John 7:37 in Sunwar 37 मिनु बाली ओंइतीक चाड नुप्ची नाक्त नेल्ल क्येङा ठेयब नाक्ती बाक्त। मेना येसुमी मुर आन कली “सु सुमी तूतू दाक्नीमी, मेको आं गे पिशा तूङमेक्ल। लेवी २३:३६; यूहन्ना ४:१०; यसैया ५५:१; प्रकाश २२:१७
Other Translations King James Version (KJV) In the last day, that great day of the feast, Jesus stood and cried, saying, If any man thirst, let him come unto me, and drink.
American Standard Version (ASV) Now on the last day, the great `day' of the feast, Jesus stood and cried, saying, If any man thirst, let him come unto me and drink.
Bible in Basic English (BBE) On the last day, the great day of the feast, Jesus got up and said in a loud voice, If any man is in need of drink let him come to me and I will give it to him.
Darby English Bible (DBY) In the last, the great day of the feast, Jesus stood and cried saying, If any one thirst, let him come to me and drink.
World English Bible (WEB) Now on the last and greatest day of the feast, Jesus stood and cried out, "If anyone is thirsty, let him come to me and drink!
Young's Literal Translation (YLT) And in the last, the great day of the feast, Jesus stood and cried, saying, `If any one doth thirst, let him come unto me and drink;
Cross Reference Leviticus 23:36 in Sunwar 36 मिनु गेपुकीमी ७ नाक्त सम्म परमप्रभु यावे कली मीम चोशा चढ़ेतीक चढ़ेन। मिनु गेपुकीमी आ दीसा परमप्रभु यावे आ पर्बम ग्रुम्तीक नाक्ती मानेन। मिनु परमप्रभु यावे कली मीम चोशा चढ़ेन। मेको ठेयब ग्रुम्तीक नाक्ती बाक्ब। मिनु गेपुकीम मेको नाक्त इन गेय काइ मपने। यूहन्ना ७:३७
Numbers 29:35 in Sunwar 35 मिनु मेको आ नोले ङा नाक्त गे परमप्रभु यावे नु ग्रुम्तीके का सेल्चा माल्नीनी। मेको नाक्त गे काइ गेय मपने।
1 Kings 8:65 in Sunwar 65 मिनु सोलोमन नु मेको नु बुक्शा बाक्शो इस्राएली लेबो-हमाथ रे इजीप्त ङा खोला सम्म ङा ठेयब हुल नेल्लेमी परमप्रभु यावे, इं परमप्रभु आ ङोंइती मेको नाक्त रे ७ नाक्त सम्म नु अर्को ७ नाक्त तेम्शा, नेल्ल पा १४ नाक्त सम्म चाड मानेमे बाक्त।
Nehemiah 8:18 in Sunwar 18 मिनु ङोंइती ङा नाक्त रे नोले ङा नाक्त सम्म एज्रा मी नाक्त किंत किंत परमप्रभु आ अरेशो लोव़ ङा किताब पढेप्तु। मेकोपुकीमी मेको चाड ७ नाक्त सम्म मानेम्तेक्म। मिनु दोदेंशो पा ब्रेक्शो बाक्मे, मोदेंशो पा आ दीसा ८ नाक्तीमी चाड थुम्तीक नाक्त नेल्ल क्येङा ठेयब पा मानेम्तेक्म।
Psalm 36:8 in Sunwar 8 मेकोपुकी इन खिं ङा जचा तूचामी रूनीम। गे मेको आन कली इन ग्येरतीकेमी ग्येरपाइक्नीनी।
Psalm 42:2 in Sunwar 2 मोपा आं थुं ब्रोंइशा बाक्ब परमप्रभु आ नेक्था बाक्चा दाक्ब। गो गेना परमप्रभु आ ङोंइती बाक्चा ताइनुङा? भजन संग्रह ६३:२; भजन संग्रह ८४:३; भजन संग्रह १४३:६
Psalm 63:1 in Sunwar 1 यहूदा आ गोरशो रागीम बाक्शो ना ङा दाऊद आ कुम्सो। १सामुएल २२:५ परमप्रभु, गे आं परमप्रभु बाक्नीनी। गो इन कली थमा पा माल्नुङ। गो ब्वाक्कु तूतू दाक्शो खोदेंशो पा आं थुंमी इन कली माल्नुङ। गो ब्वाक्कु मबाक्शो रागीम ब्वाक्कु माल्शो खोदेंशो पा इन कली माल्स ङा माल्स बाक्नुङ। भजन संग्रह ४२:३
Psalm 143:6 in Sunwar 6 गो आं गुइ इन गे दिंनुङ। मिनु कोक्त रूमी ब्वाक्कु माल्शो खोदेंशो पा, आं थुंमी इन कली माल्ब।ठेयब सेंदा पा।भजन संग्रह ४२:२-३
Proverbs 8:3 in Sunwar 3 ठेयब लाप्चो आ नेक्था सहर आ ङोंइती, मेको आ ओव़तीकेमी ठेयब सेंदामी ग्रीब।
Song of Solomon 5:1 in Sunwar 1 ए आं समी, आं ग्युम्ली, गो आं फल फुल रूमी जाक्ती। गो आं ब्रोव़शो रिना पाइश्शो मूरे नु मस्ला खुप्ताक्ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्तीकेम दुक्शो खोदेंशो दुमीन।
Isaiah 12:3 in Sunwar 3 मेको नाक्ती गेपुकी ग्येरशा, पाप रे ब्रोंइतीके इनार रे ब्वाक्कु कीशा प्रिंनीनी। यसैया ५५:१; जकरिया १३:१
Isaiah 40:6 in Sunwar 6 मिनु लोव़ पाइब कामी आं कली “शेंदो” देंत। मिनु गो “मार शेंनुङा?” दे हिल्लो पाता। मिनु मेकोमी “मुर नेल्ले घांस खोदेंशो बाक्नीम। मेको आन दारस नेल्ल रू ङा फू खोदेंशो बाक्ब। भजन संग्रह ९०:५-६; याकूब १:१०-११
Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Isaiah 44:3 in Sunwar 3 मारदे हना गो सोव़शो रागी तारी ब्वाक्कु लुक्नुङ। सोव़शो खपीम खोला शाइक्पाइक्नुङ। गो इ चच युइ आन तारी आं सोक्त मोइक्नुङ। इ आल आन कली आसीक गेनुङ’। यसैया ३२:१५; योएल ३:१
Isaiah 55:1 in Sunwar 1 मिनु परमप्रभु यावेमी “तूतू दाक्बपुकी ब्वाक्कु बाक्तीकेम जाक्कीन। क्येट मथीबपुकी यो जाक्कीन। मिनु ग्याप्शा जने। क्येट मथाप्थु, मोशा अङगुर शांबु नु दूध ग्यापीन। यूहन्ना ७:३७; प्रकाश २२:१७
Isaiah 58:1 in Sunwar 1 मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्पाइक्मी। मीका ३:८
Jeremiah 2:2 in Sunwar 2 “लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्ची ना आं कली ग्युम्लीम खोदेंशो पा दाक्ताक्यी। गे आं कली मारेइ मशोक्शो गोरशो रागीमी आं नोले खोइक्ती। गो मेको मिम्नुङ। होसे २:१६; होसे १३:५
Jeremiah 16:19 in Sunwar 19 मिनु मेकोपुकीमी “परमप्रभु यावे, गे आं सक्ति नु आं ख्रुइश्शा, ब्रोंइशा बाक्तीक बाक्नीनी। गे श्येत जची ना आं ख्रुइक्तीके बाक्नीनी। रागी रागी ङा मुर रागी ङा सुर रे इन ङोंइती जाक्नीम। मिनु मेकोपुकीमी ‘आंइ किकी पिपी आन देवी देवता जोल ला बाक्तेक्म। मेको शोर गाक्शो बाक्तेक्म। भजन संग्रह ३६:७
Amos 8:11 in Sunwar 11 मिनु परमप्रभु यावेमी “गोम अन्काल सोइक्ची ना, थमा पा श्येत जतीक नाक्त जाक्ब। मेको अन्काल जचा नु तूचा के अन्काल ममाइ, तन्न परमप्रभु यावे आ लोव़ नेंतीक अन्काल बाक्ब। १सामुएल ३:१
Micah 6:9 in Sunwar 9 परमप्रभु यावेमी सहर कली “आं कली मान पा हिंचा इन कली श्येत रे प्रोंइतीक दुम्ब। गे थर ङा मुर नु सहर ङा ग्रुम्तीक ङा मुर आन लोव़ नेनीन।
Zechariah 9:15 in Sunwar 15 मुर नेल्ल आन परमप्रभु यावेमी मेको आन कली राइश्शा प्रोंइब। मेकोमी आन जोरी सत्रु आन कली खतम पोक्ब। मेकोपुकीमी आन हुश अङगुर शांबु खोदेंशो पा तूनीम। मेकोपुकी चढ़ेतीक ङा हुश कुर पतीक बोस खोदेंशो पा ब्रीशो बाक्नीम। चढ़ेतीक आ एर ओंथ कुना कुना मेर फ्रशो हुश खोदेंशो बाक्नीम।
Matthew 3:3 in Sunwar 3 साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा कामी ओदेंशो नेंसीब ‘प्रभु आ लां सेलीने। आ गाक्तीके फुल्लु ग्रोक्शा थेलीने’ देंशो नेंसीब” देंशो बाक्माक्त। मेको लोव़ पाइब यूहन्ना बाक्माक्त। यसैया ४०:३; यूहन्ना १:२३
Matthew 11:28 in Sunwar 28 गे श्येत जशो नु भारीम चिप्चा पुंइसीशोपुकी, आं गे जाक्कीन। मिनु नाइक्चा गेनन्नी। मत्ती १२:२०; मत्ती २३:४; येरमीया ३१:२५
John 1:23 in Sunwar 23 मिनु यूहन्नामी “परमप्रभु यावे आ लोव़ पाइब यसैया आ देंशो खोदेंशो पा ‘गो गोरशो रागीमी बाक्शा, प्रभु आ लां रिम्शो ग्रोक्शा थेलीने’ दे लोव़ पाइब नङ” देंत। यसैया ४०:३
John 4:10 in Sunwar 10 मिनु येसुमी मेको मीश मुर कली “परमप्रभु यावेमी इ कली मार गेचा दाक्ब, दे तुइक्ताक्वी हना, नु ब्वाक्कु पुंइब, आं कली, सु बाक्नुङ, दे तुइक्ताक्वी हना, आं कली ‘ब्वाक्कु गेयी’ दे पुंइदी वा। मिनु ब्रोंइचा गेब ब्वाक्कु गेन वा” दे मदा बाक्त। यूहन्ना ७:३८-३९
John 4:14 in Sunwar 14 तन्न सुमी आं गेशो ब्वाक्कु तूबा, मेकोमी लेंशा तूतू मदाक्ब। आं गेशो ब्वाक्कु मुर आगामी बुक्शो खोदेंशो पा बारशा, गेना हना यो ब्रोंइशा बाक्चा गेब” देंत। यूहन्ना ६:३५; यूहन्ना ७:३८-३९; भजन संग्रह ३६:१०
John 5:40 in Sunwar 40 गे चहिं ब्रोंइचा तकल, दे आं गे मपीनीनी।
John 6:35 in Sunwar 35 मिनु येसुमी “गेना हना यो परमप्रभु यावे नु ब्रोंइचा गेब शोब्ले गो नङ। सु सु आं गे पीनीमी, मेको शोव़लु मबेक्नीम। मिनु आं कली थमा सुइक्बपुकी गेनायो तूतू मदाक्नीम। यूहन्ना ४:१४; यूहन्ना ७:३७
John 6:37 in Sunwar 37 मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्नुङमी। मत्ती ११:२८
John 6:55 in Sunwar 55 आं रां थमा जचा थोव़क बाक्ब। आं हुश यो थम तूचा थोव़क बाक्ब।
John 7:28 in Sunwar 28 मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्नीनी। मिनु गो ते ङा नङ, मेको यो तुइक्नीनी? आंमा मिम्शा मजाक्ङ। तन्न आं कली सोइक्ब थमा पा परमप्रभु यावे बाक्ब। मिनु गेपुकीमी मेको कली मतुइक्नीनी।
John 14:6 in Sunwar 6 मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्चा मताइनीम। तन्न आं पतीके रे ला गेना हना यो परमप्रभु यावे नु बाक्चा ताइनीम। यूहन्ना १०:९; मत्ती ११:२७; रोमी ५:१-२; हिब्रू १०:२०
1 Corinthians 10:4 in Sunwar 4 नेल्लेमी परमप्रभु यावेम गेशो सोक्त ङा ब्वाक्कु तूङमे बाक्त। मिनु मेको आन नोले खोइक्बम सेरथे फुल्लु रे ब्वाक्कु तूङमे बाक्त। मिनु मेको सेरथे फुल्लु ख्रीस्त बाक्माक्त। प्रस्थान १७:६
1 Corinthians 10:21 in Sunwar 21 गे प्रभु आ कचौरा रे तूतीनी हना, वोल आन कली चढ़ेशो रे तूने मचाप्नीनी। गे प्रभु आ भोज नु वोल आन कली चढ़ेशा जने मचाप्नीनी। मत्ती ६:२४; २कोरिन्थी ६:१५-१६
1 Corinthians 11:25 in Sunwar 25 मिनु मोपान जने थुम्शा, कचौरा शेशा “एको कचौरा आं हुश ङा नक कबल बाक्ब। गे गेना एको तूनीनी, मेना आं कली मिम्शा तूङीन” देंत।
1 Corinthians 12:13 in Sunwar 13 परमप्रभु यावे आ सोक्तीम पतीके यहूदी, ग्रीक, वाइलीम वाइल, होव़प नु गो नेल्ल परमप्रभु यावे आ सोक्त ङा दुम्तय। गलाती ३:२८
Ephesians 5:18 in Sunwar 18 राकसी शांबुमी मदुक्कीन। मारदे हना दुक्ब मुरपुकी ग्येत्थ मलाइनीम। तन्न गेपुकी परमप्रभु यावे आ सोक्तीम ब्रीशो दुमीन। लूका २१:२४
Revelation 21:6 in Sunwar 6 मिनु मेकोमी लेंशा आं कली “गो आल्फा नु ओमेगा नङ। नेल्ल क्येङा ङोंइती नु नेल्ल क्येङा नोले ङा गो नङ। सु सुमी तूतू दाक्नीमी, मेको आन कली ब्रोंइचा गेब ब्वाक्कु बुक्तीक रे मोशा तूचा गेनुङ। प्रकाश १:८; प्रकाश २२:१३
Revelation 22:1 in Sunwar 1 मिनु परमप्रभु यावे आ स्वर्ग ङा गेय पाइबमी ब्रोंइचा गेब खोला कोंइताक्यी। मेको खोला टल्केशो सिसा खोदेंशो तांइसाक्व। मिनु मेको खोला परमप्रभु यावे नु पाठा आस ठेयब नित्तीके रे ग्रूशा, इजीकीएल ४७:१-१२; जकरिया १४:८; उत्पत्ती २:९-१०
Revelation 22:17 in Sunwar 17 मिनु परमप्रभु यावे आ सोक्त नु ग्युम्लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्नी, पिने। मिनु ब्रोंइचा गेब ब्वाक्कु मोशा तूङीन। यसैया ५५:१; यूहन्ना ७:३७