Joel 2:23 in Sunwar 23 गे सियोन ङा मुरपुकी ग्येरसीन। गेपुकी परमप्रभु यावे, इन परमप्रभु आ पर्बम शुश ग्येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्त। मेकोमी इन कली शुश रेउ गेशो बाक्त। ङोंइती नु नोले ङा रेउ ङोंइती खोदेंशो पा गेशो बाक्त। येरमीया ५:२४
Other Translations King James Version (KJV) Be glad then, ye children of Zion, and rejoice in the LORD your God: for he hath given you the former rain moderately, and he will cause to come down for you the rain, the former rain, and the latter rain in the first month.
American Standard Version (ASV) Be glad then, ye children of Zion, and rejoice in Jehovah your God; for he giveth you the former rain in just measure, and he causeth to come down for you the rain, the former rain and the latter rain, in the first `month'.
Bible in Basic English (BBE) Be glad, then, you children of Zion, and have joy in the Lord your God: for he gives you food in full measure, making the rain come down for you, the early and the late rain as at the first.
Darby English Bible (DBY) And ye, children of Zion, be glad and rejoice in Jehovah your God; for he giveth you the early rain in due measure, and he causeth to come down for you the rain, the early rain, and the latter rain at the beginning [of the season].
World English Bible (WEB) "Be glad then, you children of Zion, And rejoice in Yahweh, your God; For he gives you the former rain in just measure, And he causes the rain to come down for you, The former rain and the latter rain, As before.
Young's Literal Translation (YLT) And ye sons of Zion, joy and rejoice, In Jehovah your God, For He hath given to you the Teacher for righteousness, And causeth to come down to you a shower, Sprinkling and gathered -- in the beginning.
Cross Reference Leviticus 26:4 in Sunwar 4 गो रेउ यिची ना रेउ यिपाइक्नुङ। मिनु इन रूम शुश अन्न ग्रेल्नीम। मिनु रवाम शुश फल फुल सित्नीम।
Deuteronomy 11:14 in Sunwar 14 मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्न, इन अङगुर नु तेल रवा आन फल खुप्ने चाप्नीनी।
Deuteronomy 28:12 in Sunwar 12 मिनु परमप्रभु यावेमी नेल्ल सरीङ ङा शोंप वोइक्तीक रोक्शा, इन रू कली माल्ची ना रेउ यिपाइक्ब। मिनु गे मार मार पाइनीनी, मेको कली आसीक गेब। मिनु गेपुकीमी शुश रागी रागी ङा मुर आन कली जेर गेनीनी, गे चहिं सुइ आन जेर मताक्नीनी। ब्यवस्था १५:६
Deuteronomy 32:2 in Sunwar 2 आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्ब। कल्लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११
Job 33:23 in Sunwar 23 मो हना यो मेको मुर आन दातेमी का कली परमप्रभु आ हजार हजार स्वर्ग ङा गेय पाइब कामी वारच पा, मेकोमी ‘मेको रिम्शो थुं पाइश्शो मुर बाक्ब’ देंत हना,
Psalm 28:7 in Sunwar 7 परमप्रभु यावे आं सक्ति नु आं तेक्तीके बाक्ब। गो मेको कली थमा सुइक्ता। मोपा आं कली वारच पाइक्ती। मोपतीके गो थाम्पा ग्येरसीशो बाक्नुङ। गो आं कुम्सोमी मेको कली ठेयब सेल्नुङ।
Psalm 32:11 in Sunwar 11 गे ठीक पाइबपुकी, परमप्रभु यावे कली मिम्शा ग्येरसीने। रिम्शो थुं पाइश्शोपुकी ग्येरशा, कुम्सो पने।
Psalm 72:6 in Sunwar 6 मिनु मेको घांस रिक्शो दिंममी रेउ यिशो खोदेंशो दुम्ल। रेउमी रागी कली जिप्पाइश्शो खोदेंशो दुम्ल।
Psalm 95:1 in Sunwar 1 जाक्कीन, ग्येरसीशा परमप्रभु यावे कली कुम्सो पय। इं कली श्येत रे प्रोंइब सेरथे फुल्लु कली ठेयब सेंदा पा कुम्सो पय।
Psalm 104:34 in Sunwar 34 मेकोमी आं मिम्शो दाक्तल। मारदे हना गो परमप्रभु यावे कली मिम्शा ग्येरसीनुङ।
Psalm 149:2 in Sunwar 2 इस्राएल आ कली सेल्ब आ पर्बम ग्येरसेक्ल। सियोन ङा मुर आन पिप आ पर्बम ग्येरसमल। भजन संग्रह १००:३; भजन संग्रह ९३:१
Proverbs 16:15 in Sunwar 15 पिप आ कुल हाक्शो बाक्त हना, ब्रोंइचा गेब। मेको आ दाक्शो सोव़शो रू कली रेउ खोदेंशो बाक्ब।
Isaiah 12:2 in Sunwar 2 थमा पा, परमप्रभु आं कली पाप रे प्रोंइब बाक्ब। गो मेको कली थमा सुइश्शा महिंनुङ। मारदे हना परमप्रभु यावे आं कली सक्ति नु बोल गेब बाक्ब। मेको आं कली श्येत रे प्रोंइब बाक्ब” दे कुम्सो पाइनीनी। प्रस्थान १५:२
Isaiah 30:21 in Sunwar 21 मिनु गेपुकीमी “ग्युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्ब, मेको लां गाक्कीन” देंशो नेंनीनी। ब्यवस्था ५:३२
Isaiah 30:23 in Sunwar 23 मिनु परमप्रभुमी इन शोक्शो रू कली रेउ यिपाइश्शा, अन्न सिप्पाइक्ब। मिनु अन्न ग्रेल्शा, शुश जचा ताइनीनी। मेना इन बी ब्यफ ठेयब दिंममी जोइनीम।
Isaiah 41:16 in Sunwar 16 गे मेको आन कली हारशा, फशेम योल्पाइक्नेवे। मिनु फश गिवारम मेको आन कली एर ओंथ फ्रशा योल्ब। मेना गे परमप्रभु यावे कली तुइश्शा, ग्येरनेवे। इस्राएली आन का ला बाक्शो परमप्रभु आ मुर दुम्शा, ग्येरसीनेवे” देंत।
Isaiah 61:10 in Sunwar 10 गो परमप्रभु यावे कली मिम्शा, ग्येरसीनुङ। आं थुं नेल्लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्पाइश्शा, ठीक पतीकेमी सुम्ती। दोदेंशो पा ग्युम्लेम माहुर चुइक्सीबा नु ग्युम्लीम ग्योम्सीबा, मोदेंशो पा परमप्रभु यावेमी आं कली ग्योम्ताक्यी। मत्ती २२:११-१२
Jeremiah 3:3 in Sunwar 3 मोपतीके रेउ मयिशो बाक्त। मिनु बर्खा ङा रेउ मयी। मो हना यो गे मुने मपाइश्शो बाक्नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६
Jeremiah 5:24 in Sunwar 24 मेकोपुकीमी ‘गोपुकी परमप्रभु यावे, इं परमप्रभु कली मान पा हिंय। मेकोमी माल्ची ना रेउ गेब। मेकोम बर्खा नु हिंउद ङा रेउ गेब। मिनु अन्न रिक्शा खुप्ची ना ङा नाक्ती गेब’ मदेंम” देंत। ब्यवस्था ११:१४
Lamentations 4:2 in Sunwar 2 सियोन आ दाक्शो आलपुकी, ङोंइती सुन खोदेंशो मिम्शो बाक्तेक्म। मुल खप के ग्योंब खोदेंशो दुम्तेक्म।
Hosea 6:3 in Sunwar 3 गोपुकी परमप्रभु यावे कली तुइश्शा, ठेयब सेल्य। मेको कली शुश तुइश्शा मान पय। मेको नां दाप्शो बुद पा जाक्ब। हिंउद ङा रेउ खोदेंशो पा जाक्ब। बर्खा ङा रू कली रिम्शो पा जिप्ब रेउ खोदेंशो पा जाक्ब” दे लोव़ पाम्तेक्म।
Joel 2:28 in Sunwar 28 मिनु नोले गो आं सोक्त मुर नेल्ल आन तार मोइक्नुङ। मिनु इन तमी तौपुकीमी आं लोव़ पाइनीम। इन खाल्पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्ती ११:२९; यसैया ४४:३; इजीकीएल ३९:२९; तीतस ३:५-६
Amos 4:7 in Sunwar 7 मिनु “गो इन अन्न खुप्चा क्येङा महिना सां ङोंइती रेउ मयिपदु। गो सहर का कली रेउ यिपाइक्ता, अर्को सहर कली मयिपदु। मिनु रू कामी रेउ यिपाइक्ता, अर्को रूम मयिपदु। मिनु मेको सोव़त। १राजा १७:१
Habakkuk 3:17 in Sunwar 17 फोव़शी रवा मबोइक्ब। अङगुर बोट मसिप्ब। तेल रवाम फल काइ मसिप्ब। रूमी अन्न मसिप्ब। गोठीम बी ब्यफ नु क्यारश भेडा मबाक्त हना यो,
Zephaniah 3:14 in Sunwar 14 सियोन आ तमी, ठेयब सेंदा पा कुम्सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्लेम ग्येरशा सोम्शा बाक्को।
Zechariah 9:9 in Sunwar 9 सियोन आ तमी, साप्पा ग्येरसो। यरूसलेम आ तमी ग्येरशा ठेयब सेंदा पा ग्रीङो। मारदे हना इ पिप इ बाक्तीकेमी जाक्ना जाक्न बाक्ब। मेको ग्राशा ग्येरसीशा जाक्ब। मेको ब्रेम्शो बाक्ब। मेको गधा तार ङोइश्शा जाक्ब। गधा आ चाइक्ब तार ङोइश्शा जाक्ब। सेफन्याह ३:१४; मत्ती २१:५
Zechariah 9:13 in Sunwar 13 गो यहूदा कली आं लिब्रा खुक्शो खोदेंशो पा खुक्नुङ। गो एफ्राइम कली मेको आ ब्रा खोदेंशो सेल्नुङ। सियोन, इ तौ आन कली गो ग्रीस रागी आ तौ आन पर्बम क्युक्नुङ। मिनु गो इ कली बोल्यो लडाइ पाइब आ तरवार खोदेंशो सेल्नुङ।
Zechariah 10:1 in Sunwar 1 परमप्रभु यावे कली नोले ङा रेउ पुनीन। परमप्रभु यावे गोस्स नु फश सेल्ब बाक्ब। मिनु इन कली नु रू नेल्ल आन कली रेउ यिपाइक्ब।
Zechariah 10:7 in Sunwar 7 मिनु एफ्राइम आ खिं ङा मुर लडाइ पाइब खोदेंशो पा बोल्यो दुम्नीम। अङगुर शांबु तूशो खोदेंशो पा ग्येरसीनीम। आन आलपुकीम मेको तशा शुश ग्येरसीनीम। मेकोपुकीमी ‘गो परमप्रभु यावे आ मुर नय’ दे शुश ग्येरसीनीम।
Luke 1:46 in Sunwar 46 मिनु मरीयममी “आं थुंमी परमप्रभु कली ठेयब सेल्नुङ। १सामुएल २:१-१०
Galatians 4:26 in Sunwar 26 इर ङा यरूसलेम चहिं प्रोंइसीशो बाक्ब। मेको यरूसलेम कली इं ममा मिम्नय। हिब्रू १२:२२; प्रकाश २१:२
Ephesians 4:8 in Sunwar 8 मिनु मार ब्रेक्शो बाक्त देंशा हना “मेको इर परमप्रभु यावे आ बाक्तीक लमेनु, चोक्सीशो शुश आन कली लाइक्तु। मिनु मुर आन कली गेय पतीक सक्ति गेप्तु” दे ब्रेक्शो बाक्ब। भजन संग्रह ६८:१९; कलस्सी २:१५
Philippians 3:1 in Sunwar 1 आं दाक्शो लोक्बपुकी आं नोले ङा लोव़ मार बाक्ब देंशा हना, प्रभु नु बाक्शा ग्येरसीने। मोदेंशो लोव़ गो इन कली ब्रेक्ना ब्रेक्न बाक्ती हना यो, श्येत ममिम्नुङ। मेको इन कली बोल्यो दुम्चा कली बाक्ब। फिलिप्पी २:१८; फिलिप्पी ४:४
Philippians 3:3 in Sunwar 3 मारदे हना गोपुकी थमा ख्रोइक्तीक चिनु ङा मुर बाक्नय। गोपुकीमी परमप्रभु यावे आ सोक्त आ पतीकेमी खुम्की पा बाप्शा, परमप्रभु यावे कली गेय पशा, ख्रीस्त येसु आ पतीकेमी ग्येरसय। मुर आ पतीकेमी थमा मसुइय्य। रोमी २:२९
Philippians 4:4 in Sunwar 4 प्रभु नु बाक्शा गेना हना यो ग्येरसीन। गो लेंशा “ग्येरसीने” देंनुङ। फिलिप्पी ३:१; २कोरिन्थी १३:११; १थिस्सलोनिकी ५:१६
James 5:7 in Sunwar 7 मिनु आं दाक्शो लोक्बपुकी, नेनीने, रूमी गेय पाइब मुरुमी मेको आ ख्रुम्शो बाली नाली मीब, दे आ थुं नाइश्शा, हिंउद नु बर्खा रिम्शो खोदेंशो पा प्रभु आ जाक्चा रिम्दीन। लूका २१:१९; हिब्रू १०:३६