Matthew 26:24 in Sunwar 24 रागीम जरमेशो आ पर्बमी ब्रेक्शो साइ नेसी ङा लोव़ नेल्ल थमा दुम्चा माल्ब। मो दुम्चा माल्शो बाक्त हना यो, ग्याइक्पाइक्चा वारच पाइब कली थमा मरिम्शो दुम्ब। मोदेंशो पाइब मुर मजरमेशो हना, मेको कली रिम्शो दुम्ब वा” देंत। लूका १७:१-२
Other Translations King James Version (KJV) The Son of man goeth as it is written of him: but woe unto that man by whom the Son of man is betrayed! it had been good for that man if he had not been born.
American Standard Version (ASV) The Son of man goeth, even as it is written of him: but woe unto that man through whom the Son of man is betrayed! good were it for that man if he had not been born.
Bible in Basic English (BBE) The Son of man goes, even as the Writings say of him: but a curse is on that man through whom the Son of man is given up; it would have been well for that man if he had never come into the world.
Darby English Bible (DBY) The Son of man goes indeed, according as it is written concerning him, but woe to that man by whom the Son of man is delivered up; it were good for that man if he had not been born.
World English Bible (WEB) The Son of Man goes, even as it is written of him, but woe to that man through whom the Son of Man is betrayed! It would be better for that man if he had not been born."
Young's Literal Translation (YLT) the Son of Man doth indeed go, as it hath been written concerning him, but wo to that man through whom the Son of Man is delivered up! good it were for him if that man had not been born.'
Cross Reference Genesis 3:15 in Sunwar 15 गे नु मेको मीश मुर जिशा, बाक्चा मलीसे। मेको आ युइ नु इ युइ जिशा बाक्नीमी। मीश मुर आ युइ कामी इ पिया दिम्शा प्रोल्ब। गे चहिं मेको आ गेंग्रेम कोक्नेवे” दे सराप पदा बाक्त। प्रकाश १२:४-५,१५-१७
Psalm 22:1 in Sunwar 1 कुम्सो पपाइक्ब कली सुनी ङा किश्श आ लायो ङा दाऊद आ कुम्सो। यसैया ५३:-; मत्ती २७:३५-४६ आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मपथु, ङोन बाक्नीनी। मारदे आं थोशो मनेंनीनी। मत्ती २७:४६
Psalm 55:15 in Sunwar 15 बेक्पाइक्बमी आं जोरी सत्रु आन कली आन मतुइक्चा ङा पा जाक्शा दाक्गल। मेकोपुकी सेलीन बेक्शो मुर आन बाक्तीके लमल। मारदे हना मेको आन दातेमी मरिम्शो पतीके बाक्ब। गन्ती १६:३१-३३
Psalm 55:23 in Sunwar 23 तन्न परमप्रभु, गे मरिम्शो पाइब आन कली खतम दुम्तीकेमी ताइक्नीनी। हुश ख्राक्श पोक्ब नु जोल पाइब आन ब्रोंइतीक नाक्त उइक्थ यो मब्रोंइनीम। तन्न गो इन कली थमा सुइश्शा बाक्नुङ। भजन संग्रह १०२:२५
Psalm 69:1 in Sunwar 1 कुम्सो पपाइक्ब कली लिली फू आ लायो। दाऊद आ कुम्सो। “परमप्रभु, आं कली श्येत रे प्रोंइयीनी। मारदे हना ब्वाक्कु आं शुर सम्म जाक्शो बाक्ब।
Psalm 109:6 in Sunwar 6 मेकोपुकीमी मेको कली दोस गेचा कली परमप्रभु आ अरेशो मटीब का वोतीन। मेको कली दोस गेचा कली मेको आ ग्युरा गे राप्चा माल्ब। मत्ती ५:४३,४४; लूका २३:३४
Isaiah 50:5 in Sunwar 5 परमप्रभु, परमप्रभु यावेमी आं कली आ लोव़ नेंपाइक्ती। मिनु गो आ लोव़ टिशा, नोले मशोंइसीङ। भजन संग्रह ४०:७
Isaiah 53:1 in Sunwar 1 आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्ना १२:३८; रोमी १०:१६; यसैया ५२:१०
Daniel 9:26 in Sunwar 26 मिनु ६२ हप्ता नोले मेको तेल लुक्शो का मारेइ मदुम्थु यो तिल्चा पुंइसीब। मिनु मेको जाक्चा चिक्शो पिप आ लडाइ पाइब नु जाक्शा, मेको सहर नु परमप्रभु यावे आ बाक्तीक खतम पोक्ब। मिनु मेको आ नुप्ची ना ठेयब भोल यिशा, नोले सम्म लडाइ दुम्ब। ङोंइती मोदेंशो खतम दुम्तीक श्येत आ पर्बम देंशो बाक्ब। यसैया २८:२२; लूका २१:२३-२४
Zechariah 12:10 in Sunwar 10 मिनु परमप्रभुमी “गो दाऊद आ खिं ङा मुर नु यरूसलेममी बाक्ब मुर आन तारी शिशी पतीक नु पुंइतीक लोव़ पतीके सोक्त मोइक्नुङ। मो दुम्मेनु, आ साइश्शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्नीम। योएल ३:१; यूहन्ना १९:३७; प्रकाश १:७
Zechariah 13:7 in Sunwar 7 मिनु मुर नेल्ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्को। नेल्ल क्येङा आं नेक्था ङा मुर आन पर्बम बोक्को। गोठला कली तुपो। मिनु भेडापुकी ब्रमल। मिनु गो आं गुइ आइक्च गोठला आन पर्बम क्युक्नुङ। मत्ती २६:३१
Matthew 18:7 in Sunwar 7 पाप पपाइक्ब आन पर्बम, आबी आबी। एको रागीमी पाप पपाइक्ब शुश जाक्नीम। तन्न सुमी अरु आन कली पाप पपाइक्बा, मेको आन कली आबी आबी।
Matthew 26:54 in Sunwar 54 मोदें पुंइता हना, साइ नेसी ङा लोव़ दोपा थमा दुम्ने चाप्बा ङा?” दे माइक्तु।
Matthew 26:56 in Sunwar 56 परमप्रभु यावे आ लोव़ पाइब आन ब्रेक्शो लोव़ नेल्ल थमा दुम्चा माल्ब, मोपतीके आं कली ओदेंशो दुम्चा माल्ब” दे माइक्तीमी। मिनु आ शेंसीबपुकी येसु कली प्रोंइशा, साव सुव ब्राशा प्रोक्तेक्म।
Matthew 27:3 in Sunwar 3 ग्याइक्पाइक्चा वारच पाइब यहूदामी येसु कली साइक्चा, दे उजुर पाम्तेक्म देंशो नेंशा “मरिम्शो पङा बाक्त। मार पचा ङा मुल” दे ठेयब चढ़ेब नु जोक्ब तुइक्ब खाल्पा आन कली परमप्रभु यावे आ खिंमी ग्रुम्थ लशा मत्ती २६:१५
Mark 9:12 in Sunwar 12 येसुमी “एलीया ङोंइती जाक्शा, नेल्ल ठीक सेल्ब। मिनु रागीम जरमेशो श्येत जाइब नु महिक्सीशो दुम्ब, दे ब्रेक्शो बाक्बा, ममाइ ङा? मलाकी ३:१३; यसैया ५३:३-५
Mark 14:21 in Sunwar 21 मारदे हना रागीम जरमेशो आ पर्बम ब्रेक्शो लोव़ नेल्ल थमा दुम्चा माल्ब। मेको बेक्चा माल्ब। मो हना यो रागीम जरमेशो कली ग्याइक्पाइक्चा वारच पाइब कली शुश मरिम्शो दुम्ब। मो देंशो पाइब मुर मजरमेस हना, मेको कली रिम्शो दुम्ब वा” दे माइक्मी बाक्त।
Luke 22:22 in Sunwar 22 रागीम जरमेशो कली साइ मोदेंशो दुम्चा माल्ब देंशो लोव़ नेल्ल थमा दुम्चा माल्त हना यो, ग्याइक्ब आन कली वारच पाइब कली शुश मरिम्शो दुम्ब” देंमाक्त।
Luke 24:25 in Sunwar 25 मिनु येसुमी “गे मरुप्ब नसी। साइ नेसी परमप्रभु यावे आ लोव़ पाइब आन देंशो लोव़ रुप्शा थमा सुइक्ने मचाप्नीसी? लूका ९:२२
Luke 24:46 in Sunwar 46 मिनु मार ब्रेक्पाइक्मी बाक्त देंशा हना “ख्रीस्त श्येत जशा, साइक्चा पुंइसीशा आ नित्थ नाक्ती बेक्शो रे सेंसीचा माल्ब। होसे ६:२
John 17:12 in Sunwar 12 गो आं कली गेशो मुरपुकी नु बाक्ङानु, इन नें ङा सक्तिमी रिम्शो कोव़शा वोइक्तामी। सुइ मजाम्म। इन ब्रेक्पाइश्शो लोव़ थमा दुम्चा, दे का चहिं जाम्शा, नरक लाइब दुम्त। यूहन्ना ६:३९; भजन संग्रह ४१:१०
John 19:24 in Sunwar 24 मोपतीके मेकोपुकीमी “एको चहिं मखाक्य। तन्न बाजी ग्यारय। मिनु सुम ग्राबा, मेकोमी ताइब” देंमुम्तेक्म। मो पामेनु “आं वासी योक्सीनीम। आं तारी फेक्तीक वा कली ‘सुम ताइबा?’ दे बाजी ग्यारनीम” दे ब्रेक्शो लोव़ थमा दुम्त। भजन संग्रह २२:१८
John 19:28 in Sunwar 28 मिनु नोले येसुमी “आं गेय पचा नुप्त” दे तुइक्ताक्व। मिनु परमप्रभु यावे आ ब्रेक्पाइश्शो लोव़ थमा दुम्चा कली येसुमी “गो तूतू दाक्ती” देंत। भजन संग्रह २२:१५
John 19:36 in Sunwar 36 परमप्रभु यावे आ ब्रेक्पाइश्शो लोव़ थमा दुम्चा कली मोदेंशो दुम्त। लोव़ कामी “मेको आ रुश का यो मजिक्नीम” दे ब्रेक्पाइश्शो बाक्त। प्रस्थान १२:४६
Acts 1:16 in Sunwar 16 मिनु पत्रुस मेको आन दातेमी राप्शा, मेको आन कली “आं लोक्बपुकी, नेनीने, येसु कली ग्याइक्ब आन कली लां कोंइब यहूदा आ पर्बम लोव़ का निक्शी पाइनुङ। साइ परमप्रभु यावे आ सोक्तीमी पिप दाऊद कली मार ब्रेक्पाइश्शो बाक्मे, मेको नेल्ल थमा दुम्चा माल्ब। मिनु मुल थमा दुम्त। भजन संग्रह ४१:१०
Acts 2:23 in Sunwar 23 गेपुकीमी येसु कली अरेशो मटीब आन गुइम गेशा, शीम केप्शा कांटी थोक्शा क्याइश्शा साइक्पाइक्तीनी। ङोंइती रे परमप्रभु यावेमी मोदेंशो दुम्चा माल्ब, दे मिम्शा, इन कली मो पचा गेशो बाक्माक्त, दे रुपीन। प्रेरित ४:२८
Acts 4:28 in Sunwar 28 मेकोपुकीमी इन देंशो ङा लाक्शा मारेइ पने मचबेम। इन देंशो ला पने चाप्तेक्म। प्रेरित २:२३
Acts 13:27 in Sunwar 27 यरूसलेममी बाक्बपुकी नु आन ठेयब मुरपुकीमी येसु पाप रे प्रोंइब बाक्ब, दे मरुबेम। नाइक्तीक नाक्त किंत किंत परमप्रभु यावेमी ब्रेक्पाइश्शो लोव़ पढेशा नेंशा यो रुप्ने मचबेम। मोपा मारेइ रुप्ने मचाप्तीके येसु कली दोस गेम्तेक्म। आन मो पशोमी साइ ङा ब्रेक्शो लोव़ नेल्ल थमा सेल्तेक्म। यूहन्ना १६:३
Acts 17:2 in Sunwar 2 पावल हिरशा गाक्मेनु, सहर सहर ङा यहूदी आन ग्रुम्तीक खिं खिं ओव़शा शेंबाक्माक्त। मोपा थिस्सलोनीकी सहरमी यो ग्रुम्तीक खिं लशा, शेंचा गोवा बाक्त।
Acts 26:22 in Sunwar 22 खेदा पा शुश श्येत गेयीमीनु, परमप्रभु यावेमी श्येत फाल्तीक सक्ति गेती। मोपतीके गो ठेयब थुं पा इन ङोंइती राप्शा, ठेयब मुर आइक्च मुर नेल्ल इन कली आं लोव़ मोसा नु परमप्रभु यावे आ लोव़ पाइब आन लोव़ नु गारब, दे रुपीन। लूका २४:४४-४७
Acts 28:23 in Sunwar 23 मिनु ग्रुम्ची नाक्ती पावल आ बाक्तीकेमी शुश मुर खुम्साक्म। मिनु सुनी रे नाक्दो सम्म पावलमी मेको आन कली एको लोव़ नेल्ल रुप्पपाइक्तीमी। मोसा आ अरेशो नु परमप्रभु यावे आ लोव़ पाइब आन ब्रेक्शो लोव़ रे शेंशा, परमप्रभु यावे आ सोइश्शो ख्रीस्त चहिं येसु बाक्ब देंशा, परमप्रभु यावे आ राज्य ङा लोव़ शेंताक्व।
1 Corinthians 15:3 in Sunwar 3 मारदे हना आं ख्रीस्त रे तशो ठेयब लोव़ इन कली शेंताक्न्नी। दोदेंशो लोव़ बाक्ब देंशा हना, परमप्रभु यावे आ लोव़मी ब्रेक्शो खोदेंशो पा ख्रीस्त इं पाप आ पर्बम साइक्चा पुंइसाक्व। यसैया ५३:१२
1 Peter 1:10 in Sunwar 10 साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्नीनी, दे लोव़ पशो बाक्तेक्म। मिनु पाप रे ब्रोंइतीके तुइक्चा कली शुश माल्शो बाक्तेक्म। लूका १०:२४