Lamentations 1:15 in Sunwar 15 परमप्रभुमी आं दाते ङा लडाइ पाइब नेल्ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्ल आन कली साइक्तु। परमप्रभुम अङगुर ख्राक्शो खोदेंशो पा यहूदा ङा कन्ने मीश आल, यरूसलेम कली ख्राक्शो बाक्ब। यसैया ६३:३
Other Translations King James Version (KJV) The LORD hath trodden under foot all my mighty men in the midst of me: he hath called an assembly against me to crush my young men: the LORD hath trodden the virgin, the daughter of Judah, as in a winepress.
American Standard Version (ASV) The Lord hath set at nought all my mighty men in the midst of me; He hath called a solemn assembly against me to crush my young men: The Lord hath trodden as in a winepress the virgin daughter of Judah.
Bible in Basic English (BBE) The Lord has made sport of all my men of war in me, he has got men together against me to send destruction on my young men: the virgin daughter of Judah has been crushed like grapes under the feet of the Lord.
Darby English Bible (DBY) The Lord hath cast down all my mighty men in the midst of me; he hath called an assembly against me to crush my young men; the Lord hath trodden as a winepress the virgin daughter of Judah.
World English Bible (WEB) The Lord has set at nothing all my mighty men in the midst of me; He has called a solemn assembly against me to crush my young men: The Lord has trodden as in a winepress the virgin daughter of Judah.
Young's Literal Translation (YLT) Trodden down all my mighty ones hath the Lord in my midst, He proclaimed against me an appointed time, To destroy my young men, A wine-press hath the Lord trodden, To the virgin daughter of Judah.
Cross Reference Deuteronomy 28:33 in Sunwar 33 इन मतुइश्शो मुरपुकीमी इन रू ङा ख्रुम्शो जाइनीम। मिनु गेपुकी गेना हना यो श्येत जचा नु दिप्चा पुंइसीनीनी। न्यायाधीस ६:३
Judges 10:8 in Sunwar 8 मेको बर्समी मेकोपुकीमी इस्राएली आन कली थाम्पा श्येत गेशा, साप्पा दिप्मे बाक्त। मिनु यर्दन खोला आ आइक्ची हांबु, पूर्ब गे गिलाद माइश्शो एमोरी आन रागीमी बाक्ब इस्राएली आन कली १८ बर्स सम्म थाम्पा श्येत गेशा दिप्मे बाक्त।
2 Kings 9:33 in Sunwar 33 मिनु येहूमी “मेको कली झेल रे ताइक्तीन” देंमाक्त। मिनु मेकोपुकीम इजेबेल कली उइ ताइक्तमे बाक्त। मिनु मेको आ हुश प्रेक्शा कोइ गारोमी नु कोइ शारा आन कली जुक्तमे बाक्त।
2 Kings 24:14 in Sunwar 14 मेकोपुकीम यरूसलेम ङा ठेयब मुर, लडाइ पाइब आन ठेयब मुर नेल्ल, लडाइ पाइब नेल्ल १० हजार मार मार सेल्स जोक्ब नु तुप्तील नेल्ल ग्याइश्शा लदा बाक्त। थम प्रुङग आन कली ला प्रोंइशा वोदा बाक्त। येरमीया २४:१
2 Kings 25:4 in Sunwar 4 मेना पिप नु लडाइ पाइब नेल्ल गारो होइश्शा, नाक्दो प्रोक्मा बाक्त। मेको पिप आ रू रे गारो निक्शी आस दाते ङा लाप्चो रे कल्दीपुकी सहर आ एर ओंथ बाक्तेक्म हना यो, प्रोक्मा बाक्त। मोपा मेकोपुकी अराबाह गे प्रोक्मा बाक्त।
Psalm 119:118 in Sunwar 118 इन फुल्लुम मुशा ब्रेक्शो लोव़ ङा लां रे हेंथे गाक्ब नेल्ल आन कली तिल्तीनी। मारदे हना मेको आन लां जोल बाक्त।
Isaiah 5:5 in Sunwar 5 मिनु मुल गो आं अङगुर रू कली मार पाइनुङा, इन कली देंनुङ। आ थरपु नेल्ल ग्रुंइनुङ। मिनु मार मार ओव़नीम। आ गारो नेल्ल प्रेश्शा ताइक्नुङ। मिनु दिम्शा ताइश्शा पाइनीम।
Isaiah 28:18 in Sunwar 18 मेना इन बेक्पाइक्ब नु पशो कबल नुप्ब। इन बेक्शो मुर आन बाक्तीक नु पशो सल्ला जाम्ब। मिनु मेको हिंचा ङा श्येत जतीक जाक्शा, इन कली सुम्ब।
Isaiah 41:2 in Sunwar 2 सुमी पूर्ब रे आ गेय पचा कली ग्राब का कली पोक्गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्शा, आ तरवारम मेको आन कली फुरक खोदेंशो सेल्ब। आ लिब्रामी फशेम बेरशो भूस खोदेंशो सेल्ब। यसैया ४४:२८; यसैया ४५:१,१३; यसैया ४८:१४-१५
Isaiah 63:3 in Sunwar 3 मिनु मेकोमी “गो आं कान अङगुर ख्राक्ता। गो नु जात जात ङा मुर सुइ मबाक्म। मिनु गो गाइश्शा, मेको आन कली ख्राक्ता। चुरशा मेको आन कली दिम्ताक्ङमी। मेको आन रस आं वाम ब्रुंइसाक्व। मिनु आं वा नेल्ल लल दुम्त। योएल ४:१३; प्रकाश १४:२०
Jeremiah 14:17 in Sunwar 17 गे मेको आन कली “आं मिक्च रे नाक्दो नाक्ती प्रेक्कु यिशा बाक्ल। मारदे हना आं मुर, ग्युंबे मपशो तमी थाम्पा श्येत जशो बाक्ब। ठेयब गार दुम्चा ङा पा मेको तुप्चा पुंइसीशो बाक्ब। येरमीया१३:१७
Jeremiah 18:21 in Sunwar 21 मोपतीके मेको आन आल आन कली अन्काल पपतीन। मेको आन कली तरवारम साइक्पतीन। मेको आन मीश आल मबाक्शो नु आन वोंइश बेक्शो मीश मुर दुम्मल। मेको आन वोंइश मुर बेक्तीक रोइम बेक्मल। मेको आन ठिटा वोंइश मुरपुकी लडाइम तरवारम साइक्चा पुंइसमल।
Jeremiah 37:10 in Sunwar 10 गेपुकी नु लडाइ पाइब कल्दी नेल्ल आन कली गे ग्रातीनी हना, मेको आन गार दुम्शोपुकी ला आन ताम्बुम लीतेक्म हना यो, मेकोपुकी जाक्शा एको सहर कली मी सुइक्नीम” देंत।
Jeremiah 50:26 in Sunwar 26 मेको आ एर ओंथ नेल्ल रे लडाइ पथ जाक्कीन। मेको आ अन्न वोइक्तीक खिं रोक्कीन। मेको कली अन्न खोदेंशो पा तेलीन। मेको कली मारेइ मलीशो खतम सेलीन। मेको के मारेइ मलील।
Jeremiah 51:34 in Sunwar 34 सियोनमी “बेबीलोन ङा पिप नेबुकदरेसरमी आं कली दाक्ती। आं कली खतम सेल्ती। आं कली श्येत्थ गर खोदेंशो सेल्ती। आं कली अजीङगरम खोदेंशो पा दाक्ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्व। मिनु नोले आं कली ताइक्ताक्यी।
Lamentations 3:34 in Sunwar 34 रागी ङा जेल्खानम चोक्चा पुंइसीशो नेल्ल आन कली खोइलीमी दिम्नीम।
Daniel 3:13 in Sunwar 13 मिनु मेको नेंशा, पिप नेबुकदनेसर शुश गाइश्शा, चुरशा “शद्रक, मेशक नु अबेद-नेगो आन कली आं ङोंइती चाक्कीन” दे हुकुम पाप्तु। मिनु मेको आन कली चाक्शा, पिप आ ङोंइती राप्पाइक्तेक्म।
Micah 7:10 in Sunwar 10 मेना आं जोरी सत्रुम मेको ताइनीम। मिनु मुने दोक्नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्म?’ देंशो बाक्तेक्म। गो मेको आन खतम दुम्शो ताइनुङ। मुल यो मेकोपुकी लां ङा हिलो खोदेंशो पा दिम्चा पुंइसीशो बाक्नीम। भजन संग्रह ७९:१०
Malachi 4:3 in Sunwar 3 मिनु गेपुकीमी आं अरेशो लोव़ मटीब आन कली इन खोइलीमी दिम्नीनी। आं निसाफ पतीक नाक्ती मेको इन खोइलीम दिम्शा, पुलु खोदेंशो सेल्चा पुंइसीनीमी” दे मुर नेल्ल आन परमप्रभु यावेमी देंत।
Luke 21:24 in Sunwar 24 कोइ तरवारम बेक्नीमी। कोइ ग्याइश्शा अर्को रागीम लाइक्चा पुंइसीनीम। मिनु आन नाक्त मजाक्दीम सम्म अर्को जात ङा मुरपुकीमी यरूसलेम कली दिप्शा वोइक्नीम। यसैया ६३:१८; प्रकाश ११:२; रोमी ११:२५
Hebrews 10:29 in Sunwar 29 मिनु परमप्रभु यावे आ तौ कली खोइलीम दिम्ब, शुश सजाइ गेशा साइक्चा पुंइसाक्म, दे तुइक्नय। ङोंइती आंम कली पाको सेल्शो नक कबल ङा हुश आ पर्बम शुक्शी पा “हुश नेल्ल कांइचीक बाक्ब, मार अर्को लोव़ बाक्बा ङा?” देंनीम। परमप्रभु यावे आ सोक्ती आ पर्बम यो शुक्शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५
Revelation 14:19 in Sunwar 19 मिनु परमप्रभु यावे आ स्वर्ग ङा गेय पाइबमी आ गुयेमी रागी कली फल सेक्शो खोदेंशो पा सेक्तु। सेक्शा खुप्शा, परमप्रभु यावे आ ठेयब फल कोलमी वोइक्तु। मेको कोल चहिं मार बाक्त देंशा हना, परमप्रभु यावे आ गाइक्चा बाक्त।
Revelation 19:15 in Sunwar 15 मिनु मेको ङोंइती ङा बुश शारा ङोइक्ब आ शोव़ रे रागी रागी ङा मुर आन कली साइक्चा कली हेश्शो तरवार का ग्रूत। मिनु मेकोमी फलाम के कोक्केमी मेको आन कली सासन पाइब, नेल्ल सक्ति पाइश्शो परमप्रभु यावे आ गाइक्चा ङा कोल खोइलीमी दिम्ब। भजन संग्रह २:९; प्रकाश १४:१९-२०