Jude 1:15 in Sunwar 15 परमप्रभु यावे कली मटीब नेल्ल आन कली आन थमा मसुइक्तीकेमी पशो मटितीके तपाइक्नीम। परमप्रभु यावे रे ङोन बाक्ब पापीपुकीम परमप्रभु यावे कली मार मार मरिम्शो लोव़ पामे, मेको आन कली निसाफ पशा, सजाइ गेचा, दे जाक्तेक्म” दे लोव़ पवा बाक्त।
Other Translations King James Version (KJV) To execute judgment upon all, and to convince all that are ungodly among them of all their ungodly deeds which they have ungodly committed, and of all their hard speeches which ungodly sinners have spoken against him.
American Standard Version (ASV) to execute judgment upon all, and to convict all the ungodly of all their works of ungodliness which they have ungodly wrought, and of all the hard things which ungodly sinners have spoken against him.
Bible in Basic English (BBE) To be the judge of all, and to give a decision against all those whose lives are unpleasing to him, because of the evil acts which they have done, and because of all the hard things which sinners without fear of God have said against him.
Darby English Bible (DBY) to execute judgment against all; and to convict all the ungodly of them of all their works of ungodliness, which they have wrought ungodlily, and of all the hard [things] which ungodly sinners have spoken against him.
World English Bible (WEB) to execute judgment on all, and to convict all the ungodly of all their works of ungodliness which they have done in an ungodly way, and of all the hard things which ungodly sinners have spoken against him."
Young's Literal Translation (YLT) to do judgment against all, and to convict all their impious ones, concerning all their works of impiety that they did impiously, and concerning all the stiff things that speak against Him did impious sinners.'
Cross Reference Exodus 16:8 in Sunwar 8 मिनु मोसामी इस्राएली आन कली “परमप्रभु यावेमी आपो नाक्दो इन कली श्ये गेब, सुनी कना रूथ्री शोब्ले गेब, इन गन गन पशो लोव़ नेंतु, दे तुइक्तीन। गो निक्शी सु नस्कु ङा? इन गन गन पशो आंस कली ममाइ, परमप्रभु यावे नु कका गाइक्ताक्नी दे तुइक्तीन” देंत।
1 Samuel 2:3 in Sunwar 3 ठेयब लेश्शो लोव़ नु मरिम्शो लोव़ पचा प्रोनीन। मारदे हना परमप्रभु यावे नेल्ल जोक्ब तुइक्ब बाक्ब। मेकोमी मुर आन पतीके नु लोव़ नेल्ले नाक्ब।
Psalm 9:7 in Sunwar 7 तन्न परमप्रभु यावे गेना हना यो बाक्ब। निसाफ पचा कली आ ठेयब नित्तीके ठीक पशो बाक्ब।
Psalm 31:18 in Sunwar 18 ठेयब लेश्शो मुरपुकीम ठीक पाइब आन कली आइक्च सेल्शा, मरिम्शो पाइनीम। जोल पा लोव़ पाइनीम। मेको आन शोव़ ख्रेप्तीन।
Psalm 37:6 in Sunwar 6 मेकोमी इन ठीक दुम्तीके छेङछेङ खोदेंशो पा ग्रूपाइक्ब। इन ठीक पतीके नाक्ती खोदेंशो दुम्पाइक्ब। मीका ७:९
Psalm 50:1 in Sunwar 1 आसाफ आ कुम्सो। ठेयब सक्ति पाइश्शो, परमप्रभु, परमप्रभु यावेमी लोव़ पाप्तु। नां दाप्तीक रे नां पेरतीक सम्म ङा रागी कली लोव़ पाप्तु। १इतिहास २५:१
Psalm 73:9 in Sunwar 9 मेकोपुकीमी “स्वर्ग नेल्ल आंइ के बाक्ब” देंनीम। मिनु रागी नेल्ल आंम के सेल्नीम।
Psalm 94:4 in Sunwar 4 मेकोपुकीम ठेयब लेश्शो लोव़ ला पाइनीम। मरिम्शो पाइब नेल्लेम आन नें बोरपाइक्नीम।
Psalm 98:9 in Sunwar 9 मारदे हना परमप्रभु यावे रागी कली निसाफ पथ जाक्ब। मेकोमी ठीक पा जात जात ङा मुर आन कुल मकोव़थु निसाफ पाइब।
Psalm 149:9 in Sunwar 9 मिनु मेकोपुकीमी ब्रेक्शा अरेशो कोव़शा, मेको आन कली निसाफ पाइनीम। मेको परमप्रभु आ मुर आन रिम्शो बाक्ब। परमप्रभु यावे कली ठेयब सेलीन। यसैया ३४:-; यसैया ६३:४-६; योएल ४:२-२४
Ecclesiastes 11:9 in Sunwar 9 ए ठिटा मुर, गे ठिटा बाक्ङेनु ग्येरसो। इ थुंमी गे ठिटा बाक्ङेनु ग्येरपदल। इ तशो नु इ थुंमी मिम्शो आस नोले खोतो। तन्न परमप्रभुमी मेको नेल्ल तुइश्शा निसाफ पाइब, दे मिम्तो। उपदेसक २:२४
Ecclesiastes 12:14 in Sunwar 14 मारदे हना परमप्रभुमी इं पशो रिम्शो नु मरिम्शो गेय नेल्ल नु ख्रुइश्शा पशो नेल्ल निसाफ पाइब। रोमी २:१६; २कोरिन्थी ५:१०
Isaiah 37:22 in Sunwar 22 परमप्रभु यावेमी सन्हेरीब आ पर्बम मार देंत देंशा हना ‘सियोन ङा कन्ने तमी इ पर्बम शुक्शी पा रिश्शो बाक्ब। यरूसलेम ङा तमीमी इ नोले कोव़शा, आ पिया हिक्शो बाक्ब।
Daniel 7:20 in Sunwar 20 मिनु मेको आ पियामी बाक्शो १० ओटा ग्रोव़ नु अर्को ग्रोव़ का आ पर्बम रुप्चा थुं पाता। मेको ग्रोव़ का ग्रूमेनु, ङोंइती ङा ग्रोव़ सां एत्तेक्म। मेको ग्रूशो ग्रोव़ के मिक्च नु ठेयब लेश्शो लोव़ पतीक शोव़ बाक्त। मिनु मेको अरु ग्रोव़ आन क्येङा ठेयब बाक्त। मेको आ पर्बम यो रुप्चा थुं पाता।
Daniel 11:36 in Sunwar 36 पिपमी मार दाक्बा, मेको पाइब। मिनु मेकोमी ‘देवी देवता नेल्ल आन क्येङा ठेयब नङ’ देंब। मिनु परमप्रभु नेल्ल आन क्येङा ठेयब परमप्रभु आ पर्बम गेनायो मनेंसीशो मरिम्शो लोव़ पाइब। मेको आ नोले ङा नाक्त मजाक्म सम्म आ माल्शो ताइब। परमप्रभुमी मेको कली सजाइ मगेवा सम्म मोदेंशो दुम्ब। मारदे हना परमप्रभुमी मार पचा मिम्बा, मेको पाइब। २थिस्सलोनिकी २:४; दानीएल ७:८,२५; प्रकाश १३:५-६
Malachi 3:13 in Sunwar 13 मिनु परमप्रभु यावेमी “गे आं पर्बम मरिम्शो लोव़ पाइतीनी हना यो ‘इन कली मार मरिम्शो लोव़ पका ङा?’ देंतीनी।
Matthew 12:31 in Sunwar 31 मोपतीके गो इन कली मार देंनुङ देंशा हना, मुरपुकीमी पाप पा, परमप्रभु यावे कली शुक्शी लोव़ पाम्तेक्म हना, माफ गेचा पुंइसीनीम। परमप्रभु यावे आ सोक्त आ पर्बम शुक्शी लोव़ पशो पाप चहिं मक्याम्सीब, दे इन कली देंनुङ। मर्कूस ३:२८-३०; लूका १२:१०; १यूहन्ना ५:१६; हिब्रू ६:४-६; हिब्रू १०:२६
John 5:22 in Sunwar 22 आं आफोमी मुर आन कली निसाफ मपाइब। तन्न नेल्ल निसाफ पचा ङा गेय आ तौ कली पपाइक्ब।
John 5:27 in Sunwar 27 मिनु आ तौ कली निसाफ पतीक अधिकार गेप्तु। मारदे हना आ तौ रागीमी जरमेसीशो बाक्ब। दानीएल ७:१३-१४
Acts 17:31 in Sunwar 31 मारदे हना काबु नेल्ल आन कली ठीक पा निसाफ पाइब। मेको निसाफ पची नाक्त परमप्रभुमी योव़शा वोइश्शो बाक्ब। निसाफ पाइब यो योव़शा वोइश्शो बाक्ब। मेको निसाफ पाइब कली ‘आं योव़शो बाक्ब’ दे कोंइचा कली बेक्शो रे सेंताक्व” दे पावलमी शेंदीमी बाक्त। प्रेरित १०:४२; मत्ती २५:३१-३३
Romans 2:5 in Sunwar 5 इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।
Romans 2:16 in Sunwar 16 मिनु परमप्रभु यावे आ निसाफ पची नाक्त मुर आन ख्रुइश्शा पशो कली निसाफ पाइब। आं शेंशो ग्येरपाइक्तीक लोव़ परमप्रभु यावेमी येसु ख्रीस्त आ पतीकेमी निसाफ पाइब। लूका ८:१७
Romans 3:19 in Sunwar 19 अरेशो लोव़ अरेशो टीब आन कली ब्रेक्शो बाक्ब। मेको लोव़ मटिम्तेक्म हना, सिक्सी पचा माल्नीम। यहूदी नु रागी ङा मुर नेल्ल पापी दुम्तेक्म। मोपतीके परमप्रभु यावेमी मुर नेल्ल आन कली निसाफ पाइब। रोमी २:१२; गलाती ३:२२
Romans 14:10 in Sunwar 10 मिनु मार, इं लोक्ब आन कली नाक्चा दुम्बा ङा? आइक्च सेल्चा दुम्बा ङा? काबु नाक्ती परमप्रभु यावेमी नेल्ल इं कली आ ठेयब नित्तीक आ ङोंइती खुप्शा, का का पा निसाफ पाइब। मत्ती २५:३१-३२; प्रेरित १७:३१; २कोरिन्थी ५:१०
1 Corinthians 4:5 in Sunwar 5 मोपतीके प्रभु आ निसाफ पतीक नाक्त मजाक्म सम्म मुर आन कली मनाक्तीन। आ निसाफ नाक्ती जाक्मेनु, ख्रुइश्शा वोइश्शो लोव़ नेल्ल तुइक्पाइक्ब। छिङछिङम ख्रुइश्शो थुं ङा थोव़क नेल्ल छेङछेङम तांइसीनीम। मिनु परमप्रभु यावेमी मुर आन कली “गे रिम्शो पाइतीनी” देंब। १कोरिन्थी ३:८
1 Corinthians 5:13 in Sunwar 13 परमप्रभु यावेमी रागी ङा मुर आन कली निसाफ पाइब। गेपुकी नु बाक्शो पात्के पाइब कली ग्रुंइशा सोइक्तीने। ब्यवस्था ११:६; मत्ती १८:१७
1 Timothy 1:9 in Sunwar 9 ठीक पाइब आन कली मब्रेक्शो बाक्ब, दे यो तुइक्नय। तन्न परमप्रभु यावे आ अरेशो लोव़ मपाइब, मटीब, परमप्रभु कली ममिम्ब नु मरिम्शो पाइब आन कली ब्रेक्शो बाक्ब। परमप्रभु यावे रे ङोन बाक्ब, रागी कली ला मिम्ब, आम आफ कली साइक्ब, आंम ममा कली साइक्ब नु मुर आन कली साइक्ब आन कली ब्रेक्शो बाक्ब। १कोरिन्थी ६:९-११
2 Peter 2:6 in Sunwar 6 परमप्रभु यावेमी सोदोम नु गोमोररा माइश्शो सहर निक्शी कली मीम क्रोइश्शा, पुलु सेल्शो बाक्त। मेको मटीब आन कली कोंइतीक चिनु बाक्त। उत्पत्ती १९:२४-२५
Jude 1:16 in Sunwar 16 मेकोपुकी गन गन पाइब बाक्नीम। मेकोपुकीमी “गो श्येत जना जन बाक्नुङ” दे गेनायो मग्येरथु, आन दला दाक्स पना पन बाक्नीम। ठेयब लोव़ पा, ठेयब लेश्शो मुर बाक्नीम। मेकोपुकीमी आंम कली ठेयब सेल्सीचा कली मुर आन कुल कोव़नीम।
Revelation 13:5 in Sunwar 5 मिनु मेको जन्तु कली ठेयब लेश्शा, ब्वाक्चा नु परमप्रभु आ पर्बम मरिम्शो लोव़ पचा कली शोव़ गेशो बाक्त। मेको कली ४२ महिना सम्म सासन पचा कली अधिकार गेशो बाक्त। प्रकाश ११:२
Revelation 13:11 in Sunwar 11 मिनु गो खप रे अर्को जन्तु का ग्रूशो ताता। मेको के पाठा के खोदेंशो ग्रोव़ निक्शी बाक्त। मिनु मेकोमी ठेयब बुस्स खोदेंशो पा लोव़ पाइबाक्त।
Revelation 22:12 in Sunwar 12 मिनु नोले येसुमी “नेनो, गो फ्रा लेश्शा जाक्नुङ। मिनु जाक्शा, मुर नेल्ल आन कली आन पशो खोदेंशो पा गेनुङ। मेको आन गेय दोपा पामे, मोपा गेनुङ।
Revelation 22:20 in Sunwar 20 मिनु एको लोव़ पाइबमी “आमेन, गो फ्रा लेश्शा यीनुङ” देंत। मिनु थमा सुइक्बपुकीमी “आमेन, प्रभु येसु जाक्कीन” देंतेक्म। १कोरिन्थी १६:२२