Jeremiah 7:6 in Sunwar 6 गेपुकीमी अर्को रागी ङा मुर आन कली, रोम रोइक्च नु आन वोंइश बेक्शो मीश मुर आन कली मदिप्तीनी हना, दोस मताइब मुर आन कली मसाइक्तीनी हना नु आंम इन कली श्येत सेल्चा, दे देवी देवता आन नोले मखोइक्तीनी हना, येरमीया ५:२८
Other Translations King James Version (KJV) If ye oppress not the stranger, the fatherless, and the widow, and shed not innocent blood in this place, neither walk after other gods to your hurt:
American Standard Version (ASV) if ye oppress not the sojourner, the fatherless, and the widow, and shed not innocent blood in this place, neither walk after other gods to your own hurt:
Bible in Basic English (BBE) If you are not cruel to the man from a strange country, and to the child without a father, and to the widow, and do not put the upright to death in this place, or go after other gods, causing damage to yourselves:
Darby English Bible (DBY) [if] ye oppress not the stranger, the fatherless, and the widow, and shed no innocent blood in this place, neither walk after other gods to your hurt;
World English Bible (WEB) if you don't oppress the foreigner, the fatherless, and the widow, and don't shed innocent blood in this place, neither walk after other gods to your own hurt:
Young's Literal Translation (YLT) Sojourner, fatherless, and widow, ye oppress not, And innocent blood do not shed in this place, And after other gods do not walk, for evil to yourselves,
Cross Reference Exodus 22:21 in Sunwar 21 अर्को रागी ङा मुर आन कली श्येत मगेचा, मदिप्चा। मारदे हना गे यो इजीप्त रागीमी अर्को रागी ङा मुर दुम्शा बाक्तीनी। लेवी १९:३३-३४; ब्यवस्था १०:१८,१९
Deuteronomy 6:14 in Sunwar 14 गे इन एर ओंथ ङा रागीम बाक्शो जात जात ङा मुर आन देवी देवता आन नोले मखोतीन।
Deuteronomy 8:19 in Sunwar 19 मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्तीनी, मेको आन कली पूजा पाइतीनी नु मेको आन ङोंइती बाप्तीनी हना, गो इन कली ‘गेपुकी थमा पा साइक्चा पुंइसीनीनी’ दे मुलाक्ती लोव़ का पाइनुङ।
Deuteronomy 11:28 in Sunwar 28 परमप्रभु यावे, इन परमप्रभु आ शेंशो मटिथु, गो मुलाक्ती इन कली देंशो लचा माल्शो लां रे हेंथे गाक्तीनी नु इन मतुइश्शो देवी देवता आन नोले खोइक्तीनी हना, सराप राइनीनी।
Deuteronomy 24:17 in Sunwar 17 मिनु अर्को रागी ङा मुर नु रोम रोइक्च आन कली निसाफ दूली मपने। मिनु वोंइश बेक्शो मीश मुर आन फेक्तीक वा जाकटी मवोतीन।
Deuteronomy 27:19 in Sunwar 19 मिनु “सु मुरुमी अर्को रागी ङा मुर, रोम रोइक्च नु वोंइश बेक्शो मीश मुर आन कली ठीक निसाफ मपाइबा, मेको मुर सराप राइब” देंतेक्म। मिनु मुर नेल्लेमी “आमेन, मोदेंशो दुम्ल” देंचा माल्नीम। प्रस्थान २२:२०-२१
2 Kings 21:6 in Sunwar 6 मेकोमी आ तौ कली चोशा चढ़ेवा बाक्त। मिनु मन्तर तन्तर, टुना मुना पा, बेक्शो मुर रे लोव़ पचा गेशा, लिंक्यु कोव़ङा बाक्त। मेकोम परमप्रभु यावे आ ङोंइती शुश मरिम्शो पवा बाक्त। मिनु मेको कली थाम्पा गाइक्पदा बाक्त। २राजा १६:३; लेवी १८:२१
2 Kings 24:4 in Sunwar 4 मारदे हना मनस्सेम दोस मताइब मुर आन कली साइश्शा, यरूसलेम कली हुशेम प्रिंशो बाक्माक्त। मिनु परमप्रभु यावेमी मेको कली माफ गेने मबिश्शो बाक्माक्त।
Job 31:13 in Sunwar 13 गो आं वाइलीम वाइल आन थुं मनुशो लोव़ पाता हना, सिक्सी पपाइक्तामी।
Psalm 82:3 in Sunwar 3 गे मचाप्ब नु रोम रोइक्च आन कली ठीक पा निसाफ पने। प्रुङग नु दिप्चा पुंइसीशो आन कली ठीक निसाफ पने। यसैया १:१७
Psalm 106:38 in Sunwar 38 मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्त। मेको आन हुशेमी मेको रागी ग्रांग्रा दिशो दुम्माक्त।
Isaiah 59:7 in Sunwar 7 मेकोपुकी मरिम्शो पचा कली ला दोरनीम। दोस मताइब आन कली साइक्चा कली चुइक्नीम। मेको आन मिम्शो मरिम्शो बाक्ब। आन लांमी बिग्रेतीक नु खतम पोक्तीक बाक्ब। रोमी ३:१५-१७; हितोपदेस १:१६; येरमीया २:३४
Jeremiah 2:30 in Sunwar 30 गो इन आल आन कली मोशा तुप्तामी। गो मेको आन कली शेंचा दाक्ताक्ङ। तन्न मबिस्सम। इन कली सोइश्शो आं लोव़ पाइब इन तरवारमी साइक्चा पुंइसाक्म। गेपुकी ग्रु दाक्ब गुप्स खोदेंशो बाक्नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५
Jeremiah 2:34 in Sunwar 34 इ फेक्शो वाम दोस मताइब नु प्रुङग आन हुश लुम्सीशो बाक्ब। मिनु गेमी मेको आन कली खिं प्रोल्शा खिं ओव़शो मथिदी। मेको मोदेंशो नेल्ल दुम्ना दुम्न यो, येरमीया २६:२०-२३; प्रस्थान २३:७
Jeremiah 7:5 in Sunwar 5 गेपुकीम थमा पा इन गाक्तीक लां नु इन पशो रिम्शो सेल्तीनी हना, गे थमा पा अरु मुर आन कली ठीक नु रिम्शो पाइतीनी हना,
Jeremiah 13:10 in Sunwar 10 मेको मरिम्शो पाइब मुरपुकीम आं लोव़ नेंने मबिस्सम। मेकोपुकीमी आन खकटा थुंमी आन दला दाक्स पतीकेमी अरु देवी देवता आन कली पूजा पचा कली नु मेको आन गेय पचा कली लाम्तेक्म। मिनु मेकोपुकी एको धोती खोदेंशो दुम्नीम। मेको थमा पा शोर गाक्शो बाक्ब। येरमीया ११:८
Jeremiah 19:4 in Sunwar 4 मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्तेक्म। मेको देवी देवता आन किकी पिपी नु यहूदा ङा पिपम यो मतुइश्शो बाक्तेक्म। मिनु मेकोपुकीम रागी कली दोस मताइब आन हुशेम प्रिंताक्म।
Jeremiah 22:3 in Sunwar 3 परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्चा पुंइसीशो आन कली मरिम्शो पाइब आन गुइ रे प्रोनीन। अर्को रागी ङा मुर, रोम रोइक्च नु आन वोंइश बेक्शो मीश मुर आन कली मरिम्शो मपने। मिनु एको रागीम मारेइ दोस मताइब आन हुश मशाइक्पतीन। येरमीया २१:१२
Jeremiah 22:15 in Sunwar 15 मार, गे पिप नवे? मारदे हना गे गारो नेल्ल बोल्यो शीम क्येप्नेवे? इ आफ नु जचा तूचा थोव़क बाक्त। मेकोमी ठीक निसाफ नु ठीक गेय पाप्तु। मिनु मेको कली रिम्शोन दुम्त।
Jeremiah 26:15 in Sunwar 15 तन्न गे एको तुइक्तीन। गेपुकीम आं कली साइक्तीनी हना, आंम इन तारी, एको सहर तारी नु एकेर बाक्ब आन तारी दोस मताइब मुर का आ हुश शाइक्पाइश्शो दोस चाक्नीनी। मारदे हना परमप्रभु यावेम इन कली एको लोव़ नेल्ल नेंपाइक्चा कली आं कली सोइश्शो बाक्त” देंत। प्रस्थान २३:७; मत्ती २७:४,२५
Jeremiah 26:23 in Sunwar 23 मिनु मेकोपुकीमी उरीयाह कली इजीप्त रे चाक्तेक्म। मिनु पिप येहो-याकीम आ ङोंइती राप्पाइक्तेक्म। मिनु पिपम मेको कली साइक्चा कली तरवार आप्पाइक्तु। मिनु मेको आ बेक्शो रां आइक्च आइक्च मुर आन कली ताइक्तीकेम ताइक्पाइक्तु।
Lamentations 4:13 in Sunwar 13 परमप्रभु यावे आ लोव़ पाइब आन पाप नु चढ़ेब आन मरिम्शो पशो आन पर्बम मो दुम्शो बाक्त। मेकोपुकीमी सहर आ दातेम ठीक पाइब मुर आन कली हुश ख्राक्श पोक्तेक्म।
Ezekiel 18:6 in Sunwar 6 मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्था ङा मुर आन मीश नु मइप्ब, रां ब्रोल्शो मीश मुर नु मइप्ब। लेवी १८:१९; लेवी १८:२०
Ezekiel 22:3 in Sunwar 3 गे मेको कली ‘परमप्रभु, परमप्रभु यावेमी इ पर्बम मार देंत देंशा हना “ए सहर, गे इ दातेमी हुश ख्राक्श पोक्तीवी। इ खतम दुम्तीक नाक्त जाक्त। गे मूर्ति सेल्सीशा, ग्रांग्रा दिशो दुम्ते।
Zechariah 7:9 in Sunwar 9 मिनु मुर नेल्ल आन परमप्रभु यावेमी मार लोव़ पाप्तु देंशा हना “ठीक पा निसाफ पने, दाक्मुने नु शिशी पमुने, मीका ६:८
Malachi 3:5 in Sunwar 5 तन्न मेको क्येङा ङोंइती “गो निसाफ पचा कली इन बाक्तीकेमी जाक्नुङ। गो टुना मुना पाइबपुकी, मुर आन मीश वोंइश नु इप्बपुकी, जोल पा कसम जाइबपुकी, गेय पाइब आन कली गाल्च मगेबपुकी, वोंइश बेक्शो मीश मुर, रोम रोइक्च, नु अर्को रागी ङा मुर आन कली निसाफ पा मगेबपुकी नु आं क्येङा महिंब नेल्ल आन कली निसाफ पथ जाक्नुङ” दे मुर नेल्ल आन परमप्रभु यावेमी देंत।
Matthew 23:35 in Sunwar 35 मेको मोपा खेदा पा साइश्शो पाप नेल्ल इन कली राइब। साइ नेसी रिम्शो पाइब हाबील साइश्शो रे बेरेक्याह आ तौ जकरिया साइश्शो सम्म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्शो बाक्मा बाक्त। उत्पत्ती ४:८; २इतिहास २४:२०-२१
Matthew 27:4 in Sunwar 4 “रिम्शो मुर कली ग्याइक्पाइक्चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्तो” देंमा बाक्त।
Matthew 27:25 in Sunwar 25 मिनु हुलपुकीमी “आंइ कली नु आंइ चच युइ आन कली लुम्सेक्ल” दे रेयके पामे बाक्त। प्रेरित ५:२८
James 1:27 in Sunwar 27 मखाल्थु ठीक पा थमा सुइक्तीके दोदेंशो बाक्ब देंशा हना, रोम रोइक्च नु वोंइश बेक्शो मीश मुर श्येत जामेनु, वारच पचा नु थमा मसुइक्ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्तीके बाक्ब।