Leviticus 26:6 in Sunwar 6 मिनु गो रागी ङा मुर आन कली थुं नाइश्शा बाक्चा गेनुङ। मिनु गेपुकी गोल्शा निन्द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्तु आन कली खेरनुङमी। इन रागीमी लडाइ मदुम्ब। इजीकीएल ३४:२५
Other Translations King James Version (KJV) And I will give peace in the land, and ye shall lie down, and none shall make you afraid: and I will rid evil beasts out of the land, neither shall the sword go through your land.
American Standard Version (ASV) And I will give peace in the land, and ye shall lie down, and none shall make you afraid: and I will cause evil beasts to cease out of the land, neither shall the sword go through your land.
Bible in Basic English (BBE) And I will give you peace in the land, and you will take your rest and no one will give you cause for fear; and I will put an end to all evil beasts in the land, and no sword of war will go through your land.
Darby English Bible (DBY) And I will give peace in the land, and ye shall lie down, and none shall make you afraid; and I will put away the evil beasts out of the land; and the sword shall not go through your land.
Webster's Bible (WBT) And I will give peace in the land, and ye shall lie down, and none shall make you afraid: and I will rid the land of evil beasts, neither shall the sword go through your land.
World English Bible (WEB) "'I will give peace in the land, and you shall lie down, and no one will make you afraid; and I will remove evil animals out of the land, neither shall the sword go through your land.
Young's Literal Translation (YLT) `And I have given peace in the land, and ye have lain down, and there is none causing trembling; and I have caused evil beasts to cease out of the land, and the sword doth not pass over into your land.
Cross Reference Exodus 23:29 in Sunwar 29 तन्न बर्स कामी मेको आन कली मप्रोक्पाइक्नुङमी। मोपा प्रोक्पाइक्तामी हना, गोरशो रागी दुम्शा, इन क्येङा ब्वाकी ङा जन्तु शुश दुम्नीम।
Leviticus 26:22 in Sunwar 22 गो इन दातेमी ब्वाकी ङा जन्तुपुकी सोइक्नुङमी। मेकोमी इन आल आन कली ब्वाइनीम। मिनु इन बस्तु भाव साइक्नीम। मिनु गे का निक्शी ला दुम्तीके इन लां नेल्ल श्येत्थ दुम्नीम। इजीकीएल ५:१७
2 Kings 2:24 in Sunwar 24 मिनु मेकोम लेश्शा कोव़शा, मेको आन कली परमप्रभु यावे आ नेंमी सराप पाइक्मी बाक्त। मिनु ब्वाकी रे छाउरी वां निक्शी ग्रूशा, मेको आन दाते ङा ४२ जना आन कली क्राइश्शा साइक्मी बाक्त।
2 Kings 17:25 in Sunwar 25 मिनु ङोंइती मेकोपुकी मेकेर बाक्मानु, परमप्रभु यावे कली ममानेमे बाक्त। मोपतीके परमप्रभु यावेमी मेको आन दातेमी गुप्स सोइक्तीमी बाक्त। मिनु मेको गुप्सपुकीम कोइ कोइ आन कली सदमे बाक्त। होसे १३:८
1 Chronicles 22:9 in Sunwar 9 गे तौ का थीनेवे। मेको लडाइ मपाइब मुर दुम्ब। गो मेको आ एर ओंथ ङा जोरी सत्रु नेल्ल आन कली लडाइ मपपाइक्नुङ। मिनु मेको आ नें सोलोमन दुम्चा माल्ब। आ सासन पची ना, गो इस्राएलम लडाइ मदुम्पाइक्थु रिम्शो पा बाक्चा गेनुङ।
Job 5:23 in Sunwar 23 इन रूमी फुल्लु मबाक्नीम। मिनु ब्वाकी ङा जन्तुपुकीम इन कली श्येत मगेनीम। यसैया ११:६-९; होसे २:२०
Job 11:19 in Sunwar 19 गे सुइ आन क्येङा महिंथु इप्नीनी। मिनु शुश मुरुम इन शिशी तचा कली आस पाइनीम।
Psalm 3:5 in Sunwar 5 गो इप्शा, निन्द्रा पा, सेंसाक्यी, मारदे हना परमप्रभु यावे आं कली कोव़ब बाक्ब। भजन संग्रह ४:९
Psalm 4:8 in Sunwar 8 गो हेम पा बाक्शा, इप्शा निन्द्रा पाइनुङ। मारदे हना परमप्रभु यावे, गे आं कली श्येत मजपाइक्थु, बाक्चा गेनीनी। भजन संग्रह ३:६
Psalm 29:11 in Sunwar 11 परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्पाइक्ब।
Psalm 85:8 in Sunwar 8 परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्मा गेंसीशो मुरपुकी नु थुं नाइक्तीक लोव़ पाइब। मेको आन कली लेंशा दूली गाक्चा मगेने। येरमीया २९:११; मीका ५:४
Psalm 127:1 in Sunwar 1 लां ङा कुम्सो। सोलोमन आ कुम्सो। परमप्रभु यावेमी खिं मसेल्शो हना, खिं सेल्ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।
Psalm 147:14 in Sunwar 14 मेकोमी इ सांदमी लडाइ मदुम्पाइक्ब। मेकोमी इ कली रिम्शो चेरबीम रूपाइक्ब।
Proverbs 3:24 in Sunwar 24 गे निस्सेनु, हिंचा ममाल्नेवे। इमेनु ब्रोव़शो निन्द्रा पाइनेवे। भजन संग्रह ३:६
Proverbs 6:22 in Sunwar 22 मिनु गे ते लते हना यो, मेकोमी इ कली लां कोंइनीस। गे इप्ते हना, मेकोमी इ कली खाल पाइनीस। गे सेंसेनु, गे नु लोव़ पाइनीस। भजन संग्रह ११९:१७२
Isaiah 9:7 in Sunwar 7 मेको आ अधिकार गेना हना यो बारब। दाऊद आ राज्य कली गेना हना यो थुं नाइक्तीके दुम्ब। मेको आ राज्य गेना हना यो ठीक निसाफ नु ठीक पतीकेमी बाक्ब। मेको मुर नेल्ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४
Isaiah 35:9 in Sunwar 9 मेकेर गुप्स मबाक्नीमी। मुर ब्वाइब जन्तु यो मलाइनीम, मबाक्नीम। तन्न पाप रे प्रोंइशो मुर ला मेको लां गाक्नीम।
Isaiah 45:7 in Sunwar 7 गो छेङछेङ नु छिङछिङ सेल्ब नङ। गो थुं नाइक्पाइक्ब नु श्येत जपाइक्ब सेल्ब नङ। गो, परमप्रभु यावेमी, मेको नेल्ल पाइनुङ। आमोस ३:६
Jeremiah 30:10 in Sunwar 10 गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्नुङ। इ आल आन कली ग्याइश्शा लाइश्शो रागी रे प्रोंइशा चाक्नुङ। याकूब कली लेंशा थुं नाइश्शा, हेम्मा पा बाक्तीक दुम्ब। मेको कली सुइम हिंच कोंइने मचाप्नीम। येरमीया ४६:२७; यसैया ४३:५-६
Jeremiah 31:26 in Sunwar 26 गो ओशोमीन सेंसाक्यी। मिनु एर ओंथ कोव़शा, गो रिम्शो पा इप्ती, दे तुइक्ताक्ङ।
Ezekiel 5:17 in Sunwar 17 गो इ दातेमी अन्काल नु ब्वाकी ङा जन्तुपुकी सोइक्ताक्ङ हना, मेकोपुकीम इ आल रोइक्नीम। इ दातेम मुर बेक्तीक रोइ नु हुश ख्राक्श पोक्तीक दुम्शा बाक्ब। मिनु गो इ कली तरवारम साइक्नुङ’ गो परमप्रभु यावेमी, एको देंती” देंत।
Ezekiel 14:15 in Sunwar 15 गो मोदेंशो रागी कली खतम सेल्चा कली ब्वाकी ङा जन्तु सोइक्ताक्ङमी हना, जन्तुपुकीम पतीके मेको रागी रे सुइ एर ओंथ पने मचाप्तेक्म हना,
Ezekiel 14:17 in Sunwar 17 मिनु परमप्रभु, परमप्रभु यावेमी “गो रागी आ पर्बम तरवार सोइश्शा, मेको तरवार कली ‘मुर नु बी ब्यफ, क्यारश भेडा नेल्ल साइक्मी’ देंती हना,
Ezekiel 14:21 in Sunwar 21 परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्येत तरवार, अन्काल, ब्वाकी ङा जन्तुपुकी नु मुर बेक्तीक रोइ सोइश्शा मेकेर ङा मुर नु बी ब्यफ, क्यारश भेडा आन कली साइक्तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८
Ezekiel 34:25 in Sunwar 25 मेकोमी “गो मेकोपुकी नु थुं नाइश्शा बाक्तीक कबल का पाइनुङ। मिनु गो रागी कली ब्वाकी ङा जन्तु रे प्रोंइनुङ। मिनु मेकोपुकी महिंथु थुं नाइश्शा गोरशो रागी नु ब्वाकीम इप्चा ताइनीम। इजीकीएल ३७:२६; लेवी २६:६; होसे २:२०
Hosea 2:18 in Sunwar 18 गो मेको नाक्त मेकोपुकी, ब्वाकी ङा जन्तुपुकी, सरीङ ङा चिक्बपुकी नु खपीम ग्रेशा गाक्ब जन्तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्ल हेम्म पा बाक्चा ताइनीम। उत्पत्ती ९:९-१०; इजीकीएल ३४:२५
Micah 4:4 in Sunwar 4 तन्न मुर नेल्ल आन अङगुर नु फोव़शी रवा आन पुंम नित्नीम। मिनु मेको आन कली सुइमी हिंच मकोंइनीम। मारदे हना मुर नेल्ल आन परमप्रभु यावेमी लोव़ पशो बाक्ब। १राजा ५:५; जकरिया ३:३०
Zephaniah 3:13 in Sunwar 13 इस्राएल ङा लीशोपुकीमी लेंशा दूली मपाइनीम। मेकोपुकीमी जोल मपाइनीम। हेंथे लोव़ मपाइनीम। मेकोपुकी जशा तूशा गोल्शा बाक्नीम। सुइम मेको आन कली हिंच मकोंइनीम।
Haggai 2:9 in Sunwar 9 मोपतीके एको खिं आ मुल ङा दारस क्येङा नोले ङा दारस शुश रिम्शो दुम्ब। मिनु एकेर आसीक शुश गेनुङमी” दे मुर नेल्ल आन परमप्रभु यावेमी देंत।
Zechariah 9:10 in Sunwar 10 गो एफ्राइम रे पा बग्गीपुकी नु यरूसलेम रे पा लडाइ पाइब शारा लाइक्नुङ। लडाइ पाइब आन लिब्रा जिक्ब। मेकोमी रागी रागी ङा मुर आन कली थुं नाइश्शा बाक्चा गेब। मेकोमी समुन्द्र का रे अर्को समुन्द्र सम्म नु युफ्रेटीस खोला रे रागी ङा सुर सम्म सासन पाइब। मीका ५:९
John 14:27 in Sunwar 27 गो आं थुं नाइश्शो खोदेंशो पा इन थुं नाइक्पाइक्नन्नी। मुरुमी पशो खोदेंशो ममाइ, इन थुं ग्येत्थ लुक्च मपने। महिनीने। यूहन्ना १६:३३; फिलिप्पी ४:७
Acts 12:6 in Sunwar 6 हेरोदमी पत्रुस कली मुर आन ङोंइती राप्पाइक्चा देंशो नाक्त आ ङोंइती नाक्दो पत्रुस साङलो निक्शीमी पाइश्शा, सिपाही निक्शी आस दातेम इप्पाइश्शो बाक्माक्त। लाप्चो आ ङोंइती यो खाल पाइबपुकी बाक्मा बाक्त।
Romans 5:1 in Sunwar 1 मिनु गो थमा सुइश्शोमीन ठीक दुम्पाइक्चा पुंइसीशा, इं प्रभु येसु ख्रीस्त रे पा परमप्रभु यावे नु दुशा बाक्तीक दुम्शो बाक्त। रोमी ३:२४,२८; यसैया ५३:५
Philippians 4:7 in Sunwar 7 परमप्रभु यावे आ गेशो थुं नाइक्तीके रुम्ने मचाप्चा ङा ठेयब बाक्ब। मेको थुं नाइक्तीके इन थुं नु इन मिम्शो ख्रीस्त येसु नु बाक्ब। यूहन्ना १४:२७; कलस्सी ३:१५