Mark 10:21 in Sunwar 21 येसुमी मेको आ कुल शिरशा कोव़शा, मेको कली दाक्शा “का चहिं मपवी। लशा, इ शोंप नेल्ल लेयशा, जचा फेक्चा मताइब आन कली योक्शा गेमी। मिनु लेश्शा, आं नोले खोइय्यी। मिनु इ शोंप स्वर्गमी बाक्ब” देंमाक्त। मर्कूस ८:३४; मत्ती १०:३८
Other Translations King James Version (KJV) Then Jesus beholding him loved him, and said unto him, One thing thou lackest: go thy way, sell whatsoever thou hast, and give to the poor, and thou shalt have treasure in heaven: and come, take up the cross, and follow me.
American Standard Version (ASV) And Jesus looking upon him loved him, and said unto him, One thing thou lackest: go, sell whatsoever thou hast, and give to the poor, and thou shalt have treasure in heaven: and come, follow me.
Bible in Basic English (BBE) And Jesus, looking on him and loving him, said, There is one thing needed: go, get money for your goods, and give it to the poor, and you will have wealth in heaven: and come with me.
Darby English Bible (DBY) And Jesus looking upon him loved him, and said to him, One thing lackest thou: go, sell whatever thou hast and give to the poor, and thou shalt have treasure in heaven; and come, follow me, [taking up the cross].
World English Bible (WEB) Jesus looking at him loved him, and said to him, "One thing you lack. Go, sell whatever you have, and give to the poor, and you will have treasure in heaven; and come, follow me, taking up the cross."
Young's Literal Translation (YLT) And Jesus having looked upon him, did love him, and said to him, `One thing thou dost lack; go away, whatever thou hast -- sell, and give to the poor, and thou shalt have treasure in heaven, and come, be following me, having taken up the cross.'
Cross Reference Genesis 34:19 in Sunwar 19 मिनु मेको ठिटा मेको पचा बिस्से बाक्त। मारदे हना याकूब आ तमी कली शुश दाक्ता बाक्त। मेको आ आफ आ खिं ङा नेल्ल क्येङा मान ताइब बाक्माक्त।
Proverbs 23:23 in Sunwar 23 थमा पतीक कली ग्यापो। मेको कली गेनायो मलेयङो। तुइक्तीक, शेंतीक नु रुप्तीक ग्यापो।
Isaiah 63:8 in Sunwar 8 मेकोमी “मेकोपुकी थमा पा आं मुर बाक्नीम जोल मपाइब आल बाक्नीम” देंत। मोपतीके परमप्रभु यावे मेको आन कली श्येत रे प्रोंइब दुम्त। ब्यवस्था ३२:५,२०
Matthew 6:19 in Sunwar 19 एको रागीमी शोंप खुप्शा, खेक्शा मवोतीने। मारदे हना बुस्सुम ख्रोइक्ब, खिया जोइब, खुइपुकीमी खुइ पाइनीम।
Matthew 13:44 in Sunwar 44 स्वर्ग ङा राज्य ओदेंशो यो बाक्ब, रू कामी शोंप थिम्शा वोइश्शो बाक्माक्त। मिनु काबु मुर कामी मेको शोंप थिदा बाक्त। मिनु थम ग्येरसीशा, लेंशा थिम्शा वोइश्शा, आइक्के बाक्शो नेल्ल लेश्शा, मेको रू ग्यबा बाक्त। मत्ती १९:२९; लूका १४:३३; फिलिप्पी ३:७
Matthew 16:24 in Sunwar 24 मिनु येसुमी आ शेंसीब आन कली “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, श्येत जचा महिंथु, आ नोले खोइय्यील। मत्ती १०:३८-३९; १पत्रुस २:२१
Matthew 19:21 in Sunwar 21 येसुमी “मेको ङा लाक्शा पचा दाक्तावी हना, लशा इ शोंप नेल्ल लेयशा, जचा फेक्चा मताइब आन कली योक्शा गेमी। मिनु लेश्शा, आं नोले खोइय्यी। मो पाप्तीवी हना, इ कली स्वर्गम शोंप वोइश्शो बाक्ब” देंत। मत्ती ६:२०; लूका १२:३३
Mark 8:34 in Sunwar 34 मिनु आ शेंसीबपुकी नु मेकेर देल्शो आन कली ब्रेश्शा “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, श्येत जचा महिंथु, आं नोले खोइय्यील।
Luke 9:23 in Sunwar 23 मिनु येसुमी मेको आन कली “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, नाक्त किंत किंत श्येत जचा महिंथु, आं नोले खोइय्यील।
Luke 10:42 in Sunwar 42 तन्न थोव़क का ला माल्ब। मरीयममी रिम्शो थोव़क योव़तु। मेको सुइम लाइक्ने मचाप्नीम” दे मदा बाक्त। मरीयम६:३३
Luke 12:33 in Sunwar 33 इन के बाक्शो लेयशा, मथीब आन कली योक्शा गेने। मो पनीनु, स्वर्गम इन शोंप लीब। मिनु मेको मोपा वोइश्शो शोंप खुइमी खुइ पने मचाप्नीम, खिया मजोइब मराक्ब, गेनायो मजाम्ब। लूका १८:२२
Luke 16:9 in Sunwar 9 मोपतीके गे यो निप्स पाइश्शो गेय पा वारचपुकी सेलीने। इन शोंप क्येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्त। लूका १४:१४; मत्ती ६:२०; मत्ती १९:२१
Luke 18:22 in Sunwar 22 मिनु येसुमी “नेल्ल पाप्तीवी, का चहिं मपवी। इ शोंप नेल्ल लेयशा, क्येट मथीब आन कली योक्शा गेमी। मिनु आं नोले खोइय्यी। मिनु इ शोंप स्वर्गम बाक्ब” देंमाक्त। मत्ती ६:२०
Luke 19:41 in Sunwar 41 मिनु यरूसलेम सहर आ नेक्था जाक्शा, सहर तांइसेनु, येसु मेको सहर आ पर्बम ङाक्शा
John 12:26 in Sunwar 26 सुमी आं गेय पाइबा, आं देंशो यो पचा माल्बा, मेको आं बाक्तीकेमी बाक्चा ताइब। आं आफोमी आं गेय पाइब आन कली ठेयब सेल्ब” देंत। यूहन्ना १७:२४
John 16:33 in Sunwar 33 आं कली मिम्शा इन थुं नाइश्शा बाक्कीन, दे एको लोव़ शेंताक्न्नी। गेपुकी रागीम बाक्शा, श्येत जाइनीनी। तन्न थुं बारपाइश्शा ग्येरसीने। गो रागी कली ग्राती” देंत। यूहन्ना १४:२७; रोमी ५:१; १यूहन्ना ५:४
Acts 2:45 in Sunwar 45 रू, मारेइ लेयङमेनु, सु सु आन कली माल्मा, मेको आन कली योक्शा क्येट गेशा वारच पाइबाक्मा बाक्त।
Acts 4:34 in Sunwar 34 मोपतीके श्येत जाइब का यो मबाक्मा बाक्त। मारदे हना रू खिं थीबपुकीमी रू खिं का निक्शी लेयशा, क्येट चाक्शा, प्रेरित २:४५
Romans 8:17 in Sunwar 17 परमप्रभु यावे आ तमी तौ दुम्शा, येसु ख्रीस्त नु काथा बाक्शा, अङस ताइब दुम्तय। मेको अङस तचा ङोंइती येसु ख्रीस्त आ नेंमी श्येत जाइनय। नोले आ राज्य तांइसेनु, येसु ख्रीस्त नु काथा बाक्शा अङस ताइनय। गलाती ४:१७; प्रकाश २१:७
2 Corinthians 12:15 in Sunwar 15 गो दोपा इन कली वारच पा रिम्शो थुं सेल्चा कली ग्येरसीशा, आं थुं गेनन्नी, मोपा इन कली दाक्चा ङा गेय पाता। मिनु गो चहिं इच्का ला दाक्चा पुंइसीनुङा ङा? फिलिप्पी २:१७
1 Timothy 6:17 in Sunwar 17 गे मुल शुश क्येट थीब आन कली “ठेयब लेश्शो मदुमीन। जाम्शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्शा गेब। आ गेशो तशा ग्येरसीन” दे माइक्मी। भजन संग्रह ६२:११; लूका १२:१५-२१
2 Timothy 3:12 in Sunwar 12 सु सु ख्रीस्त येसुमी परमप्रभु यावे कली मिम्शा, दाक्शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्सलोनिकी ३:३
Hebrews 10:34 in Sunwar 34 जेल्खानम चोक्शा वोइश्शो आन कली शिशी पा ग्रुम्थ लाइतीनी। मिनु गे यो श्येत जाइतीनी। इन बाक्शो शोंप रोइश्शा लदमेनु, गेमी “इं के गेनायो मजाम्ब शोंप बाक्ब” दे तुइश्शा, लाइक्चा गेशा ग्येरसीशा बाक्तीनी। मत्ती ६:२०; मत्ती १९:२१,२६
James 2:10 in Sunwar 10 मुर कामी परमप्रभु यावे आ अरेशो लोव़ नेल्ल पशा, का चहिं मपाप्तु हना, लोव़ नेल्ल मटीब खोदेंशो दुम्ब। मत्ती ५:१९
1 Peter 1:4 in Sunwar 4 मिनु इं कली स्वर्गमी जाम्शा मलाइब, काइ मबिग्रेब नु गेना हना यो लीब शोंप वोइश्शो बाक्ब। कलस्सी १:१२
Revelation 2:4 in Sunwar 4 तन्न गो इन कली लोव़ का पचा माल्नुङ। मार लोव़ पचा माल्नुङ देंशा हना, ङोंइती गे आं कली थमा पा दाक्ताक्नी। मुल चहिं ङोंइती ङा खोदेंशो पा दाक्चा प्रोंइतीनी।
Revelation 2:14 in Sunwar 14 तन्न गो इन कली लोव़ का पचा माल्नुङ। मार लोव़ पचा माल्नुङ देंशो हना, गे का निक्शीमी मरिम्शो गेय पाइतीनी। इन ग्रुम्तीके ङा का निक्शीमी बालाम माइश्शो मुर आ शेंशो थमा सुइक्नीमी। बालाममी मार शेंताक्व देंशा हना, ङोंइती बालाक माइश्शो पिप कली इस्राएल जात ङा वोंइश मुर आन कली खतम सेल्तु। दोपा खतम सेल्तु देंशा हना, चढ़ेशो थोव़क ब्वपाइक्तु। मिनु तेल्लेम पपाइक्तु। गन्ती ३१:१६; २पत्रुस २:१५; यहूदा :११
Revelation 2:20 in Sunwar 20 तन्न इन कली लोव़ का पचा माल्नुङ। मार लोव़ पचा माल्नुङ देंशा हना, गे इजेबेल माइश्शो मीश मुर कली इन ग्रुम्तीकेमी बाक्चा गेतीनी। इजेबेलमी ‘गो परमप्रभु यावेमी तुइक्पाइश्शो लोव़ पाइब नङ’ देंखु पा, आं गेय पाइब आन कली मरिम्शो पचा शेंताक्मी। मार मरिम्शो पचा शेंताक्मी देंशा हना, तेल्लेम पचा नु मूर्ति कली चढ़ेशो थोव़क जचा ब्वचा दुम्ब, दे शेंताक्मी। २राजा ९:२२