Lamentations 2:15 in Sunwar 15 इ नेक्था रे पा लाइब नेल्लेमी इ कली तशा शुक्शी पाइनीम। यरूसलेम आ तमी तशा शुक्शी पा आन पिया हिम्नीम। मेकोपुकीमी “एको सहर कली नेल्ल क्येङा दारशो नु रागी ङा नेल्ल क्येङा दाक्शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४
Other Translations King James Version (KJV) All that pass by clap their hands at thee; they hiss and wag their head at the daughter of Jerusalem, saying, Is this the city that men call The perfection of beauty, The joy of the whole earth?
American Standard Version (ASV) All that pass by clap their hands at thee; They hiss and wag their head at the daughter of Jerusalem, `saying', Is this the city that men called The perfection of beauty, The joy of the whole earth?
Bible in Basic English (BBE) All who go by make a noise with their hands at you; they make hisses, shaking their heads at the daughter of Jerusalem, and saying, Is this the town which was the crown of everything beautiful, the joy of all the earth?
Darby English Bible (DBY) All that pass by clap [their] hands at thee; they hiss and shake their head at the daughter of Jerusalem: Is this the city which they called, The perfection of beauty, The joy of the whole earth?
World English Bible (WEB) All that pass by clap their hands at you; They hiss and wag their head at the daughter of Jerusalem, [saying], Is this the city that men called The perfection of beauty, The joy of the whole earth?
Young's Literal Translation (YLT) Clapped hands at thee have all passing by the way, They have hissed -- and they shake the head At the daughter of Jerusalem: `Is this the city of which they said: The perfection of beauty, a joy to all the land?'
Cross Reference Deuteronomy 29:22 in Sunwar 22 इन नोले जरमेशो पाला, इन नोले जाक्शो तमी तौ नु ङोन रागी ङा मुरपुकीमी मेको रागी ङा श्येत नु परमप्रभु यावेमी मेको आन कली गेशो बेक्तीक ङा रोइ तशा
1 Kings 9:7 in Sunwar 7 गो इस्राएली आन कली आं गेशो रागी रे खेरनुङमी। मिनु एको आं कली सेल्शो खिं कली प्रोंइशा मकोव़नुङ। मिनु इस्राएली चहिं मुर नेल्ल आन दातेमी मुने दोक्शा, ग्रांग्रा दित्तीक दुम्नीम। ब्यवस्था ४:२६; ब्यवस्था ८:१९-२०; मत्ती २३:३८
2 Kings 19:21 in Sunwar 21 सन्हेरीब आ पर्बम परमप्रभु यावे आ देंशो लोव़ मार बाक्ब देंशा हना ‘सियोन ङा तमीमी इ कली शुक्शी पाइब। मिनु गे प्रोक्शा लवेनु, यरूसलेम ङा तमीमी आ पिया हिक्ब।
2 Chronicles 7:21 in Sunwar 21 मिनु एको खिं आ पर्बम मार देंनीमी? मुल ठेयब दारशो बाक्ब। तन्न नोले एको लां रे गाक्ब मुर नेल्ल छक लाक्शा ‘मारदे परमप्रभु यावेम एको रागी नु एको खिं ओदेंशो सेला?’ दे हिल्लो पाइनीम। ब्यवस्था २९:२३-२८; येरमीया २२:८-९
Job 27:22 in Sunwar 22 फशेमी शिशी मपथु, मेको आन कली योल्ब। मिनु मेकोपुकी मेकेर रे प्रोक्चा माल्नीम।
Psalm 22:7 in Sunwar 7 आं कली ताइब नेल्लेमी आं पर्बम रिश्शा, ठेयब लेश्शो लोव़ पशा, आन पिया हिम्नीम। अय्युब १६:१०
Psalm 44:14 in Sunwar 14 गे आंइ कली रागी रागी ङा मुर आन दातेम शुक्शी पाइक्चा पुंइसीब सेल्तीनी। मुरपुकीमी आंइ कली तशा, आन पिया हिम्नीम।
Psalm 48:2 in Sunwar 2 आ डांडा दारशो नु लाइश्शो बाक्ब। मुर नेल्ले मेको तशा ग्येरसीनीम। सियोन डांडा उत्तर गे बाक्ब। मेको ठेयब पिप आ बाक्तीक सहर बाक्ब। बिलाप २:१५; मत्ती ५:३५
Psalm 50:2 in Sunwar 2 परमप्रभु सियोन रे आ दारसम ग्योम्सीशा छेङछेङ दुम्शा, ग्रूशो बाक्ब। यसैया ६२:१
Isaiah 37:22 in Sunwar 22 परमप्रभु यावेमी सन्हेरीब आ पर्बम मार देंत देंशा हना ‘सियोन ङा कन्ने तमी इ पर्बम शुक्शी पा रिश्शो बाक्ब। यरूसलेम ङा तमीमी इ नोले कोव़शा, आ पिया हिक्शो बाक्ब।
Isaiah 64:11 in Sunwar 11 आंइ योव़शो नु दारशो, आंइ किकी पिपपुकीमी इन कली ठेयब सेल्शो खिं मीम ग्रोइक्त। आंइ दाक्शो खिं नेल्ले ब्रेन्ने थुम्तेक्म।
Jeremiah 18:16 in Sunwar 16 मेकोपुकीम आन रागी हिंचा ङा सेल्तेक्म। मिनु मेको रागी गेना हना यो शुक्शी पतीक दुम्त। मेकेर रे सु सु गाक्मा मेको ग्रीचोक पा हिंनीम। मिनु ‘आबी, आबी’ देंनीम। येरमीया १९:८
Jeremiah 19:8 in Sunwar 8 मिनु गो मेको सहर कली हिंचा ङा सेल्नुङ। मिनु मेको सहर गेना हना यो शुक्शी पतीक दुम्ब। मेकेर रे सु सु गाक्मा, मेको ग्रीचोक पा हिंनीम। मिनु आ खतम दुम्तीके आ पर्बम आबी, आबी देंनीम। येरमीया १८:१६
Jeremiah 25:9 in Sunwar 9 गो उत्तर ङा जात नेल्ल नु आं गेय पाइब बेबीलोन ङा पिप नेबुकदरेसर कली ब्रेश्शा चाक्नुङमी। गो मेको आन कली एको रागी ङा मुर नु एर ओंथ ङा जात नेल्ल आन पर्बम चाक्नुङमी। मिनु गो मेको नेल्ल आन कली साइक्पाइक्नुङमी। गो मेको आन कली शुश हिंचा ङा, शुक्शी पाइक्चा पुंइसीब नु शिशी मताइब सेल्नुङमी। दानीएल ३:३१-३३
Jeremiah 25:18 in Sunwar 18 मिनु मुलाक्ती तशो खोदेंशो पा यरूसलेम नु यहूदा ङा सहर नेल्ल आन कली श्येत्थ नु मुर मबाक्तीके सेलो। मेकेर ङा पिप नु आन सरकार आ गेय पाइब मुर खतम दुम्नीम। मेको सहर शुक्शी पाइक्चा नु सराप पाइक्चा पुंइसीब दुम्त।
Jeremiah 29:18 in Sunwar 18 गो मेको आन कली तरवार, अन्काल नु बेक्चा ङा रोइमी खेदा पाइनुङमी। मिनु गो मेको आन कली राज्य नेल्लेमी शुश हिंचा ङा सेल्नुङमी। मेकोपुकी आं खेरशो रागी नेल्ल आन दातेमी, सराप पाइक्तीके, शुश हिंतीके, शुक्शी पाइक्तीके नु मुने तोक्तीके सेल्नुङमी। ब्यवस्था २८:३७
Jeremiah 51:37 in Sunwar 37 मिनु बेबीलोन खिं ब्रेश्शा देल्शो, सिवार आन बाक्तीके, हिंचा ङा नु शुक्शी पाइक्चा पुंइसीतीके नु मुर मबाक्तीक दुम्ब। येरमीया ५०:१३
Lamentations 1:8 in Sunwar 8 यरूसलेममी ठेयब पाप पाप्तु। मोपतीके मेको शुक्शी पाइक्चा पुंइसाक्व। ङोंइती मेको कली मान पाइब नेल्ले मुल महिक्नीम। मारदे हना मेकोपुकीमी मेको कली शिश्रा ताम्तेक्म। मेको आंमान हुकयी पा आ कुल ख्रुइक्ब।
Lamentations 2:6 in Sunwar 6 मेकोमी आंम ताम्बु कली रू ङा कटेरा खोदेंशो पा प्रेत्तु। मेकोमी आ बाक्तीके खतम सेल्तु। परमप्रभु यावेमी सियोनम चाड नु नाइक्तीक नाक्ती मानेतीक प्रोंइतु। आ शुश गाइश्शोम पिप नु चढ़ेब नेल्ल आन कली मुने तोक्तु। अय्युब २:१३; येरमीया ५:१२
Lamentations 2:16 in Sunwar 16 इ जोरी सत्रु नेल्लेमी इ पर्बम मरिम्शो लोव़ पा शुक्शी पाइनीम। मेकोपुकीमी आन गाइक्तीकेमी “गो मेको कली खतम सेल्तक। एको नाक्ती कोव़चा कली रिम्ताक्क। मुल गो ताइतक” देंनीम।
Ezekiel 25:6 in Sunwar 6 मारदे हना परमप्रभु यावेमी “गेपुकी इस्राएल रागी आ पर्बम इन गुइ फ्रोक्शा, खोइल थाइश्शो बाक्तीनी। मिनु इन थुंम ईख कुरशो नेल्ल ग्रुंइशा ग्येरसाक्नी।
Micah 6:16 in Sunwar 16 गे ओम्री आ अरेशो लोव़ पाप्तीवी। मिनु आहाब आ खिं ङा मुर आन पशो नेल्ल पाप्तीवी। मिनु मेको आन गेशो अर्ती टिप्तीवी। मोपतीके गो इ कली खतम पोक्नुङ। मिनु इ मुर आन कली शुक्शी पतीक सेल्नुङ। गे आं मुर आन गाइश्शो ताइनेवे” दे ब्रेन्न ब्रेन्न बाक्ब। १राजा १६:२९-३३
Nahum 3:19 in Sunwar 19 इ गार कली मारेइम यो सापाइक्ने मजाप्ब। इ गार बेक्चा ङा बाक्ब। मिनु इ पर्बम लोव़ नेंब मुर नेल्ल शुश हिंनीमी। मारदे हना इ गेनायो मनुप्ब मरिम्शो पतीकेमी सुइ ब्रोंइने मचाप्शो बाक्तेक्म” देंत।
Zephaniah 2:15 in Sunwar 15 मेको महिंथु थुं नाइश्शा बाक्ब सहर मबाक्बा ङा? मेकोमी आंम कली “गो गोन नङ। आं क्येङा लाक्शा अरु सुइ मबाक्नीम” देंत। मेको मुल दोदेंशो पा ब्रेश्शो दुम्मे? मेको ब्वाकी ङा जन्तु आन बाक्तीके दुम्त। मेको लां रे पा गाक्ब नेल्ल मेको तशा आबी, दे हिंशा ख्रिंख्रि पाइनीम। यसैया ४७:८
Matthew 27:39 in Sunwar 39 मिनु कोव़ब मुर शुश जाक्शा, आन पिया हिम्शा भजन संग्रह २२:८
Mark 15:29 in Sunwar 29 मेकेर कोव़ब शुश मुर बाक्मा बाक्त। मेकोपुकीम आन पिया हिम्शा “परमप्रभु यावे आ खिं प्रेश्शा, नाक्त सांमी नक सेल्नुङ, देंते। खोइ मिनु, सेल्ने चबी? मर्कूस १४:५८