Jeremiah 17:4 in Sunwar 4 इन पाप पतीकेम गो इन कली गेशो, इन थेरशो रू साम्नीनी। मिनु गो इन कली इन मतुइश्शो रागीम इन जोरी सत्रु आन वाइल दुम्पाइक्नन्नी। मारदे हना आं गाइक्तीके मी ब्रशो खोदेंशो बाक्ब। मिनु मेको गेना हना यो ब्रस ङा ब्रस बाक्ब” देंत।
Other Translations King James Version (KJV) And thou, even thyself, shalt discontinue from thine heritage that I gave thee; and I will cause thee to serve thine enemies in the land which thou knowest not: for ye have kindled a fire in mine anger, which shall burn for ever.
American Standard Version (ASV) And thou, even of thyself, shalt discontinue from thy heritage that I gave thee; and I will cause thee to serve thine enemies in the land which thou knowest not: for ye have kindled a fire in mine anger which shall burn for ever.
Bible in Basic English (BBE) And your hand will have to let go your heritage which I gave you; and I will make you a servant to your haters in a land which is strange to you: for you have put my wrath on fire with a flame which will go on burning for ever.
Darby English Bible (DBY) And of thyself thou shalt let go thine inheritance which I gave thee; and I will cause thee to serve thine enemies in a land that thou knowest not; for ye have kindled a fire in mine anger, -- it shall burn for ever.
World English Bible (WEB) You, even of yourself, shall discontinue from your heritage that I gave you; and I will cause you to serve your enemies in the land which you don't know: for you have kindled a fire in my anger which shall burn forever.
Young's Literal Translation (YLT) And thou hast let go -- even through thyself, Of thine inheritance that I gave to thee, And I have caused thee to serve thine enemies, In a land that thou hast not known, For a fire ye have kindled in Mine anger, Unto the age it doth burn.
Cross Reference Leviticus 26:31 in Sunwar 31 गो इन सहर गोरशो रागी खोदेंशो सेल्नुङ। मिनु इन पूजा पतीके थान श्येत्थ सेल्नुङ। गो इन ब्रोव़शो धूप आन रिना मनाम्नुङ।
Deuteronomy 4:26 in Sunwar 26 गो मुलाक्ती सरीङ नु रागी कली इन दूली पशो आ पर्बम सांकछी वोइक्नुङ। गे यर्दन आइक्ची हांबु ङा इन के सेल्चा चिक्शो रागीम रीब पा खतम दुम्नीनी। गे शुश नाक्त मेकेर बाक्चा मताइनीनी। गे क्याम्चा पुंइसीनीनी। ब्यवस्था ३०:१९; ब्यवस्था ३१:२८; ब्यवस्था ३२:१;
Deuteronomy 28:25 in Sunwar 25 मिनु परमप्रभु यावेमी इन कली इन जोरी सत्रु आन ङोंइती ब्रुपाइक्ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्चा माल्नीनी। मिनु राज्य राज्य ङा मुर नेल्ल आन ङोंइती ग्रांग्रा दिशो दुम्नीनी।
Deuteronomy 28:47 in Sunwar 47 मारदे हना गेपुकी मारेइ मारेइमी गाप्शो बाक्नीनु, गे परमप्रभु यावे, इन परमप्रभु कली ग्येरसीशा नेल्ल थुंम टिशा गेय मपनी।
Deuteronomy 29:26 in Sunwar 26 मिनु मेकोपुकीमी आन मतुइश्शो नु परमप्रभुम मपचा देंशो देवी देवता आन ङोंइती बाप्शो बाक्तेक्म।
Deuteronomy 32:22 in Sunwar 22 मारदे हना आं गाइक्चा मी खोदेंशो पा ब्रशो बाक्ब। रागी आगा सम्म ब्राइब। रागी नु मेकेर बाक्शो नेल्ले नेक्ब। मेकोमी डांडा आन जग नेल्ल नेक्ब।
Joshua 23:15 in Sunwar 15 दोपा परमप्रभु यावे, इन परमप्रभुमी इन कली देंशो रिम्शो लोव़ नेल्ल खाप्बा, मोपा परमप्रभु यावेमी गे आ अरेशो लोव़ मटीतीनी हना, इन कली देंशो हिंच कोंइतीक लोव़ यो खाप्ब। मिनु परमप्रभु यावे, इन परमप्रभुमी इन कली एको रिम्शो रागी रे खेरशा, खतम सेल्ब। ब्यवस्था २८:१५-४७
1 Kings 9:7 in Sunwar 7 गो इस्राएली आन कली आं गेशो रागी रे खेरनुङमी। मिनु एको आं कली सेल्शो खिं कली प्रोंइशा मकोव़नुङ। मिनु इस्राएली चहिं मुर नेल्ल आन दातेमी मुने दोक्शा, ग्रांग्रा दित्तीक दुम्नीम। ब्यवस्था ४:२६; ब्यवस्था ८:१९-२०; मत्ती २३:३८
2 Kings 25:21 in Sunwar 21 मिनु बेबीलोन ङा पिपम मेको आन कली हमाथ आ रागीम रिब्लाम साइक्पाइक्मी बाक्त। मोपा यहूदा ङा मुर आन रागी रे ग्याइश्शा लाइक्चा पुंइसमा बाक्त। २राजा २३:३३
Nehemiah 9:28 in Sunwar 28 एर ओंथ ङा आन जोरी सत्रु रे प्रोंइपांइसीशा, नाइश्शा बाक्मा नोले, लेंशा इन मदाक्शो पामे बाक्त। मिनु गे मेको आन कली आन जोरी सत्रु आन गुइमी गेनी बाक्त। आन जोरी सत्रुपुकीमी मेको आन कली हुकुम पामे बाक्त। मिनु लेंशा मेकोपुकीमी इन कली ‘वारच पाइक्की’ दे ग्रीमानु, गे स्वर्ग रे मेको आन पुंइशो नेंशा, मेको आन कली इन ठेयब शिशीमी शुश खेयप प्रोंइनी बाक्त।
Isaiah 5:25 in Sunwar 25 मोपतीके परमप्रभु यावे आ मुर आन पर्बम गाइक्ताक्व। मिनु आ गुइ क्युक्शा, मेको आन कली तुप्तु। मिनु डांडापुकी ख्रिनु कुशा हिम्साक्म। शुश मुर आन बेक्शो रां लांमी ताइश्शो खोदेंशो दुम्तेक्म। मोपा आ गाइक्चा मबेक्थु, मुल सम्म आ गुइ क्युक्स ङा क्युक्स बाक्ब। यसैया ९:१; यसैया १६:२०; यसैया १०:४
Isaiah 14:3 in Sunwar 3 मिनु परमप्रभु यावेमी इन कली श्येत जतीके, खेदा पचा पुंइसीतीके नु शुश गेय पतीक रे नाइक्चा गेप्तु हना,
Isaiah 30:33 in Sunwar 33 मारदे हना ङोंइती रे ठेयब चोतीके का सेल्शो बाक्त। मेको थमा पा पिप कली सेल्शो बाक्त। मेको शुश लुक्च लशो नु ब्रेम्शो बाक्त। मेकेर मी नु शुश शी बाक्त। परमप्रभु यावे आ मुइश्शो गन्धक खोदेंशो पा मेको मी ब्राइब।
Isaiah 66:24 in Sunwar 24 मिनु मेकोपुकी ग्रूशा आं कली काइ मटीब आन बेक्शो रां कोव़थ लाइनीम। मेको आन लुस्पु मबेक्नीम, आन मी यो मकाप्ब। मेको मुर नेल्ल आन कली ग्रांग्रा दितीके दुम्नीम” दे परमप्रभु यावेमी देंत। मर्कूस ९:४८
Jeremiah 5:29 in Sunwar 29 मार, एको आ पर्बम, गो मेको आन कली सजाइ मगेनुङमी? मिनु गो एको रागी ङा मुर आन कली क्येक्क मलेत्नुङमी?” दे परमप्रभु यावेमी देंत। येरमीया ५:९
Jeremiah 7:20 in Sunwar 20 मोपतीके परमप्रभु, परमप्रभु यावेम “आं गाइश्शो नु आं चुरशो मेकेर मोइक्चा माल्ब। मुर, बी ब्यफ, क्यारश भेडा, रू ङा रवा नु रागी ङा मारेइ मारेइ आन तारी मोइक्चा माल्ब। मेको मकाप्ब मीम नेल्ल दाक्ब” दे परमप्रभु यावेमी देंत।
Jeremiah 12:7 in Sunwar 7 गो आं खिं प्रोंइता। आं थेरशो रू प्रोंइता। मिनु आं दाक्शो कली आ जोरी सत्रु आन गुइमी गेता।
Jeremiah 15:14 in Sunwar 14 गो इन कली आंम इन मतुइश्शो रागीम इन जोरी सत्रु आन वाइल सेल्नुङ। मारदे हना आं गाइश्शोम मी का जेप्ब। मेको गेना हना यो ब्रशा बाक्ब” दे परमप्रभु यावेमी देंत।
Jeremiah 16:13 in Sunwar 13 मोपतीके गो इन कली इन मतुइश्शो रागी नु इन किकी पिपी आन मतुइश्शो रागीम ताइक्नन्नी। मिनु गेपुकीम मेकेर नाक्दो नाक्ती देवी देवता आन कली पूजा पाइनीनी। मारदे हना गो इन कली शिशी मपाइनुङ’ देनो” दे परमप्रभुमी आं कली देंत। ब्यवस्था २८:६४
Jeremiah 25:9 in Sunwar 9 गो उत्तर ङा जात नेल्ल नु आं गेय पाइब बेबीलोन ङा पिप नेबुकदरेसर कली ब्रेश्शा चाक्नुङमी। गो मेको आन कली एको रागी ङा मुर नु एर ओंथ ङा जात नेल्ल आन पर्बम चाक्नुङमी। मिनु गो मेको नेल्ल आन कली साइक्पाइक्नुङमी। गो मेको आन कली शुश हिंचा ङा, शुक्शी पाइक्चा पुंइसीब नु शिशी मताइब सेल्नुङमी। दानीएल ३:३१-३३
Jeremiah 27:12 in Sunwar 12 मिनु गो मेको लोव़ यहूदा ङा पिप सिदकीयाह कली देंती। मेको कली “बेबीलोन ङा पिप आ जुवा इन शुरम वोतीन। मिनु मेको नु मेको आ मुर आन वाइल दुमीन। मिनु गे ब्रोंइनीनी।
Lamentations 1:12 in Sunwar 12 गे एको लां रे पा लाइब तशा, आन पर्बम मारेइ ममिम्नीनी? एर ओंथ नेल्ल कोव़ङीन। आं श्येत क्येङा यो अरु हिंचा ङा श्येत बाक्बा? परमप्रभु यावेमी आ शुश गाइक्तीकेमी आं कली मेको श्येत गेती।
Lamentations 5:2 in Sunwar 2 आंइ थेरशो रू अर्को रागी ङा मुर आन के दुम्त। आंइ खिं यो अर्को रागी ङा मुर आन के दुम्तेक्म।
Ezekiel 20:47 in Sunwar 47 नेगेब ङा ब्वाकी कली ‘परमप्रभु यावे आ लोव़ नेनो। परमप्रभु, परमप्रभु यावेमी गो इ कली मी सुइक्चा चिक्शो बाक्नुङ। मिनु इ गिगी रवा नु सोव़शो रवा आन कली मेकोम नेक्ब। मेको आ ब्रशो मकाप्ब। मिनु मेकोम पतीके दक्खिन रे उत्तर सम्म ङा नेल्ल आन कुल किक्ब।
Ezekiel 21:31 in Sunwar 31 गो आं गाइश्शो इन तार मोइक्नुङ। आं चुरशो मी मुइश्शो खोदेंशो पा गो इन तारी मोइक्नुङ। गो इन कली साइक्चा कली हुश ख्राक्श पोक्ब नु सांइस जोक्ब आन गुइम जिम्मा गेनन्नी।
Nahum 1:5 in Sunwar 5 मेको आ ङोंइती डांडा नेल्ल ख्रिंख्रि पाइनीम। मिनु पहाड दिंम दुम्नीम। रागी नु रागीम बाक्ब नेल्ल हिम्सीनीम। भजन संग्रह ९७:५
Mark 9:43 in Sunwar 43 इ गुइमी तेक्तु हना, मेको गुइ ख्रोतो। मारदे हना निम्फा गुइ पाइश्शो दुम्शा, गेनायो मकाप्ब नरक ङा मीम ओव़चा क्येङा, डुंडे दुम्शा, परमप्रभु यावे आ राज्यमी ओव़चा तचा रिम्शो बाक्ब। मत्ती ५:३०