John 3:5 in Sunwar 5 मिनु येसुमी “नोफा दाइश्शा थमा लोव़ नेनीन, ब्वाक्कु रे नु परमप्रभु यावे आ सोक्त रे जरमेशो मुरपुकी ला परमप्रभु यावे आ राज्य ओव़ने चाप्नीम। इजीकीएल ३६:२५-२७; मत्ती ३:११; तीतस ३:५
Other Translations King James Version (KJV) Jesus answered, Verily, verily, I say unto thee, Except a man be born of water and of the Spirit, he cannot enter into the kingdom of God.
American Standard Version (ASV) Jesus answered, Verily, verily, I say unto thee, Except one be born of water and the Spirit, he cannot enter into the kingdom of God!
Bible in Basic English (BBE) Jesus said in answer, Truly, I say to you, If a man's birth is not from water and from the Spirit, it is not possible for him to go into the kingdom of God.
Darby English Bible (DBY) Jesus answered, Verily, verily, I say unto thee, Except any one be born of water and of Spirit, he cannot enter into the kingdom of God.
World English Bible (WEB) Jesus answered, "Most assuredly I tell you, unless one is born of water and spirit, he can't enter into the Kingdom of God!
Young's Literal Translation (YLT) Jesus answered, `Verily, verily, I say to thee, If any one may not be born of water, and the Spirit, he is not able to enter into the reign of God;
Cross Reference Isaiah 44:3 in Sunwar 3 मारदे हना गो सोव़शो रागी तारी ब्वाक्कु लुक्नुङ। सोव़शो खपीम खोला शाइक्पाइक्नुङ। गो इ चच युइ आन तारी आं सोक्त मोइक्नुङ। इ आल आन कली आसीक गेनुङ’। यसैया ३२:१५; योएल ३:१
Ezekiel 36:25 in Sunwar 25 गो इन तार रिम्शो ब्वाक्कु ब्रुइक्नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्शा रिम्शो दुम्नीनी। इन ग्रांग्रा दिशो दुम्शो नेल्ल रे ग्रांग्रा मदिशो सेल्नन्नी। जकरिया १३:१; हिब्रू १०:२२
Matthew 3:11 in Sunwar 11 इन थुं लेत्चा कली इन कली ब्वाक्कुम ख्रुम्शा ग्रुंइनन्नी। गो ब्वाक्कुम ख्रुम्शा ग्रुंइब ला नङ। आं नोले जाक्ब चहिं आं क्येङा शुश सक्ति पाइश्शो ठेयब बाक्ब। गो मेको आ जुत्ता गुप्शा कुरचा लायो मशिरनुङ। मेकोमी इन कली परमप्रभु यावे आ सोक्तीमी ख्रुम्ब, मीमी यो हुम्ब। यूहन्ना १:२६,२७,३३; प्रेरित १:५; प्रेरित २:३-४
Matthew 5:20 in Sunwar 20 सास्त्री नु फरिसी आन पशो क्येङा गे रिम्शो ठीक गेय मपाइतीनी हना, गेपुकी यो स्वर्ग ङा राज्य ओव़चा मताइनीनी, दे इन कली देंनुङ। मत्ती २३:२-३३
Matthew 18:3 in Sunwar 3 “नोफा दाइश्शा नेनीने, गेपुकीमी दोपा ठेयब दुम्चा, दे मिम्चा प्रोंइशा, आल खोदेंशो मदुम्तीनी हना, स्वर्ग ङा राज्य दोपा यो ओव़चा मताइनीनी। मत्ती १९:१४
Matthew 28:19 in Sunwar 19 मोपतीके रागीम नेल्ल हिरशा, नेल्ल जात, थर ङा मुर आन कली आं पर्बमी शेंशा, आं नोले खोइक्ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्त आन नेंमी मेको आन कली ब्वाक्कुम ख्रुम्शा ग्रुंइदीने। मत्ती २४:१४; मर्कूस १६:१५-१६; २कोरिन्थी ५:२०
Mark 16:16 in Sunwar 16 सुमी थमा सुइश्शा, ब्वाक्कुमी ख्रुम्शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्बा, मेको सजाइ गेचा पुंइसीब। प्रेरित २:३८; प्रेरित १६:३१-३३
Luke 13:3 in Sunwar 3 इन थुं परमप्रभु यावे गे मलेत्ताक्नी हना, गे यो मोदेंशो पा बेक्नीनी।
Luke 13:5 in Sunwar 5 इन थुं परमप्रभु यावे गे मलेत्ताक्नी हना, गे यो मोदेंशो पा बेक्नीनी” दे माइक्मी बाक्त।
John 1:13 in Sunwar 13 ठेयब जातमी जरमेतीके, मुर आन दाक्शोमी जरमेतीके नु मुर आन थुंमी मिम्शोमी ममाइ तन्न परमप्रभु यावे आ पतीके ला आ तमी तौ दुम्ने चाप्नीम। यूहन्ना ३:५-६
John 3:3 in Sunwar 3 मिनु येसुमी “नोफा दाइश्शा थमा लोव़ नेनीन, मुर लेंशा, इर रे नक पा मजरमेसाक्व हना, परमप्रभु यावे आ राज्य तने मचाप्ब” देंत। १पत्रुस १:२३
Acts 2:38 in Sunwar 38 पत्रुसमी “इन थुं परमप्रभु यावे गे लेश्शा, येसु कली थमा सुइश्शा, आ नेंमी ब्वाक्कुम ख्रुम्शा ग्रुंइपांइसीने। मिनु इन पाप क्याम्चा पुंइसीनीनी। परमप्रभु यावे आ सोक्तीम प्रिंचा यो पुंइसीनीनी। प्रेरित ३:१७-१९; लूका २४:४७
Acts 3:19 in Sunwar 19 मुल चहिं इन थुं परमप्रभु यावे गे लेश्शा, ख्रीस्त कली थमा सुतीन। मिनु मेकोमी इन पाप क्याम्ब। प्रेरित २:३८
Romans 8:2 in Sunwar 2 मारदे हना येसु ख्रीस्त आ ब्रोंइचा गेब सोक्त आ अरेशो लोव़मी इन कली पाप पचा नु बेक्चा आ अरेशो लोव़ रे प्रोंइतु।
Romans 14:17 in Sunwar 17 परमप्रभु यावे आ राज्य जचा तूचा आ पर्बम ममाइ। परमप्रभु यावे आ सोक्त रे पा थमा सुइक्बपुकीमी रिम्शो गेय पशा, दुशा ग्येरशा बाक्चा आ पर्बम बाक्ब। १कोरिन्थी ८:८; हिब्रू १३:९
1 Corinthians 2:12 in Sunwar 12 गोपुकीम रागी ङा सोक्त मतशो बाक्नय, परमप्रभु यावे आ सोक्त कली ताइतय। मोपतीके गो परमप्रभु यावे आ गेशो नेल्ल रुप्नय। यूहन्ना १४:१६-१७
1 Corinthians 6:11 in Sunwar 11 इन दातेमी का निक्शी मोदेंशो बाक्मा बाक्त। तन्न मुल गे चिक्शो खोदेंशो पा, परमप्रभु यावे आ मुर दुम्शा, प्रभु येसु ख्रीस्त आ नेंमी नु इं परमप्रभु यावे आ सोक्तीम पतीके ठीक मुर सेल्चा पुंइसाक्नी। तीतस ३:३-७; १कोरिन्थी १:२; रोमी ३:२६
2 Corinthians 5:17 in Sunwar 17 सुइ ख्रीस्त आगाम बाक्त हना, मेको नक सेल्सीशो मुर का दुम्ब। ङोंइती ङा नेल्ल जाम्शा लत। नेल्ल नक दुम्ने नुप्त। रोमी ८:१०; गलाती २:२०; गलाती ६:१५; प्रकाश २१:५
Galatians 6:15 in Sunwar 15 ख्रोइक्तीक चिनु ख्रोइक्चा, मख्रोइक्चा मेको ममिम्तीने। ख्रीस्त येसु नु थुं का दुम्शा, नक मुर दुम्चा चहिं नेल्ल क्येङा ठेयब बाक्ब, दे रुपीने। गलाती ५:६; १कोरिन्थी ७:१९; २कोरिन्थी ५:१७
Ephesians 2:4 in Sunwar 4 तन्न परमप्रभु यावे शुश शिशी पाइब दुम्तीके इं कली तशा, शिशी पा दाक्ताक्व।
Ephesians 5:26 in Sunwar 26 मारदे ख्रीस्तमी मो पाप्तु देंशा हना, थमा सुइक्बपुकी परमप्रभु यावे आ ङोंइती शिरशो मुर दुम्मल, दे मो पाप्तु। ङोंइती ख्रीस्तमी मेको आन कली लोव़ रे पा चिक्शो खोदेंशो पाप्तु। तीतस ३:५; हिब्रू १०:२२
2 Thessalonians 2:13 in Sunwar 13 प्रभु आ दाक्शो लोक्बपुकी, गोपुकीमी गेना हना यो इन कली मिम्शा, परमप्रभु यावे कली “गे रिम्शो पाइब बाक्नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्नीम, दे योव़तु। दोपा आ मुर दुम्नीनी देंशा हना, परमप्रभु यावे आ सोक्तीमी इन कली पाप रे ङोन वोइश्शा, थमा शेंतीके थमा सुइक्पाइक्तु। रोमी ८:३०
Titus 3:4 in Sunwar 4 तन्न पाप रे प्रोंइब परमप्रभु यावे आ रिम्शो पतीके, आ दाक्तीके नु शिशी जाक्त। तीतस २:११
1 Peter 1:2 in Sunwar 2 इं आफ परमप्रभु यावेमी इन कली योव़शा, आ मुर दुम्नीम देंत। मिनु आ सोक्तीमी इन कली येसु ख्रीस्त कली टीब सेल्तु। आ हुशेमी चोव़खो सेल्तु। परमप्रभु यावे आ गेशो शिशी नु थुं नाइक्तीके ङोंइती क्येङा मुल गे नु शुश बाक्ल। रोमी ८:२९
1 Peter 3:21 in Sunwar 21 ब्वाक्कुमी ख्रुम्शा ग्रुंइतीके मेको नु गारचा ङा बाक्ब। मेकोमी इन कली मुल प्रोंइब। इन रां चिक्चा ममाइ, तन्न इन थुं ङा मिम्तीके रिम्शो दुम्ल, दे परमप्रभु यावे कली पुंइतीके बाक्ब। मेको नेल्ल येसु ख्रीस्त आ सेंसीशो रे जाक्ब। एफिसी ५:२६; हिब्रू १०:२२
1 John 2:29 in Sunwar 29 “येसु ख्रीस्त नेल्ल ठीक पाइब बाक्ब” दे तुइक्ताक्नी हना, सु सुम ठीक पाइनीमी, मेको नेल्ल परमप्रभु आ आलपुकी नमी, दे तुइक्नीनी। १यूहन्ना ३:७-१०
1 John 5:1 in Sunwar 1 मिनु सुमी “येसु परमप्रभु यावे आ सोइश्शो ख्रीस्त बाक्ब” दे थमा सुइक्बा, मेको मुर परमप्रभु यावे आ आल बाक्ब। मिनु सुमी आफ कली दाक्बा, मेकोमी आ आल कली यो दाक्ब।
1 John 5:6 in Sunwar 6 मिनु येसु ख्रीस्त ब्वाक्कु नु हुश रे जाक्त। ब्वाक्कु रे ला ममाइ, तन्न ब्वाक्कु नु हुश रे जाक्त। १यूहन्ना ४:२; मर्कूस १:९; यूहन्ना १९:३४-३५