Malachi 3:17 in Sunwar 17 मिनु मुर नेल्ल आन परमप्रभु यावेमी “मेको आं मुर दुम्नीम। आं निसाफ पतीक नाक्त आं नेक्था ङा मुर दुम्नीम। दोपा मुरुमी आंम कली गेय पाइब तौ कली शिशी पा वोइक्बा, मोपा गो मेको आन कली शिशी पा वोइक्नुङ। प्रस्थान १९:५
Other Translations King James Version (KJV) And they shall be mine, saith the LORD of hosts, in that day when I make up my jewels; and I will spare them, as a man spareth his own son that serveth him.
American Standard Version (ASV) And they shall be mine, saith Jehovah of hosts, `even' mine own possession, in the day that I make; and I will spare them, as a man spareth his own son that serveth him.
Bible in Basic English (BBE) And they will be mine, says the Lord, in the day when I make them my special property; and I will have mercy on them as a man has mercy on his son who is his servant.
Darby English Bible (DBY) And they shall be unto me a peculiar treasure, saith Jehovah of hosts, in the day that I prepare; and I will spare them as a man spareth his own son that serveth him.
World English Bible (WEB) They shall be mine," says Yahweh of Hosts, "my own possession in the day that I make, and I will spare them, as a man spares his own son who serves him.
Young's Literal Translation (YLT) And they have been to Me, said Jehovah of Hosts, In the day that I am appointing -- a peculiar treasure, And I have had pity on them, As one hath pity on his son who is serving him.
Cross Reference Exodus 19:5 in Sunwar 5 गे आं देंशो लोव़ पाइतीनी नु आं कबल पशो टीतीनी हना, गे नेल्ल जात जात ङा मुर आन दातेमी आं योव़शो मुर दुम्नीनी। मारदे हना रागी नेल्ल आं केन बाक्ब। ब्यवस्था ५:२; ब्यवस्था ७:६
Deuteronomy 7:6 in Sunwar 6 मारदे हना गे परमप्रभु यावे, इन परमप्रभु आ आंम मुर बाक्नीनी। परमप्रभु यावेमी नेल्ल जात जात ङा मुर आन दाते रे इन कली आंम मुर सेल्चा, दे योव़तु। प्रस्थान १९:५-६
Deuteronomy 14:2 in Sunwar 2 मारदे हना गेपुकी परमप्रभु यावे, इन परमप्रभु आ आंम मुर बाक्नीनी। मिनु परमप्रभु यावेमी जात जात ङा मुर नेल्ल आन दाते रे इन कली आ मुर सेल्चा कली योव़तु।
Deuteronomy 26:17 in Sunwar 17 गेपुकीमी मुलाक्ती परमप्रभु यावे कली ‘गे आंइ परमप्रभु बाक्नीनी। गो इन लां खोइक्नीकी। मिनु इन फुल्लुम मुशा ब्रेक्शो लोव़, इन शेंशो नु इन निसाफ पतीके लोव़ पाइनीकी नु इन देंशो टीनीकी’ दे परमप्रभु कली लोव़ पाइतीनी।
Nehemiah 13:22 in Sunwar 22 मिनु गो लेवी आन कली ब्रेश्शा “आंम कली ठीक सेल्सीने। नाइक्तीक नाक्त परमप्रभु यावे के बाक्ब, दे मानेचा कली ठेयब लाप्चोपुकी खाल पथ बाक्कीन” दे माइक्तामी। मिनु गो “आं परमप्रभु, आं ओदेंशो पशो यो मिम्तीन। मिनु इन ठेयब नु गेना हना यो दाक्तीके कोंइदीनी” देंती।
Psalm 103:8 in Sunwar 8 परमप्रभु यावे शिशी पाइब नु रिम्शो पाइब बाक्ब। मेको रीब पा मगाइक्थु, आ गेना हना यो दाक्तीके शुश कोंइब। भजन संग्रह ८६:१५
Psalm 135:4 in Sunwar 4 परमप्रभु यावेमी याकूब कली आ मुर दुम्पाइक्चा कली नु इस्राएल कली आंम के सेल्चा कली योव़शो बाक्ब। प्रस्थान १९:५-६
Isaiah 26:20 in Sunwar 20 आं मुरपुकी जाक्शा, इन खिं ओव़ङीन। मिनु इन नोले लाप्चो चोक्कीन। गाइक्चा मनुम्म सम्म इच्का नाक्ती ख्रुंइसीन। मत्ती ६:६
Isaiah 62:3 in Sunwar 3 गे परमप्रभु यावे आ गुइमी दारशो सिरपेच का दुम्नेवे। मिनु इ परमप्रभु आ गुइमी गे पिपीम आन सुन फू खोदेंशो दुम्नेवे। २तिमोथी ४:८
Jeremiah 31:20 in Sunwar 20 मिनु “मार, एफ्राइम आं दाक्शो तौ ममाइ ङा? मेको आ पर्बम गो मग्येरनुङा? गो मेको कली हुइक्ताक्ङ हना यो, मेको कली मिम्ना मिम्न बाक्ती। मोपतीके गो मेको कली मुल सम्म दाक्नुङ। गो मेको कली थमा पा शिशी पाइक्नुङ” दे परमप्रभु यावेम देंत। यसैया ४९:१५; होसे ११:८
Jeremiah 31:33 in Sunwar 33 तन्न इस्राएल आ खिं ङा मुर नोले ङा नाक्ती ङा कबल मार बाक्त देंशा हना, गो आं अरेशो मेको आन थुंम वोइक्नुङ। मिनु आन थुंम मेको ब्रेक्शा गेनुङमी। मिनु गो मेको आन परमप्रभु दुम्नुङ। मिनु मेकोपुकी आं मुर दुम्नीम। इजीकीएल ११:१९; हिब्रू १०:१६-१७; येरमीया ७:२३
Jeremiah 32:38 in Sunwar 38 मिनु मेकोपुकी आं मुर दुम्नीम। मिनु गो मेको आन परमप्रभु दुम्नुङ। येरमीया ७:२३
Ezekiel 16:8 in Sunwar 8 गो लेंशा इ नेक्था रे पा लङानु, गे ग्युंबे पची ना दुम्शो बाक्ते। मिनु गो आं वा आ सुरमी इ शिश्रा रां सुम्ता। गो गे नु कबल का पाता। मिनु गे आं के दुम्ते। रूथ ३:९; प्रस्थान १९:५
Ezekiel 36:27 in Sunwar 27 गो आं सोक्ती इन आगाम वोइक्नुङ। मिनु आं फुल्लुम मुशा ब्रेक्शो लोव़ नु आं निसाफ पतीक लोव़ होस पा पाइब सेल्नुङ। इजीकीएल ३९:२९; यसैया ४४:३; इजीकीएल ३७:२४
Zephaniah 2:2 in Sunwar 2 इन नाक्त फशेम बेरशो भूस खोदेंशो पा लाक्नीम। आ योव़शो नाक्त जाक्चा, परमप्रभु यावे आ शुश गाइश्शो इन तार जुक्चा नु परमप्रभु यावे आ गाइश्शो नाक्त जाक्चा क्येङा ङोंइती,
Malachi 1:6 in Sunwar 6 मिनु मुर नेल्ल आन परमप्रभु यावेमी आ नें आइक्च सेल्ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्च सेल्का?” देंतीनी। प्रस्थान २०:१२
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
John 10:27 in Sunwar 27 गो आं भेडा आन कली तुइक्नुङमी। मिनु मेकोपुकीमी आं सेंदा नेंशा आं नोले खोइक्नीमी। भजन संग्रह ९५:७
Romans 8:32 in Sunwar 32 परमप्रभु यावेमी इं कली दाक्शा, आ दाक्शो तौ कली इं पाप क्याम्चा कली बेक्चा गेप्तु। मोपा आ दाक्शो तौ लाइ गेवानु, इं कली मार मार माल्या, मेको मगेबा ङा? गेब।
1 Corinthians 3:22 in Sunwar 22 इन कली शेंब, गो पावल, आपोल्लोस, केफास नु रागी, ब्रोंइचा नु बेक्चा, मुल मार दुम्शो बाक्बा नु नोले मार दुम्बा, नेल्ल इन के बाक्नीम।
1 Corinthians 6:20 in Sunwar 20 गे ग्याप्शो मुर बाक्नीनी। मोपतीके इन रांमी परमप्रभु यावे कली ठेयब सेलीने। १कोरिन्थी ७:२३; १पत्रुस १:१८-१९; फिलिप्पी १:२८
2 Corinthians 6:18 in Sunwar 18 मिनु गो इन आफ दुम्नुङ। मिनु गेपुकी आं तमी तौ दुम्नीनी” दे नेल्ल सक्ति पाइश्शो परमप्रभु यावेमी देंत, दे ब्रेक्शो बाक्ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१
2 Thessalonians 1:7 in Sunwar 7 गे श्येत जाइब इन कली नु आंइ कली इं थुं नाइक्चा गेब। गेना थुं नाइक्चा गेब देंशा हना, प्रभु येसु नु आ सक्ति पाइश्शो स्वर्ग ङा गेय पाइबपुकी सरीङ रे ग्रूची ना इं थुं नाइक्चा गेब। मत्ती १६:२७; मत्ती २५:३१-४६; १थिस्सलोनिकी ४:१६
1 Peter 1:13 in Sunwar 13 मोपतीके इन थुं फ्रेंदीन। गेय पचा ङोंइती मिम्तीन। येसु ख्रीस्त जाक्मेनु, इन कली शिशी पाइब, दे आस पा बाक्कीन। लूका १२:३५-३६
1 Peter 2:9 in Sunwar 9 तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
Revelation 20:12 in Sunwar 12 गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०