Lamentations 1:18 in Sunwar 18 परमप्रभु यावे ठीक पाइब बाक्ब। मारदे हना गो आ लोव़ काइ मटीब दुम्ती। तन्न गे जात जात ङा मुर नेल्ल नेनीन। आं श्येत कोव़ङीन। आं मीश आल नु ठिटा वोंइश आल नेल्ल ग्याइश्शा लाइक्चा पुंइसाक्म। येरमीया ३:४२; येरमीया ५:१६
Other Translations King James Version (KJV) The LORD is righteous; for I have rebelled against his commandment: hear, I pray you, all people, and behold my sorrow: my virgins and my young men are gone into captivity.
American Standard Version (ASV) Jehovah is righteous; for I have rebelled against his commandment: Hear, I pray you, all ye peoples, and behold my sorrow: My virgins and my young men are gone into captivity.
Bible in Basic English (BBE) The Lord is upright; for I have gone against his orders: give ear, now, all you peoples, and see my pain, my virgins and my young men have gone away as prisoners.
Darby English Bible (DBY) Jehovah is righteous; for I have rebelled against his commandment. Hear, I pray you, all ye peoples, and behold my sorrow. My virgins and my young men are gone into captivity.
World English Bible (WEB) Yahweh is righteous; for I have rebelled against his commandment: Please hear all you peoples, and see my sorrow: My virgins and my young men are gone into captivity.
Young's Literal Translation (YLT) Righteous is Jehovah, For His mouth I have provoked. Hear, I pray you, all ye peoples, and see my pain, My virgins and my young men have gone into captivity.
Cross Reference Exodus 9:27 in Sunwar 27 मिनु फाराओमी मोसा नु हारून आस कली ब्रेत्ताक्मसी। मिनु मेको आस कली “मुल गो पाप पाता। परमप्रभु यावे ठीक पाइब बाक्ब। गो नु आं मुरपुकीम मरिम्शो पाइतक।
Deuteronomy 28:32 in Sunwar 32 इन तमी तौपुकी अर्को रागी ङा मुर आन कली गेनीम। मिनु गे मेको तशा, नाक्त किंत किंत मेको आन लां कोव़शा बाक्नीनी, तन्न मारेइ पने मचाप्नीनी।
Deuteronomy 29:22 in Sunwar 22 इन नोले जरमेशो पाला, इन नोले जाक्शो तमी तौ नु ङोन रागी ङा मुरपुकीमी मेको रागी ङा श्येत नु परमप्रभु यावेमी मेको आन कली गेशो बेक्तीक ङा रोइ तशा
Deuteronomy 32:4 in Sunwar 4 मेको सेरथे फुल्लु बाक्ब। मेको आ गेय नेल्ल क्येङा रिम्शो बाक्ब। आ लां नेल्ले ठीक बाक्नीम। मारदे हना मेको आ देंशो पाइब परमप्रभु बाक्ब। जोल मपाइब, कुल मकोव़ब नु ठीक पाइब बाक्ब।
Judges 1:7 in Sunwar 7 मिनु अदोनी-बेसेकमी “गुइ खोइल ङा बोंग्ये ख्रोइश्शो ७० जना पिपमी आं निश्शा जतीक रे दोक्शो जचा थोव़क जाम्तेक्म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्तु” देंमाक्त। मिनु यहूदा ङा मुरपुकीमी मेको पिप कली यरूसलेम चाक्गमे बाक्त। मिनु मेको मेकेर बेक्माक्त।
1 Samuel 12:14 in Sunwar 14 गेपुकीम परमप्रभु यावे कली मान पा हिंशा ठेयब सेल्तीनी हना, मेको आ देंशो टीतीनी हना, इन कली सासन पाइब पिपमी यो परमप्रभु यावे, इन परमप्रभु आ नोले खोइक्तु हना, परमप्रभु यावे गेपुकी नु बाक्ब।
1 Samuel 15:23 in Sunwar 23 मेको आ देंशो मटिचा लिंक्यु कोव़चा खोदेंशो पाप बाक्ब। मटिचा हेंथे पतीके मूर्ति पूजा पशो खोदेंशो बाक्ब। मारदे हना गे परमप्रभु यावे आ देंशो टिचा प्रोंइतीनी। मेकोम इन कली यो पिप सेल्तीक रे प्रोंइशो बाक्ब” देंमाक्त। १सामुएल १६:१
1 Kings 9:8 in Sunwar 8 एको खिं ब्रेश्शा, फुल्लु देल्शो दुम्ब। मिनु नोले एकेर गाक्ब मुर नेल्ल छक लाक्नीम। मिनु मुरपुकीमी मेको तशा ‘मारदे परमप्रभु यावेमी एको खिं नु एको रागी कली ओं पवा, माइ?’ दे शुक्शी पाइनीम।
1 Kings 13:21 in Sunwar 21 मिनु मेकोमी यहूदा रे जाक्शो, परमप्रभु आ मुर कली ठेयब सेंदा पा “परमप्रभु यावेमी ‘गे परमप्रभु यावे आ लोव़ मटिवी। मिनु गे परमप्रभु यावे, इ परमप्रभु आ अरेशो मटिवी।
Ezra 9:13 in Sunwar 13 गोपुकीमी आंइ मरिम्शो पतीके नु आंइ ठेयब दोस आ पर्बम श्येत जशो बाक्तक। मो हना यो आंइ परमप्रभुमी आंइ तचा माल्शो क्येङा इच्का ला सजाइ गेतीनी। मिनु आंइ कली ब्रोंइचा गेतीनी।
Nehemiah 1:6 in Sunwar 6 गो, इन वाइल, इस्राएली आन पर्बम नाक्दो नाक्त पुंइनुङ। आं पुंइशो लोव़ नेंचा कली गे इन नोफा दाइक्तीन। मिनु आं गे कोव़ङीन। गो, इस्राएली नु आं आफ आ खिं ङा मुर नेल्लेमी इन ङोंइती मरिम्शो पाइतक। मिनु गो यो पाप पाता।
Nehemiah 9:26 in Sunwar 26 मेको नेल्ल तशा यो इन देंशो मटिथु, ठेयब लेश्शा, इन अरेशो लोव़ मटीमे बाक्त। इन लोव़ पाइबपुकीमी आन कली ‘गे मरिम्शो पाइब बाक्नीनी। आं गे लेतीन’ देंमानु, मेको आन कली सदमे बाक्त। मिनु मेकोपुकीमी शुश शुक्शी पामे बाक्त।
Nehemiah 9:33 in Sunwar 33 आंइ कली दुम्तीके, गे ठीक पशो बाक्नीनी। मारदे हना गे आंइ कली रिम्शो पाइतीनी। गोपुकीमी चहिं इन कली थम मरिम्शो पाइतक। दानीएल ९:५,७
Psalm 107:11 in Sunwar 11 मारदे हना मेकोपुकीमी परमप्रभु आ लोव़ मटिशो बाक्तेक्म। नेल्ल क्येङा ठेयब आ अर्ती मनेनेम।
Psalm 119:75 in Sunwar 75 परमप्रभु यावे, इन निसाफ पतीके ठीक बाक्नीम। गो मेको तुइक्नुङ। गे आं कली इन दाक्शा मप्रोंइतीकेमी श्येत गेतीनी।
Psalm 145:17 in Sunwar 17 परमप्रभु यावे नेल्ल ठीक पाइब बाक्ब। मिनु आ गेय नेल्ले शिशीम पाइब।
Jeremiah 12:1 in Sunwar 1 परमप्रभु यावे, गो इन कली दोस गेता हना, गे ठीक पाइब बाक्नीनी। तन्न गो आं निसाफ इन ङोंइती वोइक्नुङ। दोस ताइबपुकी मारदे सोशा बोशा लाइनीमी? थमा मसुइक्ब मुर मारदे रिम्शो दुम्ना दुम्न बाक्नीमी? भजन संग्रह ७३:३
Jeremiah 22:8 in Sunwar 8 मिनु शुश रागी रागी ङा मुरपुकी एको सहर रे पा लाइनीम। मिनु मेको नेल्लेमी ‘परमप्रभु यावेम, मारदे एको ठेयब सहर कली ओदेंशो पवा?’ देंमुइनीम।
Jeremiah 25:28 in Sunwar 28 तन्न मेकोपुकीमी इ गुइ रे मेको कचौरा तूने मबिस्साक्म हना, गे मेको आन कली मुर नेल्ल आन परमप्रभु यावेमी ‘गेपुकीम मेको तूचान माल्नीनी’ देंशो बाक्ब” दे माइक्मी।
Jeremiah 49:12 in Sunwar 12 परमप्रभु यावेमी “श्येत ङा कचौरा तूचा ममाल्शोमी यो मेको तूचा माल्ताक्व हना, मार, गे सजाइ मतथु ब्रोंइचा ताइनेवे? गे सजाइ तचा माल्नेवे। गे मेको तूचा माल्नेवे। येरमीया २५:१५,२८,२९; भजन संग्रह १३७:७
Lamentations 1:5 in Sunwar 5 मेको आ जोरी सत्रु आ होव़प दुम्तेक्म। मेको आन माल्शो शुश ताइनीम। मारदे हना परमप्रभु यावेमी मेको आ शुश हेंथे पशो तशा, यरूसलेम कली श्येत गेप्तु। मेको आ आल ग्याइश्शा लाइक्चा पुंइसीशा, आन जोरी सत्रु आन ङोंइती लाम्तेक्म।
Lamentations 1:12 in Sunwar 12 गे एको लां रे पा लाइब तशा, आन पर्बम मारेइ ममिम्नीनी? एर ओंथ नेल्ल कोव़ङीन। आं श्येत क्येङा यो अरु हिंचा ङा श्येत बाक्बा? परमप्रभु यावेमी आ शुश गाइक्तीकेमी आं कली मेको श्येत गेती।
Lamentations 3:42 in Sunwar 42 गोपुकीमी हेंथे गाक्शा, इन देंशो काइ मटिक। मिनु गे आंइ कली माफ मगेनी। भजन संग्रह १०६:६
Ezekiel 14:22 in Sunwar 22 मो हना यो मुर आन दाते ङा का निक्शी ब्रोंइशा बाक्नीम। मेको आं तमी तौ ग्रूशा इ बाक्तीक जाक्नीम। मिनु गे मेको आन मिम्शो नु आन पशो ताइनेवे। मिनु गो यरूसलेम कली श्येत गेशो नु क्याम्शो आ पर्बम इ थुं नाइक्नेवे।
Daniel 9:7 in Sunwar 7 परमप्रभु, गे ठीक पाइब बाक्नीनी। गो चहिं मुने दोक्शो बाक्नीकी। मुलाक्ती यहूदा ङा मुर, यरूसलेममी बाक्ब, इस्राएली नेल्ल आन नेक्था नु ङोन रागीम खेरचा पुंइसीशो मुर नेल्ल इन कली प्रोंइशो आ पर्बम दोस ताइब दुम्तेक्म।
Daniel 9:9 in Sunwar 9 गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्याम्ब बाक्नीनी। भजन संग्रह १३०:४
Zephaniah 3:5 in Sunwar 5 मेको आन दातेम बाक्ब परमप्रभु यावे ठीक पाइब बाक्ब। मेकोमी मारेइ मरिम्शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्न ठीक मपाइबपुकी मुने दोक्शा लल मजिनीम।
Romans 2:5 in Sunwar 5 इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।
Romans 3:19 in Sunwar 19 अरेशो लोव़ अरेशो टीब आन कली ब्रेक्शो बाक्ब। मेको लोव़ मटिम्तेक्म हना, सिक्सी पचा माल्नीम। यहूदी नु रागी ङा मुर नेल्ल पापी दुम्तेक्म। मोपतीके परमप्रभु यावेमी मुर नेल्ल आन कली निसाफ पाइब। रोमी २:१२; गलाती ३:२२
Revelation 15:3 in Sunwar 3 मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
Revelation 16:5 in Sunwar 5 मिनु ब्वाक्कु कली कोव़ब परमप्रभु यावे आ स्वर्ग ङा गेय पाइबमी परमप्रभु यावे कली “इन मुर आन कली पशो निसाफ ठीक बाक्ब। गे मुल बाक्नीनी। मिनु गे ङोंइती यो बाक्तीनी। गे का ला परमप्रभु बाक्नीनी।