Luke 18:14 in Sunwar 14 परमप्रभु यावेमी मेको कली आ पाप क्याम्शा, ठीक दुम्पाइक्तु। मिनु ठीक दुम्शा, आ खिं लेत्त। फरिसी चहिं पाप क्याम्चा मतव। मारदे हना सुमी ठेयब सुंइसीबा, मेको महिक्शो दुम्ब। ठेयब मसुंइसीब कली चहिं परमप्रभु यावेमी ठेयब सेल्ब” दे येसुमी माइक्मी बाक्त। मत्ती २१:३१; लूका १४:११; मत्ती २३:१२
Other Translations King James Version (KJV) I tell you, this man went down to his house justified rather than the other: for every one that exalteth himself shall be abased; and he that humbleth himself shall be exalted.
American Standard Version (ASV) I say unto you, This man went down to his house justified rather than the other: for every one that exalteth himself shall be humbled; but he that humbleth himself shall be exalted.
Bible in Basic English (BBE) I say to you, This man went back to his house with God's approval, and not the other: for everyone who makes himself high will be made low and whoever makes himself low will be made high.
Darby English Bible (DBY) I say unto you, This [man] went down to his house justified rather than that [other]. For every one who exalts himself shall be humbled, and he that humbles himself shall be exalted.
World English Bible (WEB) I tell you, this man went down to his house justified rather than the other; for everyone who exalts himself will be humbled, but he who humbles himself will be exalted."
Young's Literal Translation (YLT) I say to you, this one went down declared righteous, to his house, rather than that one: for every one who is exalting himself shall be humbled, and he who is humbling himself shall be exalted.'
Cross Reference Exodus 18:11 in Sunwar 11 देवी देवता आन क्येङा परमप्रभु यावे ला ठेयब बाक्ब, दे गो मुल तुइक्ताक्ङ। आ मुर आन कली इजीप्त ङा मुर आन गुइ रे प्रोंइतु। मारदे हना इजीप्तीपुकीमी मेको आन कली ठेयब लेश्शा दिप्शो बाक्तेक्म” देंत। नेहेम्याह ९:१०; येरमीया ५०:२९
1 Samuel 1:18 in Sunwar 18 मिनु हान्नाहमी “गो इन शिशी ताइब दुम्ङल” देंमाक्त। मिनु नोले मेको लशा, आ वोंइश नु जवा तूङा बाक्त। मिनु नोले लेंशा आ थुं मखाइक्माक्त।
Job 9:20 in Sunwar 20 गो दोस मताइब बाक्ती हना यो, आं लोव़मीन आं कली दोस ताइब सेल्ब। गो दोस मपाइश्शो बाक्ती हना यो, मेकोमी ‘गे दोस ताइब बाक्नेवे’ दे चिन्ड कोंइब।
Job 22:29 in Sunwar 29 मारदे हना मेकोमी ठेयब लेश्शो लोव़ पाइब आन कली आइक्च सेल्ब। ब्रेम्शो मुर आन कली चहिं प्रोंइब। १ पत्रुस ५:५
Job 25:4 in Sunwar 4 बेक्शा लाइब मुर दोपा परमप्रभु आ ङोंइती ठीक पाइब दुम्ने चाप्नीमी ङा? मीश मुर रे जरमेशो मुर दोपा ग्रांग्रा मदिचा ङा दुम्ने चाप्नीमी ङा? अय्युब ९:२; भजन संग्रह १४३:२
Job 40:9 in Sunwar 9 मार इ सक्ति परमप्रभु के खोदेंशो बाक्बा? गे बुंबु पशो सेंदा खोदेंशो पा ग्रीने चाप्नेवे?
Psalm 138:6 in Sunwar 6 परमप्रभु यावे नेल्ल क्येङा ठेयब बाक्त हना यो, मेकोमी आइक्च मुर आन कली कोव़ब। तन्न ठेयब लेश्शो मुर आन क्येङा ङोन बाक्ब।
Psalm 143:2 in Sunwar 2 मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्नीम। भजन संग्रह १३०:३; अय्युब ९:२; रोमी ३:२०
Proverbs 3:34 in Sunwar 34 मिनु परमप्रभु यावेमी ठेयब लेश्शो शुक्शी पाइब मुर आन कली शुक्शी पाइब। ब्रेम्शो थुं पाइश्शो आन कली चहिं शिशी पाइब। १ पत्रुस ५:५
Proverbs 15:33 in Sunwar 33 परमप्रभु यावे कली मान पा हिंतीके तुइक्तीक कली शेंसीतीक बाक्ब। मिनु मान तचा क्येङा ङोंइती ब्रेम्शो थुं पाइश्शो दुम्चा माल्ब। हितोपदेस १८:१२; हितोपदेस २२:४
Proverbs 16:18 in Sunwar 18 मुर खतम दुम्चा क्येङा ङोंइती ठेयब लेत्नीम। नुप्चा क्येङा ङोंइती मुर बोरनीम। हितोपदेस १८:१२
Proverbs 18:12 in Sunwar 12 खतम दुम्चा क्येङा ङोंइती मुर ठेयब लेत्नीम। मान तचा क्येङा ङोंइती मुर ब्रेम्शो दुम्नीम। हितोपदेस १६:१८
Proverbs 29:23 in Sunwar 23 मुर आन ठेयब लेश्शोमी मेको कली आइक्च सेल्ब। ब्रेम्शो थुं पाइश्शो मुर चहिं मान ताइब।
Ecclesiastes 9:7 in Sunwar 7 आंम इ लां गाक्को, इ जतीक थोव़क ग्येरशा जावो। ग्येरशा इ अङगुर शांबु तूङो। मारदे हना परमप्रभुमी इ पशो गेय दाक्ब। उपदेसक २:२४
Isaiah 2:11 in Sunwar 11 मुर नेल्ल आन ठेयब लेश्शो आइक्च सेल्चा पुंइसीनीम। बोरशो मुर नेल्ल ब्रेम्शो सेल्चा पुंइसीनीम। मेको नाक्ती परमप्रभु यावे ला ठेयब दुम्ब। यसैया २:११
Isaiah 45:25 in Sunwar 25 इस्राएल आ चच युइ नेल्लेम ‘परमप्रभु यावेमी इं कली ठीक सेल्ब। गोपुकी आ मुर दुम्तय’ दे ग्येरसीनीम” देंत। येरमीया ९:२२-२३
Isaiah 53:11 in Sunwar 11 मेको आ श्येत जशो रे मेकोमी छेङछेङ ताइब। मेको आ तुइक्तीकेमी शुश मुर आन कली ठीक पतीके तुइक्पाइक्ब। मेकोमी आन मरिम्शो पशो कुरब। १कोरिन्थी १:३०; यूहन्ना १:२९
Isaiah 57:15 in Sunwar 15 मिनु ठेयब नु इर ङा, गेना हना यो बाक्ब आ नें का ला बाक्शो परमप्रभुमी “गो नेल्ल क्येङा इर ङा आं बाक्तीकेमी बाक्नुङ। मिनु गो थुं लुक्च लशो नु दिप्चा पुंइसीशो मुर नु बाक्नुङ। गो दिप्शो मुर नु आन थुं लुक्च लशो आन थुं बारपाइक्चा कली मेकोपुकी नु बाक्नुङ। भजन संग्रह ११३:५-९; यसैया ६६:१-२; भजन संग्रह ५०:१९
Daniel 4:37 in Sunwar 37 मुल गो, नेबुकदनेसरमी ‘स्वर्ग ङा पिप ठेयब बाक्ब’ दे मान पाइनुङ। मारदे हना आ पशो नेल्ल थमा बाक्ब। आ पतीके नेल्ल ठीक बाक्नीम। मेकोमी ठेयब लेश्शो मुर आन कली ब्रेम्शो सेल्ने चाप्ब” दे पिपमी देंत। लूका १:५१; लूका १८:१४
Habakkuk 2:4 in Sunwar 4 गे ठेयब लेश्शो कली कोव़ङो। मेको आ थुं मरिम्शो बाक्ब। तन्न ठीक पाइब आं कली थमा सुइश्शा ब्रोंइब।
Matthew 5:3 in Sunwar 3 “महिक्सीशो मुरपुकी आसीक राइनीम। मारदे हना स्वर्ग ङा राज्य मेको आन केन बाक्ब। यसैया ५७:१५
Matthew 23:12 in Sunwar 12 ठेयब सुंइसीब हिक्चा मपुंइसीब। महिक्सीशो चहिं मान पाइक्चा पुंइसीब। अय्युब २२:२९; हितोपदेस २९:२३; इजीकीएल २१:३१; लूका १८:१४; १पत्रुस ५:५
Luke 1:52 in Sunwar 52 हुकुम पाइब आन सासन पशो रोइश्शा, महिक्सीशो आन कली ठेयब सेल्तु। भजन संग्रह १४७:६
Luke 5:24 in Sunwar 24 रागीम जरमेशोमी, पाप क्याम्चा कली अधिकार तशो बाक्ब, दे गेपुकीमी यो तुइक्तीन” दे गुइ खोइल मदुक्ब कली “छुल बोक्शा, इ ब्राख्ये कुरशा, इ खिं लावो” दे मदा बाक्त। यूहन्ना ५:३६
Luke 7:47 in Sunwar 47 मोपतीके एको के शुश पाप नेल्ल क्याम्साक्व। मारदे हना एकोमी शुश आ दाक्तीके कोंइताक्व। सु के पाप इच्का ला क्याम्से, मेकोमी इच्का ला दाक्ब” दे मदा बाक्त।
Luke 10:29 in Sunwar 29 मिनु आंम कली ठीक सेल्शा, मेकोमी “आं नेक्था ङा मुर सु बाक्नीमी, गो मतुइक्नुङ” देंमाक्त।
Luke 14:11 in Sunwar 11 मारदे हना ठेयब सुंइसीब कली मुरपुकीमी महिक्थु मान मपाइनीमी। ठेयब मसुंइसीब कली चहिं मुरपुकीमी ठेयब सेल्शा, मान पाइनीम” दे शेंदीमी बाक्त। लूका १८:१४; मत्ती २३:१२; याकूब ४:६,१०
Luke 16:15 in Sunwar 15 मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्नीम। परमप्रभु यावेमी चहिं इन मिम्शो नेल्ल तुइक्ब। मुर आन दातेमी हिक्सीशो नेल्ले परमप्रभु यावे आ ङोंइती थम आइक्च दुम्नीम। लूका १८:९-१४
Romans 3:20 in Sunwar 20 मिनु अरेशो लोव़ पशा, सुइ ठीक मदुम्नीम। मारदे हना आ अरेशो लोव़ तुइश्शा, गो मरिम्शो पाइब बाक्नय, दे तुइक्नय। भजन संग्रह १४३:२; गलाती २:१६; रोमी ७:७
Romans 4:5 in Sunwar 5 तन्न सुमी गेय मपाइब, ङोंइती मटीब मुर आन कली ठीक पाइब कली थमा सुइक्बा, मेको आ थमा सुइक्तीके ठीक बाक्ब। रोमी ३:२६
Romans 5:1 in Sunwar 1 मिनु गो थमा सुइश्शोमीन ठीक दुम्पाइक्चा पुंइसीशा, इं प्रभु येसु ख्रीस्त रे पा परमप्रभु यावे नु दुशा बाक्तीक दुम्शो बाक्त। रोमी ३:२४,२८; यसैया ५३:५
Romans 8:33 in Sunwar 33 परमप्रभु यावे आ योव़शो आन कली सुमी दोस गेने चाप्बा ङा? सुइमी मचाप्नीम। मारदे हना परमप्रभु यावेमी मेको आन कली ठीक दुम्पाइक्तु। यसैया ५०:८
Galatians 2:16 in Sunwar 16 इं यहूदी रिती थिती पतीके ठीक मदुम्नय। ख्रीस्त येसु कली थमा सुइक्तीके ठीक दुम्नय, दे रुप्तय। मोपतीके इं यहूदी रिती थिती पचा प्रोंइशा, ख्रीस्त येसु कली थमा सुइक्तय। गो लेंशा देंनुङ, रिती थिती पतीके सुइ ठीक मदुम्नीम। परमप्रभु यावेमी मुर आन कली येसु ख्रीस्त कली थमा सुइश्शो तशा, ठीक दुम्पाइक्ब। रोमी ३:२०,२८; एफिसी २:८
James 2:21 in Sunwar 21 मिनु इं किकी अब्राहाममी आ तौ इसहाक परमप्रभु यावे कली चढे़चा, दे परमप्रभु यावे आ ङोंइती ठीक गेय पाइब दुम्माक्त। उत्पत्ती २२:१-१९; हिब्रू ११:१७; रोमी ४:२-३
James 4:6 in Sunwar 6 तन्न परमप्रभु यावेमी मेको क्येङा शुश शिशी पाइब। मिनु “गो ठेयब लेश्शो मुर आन कली शिशी मपाइनुङ। ब्रेम्शो, ठेयब मलेश्शो मुर आन कली ला शिशी पाइनुङ” दे ब्रेक्पाइश्शो बाक्ब। अय्युब २२:२९; हितोपदेस ३:३४; मत्ती २३:१२; १पत्रुस ५:५
James 4:10 in Sunwar 10 प्रभु येसु आ ङोंइती आइक्च दुम्शा, ब्रेम्शो दुमीन। मिनु परमप्रभु यावेमी इन कली ठेयब सेल्ब।
1 Peter 5:5 in Sunwar 5 मिनु गे ठिटापुकी, शेंब खाल्पा आन देंशो लोव़ टिने। गे नेल्ल ब्रेम्शो थुं पाइश्शो दुम्शा, गेय पमुने। मारदे हना परमप्रभु यावेमी ठेयब लेश्शो मुर आन कली मकोव़ब, ब्रेम्शो थुं पाइश्शो मुर आन कली ला शिशी पाइब। एफिसी ५:२१; अय्युब २२:२९; हितोपदेस ३:३४; मत्ती २३:१२; याकूब ४:६