Jeremiah 19:4 in Sunwar 4 मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्तेक्म। मेको देवी देवता आन किकी पिपी नु यहूदा ङा पिपम यो मतुइश्शो बाक्तेक्म। मिनु मेकोपुकीम रागी कली दोस मताइब आन हुशेम प्रिंताक्म।
Other Translations King James Version (KJV) Because they have forsaken me, and have estranged this place, and have burned incense in it unto other gods, whom neither they nor their fathers have known, nor the kings of Judah, and have filled this place with the blood of innocents;
American Standard Version (ASV) Because they have forsaken me, and have estranged this place, and have burned incense in it unto other gods, that they knew not, they and their fathers and the kings of Judah; and have filled this place with the blood of innocents,
Bible in Basic English (BBE) Because they have given me up, and made this place a strange place, burning perfumes in it to other gods, of whom they and their fathers and the kings of Judah had no knowledge; and they have made this place full of the blood of those who have done no wrong;
Darby English Bible (DBY) because they have forsaken me, and have estranged this place [from me], and have burned incense in it unto other gods, whom neither they nor their fathers have known, nor the kings of Judah; and have filled this place with the blood of innocents;
World English Bible (WEB) Because they have forsaken me, and have estranged this place, and have burned incense in it to other gods, that they didn't know, they and their fathers and the kings of Judah; and have filled this place with the blood of innocents,
Young's Literal Translation (YLT) because that they have forsaken Me, and make known this place, and make perfume in it to other gods, that they knew not, they and their fathers, and the kings of Judah, and they have filled this place `with' innocent blood,
Cross Reference Deuteronomy 13:6 in Sunwar 6 मिनु सुइमी इ कली ख्रुइश्शोमी हेंथे गाक्चा कली लेम्ब, मेको इ लोक्ब बाक्त हना, इ आफ आ तौ बाक्त हना, इ आंम आ तौ बाक्त हना, इ आंम आ तमी बाक्त हना, इ दाक्शो मीश बाक्त हना, इ शुश दाक्शो वारच बाक्त हना, नु मेकोमी ‘गे नु इ किकी पिपीमी मतुइश्शो देवी देवता आन कली सेउ पय’ देंतेक्म हना, ब्यवस्था १८:२०; १कोरिन्थी ५:९,१३
Deuteronomy 13:13 in Sunwar 13 इन दाते रे मरिम्शो वोंइश मुरपुकी बोक्शा, सहर ङा मुर आन कली दूली पपाइश्शा, मेकोपुकीमी ‘लय, देवी देवता आन कली पूजा पय’ देंतेक्म हना, गेपुकी मेको देवी देवता गेनायो मतुइश्शो बाक्तीनी हना,
Deuteronomy 28:20 in Sunwar 20 मिनु परमप्रभु यावे कली टिचा प्रोंइशा बाक्तीनी हना, इन मार मार पतीकेमी इन थुं ग्यशा सराप राइनीनी। इन मरिम्शो पतीके गे रीब पा क्याम्चा पुंइसीनीनी।
Deuteronomy 28:36 in Sunwar 36 मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्शो जात ङा मुर आन रागी कोंइब। मिनु गेपुकीमी मेकेर रे शी नु फुल्लु के देवी देवता आन कली गेय पाइनीनी। ब्यवस्था ४:२८
Deuteronomy 28:64 in Sunwar 64 मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्शो शी नु फुल्लु के देवी देवता आन कली गेय पाइनीनी।
Deuteronomy 31:16 in Sunwar 16 मिनु परमप्रभु यावेमी मोसा कली “गे इ किकी पिपी नु बाक्चा चिक्शो बाक्नेवे। गे बेक्ङे नोले मेको मुर आन लशो रागीम जाक्दीश्शा, मेको रागी ङा आन मतुइश्शो देवी देवता आन कली खोइक्नीम। आं कली प्रोंइशा, गो नु पशो कबल क्याम्नीम।
Deuteronomy 32:15 in Sunwar 15 मिनु येशुरुनमी दोम्शा ताइक्तु। गे दोम्ते। गे दोम्शा, ठेयब लेश्शो दुम्ते। मेकोमी आ कली सेल्ब परमप्रभु कली प्रोंइतु। मिनु आ श्येत रे प्रोंइब सेरथे फुल्लु, कली प्रोंइतु। येशुरुन याकूब-इस्राएल कली मान पतीक नें बाक्ब।ब्यवस्था ३३:५,२६; यसैया ४४:२; ब्यवस्था ३१:२०; नेहेम्याह ९:२५
2 Kings 21:4 in Sunwar 4 मेकोमी परमप्रभु यावे आ खिंमी मेको देवी देवता आन कली चढ़ेतीकपुकी सेला बाक्त। परमप्रभु यावेमी मेको खिं आ पर्बम “यरूसलेमम गो आं नें वोइक्नुङ” देंशो बाक्माक्त।
2 Kings 21:16 in Sunwar 16 मेको क्येङा लाक्शा यो मनस्सेम दोस मताइब शुश मुर आन हुश शाइक्पाइश्शा, यरूसलेम आ सुर का रे अर्को सुर सम्म प्रिंदा बाक्त। मिनु मेकोम यहूदा कली पाप पपदा बाक्त। मिनु मेकोपुकीम परमप्रभु यावे आ ङोंइती मार मरिम्शो बाक्मे, मेको पामे बाक्त। २राजा २४:४; भजन संग्रह १०६:३८
2 Kings 22:16 in Sunwar 16 मेकोमी ‘यहूदा ङा पिपम मेको कागजम पढेशो श्येत ङा लोव़, गो मेको श्येत यहूदा नु मेकेर बाक्ब मुर आन कली थमा पा गेनुङ।
2 Kings 23:11 in Sunwar 11 मेकोम यहूदा ङा पिपपुकीम परमप्रभु यावे आ खिं ओव़तीक लाप्चो आ ङोंइती नां कली मान पचा कली सेल्शो शारा प्रेश्शा ताइक्पाइक्मी बाक्त। मेको चहिं नाथान-मेलेक नें पाइश्शो मुर आ कोठा आ नेक्था बाक्माक्त। मिनु योसीयाहम नां कली मान पचा कली सेल्शो बग्गीपुकी क्रोइक्पाइक्मी बाक्त।
2 Kings 24:4 in Sunwar 4 मारदे हना मनस्सेम दोस मताइब मुर आन कली साइश्शा, यरूसलेम कली हुशेम प्रिंशो बाक्माक्त। मिनु परमप्रभु यावेमी मेको कली माफ गेने मबिश्शो बाक्माक्त।
2 Chronicles 33:4 in Sunwar 4 मेकोमी परमप्रभु यावे आ खिंम चढ़ेतीकपुकी सेला बाक्त। मेको खिं आ पर्बम परमप्रभु यावेम “यरूसलेमम आं नें गेना हना यो लीब” देंशो बाक्माक्त। ब्यवस्था १२:५,११; १राजा ९:३
Isaiah 59:7 in Sunwar 7 मेकोपुकी मरिम्शो पचा कली ला दोरनीम। दोस मताइब आन कली साइक्चा कली चुइक्नीम। मेको आन मिम्शो मरिम्शो बाक्ब। आन लांमी बिग्रेतीक नु खतम पोक्तीक बाक्ब। रोमी ३:१५-१७; हितोपदेस १:१६; येरमीया २:३४
Isaiah 65:11 in Sunwar 11 तन्न गे परमप्रभु यावे कली प्रोंइबपुकी, आं योव़शो डांडा प्रेंबपुकी गाद देवता कली चढ़ेतीके सेल्नीनी। मिनु गे मेनी देवी कली ब्वाइश्शो तूतीके चढ़ेनीनी।
Jeremiah 2:13 in Sunwar 13 मारदे हना आं मुरपुकीम निक्शी खेयप मरिम्शो पाम्तेक्म। मेकोपुकीमी, ब्रोंइतीक ब्वाक्कु बुक्तीके, आं कली प्रोंइतेक्म। मिनु आंम कली सोव़शो रागीमी ब्वाक्कु मदेम्तीक इनार दोम्तेक्म। येरमीया १७:१३; भजन संग्रह ३६:१०; यूहन्ना ७:३८
Jeremiah 2:17 in Sunwar 17 इन कली लां कोंइब, इन परमप्रभु यावे कली प्रोंइशा, गे मोदेंशो श्येत आंमा इन कली मचाक्नी ङा?
Jeremiah 2:19 in Sunwar 19 इन परमप्रभु यावे आ अरेशो लोव़ मटितीकेमी इन कली सजाइ गेब। इन प्रोंइशोमी इन कली हुइक्ब। गेपुकीम इन परमप्रभु यावे कली प्रोंइशो थम मरिम्शो नु इन थुं कशो दुम्शो बाक्ब, दे तुइक्तीन। मिनु आं कली मान पा हिंतीके गे नु मबाक्ब” दे परमप्रभु, मुर नेल्ल आन परमप्रभु यावेमी देंत।
Jeremiah 2:30 in Sunwar 30 गो इन आल आन कली मोशा तुप्तामी। गो मेको आन कली शेंचा दाक्ताक्ङ। तन्न मबिस्सम। इन कली सोइश्शो आं लोव़ पाइब इन तरवारमी साइक्चा पुंइसाक्म। गेपुकी ग्रु दाक्ब गुप्स खोदेंशो बाक्नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५
Jeremiah 2:34 in Sunwar 34 इ फेक्शो वाम दोस मताइब नु प्रुङग आन हुश लुम्सीशो बाक्ब। मिनु गेमी मेको आन कली खिं प्रोल्शा खिं ओव़शो मथिदी। मेको मोदेंशो नेल्ल दुम्ना दुम्न यो, येरमीया २६:२०-२३; प्रस्थान २३:७
Jeremiah 5:6 in Sunwar 6 मोपतीके परमप्रभुमी “ब्वाकी ङा गुप्स कामी मेको आन कली ग्राम्शा साइक्ब। गोरशो रागी ङा फर कामी मेको आन कली खतम सेल्ब। जोइ का मेको आन सहर कोव़ना कोव़न बाक्शो बाक्ब। सु मेकेर रे ग्रूबा, मेकोमी मेको कली क्राइश्शा चोकटा लाम्टा सेल्ब। मारदे हना मेकोपुकी शुश हेंथे गाक्ब बाक्नीम। मेको आन मटितीके ठेयब बाक्ब” देंत। येरमीया ४:७
Jeremiah 7:9 in Sunwar 9 गेपुकीम खुइ पाइनीनी, मुर साइक्नीनी, मुर आन मीश नु इप्नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्शो देवी देवता आन नोले खोइक्नीनी। होसे ४:२
Jeremiah 7:31 in Sunwar 31 मिनु मेकोपुकीमी तोफेथम आन थान सेल्तेक्म। मेको हिन्नोम आ तौ आ बेंसी बाक्ब। मेकेर आंम तमी तौ आन कली मीम चोशा चढ़ेम्तेक्म। गो मोदेंशो गेनायो ममिम्तु, मेको आन कली यो मअरेङमी। येरमीया १९:५-७; येरमीया ३२:३६; लेवी १८:२१
Jeremiah 11:13 in Sunwar 13 यहूदा, इ के दोशो सहर बाक्मा, मोशो इ देवी देवता दुम्तेक्म। यरूसलेममी गिश लां बाक्मा, मीश मुने दोक्तीक बाल देवता कली चढ़ेतीक सेल्तेक्म।
Jeremiah 15:6 in Sunwar 6 गे आं कली प्रोंइशो बाक्नेवे। गे नोले शोंइसीन सीन बाक्नेवे। मोपतीके गो आं गुइ क्युक्शा इ कली साइक्नुङ। मुल गो आं गाइश्शो मतेक्नुङ।
Jeremiah 16:11 in Sunwar 11 मिनु गे मेको आन कली ‘इन किकी पिपीमी आं कली प्रोंइशा, देवी देवता आन नोले खोइश्शा, मेको आन कली पूजा पा ठेयब सेल्तेक्म। मोपा आं कली प्रोंइशा आं अरेशो मपामे।
Jeremiah 17:13 in Sunwar 13 गे इस्राएली आन आस पशो परमप्रभु यावे, इन कली प्रोंइब नेल्ल मुने दोक्नीम। इन कली प्रोंइशा गाक्ब मुर नेल्ल फुरकुम नें ब्रेक्शो खोदेंशो ला बाक्नीम। मारदे हना मेकोपुकीमी गेना हना यो ब्रोंइचा गेब ब्वाक्कु, परमप्रभु यावे कली प्रोंइशो बाक्नीम। येरमीया २:१३
Jeremiah 18:15 in Sunwar 15 तन्न आं मुरपुकीम आं कली प्रेंताक्म। मेकोपुकीमी शोर गाक्शो मूर्ति आन कली चोशा चढ़ेम्तेक्म। मेको माइत लांम दाइल पपांइसाक्म। मिनु मेकोपुकी मेको माइत ठेयब लां प्रोंइशा, आइक्च लां मेर गाक्तेक्म।
Jeremiah 22:17 in Sunwar 17 तन्न इ मिक्च नु इ थुंम ठीक पा मचेम्शो क्येट ला बाक्ब। गे दोस मताइब आन हुश शाइक्पाइक्नेवे। गे मुर आन कली दिप्शा हुश ख्राक्श पोक्नेवे। मरिम्शो पचा नु रोइक्चा ला दाक्नेवे।
Jeremiah 26:15 in Sunwar 15 तन्न गे एको तुइक्तीन। गेपुकीम आं कली साइक्तीनी हना, आंम इन तारी, एको सहर तारी नु एकेर बाक्ब आन तारी दोस मताइब मुर का आ हुश शाइक्पाइश्शो दोस चाक्नीनी। मारदे हना परमप्रभु यावेम इन कली एको लोव़ नेल्ल नेंपाइक्चा कली आं कली सोइश्शो बाक्त” देंत। प्रस्थान २३:७; मत्ती २७:४,२५
Jeremiah 26:23 in Sunwar 23 मिनु मेकोपुकीमी उरीयाह कली इजीप्त रे चाक्तेक्म। मिनु पिप येहो-याकीम आ ङोंइती राप्पाइक्तेक्म। मिनु पिपम मेको कली साइक्चा कली तरवार आप्पाइक्तु। मिनु मेको आ बेक्शो रां आइक्च आइक्च मुर आन कली ताइक्तीकेम ताइक्पाइक्तु।
Jeremiah 32:29 in Sunwar 29 एको सहर कली लडाइ तोइब कल्दी जाक्शा मी सुइक्नीम। तेको खिं तारी आं कली गाइक्पाइक्चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्तमे, मेको नेल्ल क्रोइक्नीम। येरमीया १७:१३
Lamentations 4:13 in Sunwar 13 परमप्रभु यावे आ लोव़ पाइब आन पाप नु चढ़ेब आन मरिम्शो पशो आन पर्बम मो दुम्शो बाक्त। मेकोपुकीमी सहर आ दातेम ठीक पाइब मुर आन कली हुश ख्राक्श पोक्तेक्म।
Daniel 9:5 in Sunwar 5 गोपुकीमी पाप पशा, मरिम्शो पाइतक। मिनु इन अरेशो मटिथु नु इन कली गन गन पा, इन शेंशो नु निसाफ पतीके लोव़ प्रोंइतक।
Matthew 23:34 in Sunwar 34 मोपतीके गो इन बाक्तीके परमप्रभु यावे आ लोव़ पाइब, जोक्ब तुइक्ब मुर नु परमप्रभु यावे आ लोव़ शेंब सोइक्नुङमी। का निक्शी आन कली साइक्नीनी, का निक्शी आन कली शीमी क्याइश्शा साइक्नीनी, का निक्शी आन कली ग्रुम्तीक खिंमी लाइश्शा, कोर्रामी युक्नीनी, मिनु तेइ बाक्चा मगेथु, खेदा पा खेरनीनी।
Luke 11:50 in Sunwar 50 साइ ङोंइती रे मुल सम्म परमप्रभु यावे आ लोव़ पाइब शुश आन कली साइश्शो क्येक्क एको पाला ङा मुर आन रे ताक्सीब।
Revelation 16:6 in Sunwar 6 रागी ङा मुरपुकीमी इन योव़शो मुर नु इन लोव़ पाइब आन कली क्योरशा, आन हुश शाइक्पाइश्शा साइक्तेक्म। मिनु गे मेको रागी ङा मुर आन कली हुश तूपाइक्तीनी। मार पामे, मेको ताम्तेक्म” देंशो नेंता।