Joel 2:1 in Sunwar 1 सियोनमी तुराही ताप्पीन। आं डांडामी शुश ग्रीब ताप्तीक ग्रोव़ ताप्पीन। रागीम बाक्ब मुर नेल्ल गिक गिक पा ख्रिंख्रि पामेक्ल। मारदे हना परमप्रभु यावे आ जाक्शो नाक्त नेक्था जाक्शो बाक्ब। मेको जाक्चा चिक्शो बाक्ब। योएल १:१५
Other Translations King James Version (KJV) Blow ye the trumpet in Zion, and sound an alarm in my holy mountain: let all the inhabitants of the land tremble: for the day of the LORD cometh, for it is nigh at hand;
American Standard Version (ASV) Blow ye the trumpet in Zion, and sound an alarm in my holy mountain; let all the inhabitants of the land tremble: for the day of Jehovah cometh, for it is nigh at hand;
Bible in Basic English (BBE) Let the horn be sounded in Zion, and a war-cry in my holy mountain; let all the people of the land be troubled: for the day of the Lord is coming;
Darby English Bible (DBY) Blow the trumpet in Zion, and sound an alarm in my holy mountain; let all the inhabitants of the land tremble: for the day of Jehovah cometh, for it is at hand;
World English Bible (WEB) Blow you the trumpet in Zion, And sound an alarm in my holy mountain! Let all the inhabitants of the land tremble, For the day of Yahweh comes, For it is close at hand:
Young's Literal Translation (YLT) Blow ye a trumpet in Zion, And shout ye in My holy hill, Tremble do all inhabitants of the earth, For coming is the day of Jehovah, for `it is' near!
Cross Reference Numbers 10:3 in Sunwar 3 मेको निक्शी कालेम ताप्शोनु, इस्राएली नेल्ल इ ङोंइती ग्रुम्तीक ताम्बु आ ओव़तीकेमी जाक्शा बुक्चा माल्नीम।
Numbers 10:5 in Sunwar 5 मिनु ठेयब सेंदामी ताप्शोनु, पूर्ब गे बाक्शो मुरपुकी गाक्चा माल्नीम।
1 Chronicles 15:28 in Sunwar 28 मोपा इस्राएली नेल्लेमी ठेयब रेयके पा नु ग्रोव़, तुराही, बुप्केल, तार पाइश्शो ताप्तीके नु बीना ताप्शा परमप्रभु यावे आ कबल पशो सन्दोस कुइश्शा कुमा बाक्त।
Ezra 9:3 in Sunwar 3 मिनु गो मेको लोव़ नेंशा आं फेक्शो वा खाक्ता। आं चां नु गल शोक्रे तुल्ता। मारेइ लोव़ पने मचाप्थु, सिक्सी पा बाक्ती।
Psalm 87:1 in Sunwar 1 कोराह आ तौ आन कुम्सो। परमप्रभुम आ डांडामी आ सहर सेल्तु।
Psalm 119:120 in Sunwar 120 गो इन कली मान पा हिंशा ख्रिंख्रि पाइनुङ। मिनु गो इन निसाफ पतीक मिम्शा हिंनुङ।
Isaiah 2:12 in Sunwar 12 मिनु मुर नेल्ल आन परमप्रभु यावेमी काबु नाक्ती ठेयब लेश्शो, बोरशो मुर नु “गो ठेयब नङ” देंब आन कली आइक्च सेल्ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्याह १:१४
Isaiah 66:2 in Sunwar 2 मारेइ मारेइ आं सेल्शो मनमी ङा? मोपतीके मेको नेल्ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्येत जाइब नु आ थुं जिक्शो मुर आन कली कोव़नुङ।
Isaiah 66:5 in Sunwar 5 परमप्रभु यावे आ लोव़ क्येङा हिंशा, ख्रिंख्रि पाइबपुकीम “आं लोव़ नेनीन। इन लोक्बपुकीमी गेपुकी आं मुर दुम्तीके इन कली काइ मदाक्थु, तिल्नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्येरशा बाक्शो तकल’ देंनीम। तन्न मेकोपुकी मुने दोक्नीम। लूका ६:२२
Jeremiah 4:5 in Sunwar 5 परमप्रभु यावेमी “यहूदामी शेंदीन। मिनु यरूसलेमम उरदी पने। गे रागी नेल्लेमी तुराही तपीन। ठेयब सेंदा पा ‘नेल्ल ग्रुम्य। मिनु गो ठेयब गारो हिरशो सहरमी प्रोक्य’
Jeremiah 5:22 in Sunwar 22 मार, गे आं कली मान पा हिंचा ममाल्नीनी ङा? गे आं ङोंइती ख्रिंख्रि मपाइनीनी? गो समुन्द्र आ सांद कली बाल्वा वोइक्ता। आ छाल बोक्तेक्म हना यो, मेको कली ख्राक्ने मचाप्नीम। मेकोपुकी शुश बोल पाम्तेक्म हना यो, मेको कली लाक्ने मचाप्नीम। ठेयब रेयके पाम्तेक्म हना यो, लाक्ने मचाप्नीम। बजन संग्रह १०४:९
Jeremiah 16:7 in Sunwar 7 मिनु बेक्ब आन पर्बम रोंका पाइब नु आम आफ आस कली लेम्चा कली सुइम तूचा थोव़क मगेनीम।
Jeremiah 16:10 in Sunwar 10 मिनु गे एको मुर आन कली एको लोव़ नेल्ल देंनेनु, मेकोपुकीमी इ कली ‘मारदे परमप्रभु यावेम आंइ कली ओदेंशो ठेयब मरिम्शो दुम्तीक देंमे? आंइ मरिम्शो पशो मार बाक्बा? गो परमप्रभु यावे, आंइ परमप्रभु कली मार पाप पका ङा?’ देंनीम। येरमीया ५:१९
Ezekiel 7:5 in Sunwar 5 परमप्रभु, परमप्रभु यावेमी “हिंचा ङा श्येत, आ तार हिंचा ङा श्येत दुम्ब। कोव़ङो, मेको जाक्ब।
Ezekiel 7:10 in Sunwar 10 मेको नाक्ती मुल बाक्ब। इ खतम दुम्तीके जाक्ना जाक्न बाक्ब। कोक्के आ कोच्वा दाप्त। ठेयब लेत्तीक फू खोदेंशो पा बोइक्त। यसैया २:१२
Ezekiel 7:12 in Sunwar 12 मेको खतम दुम्तीके जाक्चा चिक्शो बाक्ब। ग्याप्बपुकी मग्येरसमल। लेयबपुकी रोंका मपामेक्ल। मारदे हना मेको नेल्लेम परमप्रभु आ गाइश्शो ताइनीम।
Ezekiel 12:23 in Sunwar 23 मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्मी। मेको आन कली ‘नाक्त नेक्थान जाक्शो बाक्नीम। कोंइतीक नेल्ल गाप्ब। हबकुक २:३
Ezekiel 33:3 in Sunwar 3 मिनु मेकोम आ रागीम तरवार कुरशा आ जोरी सत्रु जाक्शो तशा, आ मुर आन कली तुइक्पाइक्चा कली तुराही ताप्ब।
Ezekiel 33:6 in Sunwar 6 तन्न मेको खाल पाइबम तरवार कुरशा लडाइ पाइब जाक्शो तशा यो, मुर आन कली नेंपाइक्चा कली तुराही मताप्तु नु तरवार जाक्शा सुइ मुर का कली साइक्तु हना, मेको मुर आ मरिम्शो पशो आ पर्बम बेक्ब। तन्न गो मेको खाल पाइब कली मेको आ हुश आ क्येक्क ताक्नुङ।
Daniel 6:26 in Sunwar 26 आं राज्य ङा मुर नेल्लेमी दानीएल आ परमप्रभु कली मान पा हिंचा माल्नीम। मारदे हना मेको गेना हना यो ब्रोंइशा बाक्ब परमप्रभु बाक्ब। मेको आ राज्य गेना हना यो लीब। मिनु आ अधिकार गेनायो मनुप्ब।
Daniel 9:16 in Sunwar 16 परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्तीन, मचुरीन। आंइ पशो पाप नु आंइ किकी पिप आन मरिम्शो पशो आ पर्बम यरूसलेम नु इन योव़शो मुर आन नेक्था बाक्ब मुर रे पा शुक्शी पाइक्चा पुंइसीब दुम्तेक्म।
Daniel 9:20 in Sunwar 20 मिनु गो मो देंशा परमप्रभु यावे, आं परमप्रभु आ ङोंइती लोव़ पना पन, प्रार्थना पा, आं पाप नु आं मुर इस्राएली आन पशो पाप नेल्ल शोव़शा, आं परमप्रभु आ डांडा, आ मुर आन पर्बम पुंइना पुंइन, बाक्ङानु,
Hosea 5:8 in Sunwar 8 गिबामी तुराही नु रामाह सहरमी ग्रोव़ ताप्पीन। बेथ-आवेनमी लडाइ ङा तुराही ताप्पीन। बेन्यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५
Hosea 8:1 in Sunwar 1 मिनु “तुराही तापो। ककाकुली का परमप्रभु यावे आ खिं तारी बेरना बेरन बाक्ब। मारदे हना मुरपुकीमी आं पशो कबल प्रोंइतेक्म। आं अरेशो लोव़ मटीम। यसैया ५८:१; ब्यवस्था २८:४९; होसे ६:७
Joel 1:15 in Sunwar 15 मिनु योएलमी “परमप्रभु यावे आ जाक्चा चिक्शो नाक्त आ पर्बम आबी आबी, मारदे हना मुल मेको नाक्त जाक्ब। नेल्ल क्येङा सक्ति पाइश्शो खतम पोक्तीके जाक्ब। योएल २:१; यसैया १३:६
Joel 2:15 in Sunwar 15 सियोनमी तुराही ताप्पीन। माइजा बाक्चा कली मुर आन कली खुप्तीन। मिनु चाड मानेचा कली मुर आन कली ब्रेत्तीन। योएल १:१४
Joel 3:17 in Sunwar 17 “गो, परमप्रभु यावे, इन परमप्रभु आं डांडा सियोनम बाक्नुङ, दे गे तुइक्नीनी। मिनु यरूसलेम आं के दुम्ब। मिनु रागी रागी ङा मुर मेको सहर ङा लां रे पा मलाक्नीम। इजीकीएल ३४:३०
Amos 3:6 in Sunwar 6 मार, तेकोइ सहरमी तुराही ताप्शोनु, मुर महिंनीमी ङा? मार, सहरम श्येत दुम्मेनु, मेको परमप्रभु यावे आ सोइश्शो ममाइ ङा? यसैया ४५:७; बिलाप ३:३७
Amos 8:2 in Sunwar 2 मिनु मेकोमी आं कली “आमोस, गे मार तवी?” दे हिल्लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्त गाप्त। मुल गो मेको आन नेक्था बाक्शा, मार मार पाइनीमी, मेको कोव़नुङमी। आमोस ७:८
Obadiah 1:15 in Sunwar 15 परमप्रभु यावे आ निसाफ पतीक नाक्त रागी रागी ङा मुर नेल्ल आन नेक्था जाक्शो बाक्ब। गे दोदेंशो पशो नवे, इ कली मोदेंशोन पांइसीब। इ पशो गेय नेल्ल इ पियामीन मोंइसीब। योएल १:१५; येरमीया ५०:१५,२९
Zephaniah 1:14 in Sunwar 14 परमप्रभु यावे आ ठेयब नाक्त जाक्चा चिक्शो बाक्ब। मेको रीब पा जाक्ब। नोफा दाइश्शा नेनीन। परमप्रभु यावे आ ठेयब नाक्त, श्येत ङा नाक्त बाक्ब। लडाइ पाइबपुकी थम ठेयब सेंदा पा ग्रीनीम। योएल १:१५
Zephaniah 1:16 in Sunwar 16 गारोम हिरशो सहरपुकी नु गारो ङा कुनाम बाक्शो लाइश्शो खिं आन कली लडाइ तोचा कली तुराही ताप्शो नु लडाइ ङा रेयके पशो नेंसीब। येरमीया ३०:७
Zephaniah 3:11 in Sunwar 11 मेको नाक्त आं कली मटिशो आ पर्बम गे मुने दोक्चा ममाल्नीनी। मेना इ दाते ङा ठेयब लेश्शो मुर आन कली ग्रुंइनुङमी। आं डांडामी गे लेंशा ठेयब लेश्शो मदुम्नेवे।
Zechariah 8:3 in Sunwar 3 परमप्रभु यावेमी “गो सियोनमी जाक्शा, यरूसलेम आ दातेमी बाक्नुङ। मिनु यरूसलेम थमा सुइक्चा पुंइसीब सहर दुम्ब। मिनु मुर नेल्ल आन परमप्रभु यावे आ डांडा आंम आ बाक्तीक डांडा दुम्ब” देंत। जकरिया १:१६; यसैया १:२१,२६; भजन संग्रह २:६
Malachi 4:1 in Sunwar 1 मुर नेल्ल आन परमप्रभु यावेमी “आं निसाफ पतीक नाक्ती जाक्ब। मेको ठेयब मी खोदेंशो पा ब्रशो बाक्ब। मेना ठेयब लेश्शो नु मरिम्शो पाइब नेल्ल सोव़शो ठुटा खोदेंशो बाक्नीम। मेको नाक्ती मीम मेको आन कली नेक्ब। मिनु मेको आन शाक्श नु राशी यो मलीब।
Philippians 2:12 in Sunwar 12 आं दाक्शो लोक्बपुकी, गेपुकीमी नेल्ल नाक्त आं देंशो टीतीनी। गो बाक्ङानु ला ममाइ, गो मबाक्ङानु यो मेको क्येङा शुश रिम्शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७
1 Thessalonians 5:2 in Sunwar 2 मारदे हना गेपुकी प्रभु आ नाक्त खुइ खोदेंशो पा जाक्ब, दे तुइक्नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५
James 5:8 in Sunwar 8 थुं नाइश्शा बाक्कीन। मारदे हना प्रभु जाक्चा चिक्शो बाक्ब। मोपतीके प्रभु कली टिचा मप्रोंइथु बाक्कीन।
1 Peter 4:7 in Sunwar 7 रागी नु रागीमी बाक्शो मारेइ मारेइ नुप्चा चिक्शो बाक्तेक्म। मोपतीके इन गेय पचा ङोंइती मिम्शा नु आंम रां कली अरेशा प्रार्थना पने। १कोरिन्थी १०:११; १यूहन्ना २:१८