Luke 6:21 in Sunwar

21 मुल जचा मतथु बाक्‍बपुकी, ग्‍येरसीने, मारदे हना परमप्रभु यावेमी इन कली रूथ्री जचा गेब। मुल श्‍येत जशा, ङाक्‍न ङाक्‍न बाक्‍शोपुकी, ग्‍येरसीने। मारदे हना नोले ग्‍येरसीशा बाक्‍चा ताइनीनी। प्रकाश ७:१६-१७

Other Translations

King James Version (KJV)

Blessed are ye that hunger now: for ye shall be filled. Blessed are ye that weep now: for ye shall laugh.

American Standard Version (ASV)

Blessed `are' ye that hunger now: for ye shall be filled. Blessed `are' ye that weep now: for ye shall laugh.

Bible in Basic English (BBE)

Happy are you who are in need of food now: for you will be made full. Happy are you who are weeping now; for you will be glad.

Darby English Bible (DBY)

Blessed ye that hunger now, for ye shall be filled. Blessed ye that weep now, for ye shall laugh.

World English Bible (WEB)

Blessed are you who hunger now, For you will be filled. Blessed are you who weep now, For you will laugh.

Young's Literal Translation (YLT)

`Happy those hungering now -- because ye shall be filled. `Happy those weeping now -- because ye shall laugh.

Cross Reference

Genesis 17:17 in Sunwar

17 मिनु अब्राहाममी खुम्‍की पा बाप्‍शा, रिश्‍शा “सहे का बर्स ङा मुरुम आल थीबा? सारा ९० बर्स दुम्‍शा, आल थिने चाप्‍‍बा?” दे आंम कली देंमाक्‍त। उत्‍पत्ती १८:१२; उत्‍पत्ती २१:६; लूका १:१८; रोमी ४:१९-२१

Genesis 21:6 in Sunwar

6 मिनु सारामी “परमप्रभुमी आं कली रिप्‍पाइक्‍ती। सु सुम एको नेंनीमी, मेको यो गो नु रित्‍नीम। उत्‍पत्ती १८:१२

Psalm 6:6 in Sunwar

6 गो थुं खाइश्‍शा, ङाक्‍शा दती। गो नाक्‍दो आं खाट नेल्‍ल प्रेक्‍कुमी जिप्‍पाइक्‍नुङ। आं इप्‍तीकेमी ङाक्‍शा ला बाक्‍नुङ।

Psalm 17:15 in Sunwar

15 गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

Psalm 28:7 in Sunwar

7 परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

Psalm 30:11 in Sunwar

11 गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।

Psalm 42:1 in Sunwar

1 कुम्‍सो पपाइक्‍ब कली शेंतीक कुम्‍सो। कोराह आ तौ आन कुम्‍सो। १इतिहास ६:१६,२२; २इतिहास २०:१९ दोपा रोकोशेमी खोला ङा ब्‍वाक्‍कु तूतू दाक्‍शा ब्‍वाक्‍कु मिम्‍बा, मोपा आं थुंमी यो परमप्रभु, इन कली मिम्‍ब।

Psalm 63:1 in Sunwar

1 यहूदा आ गोरशो रागीम बाक्‍शो ना ङा दाऊद आ कुम्‍सो। १सामुएल २२:५ परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३

Psalm 65:4 in Sunwar

4 सु सु इन योव़चा पुंइसीशो बाक्‍नीमी, मेकोपुकी ग्‍येरसीशो बाक्‍नीमी। मेको आन कली इन खिंम बाक्‍पाइक्‍चा कली चाक्‍नीनी। गो इन खिं, इन आंम बाक्‍तीके ङा ब्रोव़शो थोव़कमी रू‍नीकी। भजन संग्रह ६३:३-४; भजन संग्रह ८४:२-५; ब्‍यवस्‍था ४:७

Psalm 107:9 in Sunwar

9 मेकोमी तूतू दाक्‍ब आन कली तूपाइक्‍ब। मिनु शोव़लु बेक्‍शो आन कली ब्रोव़शो जचा थोव़कमी रूपाइक्‍ब। लूका १:५३

Psalm 119:136 in Sunwar

136 गो ङाक्‍नुङ। मारदे हना मुरपुकीमी इन अरेशो लोव़ मटीम।

Psalm 126:1 in Sunwar

1 लां ङा कुम्‍सो। परमप्रभु यावेमी ग्‍याइश्‍शा लाइक्‍चा पुंइसीशो आन कली सियोनम लेश्‍शा चाक्‍गानु, गोपुकी ङोमु तशो खोदेंशो दुम्‍तक। भजन संग्रह १४:७

Psalm 126:5 in Sunwar

5 मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। मत्ती ५:४

Psalm 143:6 in Sunwar

6 गो आं गुइ इन गे दिंनुङ। मिनु कोक्‍त रूमी ब्‍वाक्‍कु माल्‍शो खोदेंशो पा, आं थुंमी इन कली माल्‍ब।ठेयब सेंदा पा।भजन संग्रह ४२:२-३

Ecclesiastes 7:2 in Sunwar

2 भोज जतीक खिंम लचा क्‍येङा रोंका प‍शो खिंम ल‍चा रिम्‍शो बाक्‍ब। मारदे हना मुर नेल्‍ल मोदेंशो पा लाइनीम। मिनु मुल सम्‍म ब्रोंइशो मुरपुकीमी मेको आ पर्बम मिम्‍नीम।

Isaiah 12:1 in Sunwar

1 मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

Isaiah 25:6 in Sunwar

6 मिनु मुर नेल्‍ल आन परमप्रभु यावेमी सियोन डांडामी रागी नेल्‍ल ङा मुर आन कली थम ठेयब भोज का सेल्‍ब। ब्रोव़शो नु चोक्‍शो अङगुर शांबु नु ब्रोव़शो जचा थोव़क के भोज गेब। मत्ती २२:२-४

Isaiah 30:19 in Sunwar

19 यरूसलेमम बाक्‍ब सियोन ङा मुरपुकी, गे लेंशा मङाक्‍नीनी। मेकोमी इन ब्रेश्‍शो नेंशा, इन कली थमा पा शिशी पाइब। इन लोव़ नेंशा, लोव़ लेप्‍ब। यसैया ६५:२४

Isaiah 44:3 in Sunwar

3 मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

Isaiah 49:9 in Sunwar

9 गो जेल्‍खानम बाक्‍ब आन कली ‘ग्रूङीन’, छिङछिङम बाक्‍ब आन कली ‘छेङछेङम ग्रूङीन’ देंचा कली ब्रेत्‍ताक्‍न। मेकोपुकी आं भेडा बाक्‍नीम। लांमी जोचा ताइनीम। गोरशो डांडा मेको आन रिम्‍शो पा जोतीके बाक्‍तीके दुम्‍ब।

Isaiah 55:1 in Sunwar

1 मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७

Isaiah 57:17 in Sunwar

17 मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।

Isaiah 61:1 in Sunwar

1 “परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

Isaiah 65:13 in Sunwar

13 मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

Isaiah 66:10 in Sunwar

10 मिनु गे यरूसलेम कली दाक्‍ब नेल्‍लेमी मेको नु ग्‍येरसीन। गे मेको आ पर्बम रोंका पाइब नेल्‍ल ग्‍येरसीन।

Jeremiah 9:1 in Sunwar

1 परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

Jeremiah 13:17 in Sunwar

17 तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

Jeremiah 31:9 in Sunwar

9 मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

Jeremiah 31:13 in Sunwar

13 मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

Jeremiah 31:18 in Sunwar

18 परमप्रभु यावेम “गो एफ्राइम आ ङाक्‍शा पुंइशो नेंता” देंत। मिनु एफ्राइममी “गे आं कली शेंताक्‍यीनी। गो इन शेंशो रुप्‍ता। गो मटीब बोहोर खोदेंशो बाक्‍ती। आं कली लेत्‍चा गेयीनी। गो लेत्‍चा ताइनुङ। मारदे हना गे परमप्रभु यावे, गे आं परमप्रभु बाक्‍नीनी।

Jeremiah 31:25 in Sunwar

25 गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

Ezekiel 7:16 in Sunwar

16 मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।

Ezekiel 9:4 in Sunwar

4 “यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

Matthew 5:4 in Sunwar

4 आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

Matthew 5:6 in Sunwar

6 ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

Luke 1:53 in Sunwar

53 शोव़लु बेक्‍शो आन कली जचा गेब। शोंप पाइश्‍शो आन कली श्‍येत्‍थ गुइ सोइक्‍ब। भजन संग्रह ३४:११; भजन संग्रह १०७:९

Luke 6:25 in Sunwar

25 मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।

John 4:10 in Sunwar

10 मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

John 6:35 in Sunwar

35 मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७

John 7:37 in Sunwar

37 मिनु बाली ओंइतीक चाड नुप्‍ची नाक्‍त नेल्‍ल क्‍येङा ठेयब नाक्‍ती बाक्‍त। मेना येसुमी मुर आन कली “सु सुमी तूतू दाक्‍नीमी, मेको आं गे पिशा तूङमेक्‍ल। लेवी २३:३६; यूहन्‍ना ४:१०; यसैया ५५:१; प्रकाश २२:१७

John 11:35 in Sunwar

35 मिनु येसु यो ङाक्‍त।

John 16:20 in Sunwar

20 नोफा दाइश्‍शा नेनीन, गेपुकी ङाक्‍शा, हिशेक पाइनीनी। रागी ङा मुरपुकी चहिं ग्‍येरसीनीम। इन थुं खाइश्‍शो बाक्‍नीनी। तन्‍न थुं खाइश्‍शो सा‍शा ग्‍येरनीनी। मर्कूस १६:१०

Romans 9:1 in Sunwar

1 ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।

1 Corinthians 4:11 in Sunwar

11 मुल यो जचा तूचा मतथु, मरिम्‍शो फेक्‍सीशा, श्‍येत जशा, आंइ बाक्‍तीक खिं यो मबाक्‍ब। २कोरिन्‍थी ११:२३-२७

2 Corinthians 1:4 in Sunwar

4 गो शुश श्‍येत जकानु, परमप्रभु यावेमी आंइ थुं नाइक्‍पाइश्‍शा बारपाइक्‍ब। मिनु आंइ थुं नांइ‍सीशा, गोपुकीमी यो श्‍येत जाइब आन कली आन थुं नाइक्‍पाइश्‍शा, बारपाइक्‍ने चाप्‍नीकी।

2 Corinthians 6:10 in Sunwar

10 सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

2 Corinthians 7:10 in Sunwar

10 परमप्रभु यावेमी थुं खाइक्‍पाइश्‍शो आन कली रिम्‍शो दुम्‍मल, दे मो पशो बाक्‍ब। रागी ङा थुं खाइक्‍पाइक्‍मुशोमी चहिं थुं साइक्‍ब। मत्ती २६:७५; लूका १५:१७-२४; मत्ती २७:३-५

2 Corinthians 11:27 in Sunwar

27 येसु आ लोव़ शेंना शेंन गाक्‍ङानु, शुश गेय पा, शुश श्‍येत जशा, शुश नाक्‍दो इप्‍चा यो मतङ। जचा तूचा यो मतङ। ग्‍यूमी फेक्‍चा यो मतङ। २कोरिन्‍थी ६:५

2 Corinthians 12:10 in Sunwar

10 मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। फिलिप्‍पी ४:१३

James 1:2 in Sunwar

2 आं लोक्‍बपुकी, इन थमा सुइक्‍तीके ठीक बाक्‍म कों, मबाक्‍म, दे थुं थाम्‍चा पुंइसाक्‍नी हना, ग्‍येरसीने। रोमी ५:३-५; १पत्रुस ४:१३

James 1:12 in Sunwar

12 सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

1 Peter 1:6 in Sunwar

6 गे मेको तुइश्‍शा, ग्‍येरनीनी। मुल इच्‍का नाक्‍त सम्‍म थुं थाम्‍चा कली मार मार श्‍येत जाइनीनी। १पत्रुस ५:१०; २कोरिन्‍थी ४:१७

Revelation 7:16 in Sunwar

16 मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। यसैया ४९:१०

Revelation 21:3 in Sunwar

3 मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३