Jeremiah 4:19 in Sunwar 19 मिनु गो हिंती, हिंती। गो श्येत जशा हुकयी पाइनुङ। आं लुङगीर खाइश्शा, तुक तुक पाप्तु। गो सिक्सी पा बाक्ने मचाप्नुङ। मारदे हना गो तुराही ताप्शो नेंता। मेको लडाइ ङा रेयके बाक्ब।
Other Translations King James Version (KJV) My bowels, my bowels! I am pained at my very heart; my heart maketh a noise in me; I cannot hold my peace, because thou hast heard, O my soul, the sound of the trumpet, the alarm of war.
American Standard Version (ASV) My anguish, my anguish! I am pained at my very heart; my heart is disquieted in me; I cannot hold my peace; because thou hast heard, O my soul, the sound of the trumpet, the alarm of war.
Bible in Basic English (BBE) My soul, my soul! I am pained to my inmost heart; my heart is troubled in me; I am not able to be quiet, because the sound of the horn, the note of war, has come to my ears.
Darby English Bible (DBY) My bowels! my bowels! I am in travail! [Oh,] the walls of my heart! My heart maketh a noise in me; I cannot hold my peace: for thou hearest, my soul, the sound of the trumpet, the clamour of war.
World English Bible (WEB) My anguish, my anguish! I am pained at my very heart; my heart is disquieted in me; I can't hold my peace; because you have heard, O my soul, the sound of the trumpet, the alarm of war.
Young's Literal Translation (YLT) My bowels, my bowels! I am pained `at' the walls of my heart, Make a noise for me doth My heart, I am not silent, For the voice of a trumpet I have heard, O my soul -- a shout of battle!
Cross Reference Genesis 49:6 in Sunwar 6 आं थुं इस ख्रुइश्शा अरेशोम गेनायो मबिस्सेक्ल, आं नें इस ग्रुम्तीकेमी गेनायो मदेंमल। थुं का मदुमीसे। मारदे हना इस चुरतीकेमी मुर साइक्तीसी। महिंब दुम्शा, ब्यफ कली गाक्ने मचाप्ब सेल्तीसी।
Numbers 10:9 in Sunwar 9 मिनु गे इन रागीमी इन कली दिप्ब जोरी सत्रुपुकी नु लडाइ पथ लनीनु, ठेयब सेंदामी तुराही ताप्चा माल्नीस। मो पाइतीनी हना, परमप्रभु यावे, इन परमप्रभुमी इन कली मिम्शा, इन जोरी सत्रु रे प्रोंइब। न्यायाधीस ६:३४
Judges 5:21 in Sunwar 21 मिनु किशोन खोलामी सीसेरा आ लडाइ पाइब आन कली योल्ताक्व। मेको बारशो किशोन खोलाम मोदेंशो पाप्तु। आं थुं महिंथु, बारशा, लडाइ पावो।
Psalm 16:2 in Sunwar 2 गो परमप्रभु यावे कली ‘गे आं परमप्रभु बाक्नीनी। गो इन क्येङा अर्को मारेइ रिम्शो मतुइक्नुङ’ देंती। भजन संग्रह ७३:२५
Psalm 42:5 in Sunwar 5 आं थुं, गे मारदे लुक्च लाइनेवे? मारदे ग्येत्थ लुक्च दुम्नेवे? परमप्रभुमी मार पाइबा, मेको रिम्दो। मिनु नोले मेकोमी आं कली श्येत रे प्रोंइशो तशा, गो परमप्रभु कली ठेयब सेल्नुङ। मारदे हना मेको आं कली श्येत रे प्रोंइब नु आं परमप्रभु बाक्ब।
Psalm 103:1 in Sunwar 1 दाऊद आ कुम्सो। आं थुं, परमप्रभु यावे कली ठेयब सेलो। मिनु गो आं थुं नेल्लेमी आ नें ठेयब सेल्नुङ।
Psalm 116:7 in Sunwar 7 आं थुं लेंशा नांइसो। मारदे हना परमप्रभु यावेमी इ कली रिम्शो पाइश्शो बाक्ब। भजन संग्रह ४२:६
Psalm 119:53 in Sunwar 53 इन अरेशो लोव़ प्रोंइब मुर आन पर्बम गो गाइश्शा चुरशा बाक्ती।
Psalm 119:136 in Sunwar 136 गो ङाक्नुङ। मारदे हना मुरपुकीमी इन अरेशो लोव़ मटीम।
Psalm 146:1 in Sunwar 1 परमप्रभु यावे कली ठेयब सेलो। आं थुं, परमप्रभु यावे कली ठेयब सेलो।
Isaiah 15:5 in Sunwar 5 आं थुं मोआब आ पर्बम वाइ ब्रेश्शा ङाक्ब। मेकेर ङा मुरपुकी सोआर नु एग्लाथ-शेलीशीया प्रोक्नीम। मेकोपुकी ङाक्ना ङाक्न लुहीथ ङा डांडा ङोइक्नीम। मेकोपुकीमी होरोनाइम ङा लांमी खतम दुम्चा आ पर्बम रोंका पाइनीम।
Isaiah 16:11 in Sunwar 11 मोपतीके मोआब आ पर्बम आं थुं ङाक्ब। मिनु कीर-हेरेस आ पर्बम आ थुं खाइक्ब।
Isaiah 21:3 in Sunwar 3 मोपतीके आं पोक्च ख्रिंख्रि पाइनीम। गो सुत्केरी रोइ पशो आल थिचशो मीश मुर खोदेंशो दुम्ती। गो राप्ने मचाप्थु, नेंने नु तने मचाप्चा ङा श्येत जशो बाक्नुङ।
Isaiah 22:4 in Sunwar 4 मोपतीके गो आं कली मकोव़यीनी। गो हुइ हुइ पा ङाक्नुङ। आं कली लेम्चा थुं मपने। मारदे हना आं दाक्शो मुर खतम दुम्तेक्म” देंत। येरमीया ८:२३
Jeremiah 4:5 in Sunwar 5 परमप्रभु यावेमी “यहूदामी शेंदीन। मिनु यरूसलेमम उरदी पने। गे रागी नेल्लेमी तुराही तपीन। ठेयब सेंदा पा ‘नेल्ल ग्रुम्य। मिनु गो ठेयब गारो हिरशो सहरमी प्रोक्य’
Jeremiah 4:21 in Sunwar 21 गो गेना सम्म लडाइ ङा छेदर तचा माल्नुङा? मिनु गेना सम्म तुराही ताप्शो नेंचा माल्नुङा?
Jeremiah 9:1 in Sunwar 1 परमप्रभुमी “आं पिया ब्वाक्कु बुक्तीक दुम्शो हना, नु आं मिक्ची प्रेक्कु बुक्तीक दुम्शो हना, गो नाक्दो नाक्ती ङाक्ङ वा। श्येत जशो साइश्शो आं मुर आन पर्बम ङाक्ङ वा। येरमीया १३:१७; लूका १९:४१
Jeremiah 9:10 in Sunwar 10 गे डांडा आन पर्बम ङाक्शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्शो बाक्नीम। मेकेर सुइ मगाक्नीम। मिनु मेकेर बी ब्यफ क्यारश भेडा आन ग्रीशो मनेंसीब। सरीङ ङा चिक्ब नु जन्तु नेल्ल प्रोक्शा लाम्तेक्म। येरमीया ४:२५; येरमीया १२:४
Jeremiah 13:17 in Sunwar 17 तन्न गेपुकीम मेको मनेंतीनी हना, गो इन ठेयब लेश्शो आ पतीके, गो आं थुंम सुइ आन मतुइक्चा ङा पा ङाक्नुङ। परमप्रभु यावे आ हुल ग्याइश्शा लाइक्चा पुंइसीतीके गो हुइ हुइ पा ङाक्नुङ। मिनु आं मिक्च रे प्रेक्कु दोक्ब। येरमीया ८:२३; येरमीया १४:१७; लूका १९:४१
Jeremiah 14:17 in Sunwar 17 गे मेको आन कली “आं मिक्च रे नाक्दो नाक्ती प्रेक्कु यिशा बाक्ल। मारदे हना आं मुर, ग्युंबे मपशो तमी थाम्पा श्येत जशो बाक्ब। ठेयब गार दुम्चा ङा पा मेको तुप्चा पुंइसीशो बाक्ब। येरमीया१३:१७
Jeremiah 20:9 in Sunwar 9 गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्त। आं रुशपुकीम तेक्शा वोदुनु, मी खोदेंशो दुम्त। गो मेको कली तेक्शा दती। गो थमा पा, मेको कली तेक्ने मचाप्नुङ। १कोरिन्थी ९:१६
Jeremiah 23:9 in Sunwar 9 परमप्रभु यावेम आ लोव़ पाइब आन पर्बम लोव़ पशो बाक्ब। मेको नेंशा आं थुं जिक्त। आं रुश नेल्ल ख्रिंख्रि पाइनीम। गो दुक्शो मुर खोदेंशो दुम्ती। गो अङगुर शांबु शुश तूशा दुक्शो खोदेंशो दुम्ती। गो परमप्रभु यावे आ पर्बम नु आ लोव़ आ पर्बम मोदेंशो दुम्ती।
Jeremiah 48:31 in Sunwar 31 मोपतीके गो मोआब आ पर्बम रोंका पाइनुङ। गो मोआब नेल्ल आन पर्बम ङाक्नुङ। गो कीर-हेरेस ङा मुर आन पर्बम हिशेक पाइनुङ।
Lamentations 1:16 in Sunwar 16 गो मार कली ङाक्नुङा, मार कली आं प्रेक्क यीनीम देंशा हना, आं कली लेम्ब नु आं थुं बारपाइक्ब आ क्येङा ङोन बाक्नीम। आं आल लने थुम्तेक्म। मारदे हना आं जोरी सत्रु आं क्येङा बोल्यो बाक्तेक्म।
Lamentations 2:11 in Sunwar 11 गो ङाक्ना ङाक्न बाक्नुङ। आं थुं चोइब। आं थुं खाइक्ब। मारदे हना आं मुर खतम दुम्तेक्म। आल नु दूध तूब आलपुकी सहर ङा लांम शोव़लु बेक्नीम।
Lamentations 3:48 in Sunwar 48 आं मुर नेल्ल खतम दुम्शो तशा, गो शुश ङाक्ती।
Daniel 7:15 in Sunwar 15 मिनु गो, दानीएल, मेको कोंइतीके तशा, आं थुं लुक्च लत। मिनु गो हिंती।
Daniel 7:28 in Sunwar 28 मेको आं ङोमु तशो आ लोव़ बाक्ब। गो दानीएल, एको मिम्शा थाम्पा हिंती। मिनु आं कुल क्येर दुम्त। मिनु गो एको लोव़ नेल्ल आं थुंम वोइक्ता। दानीएल ८:१८; दानीएल १०:८,१६-१८
Daniel 8:27 in Sunwar 27 मिनु नोले गो, दानीएल, काइ सोक्त मपाइश्शो खोदेंशो दुम्ती। मिनु का निक्शी नाक्त रोइ पा बाक्ती। मिनु नोले बोक्शा, पिप आ गेय पथ लती। मिनु मेको आं तशो कोंइतीके आ पर्बम हिंती। मारदे हना मेको कोंइतीके रुप्ब सुइ मबाक्ब।
Amos 3:6 in Sunwar 6 मार, तेकोइ सहरमी तुराही ताप्शोनु, मुर महिंनीमी ङा? मार, सहरम श्येत दुम्मेनु, मेको परमप्रभु यावे आ सोइश्शो ममाइ ङा? यसैया ४५:७; बिलाप ३:३७
Habakkuk 3:16 in Sunwar 16 गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्तु। आं रुश आगा नेल्ल मुक्ताक्मे। खोइल ख्रिंख्रि पाप्तु। मो हना यो आंइ कली मरिम्शो पाइब मुर आन कली श्येत दुम नाक्ती कली रिम्शा बाक्ती।
Zephaniah 1:15 in Sunwar 15 मेको नाक्त गाइक्चा ङा नाक्त दुम्ब। श्येत नु हिंचा ङा नाक्त दुम्ब। नेल्ल ब्रेत्तीक नु खतम दुम्तीक नाक्त दुम्ब। मेको नाक्त छिङछिङ नु हिंचा ङा दुम्ब। गोस्सुम गिल्शो नु शुश छिङछिङ ङा नाक्त दुम्ब।
Luke 19:41 in Sunwar 41 मिनु यरूसलेम सहर आ नेक्था जाक्शा, सहर तांइसेनु, येसु मेको सहर आ पर्बम ङाक्शा
Romans 9:2 in Sunwar 2 गो इं यहूदी लोक्ब आन कली तशा, आं थुं शुश खाइक्ती। मेको आन कली दो पङ, मार पङ देंशा आं थुं खुरसाक्यी।
Romans 10:1 in Sunwar 1 आं लोक्बपुकी, गो थमा मसुइक्ब इस्राएली आन पर्बम परमप्रभु यावे कली “थमा सुइक्पतीन” दे पुंइना पुंइन बाक्नुङ।
Galatians 4:19 in Sunwar 19 आं दाक्शो आलपुकी, मीश मुरुमी आल थिचामेनु, श्येत जाइनीमी। शुश खाइक्ब। आल थिचशो मीश मुरुमी श्येत जशा खाइश्शो खोदेंशो पा, गो इन कली मिम्शा, श्येत जाइनुङ। इन थुंमी ख्रीस्त बारल, दे मिम्शा, मोदेंशो पा आं थुं खाइक्ती। १कोरिन्थी ४:१५