James 2:5 in Sunwar 5 आं लोक्बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्ल, दे मयोव़ङा ङा? मिनु परमप्रभु यावे कली दाक्ब नेल्ल आ राज्य ओव़चा ताइनीम मदेंम ङा? १कोरिन्थी १:२६; १कोरिन्थी ११:२२; लूका १२:२१
Other Translations King James Version (KJV) Hearken, my beloved brethren, Hath not God chosen the poor of this world rich in faith, and heirs of the kingdom which he hath promised to them that love him?
American Standard Version (ASV) Hearken, my beloved brethren; did not God choose them that are poor as to the world `to be' rich in faith, and heirs of the kingdom which he promised to them that love him?
Bible in Basic English (BBE) Give ear, my dear brothers; are not those who are poor in the things of this world marked out by God to have faith as their wealth, and for their heritage the kingdom which he has said he will give to those who have love for him?
Darby English Bible (DBY) Hear, my beloved brethren: Has not God chosen the poor as to the world, rich in faith, and heirs of the kingdom, which he has promised to them that love him?
World English Bible (WEB) Listen, my beloved brothers. Didn't God choose those who are poor in this world to be rich in faith, and heirs of the Kingdom which he promised to those who love him?
Young's Literal Translation (YLT) Hearken, my brethren beloved, did not God choose the poor of this world, rich in faith, and heirs of the reign that He promised to those loving Him?
Cross Reference Exodus 20:6 in Sunwar 6 तन्न सु सुमी आं कली दाक्नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्म कली ला ममाइ, हजार हजार पाला सम्म गेना हना यो शिशी पाइक्नुङमी। प्रस्थान ३४:७; ब्यवस्था ७:९
Judges 9:7 in Sunwar 7 मिनु ठेयब मुरपुकीमी मेको लोव़ योथाम कली नेंपदमे बाक्त। मेको लशा गेरीजीम डांडामी राम्माक्त। मिनु ठेयब सेंदामी “शेकेम सहरम बाक्ब ठेयब मुर नेल्ल, गे आं लोव़ नेंतीनी हना, परमप्रभुमी इन लोव़ नेंब।
1 Samuel 2:30 in Sunwar 30 मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्ल गेना हना यो आं ङोंइती चढ़ेब दुम्नीम, गो कसम जशो नङ” देंशो बाक्त। तन्न परमप्रभु यावेमी “मुल ओदेंशो मदुम्ब। मारदे हना आं कली ठेयब सेल्ब आन कली गो ठेयब सेल्नुङ। आं कली आइक्च सेल्ब नेल्ल आइक्च सेल्चा पुंइसीनीम। प्रस्थान २८:१; मलाकी ३:१६-१८
1 Kings 22:28 in Sunwar 28 मिनु मीकायाम मेको कली “गे रिम्शो पा लेश्शा जाक्तीनी हना, परमप्रभु यावे गो नु मब्वाक्शो बाक्माक्त, देंनुङ” देंमाक्त। मिनु मेकोम चिनु लोव़ तेम्शा “गे नेल्लेम एको लोव़ नेंशा, इन थुंम वोतीन” देंमाक्त।
Job 34:10 in Sunwar 10 मोपतीके मारेइ मारेइ तुइक्ब मुरपुकी आं लोव़ नेनीन। परमप्रभुम गेनायो मरिम्शो मपाइब। नेल्ल क्येङा ठेयब सक्ति पाइश्शोमी गेनायो दूली मपाइब। अय्युब ८:३; ब्यवस्था ३२:४; २इतिहास १९:७
Job 34:19 in Sunwar 19 मेकोम पिप आ तौ आन कुल मकोव़ब। मेकोम शोंप पाइश्शो नु प्रुङग नेल्ल आन कली उइक्थ मिम्ब। मारदे हना मेको नेल्ल आ सेल्शो नम।
Job 38:14 in Sunwar 14 दोपा खप रे मार मार सेल्सीबा, मोपा रागी फांइसीब। मेको वा कली रङम नुप्शो खोदेंशो बाक्ब।
Proverbs 7:24 in Sunwar 24 मुल आं तौपुकी, आं लोव़ नेनीन। इन नोफा दाइश्शा, आं लोव़ नेनीन।
Proverbs 8:17 in Sunwar 17 सुमी आ कली दाक्नीमी, गो यो मेको आन कली दाक्नुङ। सुम आं कली शुश माल्नीमी, मेकोमी आं कली थित्नीम।
Proverbs 8:32 in Sunwar 32 आं तौपुकी, मुल आं लोव़ नेनीन। आं कोंइशो लां गाक्बपुकी ग्येरसीशो मुर दुम्नीम।
Isaiah 14:32 in Sunwar 32 मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्तु। मिनु आ मुर आन दाते ङा क्येट मथीब मेकेर रिम्शो पा बाक्नीम” देंत।
Isaiah 29:19 in Sunwar 19 मिनु ब्रेम्शो मुर परमप्रभु यावे कली मिम्शा ग्येरसीनीम। मिनु क्येट मथीबपुकी इस्राएली आन परमप्रभु यावे कली मिम्शा थाम्पा ग्येरसीनीम।
Zephaniah 3:12 in Sunwar 12 गो इ दातेमी ब्रेम्शो नु प्रुङग मुर लीचा गेनुङमी। मेकोपुकीम ‘परमप्रभु यावे आंइ कली वारच पाइब बाक्ब’ दे थमा सुइक्नीम। इजीकीएल ६:८
Zechariah 11:7 in Sunwar 7 मोपतीके क्योरचा चिक्शो भेडा लेयब आन पा ङा गो गोठला दुम्ती। गो कोक्के निक्शी ग्याइक्ताक्ङ। मिनु गो का कली शिशी पतीक नु अर्को कली थुं का दुम्तीक नें वोइक्ता। मिनु गो भेडा आन कली योव़तामी।
Zechariah 11:11 in Sunwar 11 मेको कबल मेको नाक्ती क्याम्ताक्ङ। भेडा लेयबपुकीमी आं कली कोव़ना कोव़न बाक्तेक्म। मेकोपुकीमी एको परमप्रभु यावे आ लोव़ बाक्माक्त, दे तुइक्ताक्म। जकरिया ११:७
Matthew 5:3 in Sunwar 3 “महिक्सीशो मुरपुकी आसीक राइनीम। मारदे हना स्वर्ग ङा राज्य मेको आन केन बाक्ब। यसैया ५७:१५
Matthew 11:5 in Sunwar 5 ‘मिक्च मताइबपुकीमी मिक्च ताइबाक्तेक्म, खोइल मदुक्बपुकी गाक्बाक्तेक्म, कोर पाइब साबाक्तेक्म, नोफा मनेंबपुकी नेंबाक्तेक्म, बेक्शो मुर बेक्शो रे सेंसीशा ब्रोंइबाक्तेक्म। महिक्सीशो मुरपुकीम ग्येरपाइक्ब लोव़ नेंबाक्तेक्म’ यसैया ३५:५-६; यसैया ६१:१
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
Mark 7:14 in Sunwar 14 मिनु येसुमी मुर आन कली लेंशा ब्रेश्शा “गे नेल्लेमी नोफा दाइश्शा नेंशा रुपीने।
Luke 6:20 in Sunwar 20 मिनु येसुमी शेंसीब आन कली कोव़शा “गे प्रुङग मुर, ग्येरसीने। मारदे हना परमप्रभु यावे आ राज्य इन के बाक्ब। याकूब २:५
Luke 9:57 in Sunwar 57 मिनु लांमी गाक्मानु, मुर कामी येसु कली “प्रभु, गो इन नोले खोइक्चा दाक्नुङ” देंमाक्त।
Luke 12:21 in Sunwar 21 परमप्रभु यावे कली ममिम्थु, शोंप ला मिम्ब मुर नेल्ल मोदेंशो दुम्नीम” दे शेंदीमी बाक्त। मत्ती ६:२०
Luke 12:32 in Sunwar 32 गे आइक्च बगाल, महिनीन। मारदे हना इन आफोमी इन कली आ राज्यम वोइक्चा दाक्ब। लूका २२:२९
Luke 16:22 in Sunwar 22 मिनु लाजरस शुश श्येत जशा बेक्माक्त। मिनु परमप्रभु यावे आ स्वर्ग ङा गेय पाइबमी अब्राहाम आ थुकुमी वोदमे बाक्त। मेको नोले शोंप पाइश्शो मुर यो बेक्शा थिम्चा पुंइसे बाक्त।
Luke 16:25 in Sunwar 25 तन्न अब्राहाममी ‘ङोंइती थम रिम्शो पा बाक्ते। लाजरस चहिं शुश श्येत जशा बाक्त। मुल चहिं लाजरस आ थुं नाइक्चा ताप्तु, गे चहिं श्येत जशा बाक्नेवे। लूका ६:२४
Luke 22:29 in Sunwar 29 आं आफोमी आ राज्यमी हुकुम पाइब सेल्ती। मिनु गो इन कली काथा वोइश्शा, हुकुम पाइब सेल्नन्नी।
John 7:48 in Sunwar 48 ठेयब मुरपुकी नु फरिसीपुकीमी यो मेको कली थमा सुदमे?
Acts 7:2 in Sunwar 2 स्तीफानसमी “आं आफ, बाजे नु आं लोक्बपुकी, गो लोव़ का निक्शी पाइनुङ। दोपा छेङछेङ नु सक्ति पाइश्शो परमप्रभु यावेमी इं किकी पिपी अब्राहाम कली तपांइसे, गो मेको नेल्लेमी तुइक्नय। उत्पत्ती ११:- ५०:-; यहोसु २४:३२
Romans 8:17 in Sunwar 17 परमप्रभु यावे आ तमी तौ दुम्शा, येसु ख्रीस्त नु काथा बाक्शा, अङस ताइब दुम्तय। मेको अङस तचा ङोंइती येसु ख्रीस्त आ नेंमी श्येत जाइनय। नोले आ राज्य तांइसेनु, येसु ख्रीस्त नु काथा बाक्शा अङस ताइनय। गलाती ४:१७; प्रकाश २१:७
1 Corinthians 1:26 in Sunwar 26 आं लोक्बपुकी, परमप्रभु यावेमी इन कली मारदे योव़ङा? इन पढेशो तशा देय, इन जोक्शो तुइश्शो तशा? गे शुश सक्ति पाइश्शो यो मननी। ठेयब खिं ङा मुर यो मबाक्नी। लो, मेको मिम्तीन। यूहन्ना ७:४८; याकूब २:१-५
1 Corinthians 2:9 in Sunwar 9 मिनु “मिक्चीम मतशो, नोफाम मनेंशो, मुर आन थुंमी ममिम्शो लोव़ परमप्रभु यावेमी आ कली दाक्ब आन कली तुइक्पाइश्शा, रुप्चा गेम्तीमी” दे ब्रेक्शो बाक्ब। यसैया ६४:४
1 Corinthians 3:21 in Sunwar 21 मोपतीके सुइमी मुर आन नें आ पर्बम ठेयब मलेम्मल। मारदे हना नेल्ल इन के बाक्नीम।
2 Corinthians 4:15 in Sunwar 15 मारदे हना मेको नेल्ल इन पर्बम बाक्ब। परमप्रभु यावे आ शिशी शुश मुरुम नेंतेक्म हना, मेको क्येङा शुश मुरुम मेको कली ठेयब सेल्नीम। २कोरिन्थी १:६,११
2 Corinthians 6:10 in Sunwar 10 सुर्ता पशो, तन्न गेना हना यो ग्येरसीशो बाक्नीकी। प्रुङग दुम्शो, तन्न शुश आन कली शोंप सेल्नीकी। मारेइ मथीब दुम्शो, तन्न मारेइ मारेइमी गाप्शो बाक्नीकी। फिलिप्पी ४:१२-१३
2 Corinthians 8:9 in Sunwar 9 मारदे हना गे इं प्रभु येसु ख्रीस्त आ शिशी तुइक्नीनी। मेको शोंप पाइश्शो बाक्त हना यो इन पर्बम प्रुङग दुम्त। मेको प्रुङग दुम्तीकेम गे शोंप पाइश्शो दुमीन, दे मो पाप्तु। मत्ती ८:२०; फिलिप्पी २:७
Ephesians 1:18 in Sunwar 18 गे मेको आन कली मार कली ब्रेश्शो बाक्नीनी, थमा सुइक्ब आन ततीक मार बाक्बा, इन छेङछेङ गिश ठेयब बाक्बा, मेको नेल्ल रुप्तीक थुं गेने।
Ephesians 3:8 in Sunwar 8 गो परमप्रभु यावे आ मुर नेल्ल आन क्येङा आइक्च बाक्नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्त आ शिशी गिश ठेयब बाक्बा तुइक्पाइक्मी” दे शेंब सेल्ती। १कोरिन्थी १५:९-१०; गलाती १:१६; एफिसी १:७
1 Thessalonians 2:12 in Sunwar 12 “परमप्रभु यावे आ मुर दुम्शा, मेको आ ङोंइती शिरशो दुम्शा बाक्कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्य नु आ छेङछेङमी बाक्चा गेचा कली ब्रेप्ब। एफिसी ४:१-२; फिलिप्पी १:२७
2 Thessalonians 1:5 in Sunwar 5 गेपुकी परमप्रभु यावे आ राज्यम शिरशो मुर दुम्तीनी। मिनु मेको राज्य आ पर्बम श्येत जाइनीनी। परमप्रभु यावेमी इन कली श्येत जचा गेप्तु हना यो, ठीक निसाफ पाइब बाक्ब। फिलिप्पी १:२८
1 Timothy 6:18 in Sunwar 18 मेकोपुकीमी रिम्शो गेय पतीकेमी गेनायो मनुप्ब शोंप पाइश्शो दुम्मल। हाइश्शो दुम्शा, मुर आन कली गेब दुम्चा माल्नीम।
2 Timothy 4:8 in Sunwar 8 मुल रे ठीक पतीके ङा सिरपेच गुप्चा दे आं कली वोइश्शो बाक्त। प्रभु ठीक निसाफ पाइब बाक्ब। मेकोमी आं कली आ नाक्तीम सिरपेच गेब। आं कली ला ममाइ, सु सुमी आ जाक्शो दाक्नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१
2 Timothy 4:18 in Sunwar 18 प्रभुमी आं कली आ स्वर्ग ङा राज्य लचा, दे नेल्ल श्येत रे प्रोंइब। मेको कली गेना हना यो मान पय। आमेन।
Hebrews 11:26 in Sunwar 26 मारदे हना इजीप्त ङा शोंप नु मान तशा यो मारेइ मसुइक्थु “ख्रीस्तमी श्येत जशो खोदेंशो पा श्येत जचा थमा ङा शोंप नु मान बाक्ब, दे मिम्ताक्व। मिनु नोले इनाम यो तांइसीब” दे तुइश्शा थमा सुइश्शो बाक्माक्त।
James 1:9 in Sunwar 9 मिनु इन दातेमी सुइ प्रुङग थमा सुइक्ब लोक्ब बाक्त हना, मेकोमी “परमप्रभु यावेमी आं कली ठेयब मुर सेल्ती” दे ग्येरसेक्ल। याकूब २:५
James 1:12 in Sunwar 12 सु इन दातेमी आ थमा सुइक्तीके ठीक बाक्म कों, मबाक्म देय थुं थाम्चा पुंइसीशा फाल्ने चाप्बा, मेको मुर ग्येरसेक्ल। मेको थुं थाम्तीके ठीक दुम्त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्बा, मेकोमी ब्रोंइतीक सिरपेच ताइब” दे लोव़ पशो बाक्ब। २तिमोथी ४:८
James 1:16 in Sunwar 16 आं दाक्शो थमा सुइक्ब लोक्बपुकी, दूली लां मखोतीन।
1 Peter 1:4 in Sunwar 4 मिनु इं कली स्वर्गमी जाम्शा मलाइब, काइ मबिग्रेब नु गेना हना यो लीब शोंप वोइश्शो बाक्ब। कलस्सी १:१२
2 Peter 1:11 in Sunwar 11 मिनु नोले पाप रे प्रोंइब इं प्रभु येसु ख्रीस्तमी इन कली आ गेना हना यो लीब राज्यमी रिम्शो पा ओव़चा गेब।
Revelation 2:9 in Sunwar 9 मेकोमी “गो इन श्येत जशो तुइक्नुङ। गे थमा पा प्रुङग बाक्नीनी, दे गो तुइक्नुङ। तन्न गे इन थुंम शोंप पाइश्शो बाक्नीनी, दे यो तुइक्नुङ। मरिम्शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९
Revelation 3:18 in Sunwar 18 मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
Revelation 21:7 in Sunwar 7 सु सुमी सैतान कली ग्रानीमी, मेकोम आं देंशो नेल्ल ताइनीम। मिनु गो मेको ग्राब आन परमप्रभु यावे दुम्नुङ। मेकोपुकी चहिं आं तमी तौ दुम्नीम।