Jeremiah 2:21 in Sunwar 21 गो इ कली नेल्ल क्येङा रिम्शो अङगुर बोट ख्रुम्ता। गे दोपा मरिम्शो दुम्शा ब्वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४
Other Translations King James Version (KJV) Yet I had planted thee a noble vine, wholly a right seed: how then art thou turned into the degenerate plant of a strange vine unto me?
American Standard Version (ASV) Yet I had planted thee a noble vine, wholly a right seed: how then art thou turned into the degenerate branches of a foreign vine unto me?
Bible in Basic English (BBE) But when you were planted by me, you were a noble vine, in every way a true seed: how then have you been changed into the branching plant of a strange vine?
Darby English Bible (DBY) And I, -- I had planted thee a noble vine, wholly a right seed; how then art thou turned into the degenerate shoots of a strange vine unto me?
World English Bible (WEB) Yet I had planted you a noble vine, wholly a right seed: how then are you turned into the degenerate branches of a foreign vine to me?
Young's Literal Translation (YLT) And I planted thee a choice vine, wholly a true seed, And how hast thou been turned to Me, To the degenerate shoots of a strange vine?
Cross Reference Genesis 18:19 in Sunwar 19 गो अब्राहाम कली तुइक्नुङ, आ आल नु आ चच युइ आन कली परमप्रभु यावे आ लां गाक्पाइक्चा कली अरेब। मिनु मेकोपुकी परमप्रभु यावे आ लां खोइक्ब दुम्शा, ठीक नु रिम्शो पचा शेंसीशा पाइनीम। परमप्रभु यावेमी अब्राहाम कली मार लोव़ देंमे, मेको नेल्ल दुम्ल” देंमाक्त। ब्यवस्था ६:७; ब्यवस्था ३२:४६
Genesis 26:3 in Sunwar 3 मेको रागीमी अर्को रागी ङा मुर दुम्शा बाक्को। गो गे नु बाक्शा, इ कली आसीक गेनुङ। गो इ कली नु इ चच युइ आन कली एको रागी नेल्ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्नुङ। उत्पत्ती १७:१९; उत्पत्ती २२:१६-१७
Genesis 32:28 in Sunwar 28 मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्नीम। मारदे हना गे परमप्रभु नु राम्शी पा ग्राते, मुर नु राम्शी पा यो ग्राते” देंमाक्त। उत्पत्ती ३५:१०; येरमीया २०:७
Exodus 15:17 in Sunwar 17 गे इन मुर आन कली आन रागी ओंइनीनी। मिनु इन आंम बाक्तीक डांडाम बाक्पाइक्नीनी। परमप्रभु यावे, मेको इन बाक्तीके आंमा सेल्तीनी। इन आंम बाक्तीक खिं गे आंमा सेल्तीनी। भजन संग्रह ७८:५४
Deuteronomy 4:37 in Sunwar 37 मिनु इन किकी पिपी आन कली दाक्तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्त रे ग्रुंइताक्व। प्रस्थान ३३:१४
Deuteronomy 32:32 in Sunwar 32 मारदे हना मेको आन अङगुर सोदोम ङा अङगुर बाक्नीम। मेको गोमोररा ङा अङगुर रू रे दुम्शो बाक्नीम। मेको आन अङगुर बीखम ब्रीशो बाक्नीम। मेको आ गेडा कशो बाक्नीम।
Joshua 24:31 in Sunwar 31 इस्राएलीपुकीमी यहोसु आ ब्रोंइतीक नाक्त सम्म परमप्रभु यावे कली ठेयब सेल्तेक्म। मिनु परमप्रभु यावेमी पशो नेल्ल तशा तुइक्ब खाल्पापुकी बाक्मा सम्म मेकोपुकीमी परमप्रभु यावे कली ठेयब सेल्तेक्म। न्यायाधीस २:७
Psalm 44:2 in Sunwar 2 गे रागी रागी ङा मुर आन कली खेरशा, आंइ किकी पिपी आन कली बाक्पाइश्शो बाक्तीनी। गे मेको मुर आन कली क्याम्शा, आंइ किकी पिपी आन कली सोशा बोशा ब्रपाइश्शो बाक्तीनी। मोपा मेको आन कली प्रोंइशो बाक्तीनी।
Psalm 80:8 in Sunwar 8 गे इजीप्त रे अङगुर बोट का चाक्तीनी। मिनु रागी रागी ङा मुर आन कली खेरशा, मेको ख्रुम्तीनी। यसैया ५:१-७; येरमीया २:२१
Psalm 105:6 in Sunwar 6 मेको आ गेय पाइब अब्राहाम आ चच युइ नु याकूब आ तौपुकी, आ योव़शो नेल्ल मिम्तीन।
Isaiah 1:21 in Sunwar 21 परमप्रभु यावेमी “आं थमा सुइश्शो सहर दोपा तेल्लेम दुम्मे? ठीक निसाफ नु ठीक पतीके मेको नु बाक्त। मुल मेको मुर साइक्ब मुरुम ब्रीतेक्म।
Isaiah 5:1 in Sunwar 1 गो आं दाक्शो कली कुम्सो का पाइनुङ। आ अङगुर रू आ पर्बम कुम्सो का पाइनुङ। आ दाक्शो के अङगुर रू का बाक्ब। आ अङगुर रू शुश ग्रेल्ब डांडाम बाक्ब। यसैया ३:१४; येरमीया २:२१; मर्कूस १२:१-९
Isaiah 5:4 in Sunwar 4 आं अङगुर रू कली गो नेल्ल पाता। गो मार मपङा ङा? गो अङगुर सिप्ब, दे आस पा बाक्ती। तन्न मारदे ब्वाकी ङा अङगुर कका सिम्मे?
Isaiah 41:8 in Sunwar 8 मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३
Isaiah 60:21 in Sunwar 21 इ रागी ङा मुर नेल्ल ठीक पाइब दुम्नीम। मेको आन बाक्तीके रागी गेना हना यो आन के दुम्ब। मेकोपुकी आं ख्रुम्शो बाक्नीम। मेकोपुकी आं सेल्शो मुर दुम्शा, आं कली ठेयब सेल्नीम।
Isaiah 61:3 in Sunwar 3 मेकोमी आं कली सियोनम रोंका पाइब आन कली पुलु आ पा ङा दारशो पियाम ग्योम्तीके ग्योम्पाइक्चा कली, हिशेक आ पा ङा ब्रोव़शो रिना पाइब तेल ख्रेक्चा कली नु आइक्च थुं दुम्तीके आ पा ङा ठेयब सेल्तीक थुं फेक्तीक खोदेंशो पा फेक्पाइक्चा कली सोइक्ताक्यी। मेको मुर आन कली ‘ठीक पतीके रवा’ दे नें वोइक्तेक्म। मेको परमप्रभु यावे आ ख्रुम्शो आ दारस कोंइतीके बाक्नीम।
Lamentations 4:1 in Sunwar 1 सुनमी आं दारस नेल्ल साम्तु। क्येख सुन मदारशो दुम्त। शुश क्येट लाइब हीरा नेल्ल लां मेर फ्राइसीशो बाक्नीम।
Matthew 21:33 in Sunwar 33 मिनु येसुमी “लो, अर्को कथा का नेनीने। मुर कामी अङगुर ख्रुम्शा, थारपु हिरशा, अङगुर ख्राक्तीक नु वोइक्तीक सेल्शा, बुम्था पाइब माल्शा, मेको आन कली गेशा वोइश्शा, अर्को रागी लमाक्त। यसैया ५:१-२
Mark 12:1 in Sunwar 1 मिनु येसुमी कथा सेल्शा, शेंचा गोवा बाक्त। मिनु “मुर कामी अङगुर ख्रुम्शा, थारपु हिरशा, अङगुर ख्राक्तीक खाल्टा दोशा, धन्सार सेल्शा, बुम्था पाइब माल्शा, मेको आन कली गेशा वोइश्शा, अर्को रागी लमाक्त। यसैया ५:१-२
Luke 20:9 in Sunwar 9 मिनु मुर आन कली कथा सेल्शा “मुर कामी ठेयब रूमी अङगुर ख्रुमा बाक्त। मिनु नोले ‘गो रागी हिरथ लाइनुङ’ दे मिम्शा, आ रू बुम्था पाइब आन कली गेशा वोदा बाक्त। मिनु लशा, शुश नाक्त मलेम्माक्त।
John 15:1 in Sunwar 1 मिनु येसुमी “गो थमा ङा अङगुर बोट नङ। आं आफ चहिं अङगुर कली कोव़ब बाक्ब। भजन संग्रह ८०:९-१२; यसैया ५:१-७; येरमीया २:२१