Lamentations 2:21 in Sunwar 21 ठिटा नु खाल्पापुकी लांम गोल्शो बाक्नीम। आ ठिटी मीश मुर नु ठिटा वोंइश मुर तरवारमी साइक्चा पुंइसाक्म। गे इन गाइश्शो नाक्ती मेको आन कली शिशी मपाइक्थु साइक्तीनी।
Other Translations King James Version (KJV) The young and the old lie on the ground in the streets: my virgins and my young men are fallen by the sword; thou hast slain them in the day of thine anger; thou hast killed, and not pitied.
American Standard Version (ASV) The youth and the old man lie on the ground in the streets; My virgins and my young men are fallen by the sword: Thou hast slain them in the day of thine anger; thou hast slaughtered, `and' not pitied.
Bible in Basic English (BBE) The young men and the old are stretched on the earth in the streets; my virgins and my young men have been put to the sword: you have sent death on them in the day of your wrath, causing death without pity.
Darby English Bible (DBY) The child and the old man lie on the ground in the streets; my virgins and my young men are fallen by the sword: thou hast slain [them] in the day of thine anger; thou hast killed, thou hast not spared.
World English Bible (WEB) The youth and the old man lie on the ground in the streets; My virgins and my young men are fallen by the sword: You have killed them in the day of your anger; you have slaughtered, [and] not pitied.
Young's Literal Translation (YLT) Lain on the earth `in' out-places have young and old, My virgins and my young men have fallen by the sword, Thou hast slain in a day of Thine anger, Thou hast slaughtered -- Thou hast not pitied.
Cross Reference Deuteronomy 28:50 in Sunwar 50 मेको मुरपुकी काइ शिशी मपाइश्शो बाक्नीम। मेकोपुकीमी खाल्पा आन कली मान मपाइनीम। मिनु आल आन कली यो काइ शिशी मकोंइनीम।
Joshua 6:21 in Sunwar 21 मिनु सहर ङा मीश मुर वोंइश मुर, आल, खाल्पी खाल्पा बी ब्यफ, क्यारश भेडा, गधा नेल्ल आन कली तरवारम साइक्तेक्म।
1 Samuel 15:3 in Sunwar 3 अमालेकी आन कली लडाइ तोशा, मेको आन कली सतीन। मेको आन शोंप नेल्ल खतम पोक्कीन। मारेइ मप्रोनीन। नेल्ल आन कली खतम पोक्कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्यफ, क्यारश भेडा, दलओंठ नु गधा नेल्ल आन कली खतम पोक्कीन” देंमाक्त।
2 Chronicles 36:17 in Sunwar 17 मिनु परमप्रभुम मेको आन कली लडाइ तोपाइक्चा कली कल्दी आन पिप कली चाक्गा बाक्त। मिनु मेकोपुकीमी मेको आन आल आन कली परमप्रभु यावे आ बाक्तीक खिंम तरवारम क्योरशा सदमे बाक्त। मेकोपुकीमी वोंइश आल नु मीश आल आन कली, खाल्पा नु खूशो आन कली काइ शिशी मपामे बाक्त। परमप्रभुम मेको नेल्ल आन कली पिप नेबुकदनेसर आ गुइमी गेमी बाक्त।
Esther 3:13 in Sunwar 13 मिनु मेको सोइश्शो मुरपुकीमी मेको ब्रेक्स रीब रीब पा पिप आ रागी ङा मुर नेल्ल आन कली सोइक्तमे बाक्त। मेको ब्रेक्समी मार ब्रेक्शो बाक्त देंशा हना, अदार माइश्शो महिना ङा १३ नाक्त, काबुमीन यहूदी नेल्ल आन कली साइक्चा माल्नीम। वोंइश आल रे खाल्पा सम्म नु मीश मुर नु आल ब्रेप्च नेल्ल आन कली यो साइक्चा माल्नीम। मिनु यहूदी आन शोंप नेल्ल रोइक्चा माल्नीम, दे ब्रेक्शो बाक्त।
Psalm 78:62 in Sunwar 62 मेकोमी आ मुर आन कली तरवारम साइक्पाइक्चा कली गेप्तु। मिनु आ योव़शो मुर आन कली तशा, थाम्पा गाइक्ताक्व।
Isaiah 27:11 in Sunwar 11 मिनु मेको आ राशी सोव़शा, जिक्नीम। मिनु मीश मुरपुकी जाक्शा, चोचा कली शी खुप्नीम। मारदे हना मेकोपुकी रुप्तीक मपाइश्शो थर ङा मुर बाक्नीम। मोपतीके मेको आन कली सेल्बमी मेको आन कली शिशी मपाइब। येरमीया ४:२२; ब्यवस्था ३२:१८
Jeremiah 6:11 in Sunwar 11 तन्न गो परमप्रभु यावे आ गाइक्तीकेम ब्रीशो बाक्नुङ। गो मेको हेरा तेक्ने मचाप्नुङ। मिनु मेकोमी “मेको लां मेर गाक्ब आल आन तार मोतो। बुक्शा बाक्शो ठिटा आन तार मोतो। मीश वोंइश निम्फा लाइक्चा पुंइसीनीस। खाल्पा नु खूशो लाइक्चा पुंइसीनीम।
Jeremiah 9:21 in Sunwar 21 बेक्पाइक्ब झेल रे ङोइश्शा आंइ बाक्तीकेम ओव़त। मेको आंइ आल आन कली लां रे नु आंइ ठिटा आन कली बुक्शा बाक्तीक रे साइक्चा कली जाक्त।
Jeremiah 11:22 in Sunwar 22 मोपतीके मुर नेल्ल आन परमप्रभु यावेम ‘गो मेको आन कली सजाइ गेनुङमी। मेको आन ठिटा मुरपुकी तरवारम क्योरशा साइक्चा पुंइसीनीम। मिनु मेको आन तमी तौ चहिं अन्कालम बेक्नीम।
Jeremiah 13:14 in Sunwar 14 गो मुर आन कली जिपाइक्नुङमी। गो आम आफ नु आन तमी तौ आन दातेमी जिपाइक्नुङमी। गो मेको आन कली दाक्शा, शिशी पा साइक्तीक रे आं थुं मलेत्नुङ, दे परमप्रभु यावेम” देंत।
Jeremiah 18:21 in Sunwar 21 मोपतीके मेको आन आल आन कली अन्काल पपतीन। मेको आन कली तरवारम साइक्पतीन। मेको आन मीश आल मबाक्शो नु आन वोंइश बेक्शो मीश मुर दुम्मल। मेको आन वोंइश मुर बेक्तीक रोइम बेक्मल। मेको आन ठिटा वोंइश मुरपुकी लडाइम तरवारम साइक्चा पुंइसमल।
Jeremiah 21:7 in Sunwar 7 मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्तीक रोइ, तरवार नु अन्काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्चा माल्ब आन जोरी सत्रु आन गुइम जिम्मा गेनुङमी। मिनु मेकोमी मेको आन कली तरवारम साइक्पाइक्ब। मेकोमी मेको आन कली शिशी मपथु, मप्रोंइब नु दाक्तीके मकोंइथु, साइक्पाइक्ब’ मतीस” दे माइक्तीम्सी।
Jeremiah 51:22 in Sunwar 22 गो इ रे पा वोंइश मुर नु मीश मुर आन कली तुप्तामी। गो इ रे पा खूशो नु ठिटा आन कली तुप्तामी। गो इ रे पा ठिटी नु ठिटा आन कली तुप्तामी।
Lamentations 1:15 in Sunwar 15 परमप्रभुमी आं दाते ङा लडाइ पाइब नेल्ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्ल आन कली साइक्तु। परमप्रभुम अङगुर ख्राक्शो खोदेंशो पा यहूदा ङा कन्ने मीश आल, यरूसलेम कली ख्राक्शो बाक्ब। यसैया ६३:३
Lamentations 1:18 in Sunwar 18 परमप्रभु यावे ठीक पाइब बाक्ब। मारदे हना गो आ लोव़ काइ मटीब दुम्ती। तन्न गे जात जात ङा मुर नेल्ल नेनीन। आं श्येत कोव़ङीन। आं मीश आल नु ठिटा वोंइश आल नेल्ल ग्याइश्शा लाइक्चा पुंइसाक्म। येरमीया ३:४२; येरमीया ५:१६
Lamentations 2:2 in Sunwar 2 परमप्रभुमी शिशी मपथु याकूब आ बाक्तीक नेल्ल खतम सेल्तु। मोपा चुरशा यहूदा आ तमी आ गारो हिरशो सहर नेल्ल खतम सेल्तु। मेकोमी मेको राज्य नु आ सासन पाइब आन कली मान मताइब, आइक्च सेल्तु।
Lamentations 2:17 in Sunwar 17 परमप्रभु यावेमी मार मिम्ता नु ङोंइती मार पाइनुङ देंमे, मेको पाप्तु। साइ ङोंइती हिंच कोंइशा देंशो लोव़ मुल पाप्तु। मेकोमी शिशी मपथु, नेल्ल खतम सेल्तु। मिनु इ जोरी सत्रु आन कली इ पर्बम ग्येरपाइक्तु। इ जोरी सत्रु आन सक्ति ठेयब सेल्तु।
Lamentations 3:43 in Sunwar 43 गे चुरशा आंइ कली खेदा पाइतीनी। काइ शिशी मपथु साइक्तीनी।
Ezekiel 5:11 in Sunwar 11 मोपतीके परमप्रभु, परमप्रभु यावेमी ‘गो ब्रोंइशा बाक्शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्तीक ग्रांग्रा दिशो सेल्तीके, गो इ कली खतम सेल्नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८
Ezekiel 7:4 in Sunwar 4 गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्नेवे’ ” देंत। इजीकीएल ५:११; इजीकीएल ८:१८; इजीकीएल ९:१०
Ezekiel 7:9 in Sunwar 9 गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्ब। मिनु गो इ कली तुप्ब, परमप्रभु यावे नङ, दे तुइक्नेवे।
Ezekiel 8:18 in Sunwar 18 मोपतीके गो मेको आन कली आं गाइक्तीकेम गेय पाइनुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्म हना यो, मेको आन लोव़ मनेंनुङ” देंत। इजीकीएल ७:४; यसैया १:१५
Ezekiel 9:5 in Sunwar 5 मिनु मेकोमी आं नेंचा ङा पा अरु आन कली “गेपुकी मेको आ नोले लशा, सहर एर ओंथ गाक्शा मुर आन कली सतीन। मेको आन कली शिशी मपथु, सुइ आन कली ब्रोंइचा मगेने।
Ezekiel 9:10 in Sunwar 10 मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४
Amos 4:10 in Sunwar 10 गो इन दातेम इजीप्त रागी कली खोदेंशो पा बेक्चा ङा रोइ सोइक्ताक्ङ। गो इन ठिटा आन कली तरवारमी क्योरशा साइक्पाइक्तामी। इन शारा रोइक्पाइक्तामी। इन बाक्तीक ङा मरिम्शो रिना इन नें आगाम प्रिंताक्ङ। मो हना यो गेपुकी आं गे मलेन्नी” दे परमप्रभु यावेमी देंत। प्रस्थान ९:३
Zechariah 11:6 in Sunwar 6 मुल रे गो रागी ङा मुर आन कली शिशी मपाइनुङ” दे परमप्रभु यावेमी देंत। मिनु परमप्रभुमी “गो नेल्ल आन कली आन नेक्था ङा मुर आन गुइमी नु आन पिप आन गुइमी गेनुङ। मिनु मेकोपुकीमी रागी कली खतम सेल्नीम। मेको आन गुइ रे सुइ आन कली मप्रोंइनुङमी।