Jude 1:25 in Sunwar 25 परमप्रभु यावे का ला बाक्ब। मेकोमी इं प्रभु येसु ख्रीस्त आ पतीकेमी इं कली पाप रे प्रोंइतु। नेल्ल छेङछेङ पाइश्शो, नेल्ल क्येङा ठेयब दुम्तीके, नेल्ल सक्ति नु नेल्ल अधिकार मेको केन बाक्ब। मेको ङोंइती बाक्त। मुल यो बाक्ब। मिनु गेना हना यो बाक्ब। आमेन।
Other Translations King James Version (KJV) To the only wise God our Saviour, be glory and majesty, dominion and power, both now and ever. Amen.
American Standard Version (ASV) to the only God our Saviour, through Jesus Christ our Lord, `be' glory, majesty, dominion and power, before all time, and now, and for evermore. Amen.
Bible in Basic English (BBE) To the only God our Saviour, through Jesus Christ our Lord, let us give glory and honour and authority and power, before all time and now and for ever. So be it.
Darby English Bible (DBY) to the only God our Saviour, through Jesus Christ our Lord, [be] glory, majesty, might, and authority, from before the whole age, and now, and to all the ages. Amen.
World English Bible (WEB) to God our Savior, who alone is wise, be glory and majesty, dominion and power, both now and forever. Amen.
Young's Literal Translation (YLT) to the only wise God our Saviour, `is' glory and greatness, power and authority, both now and to all the ages! Amen.
Cross Reference 1 Chronicles 29:11 in Sunwar 11 परमप्रभु यावे, नेल्ल क्येङा ठेयब दुम्तीके, सक्ति, छेङछेङ, ग्रातीके नु मान तचा पुंइसीतीके नेल्ल इन के बाक्नीम। मारदे हना रागी नु सरीङम बाक्शो मारेइ मारेइ इन के नम। परमप्रभु यावे, मेको राज्य इन के बाक्ब। गे नेल्ल क्येङा ठेयब बाक्नीनी। प्रकाश ४:११;५:१३
Psalm 72:18 in Sunwar 18 परमप्रभु, परमप्रभु यावे, इस्राएली आन परमप्रभु ठेयब बाक्ब। मेकोमी ला छक लाक्चा ङा गेय पाइब। भजन संग्रह ४१:१४
Psalm 78:20 in Sunwar 20 मेकोमी सेरथे फुल्लु तुप्शा प्रोल्शा ब्वाक्कु बुक्पाइश्शा, शुश खोला सेल्तु। मार, मेकोमी आ मुर आन कली शोब्ले नु श्ये यो गेने चाप्बा ङा?” देंतेक्म।
Psalm 104:24 in Sunwar 24 परमप्रभु यावे, इन गेय ठेयब नु शुश बाक्नीम। गे जोक्ब तुइक्ब दुम्शा, नेल्ल सेल्तीनी। रागी नेल्ल इन सेल्शो मारेइ मारेइम ब्रीशो बाक्ब। उत्पत्ती १:३१
Psalm 147:5 in Sunwar 5 आंइ परमप्रभु ठेयब बाक्ब। मेको आ सक्ति नेल्ल क्येङा ठेयब बाक्ब। आ रुप्तीक सक्ति सुइम तुइक्ने मचाप्नीम। लूका १:५२
Isaiah 12:2 in Sunwar 2 थमा पा, परमप्रभु आं कली पाप रे प्रोंइब बाक्ब। गो मेको कली थमा सुइश्शा महिंनुङ। मारदे हना परमप्रभु यावे आं कली सक्ति नु बोल गेब बाक्ब। मेको आं कली श्येत रे प्रोंइब बाक्ब” दे कुम्सो पाइनीनी। प्रस्थान १५:२
Isaiah 45:21 in Sunwar 21 इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्पदा? मेको नोले दुम्ब लोव़ सुम पवा? गो, परमप्रभु यावे मनङा ङा? आं ङा लाक्शा, अरु सुइ परमप्रभु मबाक्ब। गो ठीक पाइब नु श्येत रे प्रोंइब परमप्रभु यावे नङ। आं ङा लाक्शा, अरु सुइ परमप्रभु मबाक्ब।
Daniel 4:37 in Sunwar 37 मुल गो, नेबुकदनेसरमी ‘स्वर्ग ङा पिप ठेयब बाक्ब’ दे मान पाइनुङ। मारदे हना आ पशो नेल्ल थमा बाक्ब। आ पतीके नेल्ल ठीक बाक्नीम। मेकोमी ठेयब लेश्शो मुर आन कली ब्रेम्शो सेल्ने चाप्ब” दे पिपमी देंत। लूका १:५१; लूका १८:१४
Matthew 6:13 in Sunwar 13 सैतानमी आंइ थुं हिरपाइक्चा मगेने। आंइ कली सैतान रे प्रोनीने। मारदे हना राज्य, सक्ति नु छेङछेङ गेना हना यो इन के नम’ आमेन। यूहन्ना १७:१५; १कोरिन्थी १०:१३; १इतिहास २९:११-१३
John 4:22 in Sunwar 22 गे परमप्रभु यावे कली मतुइक्थु ठेयब सेल्नीनी। गो चहिं परमप्रभु यावे कली तुइश्शा ठेयब सेल्नीकी। मारदे हना पाप रे प्रोंइब यहूदी आन दाते रे जाक्ब। २राजा १७:२९-४१; यसैया २:३
John 5:44 in Sunwar 44 मोपा गे ठेयब सेल्मुइनीनी। तन्न का ला परमप्रभु यावेमी इन कली ‘रिम्शो ननी’ देंचा मपुंइसीनीनी। आं कली दोपा थमा सुइक्ने चाप्नीनी ङा? यूहन्ना १२:४२-४३; १थिस्सलोनिकी २:६
Romans 11:33 in Sunwar 33 परमप्रभु यावेमी नेल्ल तुइक्ब। परमप्रभु यावे सक्ति पाइश्शो नेल्ल क्येङा ठेयब बाक्ब। मुरपुकीमी परमप्रभु यावे आ निसाफ पशो, मुर आन कली पाइश्शो, सुइमी रुम्ने मचाप्नीम। यसैया ४५:१५; यसैया ५५:८-९
Romans 11:36 in Sunwar 36 परमप्रभु यावेमी मार बाक्त हना यो, आंमान सेल्तु। मिनु मारेइ मारेइ आइक्के नम। मिनु आ गोशो गेय आंमान थुम्ब, दे तुइक्तय। मोपतीके “परमप्रभु यावे नेल्ल क्येङा ठेयब बाक्ब” दे ठेयब सेल्तीक गेना हना यो लील। आमेन।
Romans 16:27 in Sunwar 27 आ का ला बाक्शो मारेइ मारेइ तुइक्ब परमप्रभु यावे कली येसु ख्रीस्त रे पा गेना हना यो नेल्ल सक्ति नु ठेयब दुम्तीके बाक्ल। आमेन। रोमी १:५
Ephesians 1:8 in Sunwar 8 मिनु मेको आ जोक्तीक तुइक्तीक नेल्लेमी आ शिशी इं तारी मोइश्शो बाक्त। एफिसी ३:३-६,९; रोमी १६:२५; कलस्सी १:२६-२७
Ephesians 3:10 in Sunwar 10 मारदे आं कली मोदेंशो सेल्ती देंशा हना, येसु ख्रीस्त कली थमा सुइक्बपुकीमी परमप्रभु यावे आ मिम्शो मार बाक्बा, मेको स्वर्गम बाक्ब हुकुम नु अधिकार पाइब आन कली तुइक्पदमेक्ल, दे आं कली कोंइब सेल्ती। १पत्रुस १:१२
Ephesians 3:21 in Sunwar 21 मिनु थमा सुइक्ब आंइ दातेमी येसु ख्रीस्त आ नेंमी नेल्ल पाला ङा मुरपुकीमी इन कली गेना हना यो ठेयब सेल्नीकी, आमेन” दे इन पर्बम पुंइनुङ।
1 Timothy 1:17 in Sunwar 17 गेना हना यो मबेक्थु बाक्ब पिप कली सुइमी तने मचाप्नीम। मेको कांइचीक परमप्रभु, परमप्रभु यावे बाक्ब। गेना हना यो मान ताक्चा नु छेङछेङ मेको केन बाक्ब। आमेन।
1 Timothy 2:3 in Sunwar 3 मोदेंशो मरिम्शो गेय प्रोंइब परमप्रभु यावे आ ङोंइती रिम्शो नु दाक्चा ङा बाक्ब।
Titus 1:3 in Sunwar 3 आ दाक्शो ना मुर आन कली आ लोव़ तुइक्पाइक्तु। दोपा तुइक्पाइक्तु देंशा हना, इं मरिम्शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०
Titus 2:10 in Sunwar 10 खुइ पचा मदुम्ब, नेल्ल गेयमी थम रिम्शो पाइब दुम्चा माल्नीम। मोदेंशो रिम्शो गेय पा इं कली पाप रे प्रोंइब परमप्रभु यावे आ शेंतीके रिम्शो लोव़ बाक्ब, दे कोंइनीमी। मेको शेंचा माल्नेवे।
Titus 2:13 in Sunwar 13 मोदेंशो दुम्शा, मान ताइब परमप्रभु यावे नु इं कली पाप रे प्रोंइब येसु ख्रीस्त आ छेङछेङ ग्रूब, दे गो आस पशा रिम्नय। १कोरिन्थी १:७; फिलिप्पी ३:२०; १थिस्सलोनिकी १:१०
Titus 3:4 in Sunwar 4 तन्न पाप रे प्रोंइब परमप्रभु यावे आ रिम्शो पतीके, आ दाक्तीके नु शिशी जाक्त। तीतस २:११
Hebrews 13:8 in Sunwar 8 साइ ङोंइती, मुल नु गेना हना यो येसु ख्रीस्त मफांइसीथु बाक्ब, दे तुइक्तीन। यसैया ४१:४; १कोरिन्थी ३:११; प्रकाश १:१७-१८; प्रकाश २२:१३
1 Peter 4:11 in Sunwar 11 सुमी लोव़ पाइबा, मेकोमी परमप्रभु यावे आ ख्रुइश्शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्लेमी येसु ख्रीस्त आ नेंमी परमप्रभु यावे कली ठेयब सेल्मेक्ल। मेको छेङछेङमी बाक्शा, गेना हना यो सक्ति पाइश्शो बाक्ब। आमेन। रोमी १२:७
1 Peter 5:10 in Sunwar 10 मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
2 Peter 1:1 in Sunwar 1 गो येसु ख्रीस्त आ वाइल नु आ सोइश्शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्त रे पा ठीक दुम्तय, दे थमा सुइश्शा, थुं का दुम्तय। मोपतीके इन कली एको चिठी ब्रेक्ताक्ङ।
2 Peter 3:18 in Sunwar 18 तन्न इं प्रभु, इं कली पाप रे प्रोंइब येसु ख्रीस्त आ शिशी नु मेको कली तुइक्तीकेम बारना बारन लल। मेको कली मुल नु गेना हना यो ठेयब सेल्य। आमेन।
Revelation 1:6 in Sunwar 6 इं कली परमप्रभु यावे, आ आफ आ राज्य ङा मुर सेल्शा, परमप्रभु यावे आ ङोंइती राप्ब सेल्तु। मोपतीके आ छेङछेङ नु सक्ति गेना हना यो बाक्ल, आमेन। प्रकाश ५:१०; प्रस्थान १९:६; १पत्रुस २:५,९
Revelation 4:9 in Sunwar 9 मोपा मेको ४ ओटा सेस जन्तुम गेना हना यो ब्रोंइशा बाक्ब ठेयब नित्तीकेमी निप्ब कली “गे छेङछेङ, मान ताइब नु रिम्शो पाइब बाक्नीनी” देंमानु,
Revelation 5:13 in Sunwar 13 मिनु स्वर्गमी बाक्ब, रागी नु रागी आगाम बाक्ब, समुन्द्र तारी नु आगाम बाक्ब नेल्लेमी “गेना हना यो ठेयब नित्तीकेमी निप्ब नु पाठा कली गे रिम्शो पाइब बाक्नीनी, मान, छेङछेङ ताइब नु सासन पाइब बाक्नीनी” देंशो नेंता।