशो बाक्माक्त। मिनु मेको आ कुल किरशा आ ब्राख्येम इप्शा बाक्माक्त। जने यो मबिस्से बाक्त।
2 Chronicles 16:10 in Sunwar 10 मिनु परमप्रभु यावे आ लोव़ पाइबम मोदेंशो लोव़ पा, आसा कली शुश गाइक्पदा बाक्त। मिनु मेको कली फ्रेंशा चोक्शा वोइक्पदा बाक्त। मेना पिप आसामी का निक्शी अरु मुर आन कली यो काइ मरिम्शो पवा बाक्त। २इतिहास १८:२६; मत्ती १४:३
Nehemiah 5:8 in Sunwar 8 मिनु गो मेको आन कली “गोपुकीमी अर्को रागीम लेयशो वाइलीम वाइल दुम्शो आंइ लोक्ब यहूदी आन कली आंइ चाप्शो थाप्शा, मुर आन गुइ रे प्रोंइतक। गेपुकी चहिं आंम इन लोक्ब रागी रागी ङा मुर आन कली लेयनीनी? मिनु मेकोपुकीम गो आंमान लेंशा ग्याप्चा माल्नीकी?” दे शुश हुइक्ताक्ङ। मिनु मेकोपुकी सिक्सी पा मारेइ मदेंम। लेवी २५:४७-४९
Esther 3:5 in Sunwar 5 मिनु मोरदेकैमी आ ङोंइती बाप्शा, सेउ पा मान मपशो तशा, हामान साप्पा चुरमाक्त।
Psalm 7:4 in Sunwar 4 गो गे नु दुशा बाक्ब आन कली श्येत गेता हना, आं कली बित्चीम श्येत गेमेनु, गो क्येक्क लेत्ताक्ङमी हना,
Psalm 14:1 in Sunwar 1 कुम्सो पपाइक्ब कली दाऊद आ कुम्सो। भजन संग्रह ५३:- मूर्खपुकीमी “परमप्रभु मबाक्ब” दे मिम्नीम। मेकोपुकी ग्रांग्रा दिचा ङा दुम्शा, मरिम्शो गेय पाइनीम। मेको आन दातेमी रिम्शो पाइब सुइ मबाक्नीम।
Psalm 25:3 in Sunwar 3 इन लां कोव़ब नेल्ल मुने मदोक्मल। मोशान श्येत गेबपुकी चहिं मुने दोक्मल।
Psalm 35:19 in Sunwar 19 मेकोपुकी मोशान आं जोरी सत्रु दुम्शा, आं पर्बम ग्येरचा मतामेक्ल। मोशान खेदा पाइबपुकी आं पर्बम आन मिक्च रिक्चा मतामेक्ल। भजन संग्रह २५:१९; भजन संग्रह ६९:५
Psalm 37:8 in Sunwar 8 गाइक्चा नु चुरचा प्रोनीन। मगाइक्तीन। मारदे हना मो पतीकेमी इन कली मरिम्शो पपाइक्ब।
Psalm 49:10 in Sunwar 10 मिनु नेल्लेमी जोक्ब तुइक्ब मुर, मूर्ख नु मिम्तीक मपाइश्शो नेल्ल बेक्नीम, दे तुइश्शो बाक्नीम। मिनु आन शुश क्येट नेल्ल अरु आन कली प्रोंइशा लाइनीम। उपदेसक २:१६; उपदेसक ६:२
Psalm 69:4 in Sunwar 4 आं कली मोशा काइ मदाक्बपुकी आं चां क्येङा यो शुश बाक्नीम। मिनु मेकोपुकी मोशा आं जोरी सत्रु दुम्शो बाक्नीम। मेकोपुकीमी आं कली साइक्चा माल्शो बाक्नीम। आं मरोइश्शो मार मार थोव़क, मेकोपुकीमी ‘लेत्तो’ देंनीम। यूहन्ना १५:२५
Psalm 92:6 in Sunwar 6 निप्स मपाइश्शो मुरपुकीमी मेको तुइक्ने मचाप्नीम। मूर्खपुकीमी मेको रुप्ने मचाप्नीम।
Psalm 109:3 in Sunwar 3 मेकोपुकीमी आं कली काइ मदाक्थु, लोव़ पा, आं कली जिचा तोशा मोशा ग्राम्नीम।
Proverbs 14:16 in Sunwar 16 जोक्बपुकी होस पा मरिम्शो पतीक रे ङोन लाइनीम। तन्न मूर्ख मारेइ ममिम्थु, होस मपाइब।
Proverbs 18:6 in Sunwar 6 मूर्ख आ लोव़मी जिचा पोक्ब। मिनु मेको तुप्चा पुंइसीब।
Jeremiah 17:11 in Sunwar 11 मुर, आंम आ मपशो ब्वोफु पुप्ब क्येन्रे खोदेंशो बाक्ब। मेकोमी हेंथे पा शोंप चेम्ब। मेको आ ब्रोंइतीक नाक्ती उइक्थ दुम्मेनु, मेको आ शोंपोम मेको मुर कली प्रोंइब। मिनु आ बेक्ची ना मेको कली मूर्ख मिम्सीब। लूका १२:२०
Lamentations 3:52 in Sunwar 52 आं जोरी सत्रुमी आं कली मोशीन चिक्ब कली खोदेंशो पा सिखार ग्यारतेक्म।
Daniel 2:12 in Sunwar 12 मिनु मेको लोव़ नेंशा, पिप शुश गाइश्शा, बेबीलोन रागीम बाक्ब जोक्ब तुइक्ब नेल्ल आन कली साइक्चा नम, दे हुकुम पाप्तु।
Daniel 3:13 in Sunwar 13 मिनु मेको नेंशा, पिप नेबुकदनेसर शुश गाइश्शा, चुरशा “शद्रक, मेशक नु अबेद-नेगो आन कली आं ङोंइती चाक्कीन” दे हुकुम पाप्तु। मिनु मेको आन कली चाक्शा, पिप आ ङोंइती राप्पाइक्तेक्म।
Daniel 3:19 in Sunwar 19 मिनु मेको नेंशा नेबुकदनेसर शद्रक, मेशक नु अबेद-नेगो आन कली तशा, थाम्पान गाइश्शा, आ कुल राव किक्पाइक्तु। मिनु मेकोमी “ब्रशो मी कली ङोंइती क्येङा ७ खेयप नाप्शो सेल्चा माल्ब” दे हुकुम पाप्तु।
Obadiah 1:10 in Sunwar 10 गे इ लोक्ब याकूब कली हुश ख्राक्श पोक्शो आ पर्बम इ कली मुनेम सुम्ब। मिनु गे गेना हना यो कली जाम्शा लाइनेवे। योएल ४:१९
Obadiah 1:12 in Sunwar 12 तन्न गे इ लोक्ब श्येत जवानु, मेको कली मदिप्चा माल्शो नवे। यहूदा ङा मुर खतम दुम्मा नाक्त गे मग्येरसीचा माल्शो नवे। मेकोपुकी श्येत जामे नाक्ती गे ठेयब लेश्शो लोव़ मपचा माल्शो नवे।
Matthew 3:17 in Sunwar 17 मिनु सरीङ रे “एको आं दाक्शो तौ बाक्ब। एको कली तशा थाम्पा ग्येरसीनुङ” देंशो सेंदा ग्रूमाक्त। मत्ती १७:५; यसैया ४२:१
Matthew 5:23 in Sunwar 23 मोपतीके गे परमप्रभु यावे कली मार मार चढ़ेचा सादीनीनु, सुइ गेपुकी नु गाइश्शो, चुरशो फ्रुक्तीनी हना,
Matthew 5:28 in Sunwar 28 गो मार देंनुङ देंशा हना, ग्युंबे पशो मुरुमी अर्को मीश मुर तशा वाल्त हना, आ थुंमी मीश वोंइश आस नाता ख्रोइक्ब। २सामुएल११:२; अय्युब ३१:१; २पत्रुस २:१४
Matthew 5:34 in Sunwar 34 गोमी मार देंनुङ देंशा हना, कसम का यो मजने। सरीङ आ नेंमी कसम मजने। मारदे हना सरीङ परमप्रभु यावे आ नित्तीके बाक्ब। मत्ती २३:१६-२३२; यसैया ६६:१
Matthew 5:44 in Sunwar 44 गोमी इन कली मार देंनुङ देंशा हना, जोरी सत्रु आन कली दाक्तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८
Matthew 10:17 in Sunwar 17 होस पा गाक्कीन। मारदे हना मेको फरपुकीमी इन कली सभा कछडीम वोइक्नीम। ग्रुम्तीक खिंमी लाइश्शा युक्नीम। प्रेरित ५:४०; २कोरिन्थी ११:२४
Matthew 10:28 in Sunwar 28 इन रां कली साइक्ने चाप्ब। तन्न इन सोक्ती कली साइक्ने मचाप्बपुकी आन कली तशा महिनीन। रां नु सोक्त निम्फा नरकमी खतम पने चाप्ब कली तशा चहिं हिनीन। हिब्रू १०:३१; याकूब ४:१२
Matthew 11:18 in Sunwar 18 मारदे हना यूहन्नामी बर्त बाक्शा, शांबु राकसी मतूङानु, वोलम सुम्शो मुर बाक्माक्त देंनीम। मत्ती ३:४
Matthew 12:24 in Sunwar 24 फरिसीपुकीमी चहिं मेको आन देंशो नेंशा “वोल आन पिप बेल्जीबुल आ सक्तिम कका वोल आन कली ग्रुंइशा खेरबाक्माक्त” दे मिम्शा लोव़ पामे बाक्त।
Matthew 17:5 in Sunwar 5 मोदेंशो लोव़ पना पन बाक्मेनु, जिलील पा बुश तांइसीशो गोस्सुमी नेल्ल आन कली गिल्मी बाक्त। मिनु गोस्स आगा रे “एको आं दाक्शो तौ बाक्ब। एको कली तशा ग्येरसाक्यी। आ लोव़ नेनीने” देंशो सेंदा नेन्मे बाक्त। मत्ती १:१७
Matthew 18:8 in Sunwar 8 इ गुइ खोइलीमी इ कली पाप पपाइक्तु हना, ख्रोइश्शा ताइक्तो। मारदे हना गुइ खोइल निम्फा बाक्शा, नरकम ख्रुम्चा पुंइसीचा क्येङा डुंडे खोरन्डे दुम्शा, स्वर्ग ङा राज्यम ओव़चा तचा रिम्शो दुम्ब। मत्ती ५:२९-३०
Matthew 18:21 in Sunwar 21 मिनु पत्रुसमी “प्रभु, आं लोक्बमी आं कली मरिम्शो पना पन बाक्त हना, गिश खेयप सम्म माफ गेचा माल्नुङा? मार ७ खेयप सम्म गेचा माल्नुङा?” देंमेनु,
Matthew 18:35 in Sunwar 35 मोपतीके होस पांइसीने। मारदे हना इन लोक्ब कली इन थुं गा रे पा माफ मगेतीनी हना, स्वर्गम बाक्ब आं आफोमी यो इन कली मोदेंशोन पाइब” दे शेंताक्मी। मत्ती ६:१४-१५; याकूब २:१३
Matthew 23:15 in Sunwar 15 सास्त्री नु फरिसीपुकी, गे कपटी, इन कली तशा थुं खाइक्ती। मारदे हना इन खोदेंशो पा यहूदी धर्म पाइब का सेल्चा कली रागी नेल्ल हिरशा गाक्नीनी। मिनु इन लोव़ टीब सेल्शा, इन क्येङा शुश सजाइ तपाइश्शा, नरक सोइक्नीनी।
Matthew 23:33 in Sunwar 33 गे बीख पाइश्शो बुस्स आ खलकपुकी, नरक लतीके सजाइ रे दोपा ब्रोंइनीनी ङा?
Matthew 25:41 in Sunwar 41 मिनु आ पेरा गे राप्शो आन कली हिरशा ‘सराप तशोपुकी, गो नु मबाक्कीने। सैतान नु आ गेय पाइब आन कली गेनायो मकाप्ब मी वोइश्शो बाक्ब। मेकेर लने। प्रकाश २०:१०,१५
Matthew 26:59 in Sunwar 59 मिनु ठेयब चढ़ेब नु जोक्ब तुइक्ब खालपापुकी मार पामे बाक्त देंशा हना, कछडी वोइश्शा, जोल पा दोस गेचा माल्मे बाक्त। मारदे हना येसु कली साइक्पाइक्चा माल्शो बाक्मा बाक्त।
Mark 9:43 in Sunwar 43 इ गुइमी तेक्तु हना, मेको गुइ ख्रोतो। मारदे हना निम्फा गुइ पाइश्शो दुम्शा, गेनायो मकाप्ब नरक ङा मीम ओव़चा क्येङा, डुंडे दुम्शा, परमप्रभु यावे आ राज्यमी ओव़चा तचा रिम्शो बाक्ब। मत्ती ५:३०
Mark 14:55 in Sunwar 55 ठेयब चढ़ेब नु मेकेर बाक्ब नेल्लेमी मार पामे बाक्त देंशा हना, जोल पा दोस गेशा, येसु कली साइक्पाइक्चा माल्मे बाक्त। तन्न दोस गेने मचाप्मे बाक्त।
Mark 15:1 in Sunwar 1 मिनु नां सोव़मेनु, ठेयब चढ़ेब, जोक्ब तुइक्बखाल्पा नु सास्त्रीपुकी, सभाम बाक्ब नेल्ल खुम्सीशा, सल्ला पामे बाक्त। मिनु येसु कली फ्रेंशा लाइश्शा, पिलातस आ गुइमी गेमे बाक्त।
Luke 12:5 in Sunwar 5 तन्न परमप्रभु यावे कली मान पा हिनीन। मारदे हना मुर आन कली साइश्शा, नाराक सोइक्तीक सक्ति मेको नु बाक्ब। मोपतीके मेको कली तशा मान पा हिनीन। हिब्रू १२:२९
Luke 16:23 in Sunwar 23 मेको शोंप पाइश्शो मुर बेक्शो मुर आन बाक्तीक जाक्दीम्माक्त। मिनु शुश श्येत जशा, ङोन रे कोव़ङानु, लाजरस कली अब्राहाम आ थुकुम बाक्शो तवा बाक्त।
John 7:20 in Sunwar 20 मिनु मुरपुकीमी “सुमी इन कली साइक्चा माल्बा? वोलमी इन कली सुम्शो बाक्तीके ‘गे आं कली साइक्चा माल्तीनी’ दे देंनीनी” देंतेक्म। यूहन्ना १०:२०
John 8:48 in Sunwar 48 मिनु यहूदीपुकीमी “गे सामरीया ङा बाक्ते। गे वोलमी सुम्शो बाक्ते, दे थमा लोव़ मपका ङा?” देंतेक्म। यूहन्ना ७:२०
John 11:47 in Sunwar 47 मो दुम्शा ठेयब चढ़ेब नु फरिसीपुकी बुक्शा “मुल मार पय? मारदे हना मेको मुरुमी शुश छक लाक्चा ङा गेय पाइबाक्त। मत्ती २६:३-४
John 15:25 in Sunwar 25 परमप्रभु यावेमी ब्रेक्पाइश्शो लोव़ थमा दुम्चा कली आं कली मदाक्नीम। मार ब्रेक्पाइश्शो बाक्त देंशा हना ‘मेकोपुकीमी आं कली मोशा यो मदाक्नीम’ दे ब्रेक्शो बाक्त। भजन संग्रह ६९:४
Acts 3:20 in Sunwar 20 मिनु मेकोमी इन कली रिम्शो बाक्चा गेब। मिनु परमप्रभु यावेमी पाप रे प्रोंइब, येसु ख्रीस्त इन बाक्तीक सोइक्ब। मिनु इन थुं नाइक्पाइक्ब।
Acts 5:27 in Sunwar 27 मिनु कछडीम चाक्शा, आन ङोंइती राप्पाइक्मी बाक्त।
Acts 7:37 in Sunwar 37 मेको मोसामी इस्राएली आन कली ‘आं खोदेंशो, परमप्रभु यावेमी आ लोव़ पाइब इन दाते रे का योव़शा, आ लोव़ नेंपाइक्ब का सेल्ब’ दे तुइक्पाइक्मी बाक्त। ब्यवस्था १८:१५
Acts 17:18 in Sunwar 18 मोपा मुर आन कली ग्रुमानु, इपीक्युरीपुकी, स्तोइकीपुकी नु यो ग्रुम्शा लोव़ पवा बाक्त। मेकोपुकीमी पावल आ शेंशो नेंशा का निक्शीमी “एकोमी मार हेंथे फश लोव़ पना पन गाक्बाक्मे” देंमा बाक्त। का निक्शीमी चहिं “फश लोव़ ममाइ। मुल सम्म इं मतुइश्शो देवता आ पर्बम शेंबाक्त” देंमा बाक्त। देवता आ पर्बम शेंबाक्त, दे मारदे देंमा बाक्त देंशा हना, पावलमी “येसु आ ग्येरपाइक्ब लोव़ नु बेक्शो रे सेंसीशा ब्रोंइत” दे शेंबाक्माक्त। १कोरिन्थी ४:१२
Romans 12:10 in Sunwar 10 लोक्बपुकीमी दाक्मुशो खोदेंशो पा दाक्मुशा बाक्कीन। आंम कली मान पचा मपुंइसीथु, अरु आन कली मान पने। यूहन्ना १३:४-१५; फिलिप्पी २:३
1 Corinthians 6:6 in Sunwar 6 तन्न लोक्बमी लोक्ब कली मुददा कोप्शा, थमा मसुइक्ब आन ङोंइती चाक्दीश्शो तशा, गो थम मरिम्शो लाक्ती।
1 Corinthians 6:10 in Sunwar 10 खुइ पाइनीमी, शिंम पाइनीमी, शांबु राकसीमी दुक्शा गाक्नीमी, शुक्शी लोव़ पा गाक्नीमी, मुर आन के बाक्शो थोव़क रोइश्शा, श्येत गेनीमी। मोदेंशो पाइबपुकी परमप्रभु यावे आ राज्यम ओव़चा मताइनीम।
Ephesians 4:26 in Sunwar 26 गाइक्ताक्नी हना, पाप मपने। मिनु नां रिक्चा क्येङा ङोंइती इन गाइक्चा थुमीने। भजन संग्रह ४:४; याकूब १:१९-२०
Ephesians 4:31 in Sunwar 31 मिनु ईख कुरचा, चुरचा, गाइक्चा, ग्रीचा, मरिम्शो लोव़ पचा नु मरिम्शो पचा नेल्ल ताइक्तीने। कलस्सी ३:८
1 Thessalonians 4:6 in Sunwar 6 सुइ वोंइश मुरुम आ लोक्ब कली मोदेंशो पा श्येत मगेवल। मारदे हना प्रभुमी मोदेंशो पाइब आन कली क्येक्क लेप्ब, दे ङोंइती रे इन कली शेंताक्क। लेवी १९:११
Titus 3:2 in Sunwar 2 मिनु सुइ आन पर्बम काइ शुक्शी मपचा, जिचा मपोक्चा, मुर आन कली रिम्शो पा फाल्चा, ठेयब मलेत्थु, मुर आन कली वारच पचा माल्नीम। फिलिप्पी ४:५
Hebrews 5:9 in Sunwar 9 मेको पाको दुम नोले आ कली टीब आन कली गेना हना यो श्येत रे प्रोंइशा बाक्चा गेब दुम्माक्त।
Hebrews 12:25 in Sunwar 25 होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्त। मिनु सजाइ गेचा पुंइसमा बाक्त। गोपुकी स्वर्ग रे लोव़ पाइब कली इं ची कोंइताक्य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९
James 2:20 in Sunwar 20 गे दूली पाइबपुकी, गेय मपथु थमा सुइक्तीके शोर गाक्शो बाक्ब, मेको तुइक्तीन।
James 3:6 in Sunwar 6 मुर आ लें मी खोदेंशो बाक्ब। मेकोमी रां नेल्ल मरिम्शो सेल्ब। मेकोमी मरिम्शो लोव़ पशा, रां कली पापी सेल्ब। रागी नेल्ल कली क्रोइक्ब। आंमा यो नरकमी ग्रोइक्ब। हितोपदेस १६:२७; मत्ती १२:३६-३७; मत्ती १५:११,१८
1 Peter 2:23 in Sunwar 23 मुरपुकीमी मेको कली शुक्शी लोव़ पाम्तेक्म हना यो, मेको आन कली लोव़ मलेत्त। मिनु श्येत जशा यो, मुर आन कली हिंच मकोंइद। तन्न ठीक पा निसाफ पाइब कली जिम्मा गेंसाक्व।
1 Peter 3:9 in Sunwar 9 इन कली मरिम्शो पाइब आन कली मरिम्शो मपने। इन कली शुक्शी लोव़ पाइब आन कली शुक्शी लोव़ मपने, आसीक गेने। मारदे हना गे आसीक ताइब दुम्चा कली योव़शो बाक्नीनी। १थिस्सलोनिकी ५:१५
1 John 2:9 in Sunwar 9 मिनु सुमी “गो परमप्रभु यावे आ छेङछेङमी बाक्नुङ” देंबा, तन्न आ लोक्ब आन कली मदाक्बा, मेको छेङछेङमी ममाइ, छिङछिङमी बाक्ब। १यूहन्ना ४:२०
1 John 3:10 in Sunwar 10 मिनु तेको मुर परमप्रभु यावे आ आल बाक्नीमी नु तेको मुर सैतान आ आल बाक्नीमी, दे तुंइसीब। दोपा तुंइसीब देंशा हना, सु सु ठीक गेय मपाइनीमी नु आ लोक्ब आन कली मदाक्नीमी, मेको परमप्रभु यावे आ आल मनमी। मेको सैतान आ आल बाक्नीम। यूहन्ना ५:१८
1 John 3:14 in Sunwar 14 गोपुकी बेक्तीक राज्य रे पा, ब्रोंइतीक राज्यमी बाक्नय। दोपा तुइक्नय देंशा हना, थमा सुइक्ब लोक्ब आन कली दाक्नय। सुम चहिं मदाक्बा, मेको बेक्तीक राज्यमी बाक्ब। यूहन्ना ५:२४
1 John 4:20 in Sunwar 20 सुमी चहिं “गो परमप्रभु यावे कली दाक्नुङ” देंबा, मिनु थमा सुइक्ब लोक्ब आन कली काइ मदाक्बा, मेको मुर आ देंशो लोव़ यो जोल बाक्ब। मारदे हना सुमी आ नु बाक्शो लोक्ब आन कली मदाक्बा, मेकोमी मुर आन मतशो परमप्रभु यावे कली दोपा दाक्ने चाप्बा ङा? मचाप्ब। १यूहन्ना ३:१७
1 John 5:16 in Sunwar 16 मिनु सुमी आ लोक्ब मबेक्चा ङा सजाइ तचा ङा पा मरिम्शो पशो ताइबा, मिनु आ लोक्ब आ पर्बम पुंइबा, मेको मुर आ पुंइशो परमप्रभु यावेमी गेब। मेको थमा सुइक्ब लोक्ब गेना हना यो ब्रोंइशा बाक्चा ताइब। तन्न बेक्चा ङा मरिम्शो पतीक यो बाक्बा, मोदेंशो मरिम्शो पाइब कली पुंइचा ममाल्ब, दे इन कली देंनुङ। मर्कूस ३:२८-३०
Jude 1:9 in Sunwar 9 परमप्रभु यावे आ नेल्ल क्येङा ठेयब स्वर्ग ङा गेय पाइब मिकाएलमी चहिं सैतान कली मोसा आ बेक्शो रां आ पर्बम लोव़ पशा “परमप्रभुमी इ कली हुइक्ब” दे आंमा शुक्शी पा निसाफ पचा हिंमाक्त। दानीएल १२:१; जकरिया ३:२
Revelation 20:14 in Sunwar 14 बेक्पाइक्ब नु बेक्शो आन बाक्तीके हुरुर पा ब्रशो मी ब्रतीकेमी हुम्चा पुंइसाक्स। मेको हुरुर पा ब्रशो मीमी हुम्सीशो मार बाक्त देंशा हना, मेको निक्शी खेयप बेक्चा ङा मेको नोले ङा बेक्चा बाक्त। १कोरिन्थी १५:२६,५५