John 21:15 in Sunwar 15 मिनु जने थुम्शा, येसुमी सिमोन पत्रुस कली “योआन्नेस आ तौ सिमोन, गे आं कली एको आन क्येङा दाक्नेवे?” दे हिल्लो पाप्तु। मिनु पत्रुसमी “दाक्नन्नी, प्रभु, गे तुइक्नीनी” दे माइक्तु। मिनु येसुमी “आं पाठा आन कली थुल्मी” देंत। यूहन्ना १:४२
Other Translations King James Version (KJV) So when they had dined, Jesus saith to Simon Peter, Simon, son of Jonas, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
American Standard Version (ASV) So when they had broken their fast, Jesus saith to Simon Peter, Simon, `son' of John, lovest thou me more than these? He saith unto him, Yea, Lord; thou knowest that I love thee. He saith unto him, Feed my lambs.
Bible in Basic English (BBE) Then when they had taken food, Jesus said to Simon Peter, Simon, son of John, is your love for me greater than the love of these others? He said to him, Yes, Lord; you are certain of my love for you. He said to him, Then give my lambs food.
Darby English Bible (DBY) When therefore they had dined, Jesus says to Simon Peter, Simon, [son] of Jonas, lovest thou me more than these? He says to him, Yea, Lord; thou knowest that I am attached to thee. He says to him, Feed my lambs.
World English Bible (WEB) So when they had eaten their breakfast, Jesus said to Simon Peter, "Simon, son of Jonah, do you love me more than these?" He said to him, "Yes, Lord; you know that I have affection for you." He said to him, "Feed my lambs."
Young's Literal Translation (YLT) When, therefore, they dined, Jesus saith to Simon Peter, `Simon, `son' of Jonas, dost thou love me more than these?' he saith to him, `Yes, Lord; thou hast known that I dearly love thee;' he saith to him, `Feed my lambs.'
Cross Reference Genesis 33:13 in Sunwar 13 मिनु याकूबमी “आं प्रभु, आं आलपुकी आइक्च बाक्नीम। क्यारश भेडा, बी ब्यफ आन चाइक्ब बाक्नीम। मेको आन कली नाक्ती का ला शुश गाक्पाइश्शा, श्येत गेता हना, नेल्ल बेक्नीम।
2 Samuel 7:20 in Sunwar 20 परमप्रभु यावे, मुल गो एको क्येङा शुश मार देंने चाप्नुङा ङा? मारदे हना गे इन गेय पाइब कली रिम्शो पा तुइक्नीनी।
2 Kings 20:3 in Sunwar 3 मेकोमी “परमप्रभु यावे, गो इन ङोंइती रिम्शो पा बाक्ती। गो इन कली गेनायो मप्रोंइथु आं थुं नेल्लेमी इन नोले खोइक्ता। इन ङोंइती मार रिम्शो बाक्मे, मेको पाता, मेको मिम्तीन” दे आ थुं खाइश्शा ङाक्माक्त।
Psalm 78:70 in Sunwar 70 मेकोमी आ गेय पाइब दाऊद कली भेडा गोठ रे योव़तु।
Isaiah 40:11 in Sunwar 11 आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्शा कुरब। दूध तुंइब आन कली आन चाप्चा ङा पा गाक्पाइश्शा खुल्ब। यूहन्ना १०:११
Jeremiah 3:15 in Sunwar 15 मिनु गो इन कली आं थुं नु गारब गोठलापुकी गेनुङ। मिनु मेको जोक्ब नु रुप्ब दुम्शा, इन कली थुल्नीम। येरमीया २३:३-४; यसैया ४४:२८; इजीकीएल ३४:२३
Jeremiah 23:4 in Sunwar 4 गो मेको आन कली योव़ब गोठलापुकी वोइक्नुङमी। मिनु मेको आन कली योव़नीम। मेना भेडा महिंनीम। सुर्ता मपाइनीम। मेको आन दाते ङा का यो मजाम्नीम” दे परमप्रभु यावेमी देंत। येरमीया ३:१५
Ezekiel 34:2 in Sunwar 2 मार लोव़ पाप्तु देंशा हना “ए मुर, इस्राएल ङा गोठला आन कली आं लोव़ पावो। परमप्रभु, परमप्रभु यावेमी इन कली मार देंब देंशा हना ‘इस्राएल ङा गोठलापुकी गे आंमा जशा ब्वशा बाक्तीनी। मार, गोठलापुकीम भेडा आन कली रिम्शो पा कोव़चा ममाल्नीमी ङा? येरमीया २३:१-४
Ezekiel 34:23 in Sunwar 23 गो मेको आन कली गोठला का वोइक्नुङ। आं गेय पाइब दाऊद कली वोइक्नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्ब। इजीकीएल ३७:२४; येरमीया ३०:९; होसे ३:५; यूहन्ना १०:१४-१६
Matthew 10:37 in Sunwar 37 आं क्येङा आन आम आफ कली दाक्बपुकी आं नोले खोइक्चा मशिरनीम। आं क्येङा आन तमी तौ आन कली दाक्बपुकी यो आं नोले खोइक्चा मशिरनीम। ब्यवस्था १३:७-१२; ब्यवस्था ३३:९; लूका १४:२६-२७
Matthew 16:17 in Sunwar 17 मिनु येसुमी पत्रुस कली “योना आ तौ सिमोन, ग्येरसो। मारदे हना इ देंशो लोव़ मुरुमी शेंशो ममाइ। स्वर्गम बाक्ब आं आफोमी इ कली रुप्पाइक्तु। मत्ती ११:२७; गलाती १:१५-१६
Matthew 18:10 in Sunwar 10 होस पांइसीने, आल आन कली आइक्च मसेलीने। नोफा दाइश्शा नेनीने, आल आन कली कोव़ब परमप्रभु यावे आ स्वर्ग ङा गेय पाइबपुकी स्वर्गम बाक्ब आं आफ आ ङोंइती बाक्नीम।
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
Matthew 26:33 in Sunwar 33 मिनु पत्रुसमी “मेको नेल्लेमी इन कली प्रोंइशा प्रोक्तेक्म हना यो, गो मप्रोंइनन्नी” देंमेनु,
Matthew 26:35 in Sunwar 35 मिनु पत्रुसमी “मप्रोंइनन्नी। गे नु काथा बाक्शा, साइक्चा पुंइसाक्ङ हना यो, गेनायो मप्रोंइनन्नी” दे लोव़ थोक्शा देंत। मिनु शेंसीब नेल्लेमी यो मोन देंतेक्म।
Mark 14:29 in Sunwar 29 मिनु पत्रुसमी “मेको नेल्लेमी इन कली प्रोंइशा प्रोक्तेक्म हना यो, गो मप्रोंइनन्नी” देंमेनु, यूहन्ना १३:३८
Luke 12:32 in Sunwar 32 गे आइक्च बगाल, महिनीन। मारदे हना इन आफोमी इन कली आ राज्यम वोइक्चा दाक्ब। लूका २२:२९
Luke 22:32 in Sunwar 32 गो चहिं इ पर्बम परमप्रभु यावे कली ‘पत्रुस कली थमा सुइक्चा प्रोंइपाइक्चा मगेने’ दे पुंइता। गे नोले थमा पा इ थुं परमप्रभु यावे गे लेश्शा थमा सुइक्नेवे। मिनु थमा सुइक्ब आन कली ‘थमा सुइक्चा मप्रोनीन’ दे आन थुं बारपतो” दे अर्ती गेवा बाक्त। यूहन्ना १७:११,१५
John 1:42 in Sunwar 42 मिनु अन्द्रीयासमी सिमोन पत्रुस कली येसु नु ग्रुम्पाइक्तु। येसुमी मेको कली तशा “गे योआन्नेस आ तौ सिमोन नवे। इ नें केफास देंचा माल्ब” देंत। केफास देंशो फुल्लु बाक्ब। ग्रीक लोव़मी पत्रुस बाक्ब।
John 8:42 in Sunwar 42 मिनु येसुमी “परमप्रभु यावे इन आफ बाक्त हना, गेपुकी आं कली दाक्तीनी वा। मारदे हना गो परमप्रभु यावे रे रागीमी जाक्ती। गो आंमा जाक्शो मनङ। तन्न आं आफोमी सोइक्ताक्यी।
John 13:37 in Sunwar 37 मिनु पत्रुसमी “प्रभु, मारदे इन कली मुल नोले खोइक्ने मचाप्नुङा ङा? इन साइक्चा पुंइसीचा ङा साइक्चा पुंइसाक्ङ हना यो, गो बेक्नुङ” देंत।
John 14:15 in Sunwar 15 गेपुकी आं कली दाक्ताक्नी हना, आं अरेशो पाइनीनी। यूहन्ना १५:१०; १यूहन्ना ५:३
John 16:27 in Sunwar 27 आं आफोमी इन कली दाक्ब। मारदे हना आं कली दाक्ताक्नी। गो आं परमप्रभु यावे रे जाक्शो नङ, दे थमा सुइक्तीनी। यूहन्ना १४:२१
John 21:7 in Sunwar 7 मोदेंशो तशा, येसु आ नेल्ल क्येङा दाक्शो शेंसीबमी पत्रुस कली “प्रभु बाक्ब” दे माइक्तु। मिनु सिमोन पत्रुसमी “प्रभु बाक्ब” देंशो नेंशा, आ ङोंइती प्रुइश्शो वा लेंशा फेक्साक्व। मिनु ब्वाक्कुमी प्रेक्त। यूहन्ना १३:२३
John 21:12 in Sunwar 12 मिनु येसुमी “निस्सीन जने ब्वने” दे माइक्तीमी। मिनु शेंसीबपुकीमी “गे सु ननी?” दे हिल्लो मपाम। “प्रभु बाक्ब” दे तुइक्ताक्म।
John 21:16 in Sunwar 16 मिनु येसुमी लेंशा पत्रुस कली “योआन्नेस आ तौ सिमोन, गे आं कली दाक्नेवे” दे हिल्लो पाप्तु। मिनु पत्रुसमी “दाक्नन्नी, प्रभु, गे तुइक्नीनी” दे माइक्तु। मिनु येसुमी “आं भेडा आन कली कोव़मी” देंत। १पत्रुस ५:२,४
Acts 20:28 in Sunwar 28 गे आंम कली कोव़ङीने। परमप्रभु यावे आ सोक्तीमी इन कली थमा सुइक्ब आन कली कोव़ब सेल्तु। गे परमप्रभु यावे आ मुर आन कली मुर आन कली कोव़ब रिम्शो गोठला दुमीन। मारदे हना मेकोपुकी आ तौ आ हुशेम ग्याप्शो बाक्नीमी। १तिमोथी ४:१६; १पत्रुस ५:२-४
Romans 14:1 in Sunwar 1 मिनु का निक्शी आन थमा सुइक्तीके बोल्यो मदुम्शो बाक्त हना यो, इन ग्रुम्तीकेमी जाक्चा गेन। तन्न मेको नु आन मिम्तीक आ पर्बम लोव़ मपने। रोमी १५:१; १कोरिन्थी ८:९
Romans 15:1 in Sunwar 1 गो थमा सुइक्चामी बोल्यो दुम्शोपुकीमी, आंम कली ठेयब मसेल्थु, बोल्यो मदुम्शो थमा सुइक्ब आन कली वारच पय। रोमी १४:१
1 Corinthians 3:1 in Sunwar 1 आं लोक्बपुकी, इन कली शेंदुनु, परमप्रभु यावे आ सोक्तीम ब्रीशो मुर खोदेंशो पा शेंने मचबु। मारदे हना रागी ङा मुर खोदेंशो पा, ख्रीस्त कली थमा सुइक्तीकेमी आल खोदेंशो बाक्नीनी। यूहन्ना १६:१२
1 Corinthians 8:11 in Sunwar 11 मिनु इन जोक्तीके तुइक्तीकेमी इन मजोक्ब लोक्ब आन कली पाप पपाइक्नीनी। मेको आ पर्बम ख्रीस्त साइक्चा पुंइसाक्व। रोमी १४:१५
1 Corinthians 16:21 in Sunwar 21 गो पावलमी “रिम्शो बाक्कीन” दे आंम गुइमी ब्रेक्ताक्ङ। गलाती ६:११; कलस्सी ४:१८; २थिस्सलोनिकी ३:१७
2 Corinthians 5:14 in Sunwar 14 मारदे हना ख्रीस्तमी इं कली दाक्ब, दे शुश मिम्नीकी। मेको नेल्ल मुर आन पर्बम बेक्त, दे तुइश्शा, गो नेल्ल बेक्चा ङा मुर बाक्नय, दे तुइक्नीकी।
Galatians 5:6 in Sunwar 6 ख्रीस्त येसु नु थुं का दुम्शा, ख्रोइक्तीक चिनु ख्रोइश्शो, मख्रोइश्शो आन कली मतिल्थु, थमा सुइक्तीकेमी दुशा गारशा दाक्मुशा बाक्शोम सक्ति बाक्ब। गलाती ६:१५; रोमी २:२६; १कोरिन्थी ७:१९
Ephesians 4:14 in Sunwar 14 गोपुकीम आल खोदेंशो पा मुर आन शेंशो हेंथे लोव़ थमा सुइक्चा मदुम्नय। दूली शेंबपुकीमी निप्स खाप्शा, मुर आन कली जोल पा फश लोव़ शेंशा, दूली लां खोइक्पाइक्नीम। १कोरिन्थी १४:२०; हिब्रू १३:९; याकूब १:६
Ephesians 6:24 in Sunwar 24 सु सुमी इं प्रभु येसु ख्रीस्त कली गेना हना यो दाक्नीमी, मेको नेल्लेमी शिशी तामेक्ल।
1 Timothy 4:15 in Sunwar 15 मोपा बाक्को। मेको इ पशो तशा, नेल्लेमी इ थमा सुइक्तीके बारशो तामेक्ल।
Hebrews 4:13 in Sunwar 13 मेको आ ङोंइती सुइमी मारेइ ख्रुइक्ने मचाप्नीम। नेल्लेमी पशो नु मिम्शो मेको आ ङोंइती तांइसीब।
Hebrews 12:12 in Sunwar 12 मोपतीके श्येत जाइतीनी हना यो, लांमी गाक्शा दशो खोदेंशो मदुमीन, इन गुइ खोइल सेस दुम्शा गाक्कीन।
Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
1 Peter 1:8 in Sunwar 8 गे मेको कली मताइतीनी हना यो, दाक्नीनी। मेको कली मुल सम्म मतथु यो, थमा सुइक्तीनी। गे गिश ग्येरना ग्येरन बाक्शो बाक्नीनी, देंने मचाप्नीनी। यूहन्ना २०:२९; २कोरिन्थी ५:७
1 Peter 2:2 in Sunwar 2 नक थिशो आलम दूध तूचा माल्शो खोदेंशो पा, गे यो परमप्रभु यावे आ लोव़ तुइक्चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३
1 Peter 2:25 in Sunwar 25 ङोंइती गे हेंथे गाक्ब भेडा खोदेंशो बाक्तीनी। तन्न मुल इन गोठला नु इन थुं कोव़ब आ नेक्था लेश्शा जाक्तीनी। यसैया ५३:६; यूहन्ना १०:१२
1 Peter 5:1 in Sunwar 1 गो इन खोदेंशो खाल्पा नङ। गो थमा सुइक्ब आन दातेमी बाक्शो शेंब खाल्पा इन कली अर्ती गेनुङ। गो ख्रीस्त आ श्येत जशो तशो नङ। मुल गो जाक्चशो छेङछेङ ङा मुर यो दुम्ती। २यूहन्ना :१; मत्ती २६:३७,६९; रोमी ८:१७
1 John 4:19 in Sunwar 19 गोपुकी चहिं परमप्रभु यावे कली मारदे दाक्नय देंशा हना, मेकोमी ङोंइती इं कली शुश दाक्ताक्व।
1 John 5:1 in Sunwar 1 मिनु सुमी “येसु परमप्रभु यावे आ सोइश्शो ख्रीस्त बाक्ब” दे थमा सुइक्बा, मेको मुर परमप्रभु यावे आ आल बाक्ब। मिनु सुमी आफ कली दाक्बा, मेकोमी आ आल कली यो दाक्ब।
Revelation 2:23 in Sunwar 23 आ आल आन कली मुर साइक्ब रोइम साइक्नुङमी। मेको आन श्येत जशा, बेक्शो तशा ‘गोम पाप्तु’ दे थमा सुइक्ब नेल्लेमी तुइक्नीमी। मिनु थमा सुइक्ब आन ग्रुम्तीके ङा मुर नेल्लेमी ‘येसु ख्रीस्तमी मुर आन थुं नु आन पशो तुइक्ब। मिनु नोले दोपा पामे, मोपा गेब’ दे तुइक्नीम। भजन संग्रह ७:१०; येरमीया १७:१०