Luke 21:12 in Sunwar 12 मो दुम्चा क्येङा ङोंइती थमा सुइक्ब इन कली खेदा पा ग्याइक्नीमी। मिनु ग्याइश्शा, आन ग्रुम्तीक खिंम लाइश्शा दोस गेशा, जेल्खानमी चोक्नीम। आं नें आ पर्बम ठेयब मुर नु पिप आन ङोंइती चाक्दीश्शा, राप्पाइक्चा पुंइसीनीनी। मत्ती १०:१८-२२,३०
Other Translations King James Version (KJV) But before all these, they shall lay their hands on you, and persecute you, delivering you up to the synagogues, and into prisons, being brought before kings and rulers for my name's sake.
American Standard Version (ASV) But before all these things, they shall lay their hands on you, and shall persecute you, delivering you up to the synagogues and prisons, bringing you before kings and governors for my name's sake.
Bible in Basic English (BBE) But before all this, they will take you and be very cruel to you, giving you up to the Synagogues and to prisons, taking you before kings and rulers, because of my name.
Darby English Bible (DBY) But before all these things they shall lay their hands upon you and persecute you, delivering [you] up to synagogues and prisons, bringing [you] before kings and governors on account of my name;
World English Bible (WEB) But before all these things, they will lay their hands on you and will persecute you, delivering you up to synagogues and prisons, bringing you before kings and governors for my name's sake.
Young's Literal Translation (YLT) and before all these, they shall lay on you their hands, and persecute, delivering up to synagogues and prisons, being brought before kings and governors for my name's sake;
Cross Reference Matthew 10:16 in Sunwar 16 भेडा आन कली फर आन दातेम सोइश्शो खोदेंशो पा सोइक्नन्नी। बुस्स खोदेंशो पा निप्स पाइश्शो दुमीने। मिनु परवा खोदेंशो दुम्शा, सुइ कली मरिम्शो मपने। लूका १०:३; रोमी १६:१९; एफिसी ५:१५
Matthew 22:6 in Sunwar 6 लीशोपुकीमी ब्रेत्थ जाक्ब आन कली शुक्शी पा ग्याइश्शा तुप्शा सदमे बाक्त। मत्ती २१:३५
Matthew 23:34 in Sunwar 34 मोपतीके गो इन बाक्तीके परमप्रभु यावे आ लोव़ पाइब, जोक्ब तुइक्ब मुर नु परमप्रभु यावे आ लोव़ शेंब सोइक्नुङमी। का निक्शी आन कली साइक्नीनी, का निक्शी आन कली शीमी क्याइश्शा साइक्नीनी, का निक्शी आन कली ग्रुम्तीक खिंमी लाइश्शा, कोर्रामी युक्नीनी, मिनु तेइ बाक्चा मगेथु, खेदा पा खेरनीनी।
Matthew 24:9 in Sunwar 9 इन कली खेदा पा शुश श्येत गेनीम, साइक्नीम। नेल्ल जात ङा मुरपुकीमी आं पर्बम इन कली मदाक्थु आइक्च सेल्नीम। मत्ती १०:२१-२२; यूहन्ना १६:२
Mark 13:9 in Sunwar 9 आंम इन कली मिम्शा होस पा बाक्कीन। कछडी वोइक्चा पुंइसीनीनी। ग्रुम्तीक खिंमी तुप्चा पुंइसीनीनी। आं नें आ पर्बम हुकुम पाइब नु पिप आन ङोंइती राप्पाइक्चा पुंइसीशा, सांकछी दुम्चा माल्नीनी।
Luke 11:49 in Sunwar 49 साइ नेसी परमप्रभु यावे आ तुइक्तीक पाइश्शोमी ‘गो आं लोव़ शेंब मुर सोइक्नुङमी। मेको आं सोइश्शो मुर का निक्शी आन कली खेदा पा श्येत गेनीम, का निक्शी आन कली साइक्नीम’ देंशो बाक्त।
John 15:20 in Sunwar 20 मिनु ङोंइती गो इन कली ‘होव़प क्येङा वाइली ठेयब ममाइ’ देंती। मिनु आं देंशो मिम्तीन। मुरपुकीमी आं कली श्येत गेतीमी हना, इन कली यो श्येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्ना १३:१६; मत्ती १०:२४-२५
John 16:2 in Sunwar 2 मुरपुकीमी इन कली ग्रुम्तीक खिं रे तिल्नीम। थमा, इच्का नोले इन कली साइक्बपुकीमी ‘गो परमप्रभु यावे आ दाक्शो पना पन बाक्ती’ दे मिम्नीम। मत्ती १०:१७,२२; मत्ती २४:९
Acts 4:3 in Sunwar 3 मिनु पत्रुस नु यूहन्ना आस कली ग्याइक्पाइश्शा “मुल नां रिक्त। मोपतीके कछडीम दीसा बाक्चा” दे मेको नाक्दो जेल्खानमी चोक्पदमे बाक्त।
Acts 5:17 in Sunwar 17 सोइश्शोपुकीमी मोदेंशो छक लाक्चा ङा गेय पशो तशा, ठेयब चढ़ेब नु सदुकी आन थुंम गेहे पामे बाक्त। प्रेरित ४:१,६
Acts 5:40 in Sunwar 40 मिनु गमालीएल आ लोव़ नेंशा, बिस्समा बाक्त। मिनु लाङगाम सोइश्शो आन कली खिं गा ब्रेश्शा, का का पा युक्पदमे बाक्त। मिनु “मुल ङा मेरे येसु आ नेंमी शेंशा मगाक्कीने” दे प्रोंइशा सोइक्तमे बाक्त। मत्ती १०:१७
Acts 6:12 in Sunwar 12 मोदेंशो जोल लोव़ पाइब मुर, यहूदी आन जोक्ब तुइक्ब खाल्पा नु सास्त्री आन कली पोक्गमे बाक्त। मेको लोव़ पा ब्रुइबपुकीमी स्तीफसनस कली ग्याइश्शा, कछरीम राप्पदमे बाक्त।
Acts 7:57 in Sunwar 57 मो देंमेनु “एको आ लोव़ मनेंचा” दे शुश रेयके पा, गुइ पोक्शा प्रेक्शा ग्राम्शा ग्याइक्तमे बाक्त।
Acts 8:3 in Sunwar 3 सावलमी चहिं “मेको आन थमा सुइश्शो क्याम्चा” दे खिं खिं हिरशा ओव़शा, थमा सुइक्ब वोंइश मुर, मीश मुर नेल्ल आन कली ग्याइक्पाइश्शा, फ्रेंशा लाइश्शा जेल्खानमी चोक्पाइक्बाक्माक्त। प्रेरित ९:१; प्रेरित २२:४; १कोरिन्थी १५:९
Acts 9:4 in Sunwar 4 मोपा छेङछेङ तवानु, दिङ गोल्माक्त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्त।
Acts 12:1 in Sunwar 1 मेको बर्समी पिप हेरोदमी यरूसलेम सहरम बाक्ब थमा सुइक्ब का निक्शी आन कली खेदा पा ग्याइश्शा, शुश श्येत गेमी बाक्त।
Acts 16:22 in Sunwar 22 एर ओंथ जाक्शा देल्शोपुकीमी यो “एको आस कली तुप्चा माल्ब” दे रेयके पाम्तेक्म। मिनु निसाफ पाइबपुकीमी पावल नु सिलास आस कली आस फेक्शो वा प्रुइश्शा, कोक्केम तुप्पाइक्तेक्म। २कोरिन्थी ११:२५; फिलिप्पी १:३०; १थिस्सलोनिकी २:२
Acts 21:30 in Sunwar 30 पावल कली दोस गेशो लोव़ सहर नेल्ल ब्रीमाक्त। मिनु सहर ङा मुरपुकी दोरशा जाक्शा, शुश रेयके पामे बाक्त। पावल कली ग्याइश्शा कीशा परमप्रभु यावे आ खिं रे ग्रुंइशा लदमे बाक्त। मिनु परमप्रभु यावे आ खिं ङा खाल पाइबपुकीमी ठेयब लाप्चो नेल्ल ग्रु ग्रा चोक्गमे बाक्त।
Acts 22:30 in Sunwar 30 मिनु मेको लडाइ पाइब आन ठेयब मुर “मेको मुर आ दोस मार बाक्म?” दे रुप्चा माला बाक्त। मोपतीके आ दीसा नाक्ती ठेयब चढ़ेब नु कछडी बाक्ब मुर आन कली खुप्पाइश्शा, पावल कली आ गुइ ङा साङलो प्रुइश्शा लाइश्शा, खुम्सीशो मुर आन ङोंइती राप्पदा बाक्त।
Acts 24:1 in Sunwar 1 मिनु ५ नाक्त नोले ठेयब चढ़ेब हनानीया, यहूदी आन जोक्ब तुइक्ब खाल्पा का निक्शी नु तेरतुल्लस नें पाइश्शो निसाफ पाइब का सिजरियामी जाक्मा बाक्त। मिनु हुकुम पाइब आ ङोंइती पावल कली दोस गेमे बाक्त।
Acts 25:1 in Sunwar 1 फेस्तस हुकुम पाइब दुम्शा, आ सांबु नाक्ती सिजरिया रे गाक्शा, यरूसलेम ग्येत्थ लमाक्त।
Acts 25:11 in Sunwar 11 गो दू्ली पाइब दुम्शा, साइक्चा पुंइसीचा ङा बाक्ती हना, सजाइ जाइनुङ। बेक्चा यो महिंनुङ। आं कली दोस गेबपुकीमी दोस ग्रुंइने मचाप्तेक्म हना, आन गुइमी दोपा गेचा पुंइसीनुङा? सिजर पिपी कली आं मुददा कोव़चा गेने, देंनुङ” दे मदा बाक्त। प्रेरित २३:११; प्रेरित २८:१९
Acts 25:22 in Sunwar 22 मिनु अग्रीप्पामी फेस्तस कली “गो मेको मुर आ लोव़ नेंचा दाक्नुङ” देंमेनु “सरकार, दीसान इन ङोंइती राप्पाइक्नुङ” देंमाक्त। लूका २२:८
Acts 26:2 in Sunwar 2 “अग्रीप्पा सरकार, यहूदीपुकीमी शुश दोस गेतीमी। मिनु मेको दोस आ पर्बम हजुर नु लोव़ पचा तङानु, गो ग्येरसाक्यी।
1 Thessalonians 2:15 in Sunwar 15 यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्शा, आंइ कली खेरतेक्म। मेकोपुकीमी मोपा परमप्रभु यावे कली मग्येरपदेम, मुर नेल्ल आन कली श्येत गेम्तेक्म। प्रेरित २:२३; मत्ती २३:३७; प्रेरित ७:५२
1 Peter 2:13 in Sunwar 13 प्रभु आ पर्बम सरकारमी अधिकार गेशो मुर आन कली टिने। पिप नेल्ल क्येङा ठेयब बाक्ब। मोपतीके टिचा माल्नीनी। रोमी १३:१-७; तीतस ३:१
1 Peter 4:12 in Sunwar 12 मिनु आं दाक्शो लोक्बपुकी, इन कली थुं थाम्चा ङा श्येत शुश दुम्त हना, महिनीन। मेको मारेइ ममाइ। इन थमा सुइक्तीके नाक्चा कली बाक्ब। १पत्रुस १:६-७
Revelation 2:10 in Sunwar 10 मिनु मुल इन कली श्येत दुम्चाप्तु। तन्न महिनीने। नेनीन, मुल दियाबलस सैतानमी गे का निक्शी इन कली थुं थाम्चा कली जेल्खानम चोक्पाइक्ब। गे १० नाक्त सम्म ला श्येत जाइनीनी। साइक्चाम्तेक्म हना यो, फाल्शा थमा सुइक्चा मप्रोनीन। मो पाइतीनी हना, गो इन कली गेना हना यो ब्रोंइशा बाक्तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८