John 17:11 in Sunwar 11 मुल गो रागीमी शुश नाक्त मबाक्नुङ। गे का ला बाक्शो आं आफ, इन बाक्तीक जाक्चशो बाक्नुङ। तन्न मेकोपुकी रागीमी बाक्नीम। आं आफ, आं कली गेशो मुर इन नें ङा सक्तिमी रिम्शो कोव़शा वोतीन। दोपा गो गे नु थुं का ङा बाक्ङा, मोपा मेकोपुकी यो थुं का दुम्शा बाक्मल, दे सक्ति गेने।
Other Translations King James Version (KJV) And now I am no more in the world, but these are in the world, and I come to thee. Holy Father, keep through thine own name those whom thou hast given me, that they may be one, as we are.
American Standard Version (ASV) And I am no more in the world, and these are in the world, and I come to thee. Holy Father, keep them in thy name which thou hast given me, that they may be one, even as we `are'.
Bible in Basic English (BBE) And now I will be no longer in the world, but they are in the world and I come to you. Holy Father, keep them in your name which you have given to me, so that they may be one even as we are one.
Darby English Bible (DBY) And I am no longer in the world, and these are in the world, and I come to thee. Holy Father, keep them in thy name which thou hast given me, that they may be one as we.
World English Bible (WEB) I am no more in the world, but these are in the world, and I am coming to you. Holy Father, keep them through your name which you have given me, that they may be one, even as we are.
Young's Literal Translation (YLT) and no more am I in the world, and these are in the world, and I come unto Thee. Holy Father, keep them in Thy name, whom Thou hast given to me, that they may be one as we;
Cross Reference Psalm 17:8 in Sunwar 8 मिक्च दोदेंशो रिम्शो पा वोइश्शो बाक्बा, मोदेंशो पा आं कली यो रिम्शो पा वोतीन। इन फ्रां आगाम पुप्तीनी। ब्यवस्था ३२:१०; भजन संग्रह ६१:५; भजन संग्रह ६३:८; प्रस्थान ३७:७-९
Psalm 79:9 in Sunwar 9 आंइ कली श्येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्याम्दीने।
Proverbs 18:10 in Sunwar 10 परमप्रभु यावे आ नें बोल्यो लाइश्शो खिं खोदेंशो बाक्ब। ठीक पाइबपुकी मेकेर दोरशा लशा, ब्रोंइशा बाक्नीम। हितोपदेस १४:२६; भजन संग्रह ६१:४
Isaiah 27:3 in Sunwar 3 गो, परमप्रभु यावेमी मेको कली गेना हना यो कोव़शा, ब्वाक्कु लुक्नुङ। मरिम्शो मदुम्ल, दे गो मेको कली नाक्दो नाक्ती कोव़नुङ।
Isaiah 64:2 in Sunwar 2 मिनु दोपा मीम सोव़शो राशी जेप्बा, मिनु ब्वाक्कु ब्रुइक्पाइक्बा, मोपा इन जोरी सत्रु आन कली इन नें तुइक्पतीन। मिनु रागी रागी ङा मुर इन ङोंइती हिंशा ख्रिंख्रि पाइनीम।
Jeremiah 14:7 in Sunwar 7 मिनु आंइ मरिम्शो पशोम आंइ पर्बम सांकछी गेम्तेक्म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्शो दुम्तक। गोपुकीम इन पर्बम पाप पशो बाक्तक। दानीएल ९:४-९
Jeremiah 14:21 in Sunwar 21 इन नें आ पर्बम आंइ कली शोर गाक्शो ममिम्तीन। गो इन सक्ति पाइश्शो नित्तीक कली आइक्च मसेल्पाइक्नीकी। इन पशो कबल मिम्तीन। गे मेको मक्याम्दीन।
Ezekiel 20:9 in Sunwar 9 तन्न गो आं नें रागी रागी ङा मुर आन ङोंइती मरिम्शो मदुम्ल, दे गो इन कली इजीप्त रागी रे ग्रुंइताक्ङ। इन बाक्शो रागी ङा मुर आन कली यो आं नें तुइक्पाइक्ताक्मी। इजीकीएल २०:१४; इजीकीएल ३६:२१-२२; प्रस्थान ३२:१२
Ezekiel 20:22 in Sunwar 22 तन्न गो आं गुइ तेक्ता। मिनु गो रागी ङा मुर आन ङोंइती मेको आन कली इजीप्त रागी रे ग्रुंइताक्ङ। गो आं नें मेको रागी रागी ङा मुर आन ङोंइती मरिम्शो मदुम्ल, दे मोदेंशो पाता।
Ezekiel 20:44 in Sunwar 44 ए इस्राएल आ खिं ङा मुरपुकी, गे इन मरिम्शो पतीक नु इन हेंथे पशोम ममाइ, तन्न आं नें आ पर्बम गो इन कली रिम्शो पाइनुङ। मिनु गेपुकीम गोन परमप्रभु यावे नङ, दे तुइक्नीनी’ देनो” दे परमप्रभु, परमप्रभु यावेमी देंत।
Matthew 5:48 in Sunwar 48 मोपतीके दोपा इन स्वर्ग ङा आफोमी रिम्शो पाइबा, मोपा गे यो रिम्शो पने। लेवी १९:२
Matthew 6:9 in Sunwar 9 ओदें प्रार्थना पने ‘स्वर्गम बाक्ब आंइ आफ, इन नें ठेयब बाक्ल। लूका ११:२-४; इजीकीएल ३६:२३
Matthew 10:16 in Sunwar 16 भेडा आन कली फर आन दातेम सोइश्शो खोदेंशो पा सोइक्नन्नी। बुस्स खोदेंशो पा निप्स पाइश्शो दुमीने। मिनु परवा खोदेंशो दुम्शा, सुइ कली मरिम्शो मपने। लूका १०:३; रोमी १६:१९; एफिसी ५:१५
John 7:33 in Sunwar 33 मिनु येसुमी “गो गेपुकी नु इच्का नाक्ती सम्म बाक्नुङ। मिनु नोले आं कली सोइक्ब आ बाक्तीकेमी लाइनुङ। यूहन्ना १३:३३
John 10:29 in Sunwar 29 आं आफोमी मेको आन कली गेती। आं आफ नेल्ल क्येङा ठेयब सक्ति पाइश्शो बाक्ब। मोपतीके आं आफ आ गुइ रे सुइमी रोइक्ने मचाप्नीम।
John 13:1 in Sunwar 1 येसुमी पास्सा चाड ङोंइती “मुल रागी रे आं आफ आ बाक्तीक लची नाक्त जाक्त” दे तुइक्ताक्व। मिनु येसुमी नेल्ल क्येङा नोले ङा नाक्त सम्म रागीमी बाक्शो आ मुर आन कली दाक्शो बाक्त। यूहन्ना ७:३०; यूहन्ना १७:१
John 13:3 in Sunwar 3 मिनु येसुमी “आं आफोमी आं कली नेल्ल सक्ति गेती। गो परमप्रभु यावे रे जाक्शो नङ। मिनु परमप्रभु यावे आ बाक्तीके लेत्नुङ” दे तुइश्शा, यूहन्ना ३:३५; यूहन्ना १६:२८
John 14:20 in Sunwar 20 मिनु आं आफ आ आगाम बाक्नुङ। गेपुकी आं आगामी बाक्नीनी। मिनु गो इन आगामी बाक्नुङ, दे मेना रुप्शा तुइक्नीनी।
John 15:18 in Sunwar 18 मिनु “रागी ङा मुरपुकीमी इन कली मदाक्नीमी। इन कली मदाक्चा क्येङा ङोंइती आं कली मदाक्नीम, दे तुइक्नीनी। यूहन्ना ७:७
John 16:28 in Sunwar 28 गो आं आफ रे रागीमी जाक्ती। लेंशा रागी रे पा, आं आफ आ बाक्तीक लाइनुङ” देंत।
John 16:33 in Sunwar 33 आं कली मिम्शा इन थुं नाइश्शा बाक्कीन, दे एको लोव़ शेंताक्न्नी। गेपुकी रागीम बाक्शा, श्येत जाइनीनी। तन्न थुं बारपाइश्शा ग्येरसीने। गो रागी कली ग्राती” देंत। यूहन्ना १४:२७; रोमी ५:१; १यूहन्ना ५:४
John 17:12 in Sunwar 12 गो आं कली गेशो मुरपुकी नु बाक्ङानु, इन नें ङा सक्तिमी रिम्शो कोव़शा वोइक्तामी। सुइ मजाम्म। इन ब्रेक्पाइश्शो लोव़ थमा दुम्चा, दे का चहिं जाम्शा, नरक लाइब दुम्त। यूहन्ना ६:३९; भजन संग्रह ४१:१०
John 17:21 in Sunwar 21 मार पुंइनुङ देंशा हना, मेको नेल्ल थुं का ङा दुम्मल। आं आफ, गे आं आगामी बाक्शो नु गो इन आगामी बाक्शो खोदेंशो पा मेकोपुकी इस आगामी बाक्मल, दे पुंइनुङ। मो दुम्त हना, रागी ङा मुरपुकीमी गेमी आं कली सोइक्ताक्नी, दे थमा सुइक्नीम। गलाती ३:२८
John 17:25 in Sunwar 25 आं आफ, गे नेल्ल रिम्शो नु ठीक पाइब बाक्नीनी। रागी ङा मुरपुकीमी इन कली मतुइक्नीम। गो चहिं इन कली तुइक्नुङ। मिनु आं शेंसीबपुकीमी गे आं कली सोइक्ताक्यीनी, दे तुइक्नीम।
Acts 1:9 in Sunwar 9 मिनु मोदेंशो लोव़ पा, मेको आन तना तन ग्येत्थ ग्युक्शा, गोस्सुमी गिल्सीशा सरीङ ग्येत्थ लमाक्त। मिनु नोले मेकोपुकीमी मतामे बाक्त। मर्कूस १६:१९; लूका २४:५१
Acts 3:21 in Sunwar 21 तन्न परमप्रभु यावे आ लोव़ पाइबपुकीमी साइ रे मार मार देंमा, मेको लोव़ थमा मदुम सम्म येसु ख्रीस्त परमप्रभु यावे नु स्वर्गम बाक्ब।
Romans 9:17 in Sunwar 17 परमप्रभु यावेमी फाराओ कली “नेल्ल रागी ङा मुरपुकीमी आं सक्ति तशा, आं नें तुइक्तमेक्ल, दे इ कली वोइक्ता” देंशो बाक्त। प्रस्थान ९:१६
Romans 12:5 in Sunwar 5 मोपा गोपुकी नेल्ल ख्रीस्तम रां का बाक्नय। गेय का का गेचा पुंइसाक्य। १कोरिन्थी १२:२७; एफिसी ४:४,२५
Romans 15:5 in Sunwar 5 फाल्तीक सक्ति गेब नु थुं बारपाइक्ब परमप्रभु यावेमी इन कली थुं का दुम्शा, दुशा गारशा बाक्चा गेवल। दुशा गारशा बाक्तीनी हना, ख्रीस्त येसु आ गेय पाइब दुम्नीनी। फिलिप्पी २:२
1 Corinthians 1:10 in Sunwar 10 आं लोक्बपुकी, इं प्रभु येसु ख्रीस्त आ नेंमी, इन कली अर्ती गेनन्नी। लोव़ का, शोव़ का नु थुं का दुम्शा बाक्चा मप्रोनीन। १कोरिन्थी ११:१८; रोमी १५:५; फिलिप्पी २:२
1 Corinthians 12:12 in Sunwar 12 दोपा मुर आ रांम गुइ, खोइली, नोफा, मिक्च नु अरु मार बाक्तेक्म हना यो, रां का दुम्ब, मोपान ख्रीस्त आ मुर शुश बाक्तेक्म हना यो, रां का खोदेंशो बाक्नीम, दे मिम्सीब।
Galatians 3:28 in Sunwar 28 मोपा रां का दुम्शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्सीब। मेको ख्रीस्त येसुम नेल्ल खाल का ङा बाक्नीम। रोमी १०:१२; १कोरिन्थी १२:१३
Ephesians 4:4 in Sunwar 4 दोपा रां नु सोक्त का बाक्नीसी, मोपा थुं का दुमीन। गे नेल्ल इन आस कान बाक्ब। मोपा ब्रेत्चा पुंइसाक्नी। रोमी १२:५
Philippians 2:9 in Sunwar 9 मोपतीके परमप्रभु यावेमी मेको कली नेल्ल क्येङा ठेयब सेल्शा, आ नें यो अरु आन क्येङा ठेयब सेल्तु। प्रेरित २:३३; एफिसी १:२१; हिब्रू १:३-४
Hebrews 1:3 in Sunwar 3 आ तौ आ आफ आ सक्ति नु छेङछेङ बाक्ब। मिनु आ सक्ति ङा लोव़ पतीकेमी नेल्ल आन कली कोव़ना कोव़न बाक्ब। मेकोमी पाप क्याम्तीक गेय पने थुम्शा, नेल्ल क्येङा ठेयब मान ताइब आ ग्युरा गे निश्शो बाक्ब।
Hebrews 9:24 in Sunwar 24 मारदे हना ख्रीस्त मुरपुकीम सेल्शो ताम्बुमी मओव़। मेको स्वर्गम बाक्ब ताम्बु आ खोदेंशो ला बाक्त। तन्न मेको स्वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्ना २:१
James 4:4 in Sunwar 4 गे परमप्रभु यावे आ लां प्रोंइशा हेंथे गाक्बपुकी, गे थमा मसुइक्ब आन वारच बाक्तीनी हना, परमप्रभु यावे आ जोरी सत्रु दुम्नीनी। सु थमा मसुइक्ब आन वारच दुम्चा माल्बा, मेको परमप्रभु यावे नु जोरी सत्रु दुम्ब। लूका ६:२६; रोमी ८:७; १यूहन्ना २:१५
1 Peter 1:5 in Sunwar 5 परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्नय, दे थमा सुइक्नय। मेको नेल्ल नोले ङा नाक्तीमी कोंइब। यूहन्ना १०:२८
1 Peter 1:15 in Sunwar 15 इन कली ब्रेप्ब, येसु ख्रीस्त दोदेंशो बाक्मे, गे यो मोदेंशो दुम्शा बाक्कीन।
1 John 3:12 in Sunwar 12 काइन खोदेंशो दुम्चा मदुम्ब। काइनमी सैतान आ मुर दुम्शा, आ लोक्ब कली सदा बाक्त। काइनमी आ लोक्ब कली मारदे सदा बाक्त देंशा हना, आ थुं ङा गेय मरिम्शो बाक्माक्त। आ लोक्ब आ गेय चहिं परमप्रभु यावे आ ङोंइती ठीक बाक्माक्त। उत्पत्ती ४:८
1 John 5:19 in Sunwar 19 मिनु गोपुकीमी “गोपुकी परमप्रभु यावे आ मुर नय” तन्न सैतानमी नेल्ल रागी ङा मुर आन कली हुकुम पाइब, दे तुइक्नय। गलाती १:४
Jude 1:1 in Sunwar 1 गो याकूब आ लोक्ब यहूदा नङ। गो येसु ख्रीस्त आ वाइल दुम्ती। परमप्रभु यावे, इं आफ आ दाक्शो नु येसु ख्रीस्त कली योव़शा वोइश्शो मुर, इन कली ब्रेक्ताक्ङ। मत्ती १३:५५
Jude 1:24 in Sunwar 24 येसु ख्रीस्तमी इन कली पाप मपाइब सेल्ने चाप्ब। इन कली दोस मताइब सेल्शा, ग्येरसीशा, परमप्रभु यावे आ छेङछेङ आ ङोंइती राप्पाइक्ने चाप्ब। १थिस्सलोनिकी ५:२३
Revelation 4:8 in Sunwar 8 मिनु मेको सेस जन्तु ६, ६ ओटा फ्रां पाइश्शो बाक्तेक्मे। मेको आन फ्रां नेल्ल नु आन रां नेल्लेमी मिक्च पाइश्शो बाक्तेक्म। मिनु मेकोपुकी नाक्दो नाक्त परमप्रभु यावे कली कुम्सो पना पन बाक्बाक्तेक्म। मार कुम्सो पाइबाक्तेक्म देंशा हना, “परमप्रभु यावे, गे का ला परमप्रभु ननी। गे नेल्ल सक्ति पाइश्शो बाक्नीनी। गे ङोंइती बाक्शो बाक्तीनी। मुल यो बाक्नीनी। मिनु नोले यो जाक्नीनी” दे कुम्सो पना पन बाक्बाक्तेक्म। यसैया ६:२-३; प्रस्थान ३:१४
Revelation 15:4 in Sunwar 4 नेल्लेमी इन कली मान पा हिंशा इन नें ठेयब सेल्नीमी। मारदे हना गे ला परमप्रभु बाक्नीनी। रागी रागी ङा मुर नेल्ले इन ङोंइती जाक्शा, पोक्च थेक्शा, खुम्की पा बाप्नीमी। मारदे हना इन निसाफ पतीके नेल्लेमी ताम्तेक्म” देंशो कुम्सो आ लोव़ बाक्त। भजन संग्रह ८६:९; येरमीया १६:१९-२१
Revelation 19:12 in Sunwar 12 मिनु मेको दोदेंब तांइसाक्व देंशा हना, मेको आ मिक्च हुरुर पा ब्रशो मी खोदेंशो तांइसाक्व। आ पियामी शुश मुकुटपुकी बाक्तेक्म। मिनु मेको तारी नें का ब्रेक्शो बाक्त। मेको नें सुइमी मतुइक्नीम। मेकोम ला तुइक्ब। प्रकाश १:३४; प्रकाश ३:१२