Matthew 5:19 in Sunwar 19 सुमी परमप्रभु यावे आ अरेशो लोव़ के लोव़ का मपाइबा, मुर आन कली मो पचा शेंबा, मेको मुर स्वर्ग ङा राज्यमी नेल्ल क्येङा आइक्च दुम्ब। सुमी लोव़ का यो मप्रोंइथु, नेल्ल पशा ङा मिन, मुर आन कली शेंबा, मेको चहिं स्वर्ग ङा राज्यमी ठेयब दुम्ब। याकूब २:१०
Other Translations King James Version (KJV) Whosoever therefore shall break one of these least commandments, and shall teach men so, he shall be called the least in the kingdom of heaven: but whosoever shall do and teach them, the same shall be called great in the kingdom of heaven.
American Standard Version (ASV) Whosoever therefore shall break one of these least commandments, and shall teach men so, shall be called least in the kingdom of heaven: but whosoever shall do and teach them, he shall be called great in the kingdom of heaven.
Bible in Basic English (BBE) Whoever then goes against the smallest of these laws, teaching men to do the same, will be named least in the kingdom of heaven; but he who keeps the laws, teaching others to keep them, will be named great in the kingdom of heaven.
Darby English Bible (DBY) Whosoever then shall do away with one of these least commandments, and shall teach men so, shall be called least in the kingdom of the heavens; but whosoever shall practise and teach [them], *he* shall be called great in the kingdom of the heavens.
World English Bible (WEB) Whoever, therefore, shall break one of these least commandments, and teach others to do so, shall be called least in the Kingdom of Heaven; but whoever shall do and teach them shall be called great in the Kingdom of Heaven.
Young's Literal Translation (YLT) `Whoever therefore may loose one of these commands -- the least -- and may teach men so, least he shall be called in the reign of the heavens, but whoever may do and may teach `them', he shall be called great in the reign of the heavens.
Cross Reference Deuteronomy 12:32 in Sunwar 32 गो इन कली दोशो अरेङा, मेको नेल्ल होस पा पने। गेपुकीमी मारेइ मतेम्दीन, मारेइ मशोलीने” देंत।
Deuteronomy 27:26 in Sunwar 26 मिनु “सु मुरुमी एको अरेशो लोव़ नेल्ल खाप्शा मपाइब, मेको मुर सराप राइब” देंतेक्म। मिनु मुर नेल्लेमी “आमेन, मोदेंशो दुम्ल” देंचा माल्नीम। गलाती ३:१०
1 Samuel 2:30 in Sunwar 30 मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्ल गेना हना यो आं ङोंइती चढ़ेब दुम्नीम, गो कसम जशो नङ” देंशो बाक्त। तन्न परमप्रभु यावेमी “मुल ओदेंशो मदुम्ब। मारदे हना आं कली ठेयब सेल्ब आन कली गो ठेयब सेल्नुङ। आं कली आइक्च सेल्ब नेल्ल आइक्च सेल्चा पुंइसीनीम। प्रस्थान २८:१; मलाकी ३:१६-१८
Psalm 119:6 in Sunwar 6 गो इन शेंतीके नेल्ले होस पा पशो नङ हना, मुने मदोक्ङ वा।
Psalm 119:128 in Sunwar 128 मोपतीके गो आं लां नेल्लेमी इन ब्रेक्शा अरेशो लोव़ मिम्नुङ। मिनु दूली लां नेल्ल काइ मदाक्नुङ। भजन संग्रह ११९:२९
Daniel 12:3 in Sunwar 3 मिनु जोक्ब तुइक्बपुकी सरीङ ङा छेङछेङ खोदेंशो दुम्नीम। मिनु सु सुमी मुर आन कली ठीक लांमी गाक्पदमे, मेकोपुकी गेना हना यो सोरुल आ छेङछेङ खोदेंशो दुम्नीम। दानीएल ११:३३; हितोपदेस ४:१८; मत्ती १३:४३
Malachi 2:8 in Sunwar 8 गेपुकी चहिं आं लां प्रोंइशा, हेंथे गाक्तीनी। इन दूली शेंतीकेमी गे शुश मुर आन कली हेंथे गाक्ब सेल्तीनी। गेपुकीमी लेवी नु पशो कबल खतम सेल्तीनी” दे मुर नेल्ल आन परमप्रभु यावेमी देंत।
Matthew 11:11 in Sunwar 11 नोफा दाइश्शा नेनीने, रागी नेल्लेमी ब्वाक्कुम ख्रुम्शा ग्रुंइब यूहन्ना खोदेंशो ठेयब सुइ मबाक्ब। स्वर्ग ङा राज्यमी चहिं नेल्ल क्येङा यो आइक्च यूहन्ना क्येङा ठेयब बाक्ब। मत्ती १३:१७
Matthew 15:3 in Sunwar 3 येसुमी “गेपुकीमी मारदे इन पतीके पाइनीनी? परमप्रभु यावेमी अरेशो लोव़ चहिं मपाइनीनी।
Matthew 19:28 in Sunwar 28 येसुमी “नोफा दाइश्शा नेनीने, मार ताइनीनी देंशा हना, परमप्रभु यावेमी सेल्शो नक सरीङ नु रागीमी दुम्शा, रागीम जरमेशो पिप दुम्मेनु, आं कली खोइक्बपुकी १२ ओटा ठेयब नित्तीकेम निश्शा, इं इस्राएल ङा १२ थर आन कली निसाफ पाइब दुम्नीनी। लूका २२:३०; प्रकाश ३:२१; १कोरिन्थी ६:२
Matthew 20:26 in Sunwar 26 गेपुकी इन दातेमी मोदेंशो पचा मदुम्ब। इन दातेमी ठेयब दुम्चा माल्बम नेल्ल आन गेय पाइब दुम्चा माल्ब। मत्ती २३:११; १कोरिन्थी ९:१९
Matthew 23:16 in Sunwar 16 मिक्च मताइब दुम्शा यो लां कोंइखु पाइब, इन कली तशा थुं खाइक्ती। मारदे हना परमप्रभु यावे आ खिं थिशा कसम जशोमी मारेइ लोव़ मथोक्सीब, खिं ङा सुन थिशा चहिं लोव़ थोक्सीब, दे शेंनीनी। मत्ती ५:३४-३७; मत्ती १५:१४
Matthew 28:20 in Sunwar 20 मिनु गोमी इन कली मार मार शेंदन्नी, मेको नेल्ल मेको आन कली शेंशा पपतीने। नेनीने, रागी मनुप्ची सम्म गो गेनायो गेपुक नु बाक्नुङ” देंत। मत्ती १६:२०
Luke 1:15 in Sunwar 15 मारदे हना मेको परमप्रभु आ ङोंइती ठेयब दुम्ब। मेकोमी शांबु राकसी मतूब। मेको कोव़जम बाक्मेनुन, परमप्रभु यावे आ सोक्तीम ब्रीशो बाक्ब। न्यायाधीस १३:४-५
Luke 9:48 in Sunwar 48 “सुमी एको आल कली आं नेंमी ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्ब कली यो ब्राइब। गे इन दातेमी सु नेल्ल क्येङा आइक्च सुंइसीबा, मेको नेल्ल क्येङा ठेयब दुम्ब” दे शेंदीमी बाक्त। मत्ती १०:४०
Luke 11:42 in Sunwar 42 तन्न आबी, फरिसीपुकी, गे खतम बाक्नीनी। मारदे हना सुप्तीके के १० भाग ङा भाग का परमप्रभु यावे कली गेनीनी। तन्न गे मुर आन कली ठीक निसाफ मपथु, परमप्रभु यावे कली मदाक्नीनी। गे ङोंइती नु नोले ङा निम्फा पचा माल्नीनी। यूहन्ना ५:४२
Luke 22:24 in Sunwar 24 मिनु लोव़सी पस ङा पस बाक्मानु “गो इं दातेम नेल्ल क्येङा ठेयब सु बाक्या माइ?” दे जिचा पोक्ग्मे बाक्त। मत्ती २०:२५-२८; मर्कूस १०:४२-४५; लूका ९:४६
Acts 1:1 in Sunwar 1 आं दाक्शो थियोफीलस, गो ङोंइती ङा किताबमी परमप्रभु यावे आ बाक्तीक लाइक्चा मपुंइसे सम्म येसुमी मार पवा, मार शेंदा, मेको नेल्ल ब्रेक्शा, तुइक्पाइक्ने थुम्तन्नी। लूका १:३
Romans 3:8 in Sunwar 8 मुरपुकीमी आं लोव़ नेंशा “पापमी परमप्रभु यावे कली ठेयब सेल्ब, दे शेंब” दे आं देंशो लोव़ कली दूली सेल्तेक्म। गो दूली मशेंदुमी। मारदे हना पाप पशोमी परमप्रभु यावे कली ठेयब मसेल्ब। मोदेंब आन कली परमप्रभु यावेमी सजाइ गेप्तु हना, ठीक दुम्ब। रोमी ६:३
Romans 6:1 in Sunwar 1 मिनु मो हना, मार देंचा? परमप्रभु यावेमी गो इं कली शुश शिशी पवल, दे गोपुकीमी पाप पस ङा पस बाक्चा ङा? रोमी ३:५-८
Romans 6:15 in Sunwar 15 परमप्रभु यावे आ अरेशो लोव़मी इं कली दोसी मसेल्थु, परमप्रभु यावे आ शिशी ताइतय हना, पाप पचा दुम्ब, दे मिम्चा ङा? मोदेंशो मिम्चा मदुम्ब।
Romans 13:8 in Sunwar 8 मारेइ मारेइम दाक्मुशा बाक्कीन। दाक्ताक्नी हना, परमप्रभु यावे आ अरेशो लोव़ खाप्नीनी। गलाती ५:१४; १तिमोथी १:५
Galatians 3:10 in Sunwar 10 सु सुमी चहिं यहूदी आन पतीक पा, ठीक दुम्चा माल्मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्ल टिचा माल्ब। सु सुमी लोव़ नेल्ल टिशा पशा, का चहिं मटीमे, मेकोपुकी सराप राइनीम” दे ब्रेक्शो बाक्ब। ब्यवस्था २७:२६
Galatians 5:14 in Sunwar 14 “आंम इ कली दाक्शो खोदेंशो पा, इ नेक्था बाक्ब आन कली यो दाक्तो” देंशो लोव़मी परमप्रभु यावे आ अरेशो लोव़ नेल्ल बाक्ब। लेवी १९:१८
Philippians 3:17 in Sunwar 17 आं दाक्शो लोक्बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। १कोरिन्थी ११:१
Philippians 4:8 in Sunwar 8 आं लोक्बपुकी, आं नेल्ल क्येङा नोले ङा लोव़ मार बाक्ब देंशा हना, तेको थमा बाक्बा, तेको शिरशो बाक्बा, तेको ठीक बाक्बा, तेको ग्रांग्रा मदिशो बाक्बा, तेको दाक्चा ङा बाक्बा, तेको रिम्शो लोव़ बाक्बा, तेको नेल्ल क्येङा रिम्शो नु दोस गेचा मपुंइसीब बाक्बा, तेको “रिम्शो पाइब” दे माइक्चा पुंइसीब बाक्बा, मेको आ पर्बम मिम्तीन।
1 Thessalonians 2:10 in Sunwar 10 गो ठीक, रिम्शो नु परमप्रभु यावे आ गेय ला पाइतक। परमप्रभु यावेमी मेको तुइक्ब। मिनु गे थमा सुइक्बमी यो तुइक्नीनी।
1 Thessalonians 4:1 in Sunwar 1 मिनु आंइ नोले ङा लोव़, आं लोक्बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्शो तनी, मोपा बाक्शा, परमप्रभु यावे कली ग्येरपतीन। गेपुकी मेको क्येङा यो शुश रिम्शो पने।
1 Timothy 4:11 in Sunwar 11 एको लोव़ अरेशा शेंदो।
1 Timothy 6:3 in Sunwar 3 सुमी अरु शेंतीक शेंबा, मेकोमी इं प्रभु येसु ख्रीस्त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्ब नु दाक्ब थुं रे बाक्ब। २तिमोथी १:१३
1 Timothy 6:11 in Sunwar 11 मोपतीके गे परमप्रभु यावे आ मुर दुम्शा, मेको नेल्ल रे ङोन बाक्को। ठीक पतीके, परमप्रभु यावे कली मिम्शा दाक्चा, थमा सुइक्चा, मुर आन कली दाक्चा, थमा सुइक्चा मप्रोंइचा नु ब्रेम्शो दुम्चा ला मिम्तो। २तिमोथी ३:१७; २तिमोथी २:२२
Titus 2:8 in Sunwar 8 गे रिम्शो लोव़ शेंताक्वी हना, सुइमी इ कली दोस गेने मचाप्नीम। मिनु इ कली मदाक्बमी यो इ पर्बम मारेइ मरिम्शो लोव़ पचा मताइनीम। मिनु आन मुने दोक्नीम।
Titus 3:8 in Sunwar 8 एको लोव़ थमा बाक्ब। मिनु एको लोव़ शुश शेंदो। मोदेंशो पा शेंताक्वी हना, परमप्रभु यावे कली थमा सुइक्ब दुम्शो मुरपुकी रिम्शो गेय पचा कली होस पा बाक्नीम। आं देंशो शेंतीके मुर आन कली रिम्शो नु गारचा ङा बाक्ब।
James 2:10 in Sunwar 10 मुर कामी परमप्रभु यावे आ अरेशो लोव़ नेल्ल पशा, का चहिं मपाप्तु हना, लोव़ नेल्ल मटीब खोदेंशो दुम्ब। मत्ती ५:१९
1 Peter 5:4 in Sunwar 4 नेल्ल क्येङा ठेयब गोठला जाक्मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्थी ९:२५; २तिमोथी ४:८
Revelation 2:14 in Sunwar 14 तन्न गो इन कली लोव़ का पचा माल्नुङ। मार लोव़ पचा माल्नुङ देंशो हना, गे का निक्शीमी मरिम्शो गेय पाइतीनी। इन ग्रुम्तीके ङा का निक्शीमी बालाम माइश्शो मुर आ शेंशो थमा सुइक्नीमी। बालाममी मार शेंताक्व देंशा हना, ङोंइती बालाक माइश्शो पिप कली इस्राएल जात ङा वोंइश मुर आन कली खतम सेल्तु। दोपा खतम सेल्तु देंशा हना, चढ़ेशो थोव़क ब्वपाइक्तु। मिनु तेल्लेम पपाइक्तु। गन्ती ३१:१६; २पत्रुस २:१५; यहूदा :११
Revelation 2:20 in Sunwar 20 तन्न इन कली लोव़ का पचा माल्नुङ। मार लोव़ पचा माल्नुङ देंशा हना, गे इजेबेल माइश्शो मीश मुर कली इन ग्रुम्तीकेमी बाक्चा गेतीनी। इजेबेलमी ‘गो परमप्रभु यावेमी तुइक्पाइश्शो लोव़ पाइब नङ’ देंखु पा, आं गेय पाइब आन कली मरिम्शो पचा शेंताक्मी। मार मरिम्शो पचा शेंताक्मी देंशा हना, तेल्लेम पचा नु मूर्ति कली चढ़ेशो थोव़क जचा ब्वचा दुम्ब, दे शेंताक्मी। २राजा ९:२२