Malachi 1:6 in Sunwar 6 मिनु मुर नेल्ल आन परमप्रभु यावेमी आ नें आइक्च सेल्ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्च सेल्का?” देंतीनी। प्रस्थान २०:१२
Other Translations King James Version (KJV) A son honoureth his father, and a servant his master: if then I be a father, where is mine honour? and if I be a master, where is my fear? saith the LORD of hosts unto you, O priests, that despise my name. And ye say, Wherein have we despised thy name?
American Standard Version (ASV) A son honoreth his father, and a servant his master: if then I am a father, where is mine honor? and if I am a master, where is my fear? saith Jehovah of hosts unto you, O priests, that despise my name. And ye say, Wherein have we despised thy name?
Bible in Basic English (BBE) A son gives honour to his father, and a servant has fear of his master: if then I am a father, where is my honour? and if I am a master, where is the fear of me? says the Lord of armies to you, O priests, who give no value to my name. And you say, How have we not given value to your name?
Darby English Bible (DBY) A son honoureth [his] father, and a servant his master: if then I be a father, where is mine honour? and if I be a master, where is my fear? saith Jehovah of hosts unto you, priests, that despise my name. But ye say, Wherein have we despised thy name?
World English Bible (WEB) "A son honors his father, and a servant his master. If I am a father, then where is my honor? And if I am a master, where is the respect due me? Says Yahweh of Hosts to you, priests, who despise my name. You say, 'How have we despised your name?'
Young's Literal Translation (YLT) A son honoureth a father, and a servant his master. And if I `am' a father, where `is' Mine honour? And if I `am' a master, where `is' My fear? Said Jehovah of Hosts to you, O priests, despising My name! And ye have said: `In what have we despised Thy name?'
Cross Reference Exodus 4:22 in Sunwar 22 मिनु गे मेको कली ‘परमप्रभु यावेमी इन कली मार लोव़ पाप्तु देंशा हना, इस्राएल आं ङोंइती जरमेशो तौ बाक्ब। ब्यवस्था ३२:६
Exodus 20:12 in Sunwar 12 इन आम आफ आन कली मान पने। मो पाइतीनी हना, परमप्रभु यावेमी, इन परमप्रभु इन कली गेशो रागीम शुश ब्रोंइचा गेब। प्रस्थान २१:१७; ब्यवस्था २७:१६; मत्ती १५:४-६; एफिसी ६:२-३
Leviticus 19:3 in Sunwar 3 गे नेल्लेमी इन आंम आफ आस कली मान पने। मिनु आं नाइक्तीक नाक्ती नांइसीन। गो परमप्रभु यावे, इन परमप्रभु नङ। प्रस्थान २०:१२; प्रस्थान २०:८
Deuteronomy 5:16 in Sunwar 16 परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्त ब्रोंइशा बाक्नीनी।
1 Samuel 2:28 in Sunwar 28 गो इस्राएल ङा थर नेल्ल रे मेको कली आं कली चढ़ेब दुम्पाइक्चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्मीम बाक्शो झोला फेक्चा कली योव़ता। इस्राएल ङा मीम चढ़ेशो नेल्ल इ आफ आ खिं ङा मुर आन कली गेता। ब्यवस्था १८:१; गन्ती १८:८-२०
Proverbs 30:11 in Sunwar 11 का निक्शी मुरुमी आन आफ कली सराप पाइनीम। मिनु आन आम कली आसीक मगेनीम।
Proverbs 30:17 in Sunwar 17 आफ कली शुक्शी पाइब नु आम कली मटीब मुर आन मिक्च खदीमी कोक्शा ग्रुंइनीम। मिनु गिदपुकीमी ब्वाइनीम। हितोपदेस २०:२०
Isaiah 1:2 in Sunwar 2 सरीङ नु रागीम बाक्बपुकी नोफा दाइश्शा नेनीन। मारदे हना परमप्रभु यावेमी “गो आं आल आन कली थुल्शा, कोल्पाइक्तामी। मेकोपुकीम चहिं आं कली मटीयीमी। ब्यवस्था ३२:१; ब्यवस्था ३२:५-६
Isaiah 64:8 in Sunwar 8 मो हना यो परमप्रभु यावे, गे आंइ आफ बाक्नीनी। गो खप नकी, गे खप के ग्योंब सेल्ब बाक्नीनी। गो नेल्ले इन सेल्शो नकी।
Jeremiah 2:21 in Sunwar 21 गो इ कली नेल्ल क्येङा रिम्शो अङगुर बोट ख्रुम्ता। गे दोपा मरिम्शो दुम्शा ब्वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४
Jeremiah 5:30 in Sunwar 30 मिनु परमप्रभु यावेम “एको रागीम ग्रांग्रा दिचा ङा नु शुश हिंचा ङा श्येत दुम्त।
Jeremiah 23:11 in Sunwar 11 परमप्रभु यावेमी “आं लोव़ पाइब नु चढ़ेब नेल्ल आं कली ममानेब दुम्तेक्म। मेकोपुकीमी आं खिंमी यो आं अरेशो लोव़ मटीनीम। येरमीया ५:३१
Jeremiah 31:9 in Sunwar 9 मेकोपुकी ङाक्ना ङाक्न जाक्नीम। गो मेको आन कली शिशी पा लेश्शा चाक्नुङमी। गो मेको आन कली खोला आ नेक्था गाक्पाइक्नुङमी। दाइल मपांइसीचा ङा पित्थ लांम खुल्नुङमी। मारदे हना गो इस्राएल आ आफ दुम्शो बाक्नुङ। मिनु एफ्राइम आं ङोंइती जरमेशो तौ बाक्ब।
Ezekiel 22:26 in Sunwar 26 मेको आ चढ़ेबपुकीम आं शेंशो लोव़ प्रोंइतेक्म। आं थोव़कपुकी ग्रांग्रा दिशो सेल्तेक्म। मेकोपुकीम आं मार मार मुर आन थोव़क खोदेंशो सेल्तेक्म। मेकोपुकीमी मार ग्रांग्रा दिशो नु मार ग्रांग्रा मदिशो बाक्नीमी, मेको मशेंदेम। मेकोपुकीम आं नाइक्तीक नाक्त प्रेंताक्म। मोपा गो मेको आन दातेम महिक्सीशो दुम्शो बाक्नुङ। सेफन्याह ३:४; इजीकीएल ४४:२३; मत्ती २३:२५; लेवी १०:१०
Hosea 4:6 in Sunwar 6 आं मुर मारेइ मतुइक्तीके खतम दुम्नीम। मारदे हना गेपुकीमी तुइक्तीक कली ताइक्ताक्नी। मोपतीके गो यो इन कली आं कली चढ़ेब दुम्तीक रे ताइक्नन्नी। मारदे हना गेपुकीमी इन परमप्रभु, आं अरेशो लोव़ कली क्यारी मपनी। मोपतीके गो यो इन आल आन कली क्यारी मपाइनुङ।
Hosea 5:1 in Sunwar 1 मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्शा नेनीन। पिप आ खिं ङा मुरपुकी, नेनीन। एको निसाफ इन मरिम्शो पशो आ पर्बम बाक्ब। गेपुकी मिस्पा सहरमी दाइश्शो ब्वारद नु ताबोर सहरमी ब्रशो ग्याइल खोदेंशो दुम्शो बाक्नीनी।
Hosea 12:8 in Sunwar 8 एफ्राइममी “गो शुश क्येट थीब दुम्ती। गो शोंप पाइश्शो बाक्नुङ। आं शुश क्येट चेम्तीके ‘गे पाप पाप्तीवी’ दे दोस गेने मचाप्नीम” देंत। प्रकाश ३:१७
Malachi 2:8 in Sunwar 8 गेपुकी चहिं आं लां प्रोंइशा, हेंथे गाक्तीनी। इन दूली शेंतीकेमी गे शुश मुर आन कली हेंथे गाक्ब सेल्तीनी। गेपुकीमी लेवी नु पशो कबल खतम सेल्तीनी” दे मुर नेल्ल आन परमप्रभु यावेमी देंत।
Malachi 2:14 in Sunwar 14 मिनु गेपुकीमी “मारदे मब्राइबा”? दे हिल्लो पाइनीनी। मारदे हना गे इन ठिटा बाक्ची ना ङा मीश प्रोंइतीनी। मेको आ पर्बम परमप्रभु यावे सांकछी बाक्ब। मेको इ वारच इ मीश बाक्ब, इ कबल पा चाक्शो मीश बाक्ब।
Malachi 3:7 in Sunwar 7 इन किकी पिपी आन बाक्ची ना रे आं फुल्लुम मुशा ब्रेक्शो लोव़ मटिथु, हेंथे लां खोइक्तीनी। आं गे लेतीन। मिनु गो इन गे लेत्नुङ” दे मुर नेल्ल आन परमप्रभु यावेमी देंत। तन्न गेपुकीमी “गो दोपा लेत्चा?” देंतीनी। जकरिया १:३
Malachi 3:13 in Sunwar 13 मिनु परमप्रभु यावेमी “गे आं पर्बम मरिम्शो लोव़ पाइतीनी हना यो ‘इन कली मार मरिम्शो लोव़ पका ङा?’ देंतीनी।
Matthew 6:9 in Sunwar 9 ओदें प्रार्थना पने ‘स्वर्गम बाक्ब आंइ आफ, इन नें ठेयब बाक्ल। लूका ११:२-४; इजीकीएल ३६:२३
Matthew 6:14 in Sunwar 14 इन कली मरिम्शो पाइब आन कली माफ गेतीनी हना, स्वर्गमी बाक्ब इन आफोमी यो इन कली माफ गेब। मर्कूस ११:२५
Matthew 7:21 in Sunwar 21 आं कली प्रभु, प्रभु देंशा ला स्वर्ग ङा राज्य ओव़चा मताइनीम। स्वर्गमी बाक्ब आं आफ आ दाक्शो पाइबपुकी ला ओव़चा ताइनीम। रोमी २:१३; याकूब १:२२
Matthew 15:4 in Sunwar 4 परमप्रभु यावेमी अरेशो लोव़ का ‘आम आफ आस कली मान पचा’ मिनु ‘सु सुमी आम आफ आस कली सराप पाइनीमी, मेकोपुकी साइक्चा पुंइसीनीम’ दे ब्रेक्शो बाक्ब। प्रस्थान २०:१२; प्रस्थान २१:१७
Matthew 15:6 in Sunwar 6 मोदेंशो पा इन रिती थिती सेल्शा, परमप्रभु यावेमी अरेशो लोव़ क्याम्नीनी।
Matthew 19:19 in Sunwar 19 आम आफ आस कली मान पा आस लोव़ टिचा। मिनु इ कली दाक्शो खोदेंशो पा इ नेक्था बाक्ब आन कली दाक्तो” देंत। प्रस्थान २०:१२-१६, लेवी १९:१८
Mark 7:10 in Sunwar 10 मोसामी ब्रेक्शो लोव़ का ‘आम आफ आस कली मान पचा’ मिनु लोव़ का ‘सु सुमी आम आफ आस कली मरिम्शो लोव़ पामे, मेकोपुकी साइक्चा पुंइसमल’ दे ब्रेक्शो बाक्त। प्रस्थान २०:१२; प्रस्थान २१:१७
Mark 10:19 in Sunwar 19 परमप्रभु यावे आ अरेशो लोव़ तुइक्नेवे। मसाइक्चा, वोंइश मीश आस नाता मख्रोइक्चा, खुइ मपचा, सांकछी बाक्शोनु, जोल मपचा, हिंच कोंइशा मारेइ मरोइक्चा, आम आफ आस कली मान पचा, दे ब्रेक्शो बाक्ब” दे मदा बाक्त। प्रस्थान २०:१२-१७
Luke 6:36 in Sunwar 36 दोपा इन आफोमी शिशी पवा, मोपा गेपुकीमी यो शिशी पने” देंमाक्त।
Luke 6:46 in Sunwar 46 मारदे आं कली प्रभु, प्रभु, देंनीनी। तन्न आं देंशो मटीनीनी? मलाकी १:६; मत्ती ७:२१
Luke 10:29 in Sunwar 29 मिनु आंम कली ठीक सेल्शा, मेकोमी “आं नेक्था ङा मुर सु बाक्नीमी, गो मतुइक्नुङ” देंमाक्त।
Luke 18:20 in Sunwar 20 परमप्रभु यावेम ब्रेक्पाइश्शो लोव़ तुइक्नीनी ‘वोंइश मीश आस नाता मख्रोइक्चा, मसाइक्चा, खुइ मपचा, सांकछी बाक्शोनु जोल मपचा, आम आफ आस कली मान पचा’ ” दे मदा बाक्त। प्रस्थान २०:१२-१६
John 13:13 in Sunwar 13 गेपुकीमी आं कली शेंब नु प्रभु देंनीनी। मेको ठीक देंतीनी। मारदे हना गो मेकोन नङ। मत्ती २८:८,१०
Ephesians 6:2 in Sunwar 2 मिनु गे इन आम आफ कली मान पने। मेको ङोंइती ङा आसीक पाइश्शो अरेतीक लोव़ बाक्ब। प्रस्थान २०:१२
1 Timothy 6:1 in Sunwar 1 वाइलीम वाइल नेल्लेमी आन होव़प मान ताक्चा शिरशो बाक्नीम, दे मिम्चा माल्नीम। मोपा मुरपुकीमी परमप्रभु यावे आ नें नु आ शेंतीके आइक्च मसेल्नीम। एफिसी ६:५; तीतस २:९-१०
Titus 2:9 in Sunwar 9 मिनु वाइलीम वाइल आन कली मार शेंचा माल्नेवे देंशा हना, आंम ठेयब मुर आन लोव़ टिचा माल्नीम। आन गेय रिम्शो पा आन ठेयब मुर आन कली ग्येरपाइक्चा माल्नीम। आन ठेयब मुरुमी लोव़ पामेनु, मेकोपुकीम जोप पचा मदुम्नीमी। एफिसी ६:५-६१; तिमोथी ६:१-२; १पत्रुस २:१८
1 Peter 1:17 in Sunwar 17 गेपुकीमी परमप्रभु यावे कली “इं आफ” दे पुंइना पुंइन बाक्नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्नीनु, पाप पचा हिनीन। रोमी २:११; फिलिप्पी २:१२
1 Peter 2:17 in Sunwar 17 मुर नेल्ल आन कली मान पने। थमा सुइक्ब आन कली दाक्तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१