James 3:17 in Sunwar 17 परमप्रभुमी गेशो निप्स पाइश्शो थुंमी मुर कली ग्रांग्रा दिचा ङा गेय मपपाइक्ब। सुइ नु मजिपाइक्ब। ब्रेम्शो सेल्ब। गाइश्शो फाल्पाइक्ब। शुश शिशी पपाइक्ब। रिम्शो गेय पपाइक्ब। कुल कोव़शा, गेय मपपाइक्ब। जोल मपपाइक्ब।
Other Translations King James Version (KJV) But the wisdom that is from above is first pure, then peaceable, gentle, and easy to be intreated, full of mercy and good fruits, without partiality, and without hypocrisy.
American Standard Version (ASV) But the wisdom that is from above is first pure, then peaceable, gentle, easy to be entreated, full of mercy and good fruits, without variance, without hypocrisy.
Bible in Basic English (BBE) But the wisdom which is from heaven is first holy, then gentle, readily giving way in argument, full of peace and mercy and good works, not doubting, not seeming other than it is.
Darby English Bible (DBY) But the wisdom from above first is pure, then peaceful, gentle, yielding, full of mercy and good fruits, unquestioning, unfeigned.
World English Bible (WEB) But the wisdom that is from above is first pure, then peaceful, gentle, reasonable, full of mercy and good fruits, without partiality, and without hypocrisy.
Young's Literal Translation (YLT) and the wisdom from above, first, indeed, is pure, then peaceable, gentle, easily entreated, full of kindness and good fruits, uncontentious, and unhypocritical: --
Cross Reference Genesis 41:38 in Sunwar 38 मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्ने चाप्नया ङा? परमप्रभु आ सोक्तीम ब्रीशो मुर का थिन्ने चाप्नया ङा?” दे हिल्लो पामी बाक्त। प्रस्थान ३१:३; हितोपदेस २:६
Exodus 36:2 in Sunwar 2 मिनु मोसामी, बेचालेल, ओहोली-आब नु परमप्रभुमी जोक्ब तुइक्ब सेल्शो मुर नेल्ल आन कली ब्रेत्ताक्नमी। सु सु आन थुंमी “गो यो मेको गेय पाइनुङ” दे मिम्शो बाक्मा, मेको आन कली यो ब्रेत्ताक्नमी।
1 Kings 3:9 in Sunwar 9 मोपतीके इन गेय पाइब, आं कली इन मुर आन कली ठीक पा सासन पचा कली रुप्तीक थुं गेयीनी। मिनु गो रिम्शो नु मरिम्शो तिल्स जोक्नुङ। मो मदुम्त हना, एको इश्का इन मुर आन कली सुम सासन पने चाप्नीमी ङा” देंमाक्त।
1 Kings 3:12 in Sunwar 12 मुल गो इ पुंइशो गेनुङ। गो थमा पा इ कली जोक्तीक तुइक्तीक थुं नु रुप्तीक थुं गेनन। ङोंइती इ खोदेंशो अर्को सुइ मबाक्म। मिनु नोले यो इ खोदेंशो सुइ मदुम्नीम। ब्यवस्था २६:१४
1 Kings 3:28 in Sunwar 28 मिनु पिप आ निसाफ नेंशा, इस्राएली नेल्ल आन थुंमी रिम्शो पशो तुइश्शा, हिंमा बाक्त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्पाइक्तीक थुं बाक्त, दे तुइक्तमे बाक्त।
1 Chronicles 22:9 in Sunwar 9 गे तौ का थीनेवे। मेको लडाइ मपाइब मुर दुम्ब। गो मेको आ एर ओंथ ङा जोरी सत्रु नेल्ल आन कली लडाइ मपपाइक्नुङ। मिनु मेको आ नें सोलोमन दुम्चा माल्ब। आ सासन पची ना, गो इस्राएलम लडाइ मदुम्पाइक्थु रिम्शो पा बाक्चा गेनुङ।
1 Chronicles 22:12 in Sunwar 12 परमप्रभु यावेमी इ कली रुप्तीक नु जोक्ब तुइक्ब थुं गेवल। मेकोमी इ कली इस्राएल कली सासन पचा गेवानु, गे परमप्रभु यावे, इ परमप्रभु आ अरेशो लोव़ टिशा पाइब दुम्नेवे।
Job 28:12 in Sunwar 12 तन्न तुइक्तीक चहिं ते थिंसीबा? मिनु रुप्तीके ते बाक्बा?
Job 28:23 in Sunwar 23 तन्न परमप्रभुमी मेको आ लां तुइक्ब। मेको ते रे जाक्बा मेको यो तुइक्ब। हितोपदेस ८:२२-३१
Job 28:28 in Sunwar 28 मिनु मेकोमी मुर आन कली ‘परमप्रभु यावे कली मान पा हिंतीके तुइक्तीक बाक्ब। मरिम्शो पतीक रे ङोन बाक्चा रुप्तीके बाक्ब’ देंत” दे अय्युबमी देंमाक्त। भजन संग्रह १११:१०; हितोपदेस १:७
Proverbs 2:6 in Sunwar 6 मारदे हना परमप्रभु यावे तुइक्तीक थुं गेब बाक्ब। आ शोव़ रे जोक्तीक नु रुप्तीक लोव़ ग्रूब। दानीएल २:२०-२३
Isaiah 2:4 in Sunwar 4 मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्शा, फाली सेल्नीम। आन तूतीक चहिं गुये सेल्नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४
Isaiah 9:6 in Sunwar 6 मारदे हना आंइ कली आल का थिशो बाक्ब। तौ का गेशो बाक्ब। मेको आंइ कली रिम्शो पा सासन पाइब दुम्ब। मेको आ नें मार बाक्ब देंशा हना, छक लाक्चा ङा गेय पाइब, जोक्तीक तुइक्तीक अर्ती गेब, सक्ति पाइश्शो परमप्रभु, गेना हना यो बाक्ब आफ नु थुं नाइश्शा बाक्चा गेब पिप बाक्ब। यसैया २२:२२; मीका ५:१; मीका ४:३
Isaiah 11:2 in Sunwar 2 मिनु परमप्रभु यावे आ सोक्त मेको तारी नाइश्शा बाक्ब। मेको जोक्ब तुइक्ब नु रुप्तीक सोक्त बाक्ब। अर्ती गेब नु सक्ति गेब सोक्त बाक्ब। मेको जोक्तीक तुइक्तीक थुं गेब नु परमप्रभु यावे कली मान पा हिंब सोक्त बाक्ब।
Isaiah 32:6 in Sunwar 6 मारदे हना मूर्ख मुर मूर्ख लोव़ ला पाइनीम। मेको आन थुंमी मरिम्शो पचा ला मिम्शा बाक्नीम। परमप्रभु यावे कली मटीनीम। मेको आ पर्बम दूली शेंनीम। शोव़लु बेक्ब आन थुं श्येत्थ लीपाइक्नीम। मिनु तूतू दाक्ब आन कली तूचा मगेनीम।
Isaiah 32:15 in Sunwar 15 मिनु नोले परमप्रभु यावेमी आ सोक्ती इं तार मोइक्ब। मेना मुर मबाक्तीके गोरशो रागी ग्रेल्शो रू दुम्ब। मिनु मेको ग्रेल्शो रू ब्वाकी खोदेंशो दुम्ब। यसैया ४४:३; यसैया २९:१७
Isaiah 40:11 in Sunwar 11 आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्शा कुरब। दूध तुंइब आन कली आन चाप्चा ङा पा गाक्पाइश्शा खुल्ब। यूहन्ना १०:११
Daniel 1:17 in Sunwar 17 मिनु परमप्रभुमी मेको ४ जना आन कली नेल्ल ब्रेक्तीकेमी नु तुइक्तीकेमी जोक्ब तुइक्ब सेला बाक्त। मिनु दानीएल कली मार पचा, दे ततीके नु ङोमु रुप्तीक थुं यो गेप्तु। इजीकीएल २८:३
Malachi 2:9 in Sunwar 9 परमप्रभुमी “मोपतीके गो इन कली मुर नेल्ल आन ङोंइती आइक्च नु महिक्सीशो सेल्ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत।
Malachi 3:3 in Sunwar 3 मेको चांदी यपाइश्शा रिम्शो सेल्ब खोदेंशो पा निसाफ पाइब बाक्ब। लेवी आ चच युइ आन कली सुन चांदी खोदेंशो पा यपाइश्शा रिम्शो सेल्ब। नोले मेकोपुकीमी परमप्रभु यावे कली ठीक पा चढ़ेनीम। जकरिया १३:९
Matthew 5:8 in Sunwar 8 आन पाप क्याम्चा पुंइसीशा, रिम्शो थुं दुम्शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्ना २:२-३
Matthew 23:28 in Sunwar 28 मोदेंशो पा गेपुकी यो मुर आन ङोंइती धर्मी तांइसीनीनी, तन्न इन थुं कपट नु पापम ब्रीशो बाक्नीनी।
Luke 6:36 in Sunwar 36 दोपा इन आफोमी शिशी पवा, मोपा गेपुकीमी यो शिशी पने” देंमाक्त।
Luke 12:1 in Sunwar 1 मिनु हजार, हजार मुर खुम्सीशा, नेम्मुशा, चुमुशा, येसु आ लोव़ नेंथ जाक्मा बाक्त। मिनु येसुमी आ शेंसीब आन कली “फरिसी आन बोरपाइक्तीक ओख्ती रे होस पा बाक्कीन। मेको आन जोल पा शेंतीक बाक्ब। मत्ती १६:६; मर्कूस ८:१५
Luke 21:15 in Sunwar 15 मारदे हना मोपा राप्पदमेनु, इन जोरी सत्रुमी लेन्ने मचाप्चा ङा लोव़ इन शोव़ रे पपाइक्नन्नी। इन कली ठीक लोव़ पपाइक्नुङ। मिनु मेकोपुकीमी इन लोव़ ख्रोइक्ने मचाप्नीम। प्रेरित ६:१०
John 1:14 in Sunwar 14 मिनु लोव़ माइश्शो मुर दुम्शा, गोपुकी नु बाक्शो बाक्त। मेको शिशी पाइब नु परमप्रभु यावे आ लां कोंइब बाक्त। गोपुकीमी “परमप्रभु यावे आ कांइचीक तौ बाक्ब” दे तुइश्शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्थान ३३:१८; यसैया ६०:१; २पत्रुस १:१६-१७
John 1:47 in Sunwar 47 मिनु येसुमी नथानेल कली आ बाक्तीक जाक्शो तशा, नथानेल आ पर्बम “काइ जोल मपाइब नु रिम्शो गेय पाइब इस्राएली का बाक्ब” देंत।
Acts 9:36 in Sunwar 36 योप्पा सहरमी तबीता नें पाइश्शो थमा सुइक्ब मीश मुर का बाक्माक्त। ग्रीक लोव़मी मेको आ नें दोरकास, किश्श रुम्सीब। तबीता गेना हना यो सुइ सुइ आन कली रिम्शो पाइबाक्माक्त। मथीब आन कली शुश वारच पाइबाक्माक्त।
Acts 11:24 in Sunwar 24 बारनाबास रिम्शो मुर बाक्माक्त। परमप्रभु यावे आ सोक्तीमी ब्रीशा, खोइल थेक्शो खोदेंशो पा थमा सुइक्बाक्माक्त। आ पशो तशा, आ लोव़ नेंशा, शुश मुरुमी प्रभु कली थमा सुइक्ब दुम्मा बाक्त। प्रेरित ५:१४
Romans 12:9 in Sunwar 9 थमा पा दाक्मुशा बाक्कीन। मरिम्शो गेय रे ङोन बाक्कीन। रिम्शो पने। १तिमोथी १:५; आमोस ५:१५
Romans 12:18 in Sunwar 18 चाप्बी सम्म मुर आन कली जिचा मतोने। मुर नेल्ल नु दुशा गारशा बाक्कीन। मर्कूस ९:५०; हिब्रू १२:१४
Romans 15:14 in Sunwar 14 आं लोक्बपुकी, गे इन दातेमी दाक्मुशा, रिम्शो पा जोक्ब तुइक्ब दुम्शा नु शेंमुने चाप्ब दुम्शो बाक्नीनी, दे तुइक्ताक्ङ।
1 Corinthians 2:6 in Sunwar 6 मो हना यो गो जोक्तीक तुइक्तीक लोव़ रुप्ब आन कली लोव़ पाइनीकी। तन्न रागी ङा नु सासन पाइब आन जोक्तीक तुइक्तीक ङा लोव़ चहिं ममाइ। मारदे हना मेको बेक्शा लाइनीम।
1 Corinthians 12:8 in Sunwar 8 परमप्रभु यावे आ सोक्तीमी का कली जोक्तीक तुइक्तीक लोव़ पपाइक्ब। अर्को कली मेकोन सोक्तीमी शेंतीक सक्ति गेब।
1 Corinthians 13:4 in Sunwar 4 दाक्तीकेमी श्येत फाल्ने नु शिशी पने चाप्ब। दाक्तीकेमी गेहे मपाइब मबोरब।
2 Corinthians 9:10 in Sunwar 10 शोक्ब कली वांचेर गेब। जचा दाक्ब कली जचा थोव़क गेबमी इन के बाक्शो यो बारपाइक्ब। मोपा इन ठीक पतीके ङा फल बारना बारन लाइब। इजीकीएल १०:१२
2 Corinthians 10:1 in Sunwar 1 गो, ख्रीस्त आ ब्रेम्शो नु रिम्शो पतीकेमी, इन कली शेंना शेंन बाक्नुङ। गो इन नेक्था बाक्शा, ब्रेम्शो लोव़ पाइनुङ। तन्न गो ङोन बाक्ती हना, हुइश्शा लोव़ पाइनुङ।
Galatians 5:22 in Sunwar 22 परमप्रभु यावे आ सोक्तीमी ब्रीशो थुं पाइश्शोपुकीमी परमप्रभु यावे आ सोक्त रे पा दोदेंशो पाइनीम देंशा हना, दाक्मुइनीमी, ग्येरनीमी, थुं नाइक्नीमी, शुश फाल्नीमी, रिम्शो पाइनीमी, शिशी पाइनीमी, कबल खाप्नीमी,
Ephesians 5:9 in Sunwar 9 छेङछेङ ङा फल दोदेंशो बाक्ब देंशा हना, नेल्ल शिशी पतीकेमी, ठीक पतीकेमी नु थमा पतीकेमी बाक्ब। गलाती ५:२२; फिलिप्पी १:११
Philippians 1:11 in Sunwar 11 गेपुकी येसु ख्रीस्तमी पपाइश्शो ठीक पतीकेमी ब्रीशो बाक्तीनी हना, परमप्रभु यावे सक्ति पाइश्शो नु ठेयब बाक्ब, दे तुंइसीब। एफिसी ५:९
Philippians 4:8 in Sunwar 8 आं लोक्बपुकी, आं नेल्ल क्येङा नोले ङा लोव़ मार बाक्ब देंशा हना, तेको थमा बाक्बा, तेको शिरशो बाक्बा, तेको ठीक बाक्बा, तेको ग्रांग्रा मदिशो बाक्बा, तेको दाक्चा ङा बाक्बा, तेको रिम्शो लोव़ बाक्बा, तेको नेल्ल क्येङा रिम्शो नु दोस गेचा मपुंइसीब बाक्बा, तेको “रिम्शो पाइब” दे माइक्चा पुंइसीब बाक्बा, मेको आ पर्बम मिम्तीन।
Colossians 1:10 in Sunwar 10 इन ङोंइती शिरशो मुर दुम्मल। आन पशो नेल्लेमी इन कली ग्येरपदमेक्ल। रिम्शो पामेनु, इन कली तुइक्तीके आन थुंमी बारना बारन लल। एफिसी ४:१; फिलिप्पी १:२७
1 Thessalonians 2:7 in Sunwar 7 गोपुकी ख्रीस्त आ सोइश्शो दुम्शा, इन गुइ रे मार मार ताक्चा ठीक दुम वा। तन्न गो आल कली दूध तुंइब ममा खोदेंशो पा, इन कली कोव़तक।
1 Timothy 5:21 in Sunwar 21 परमप्रभु यावे, ख्रीस्त येसु नु योव़शो परमप्रभु यावे आ स्वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्ल पावो” दे इ कली अरेनुङ। मुर आन कुल कोव़शा, मारेइ मपावो।
2 Timothy 2:24 in Sunwar 24 प्रभु आ गेय पाइबमी जिचा मदुम्ब। नेल्ल आन कली रिम्शो पाइब दुम्चा माल्ब। रुप्पाइश्शा शेंबमी मुर आन मरिम्शो पतीके फाल्चा माल्ब। तीतस १:७-९
Titus 1:15 in Sunwar 15 रिम्शो मुर आन कली मारेइ मारेइ रिम्शो बाक्ब। ग्रांग्रा दिचा ङा मुर नु थमा मसुइक्ब आन कली चहिं मारेइ मारेइ रिम्शो मबाक्ब। मेको आन थुं नु मिम्तीके मरिम्शो बाक्ब। मत्ती १५:११; रोमी १४:२०
Titus 3:2 in Sunwar 2 मिनु सुइ आन पर्बम काइ शुक्शी मपचा, जिचा मपोक्चा, मुर आन कली रिम्शो पा फाल्चा, ठेयब मलेत्थु, मुर आन कली वारच पचा माल्नीम। फिलिप्पी ४:५
Hebrews 12:11 in Sunwar 11 मोदेंशो पा शेंचा पुंइसीयानु, मग्येरनय। श्येत जाइनय। श्येत फाल्ने चाप्बपुकी ठीक दुम्नीम, आन थुं नाइक्चा ताइनीम, दे रुब्य। २कोरिन्थी ४:१७-१८
Hebrews 12:14 in Sunwar 14 मुर नेल्ल नु दुशा गारशा बाक्कीने। पाप रे ङोन बाक्शा, रिम्शो थुं पशा गेय पा कोंइदीने। मो पाइतीनी हना, प्रभु नु काथा बाक्चा ताइनीनी। रोमी १२:१८; २तिमोथी २:२२
James 1:5 in Sunwar 5 तुइक्ब थुं माल्तीनी हना, गेपुकीमी परमप्रभु यावे कली “गो तुइक्ब थुं माल्नुङ” दे पुनीन। परमप्रभु यावेमी मगाइक्थु, शुश तुइक्ब थुं गेब। याकूब ३:१५; हितोपदेस २:३-६
James 1:17 in Sunwar 17 हाइश्शो नु रिम्शो ठीक मिम्तीके थुं नेल्ल परमप्रभु यावे रे जाक्ब। मिनु परमप्रभु यावे छेङछेङ कली सेल्ब बाक्ब। मोपतीके परमप्रभु यावे छेङछेङमी बाक्ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्ना १:५
James 2:4 in Sunwar 4 गे इन दातेमी आइक्च नु ठेयब तिल्नीनी। मोदेंशो पनीनु, मरिम्शो निसाफ मपनी ङा?
James 3:15 in Sunwar 15 ओदेंशो मिम्तीके परमप्रभु आ गेशो रुप्तीक थुं मबाक्ब। तन्न मुर आन थुं रे नु सैतान रे जाक्ब। याकूब १:५
James 4:8 in Sunwar 8 परमप्रभु यावे आ नेक्था लने। मो पाइतीनी हना, मेको इन नेक्था जाक्ब। गे पापीपुकी “आंइ पाप क्याम्दीने” देंशा, माफ पुनीने। थुं निक्शी पाइश्शो मुरपुकी, इन थुं परमप्रभु यावे गे लेश्शा, थुं का दुमीने। जकरिया १:३; यसैया १:१६
1 Peter 1:22 in Sunwar 22 दोपा येसु ख्रीस्त आ देंशो टिशा, थमा गेय पा पाप रे ङोन बाक्नी, मोपा गे लोक्ब आन कली यो थमा पा दाक्नीनी। गे थमा सुइक्बपुकी इन थुं नेल्लेमी थमा पा दाक्मुने।
1 Peter 2:1 in Sunwar 1 मोपतीके गे नेल्ल मरिम्शो पचा, मुर आन कली मरिम्शो लोव़ पतीक नु गाइक्तीके ताइक्तीन। मिनु जोल पतीके, गेहे पतीके नु मुर आन लोव़ कुरशा गाक्चा नेल्ल ताइक्तीन। याकूब १:२
1 John 3:3 in Sunwar 3 मिनु सु मेको आ मग्रूम सम्म रिम्शा बाक्बा, मेको येसु ख्रीस्त पाप रे ङोन बाक्शो खोदेंशो पा, मेको यो पाप रे ङोन बाक्ब।
1 John 3:18 in Sunwar 18 आं आइक्च आलपुकी, गोपुकी दाक्मुय। मिनु “इ कली दाक्नुङ” दे लोव़ पशा ममाइ, तन्न पतीकेमी दाक्मुचा माल्नय। याकूब २:१५-१६