Cross Reference Deuteronomy 10:17 in Sunwar 17 मारदे हना परमप्रभु यावे, इन परमप्रभु देवी देवता आन परमप्रभु बाक्ब। मेको प्रभु आन प्रभु बाक्ब। मेको नेल्ल क्येङा ठेयब, सक्ति पाइश्शो नु हिंचा ङा परमप्रभु बाक्ब। मेकोमी सुइ आन कुल मकोव़ब। मेकोमी घूस मताक्ब।
Judges 13:18 in Sunwar 18 मिनु परमप्रभु यावे आ स्वर्ग ङा गेय पाइबमी मेको कली “गे मारदे आं नें हिल्लो पाइनेवे? मेको मतुइक्चा ङा बाक्ब” देंमाक्त।
Nehemiah 9:32 in Sunwar 32 मिनु आंइ परमप्रभु, गे नेल्ल क्येङा ठेयब सक्ति पाइश्शो नु मान पा हिंचा माल्शो परमप्रभु बाक्नीनी। इन पशो कबल इन गेना हना यो दाक्तीक खाप्ब बाक्नीनी। अस्सुर ङा पिप आन पाला रे मुलाक्त सम्म आंइ कली गेशो श्येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्ल आन कली गेशो श्येत कली आइक्च ममिम्तीन। ब्यवस्था ७:९,१२; १राजा ८:२३; नेहेम्याह १:५
Psalm 2:6 in Sunwar 6 मिनु मेकोमी “गो आं सियोन डांडामी आं तेल लुक्शा सोइश्शो पिप कली वोइक्ता” देंत। जकरिया ८:३
Psalm 45:3 in Sunwar 3 गे बोल्यो मुर, इन किप्शुर किप्शा इन तरवार पिम्सीन। मिनु इन दारस नु इन मान ततीके कोंइदीन।
Psalm 45:6 in Sunwar 6 परमप्रभु, इन ठेयब नित्तीके गेना हना यो लीब। इन ठीक पतीके इन राज दन्ड खोदेंशो बाक्ब। हिब्रू १:८-९हिब्रू १:८,९
Psalm 50:1 in Sunwar 1 आसाफ आ कुम्सो। ठेयब सक्ति पाइश्शो, परमप्रभु, परमप्रभु यावेमी लोव़ पाप्तु। नां दाप्तीक रे नां पेरतीक सम्म ङा रागी कली लोव़ पाप्तु। १इतिहास २५:१
Psalm 72:3 in Sunwar 3 मोदेंशो ठीक पतीके तशा, डांडा नु पहाड ङा रूपुकी अन्न ग्रेल्ब दुम्मल।
Psalm 72:7 in Sunwar 7 मेको आ पालामी मुर आन दातेमी ठीक पतीके ठेयब दुम्ल। मिनु तास्ला लीम सम्म मुर आन थुं नाइक्तीक दुम्ल।
Psalm 72:17 in Sunwar 17 मेको आ नें गेना हना यो लील। नां बाक्म सम्म आ नें ठेयब बाक्ल। रागी रागी ङा मुर नेल्लेम मेको रे पा आसीक तामेक्ल। मिनु मेकोपुकीमी मेको आ पर्बम “ग्येरसीशो मुर बाक्ब” देंमल। उत्पत्ती १२:३; उत्पत्ती २२:१८
Psalm 85:10 in Sunwar 10 गेना हना यो दाक्तीक नु थमा पा दाक्शा मप्रोंइतीक गारनीस। ठीक पतीक नु थुं नाइक्तीक पुक्पु पमुइनीस।
Psalm 110:1 in Sunwar 1 दाऊद आ कुम्सो। परमप्रभु यावेमी, आं परमप्रभु कली “गे आं ग्युरा गे निस्सो। मिनु गो इ जोरी सत्रु आन कली इ खोइल थेक्तीके सेल्नुङमी। मत्ती २२:४४; प्रेरित २:३४; हिब्रू १:१३; १कोरिन्थी १५:२५; फिलिप्पी २:८-११; हिब्रू १०:१२-१३
Proverbs 8:23 in Sunwar 23 नेल्ल क्येङा ङोंइती ङा गो नङ। रागी क्येङा ङोंइती यो गो नङ।
Isaiah 7:14 in Sunwar 14 मोपतीके परमप्रभुमी इन कली चिन्ड का गेब। मेको चिन्ड मार बाक्ब देंशा हना, कन्ने मीश आलम कोव़ज कुरशा तौ का थीब। मेको आ नें इम्मानुएल वोइक्नीम। मत्ती १:२३
Isaiah 8:18 in Sunwar 18 मुर नेल्ल आन परमप्रभु यावे सियोन डांडाम बाक्ब। परमप्रभु यावेमी आं कली नु आं कली गेशो आलपुकी इस्राएली आन दातेमी चिन्ड नु कोंइतीक सेल्तीकी। यसैया ८:३; यसैया ७:३; हिब्रू २:१३
Isaiah 10:21 in Sunwar 21 मिनु का निक्शी याकूब आ मुरपुकी सक्ति पाइश्शो परमप्रभु गे लेत्नीम।
Isaiah 11:1 in Sunwar 1 येस्से आ ठुटा रे ठोसा का दाप्ब। मेको आ शाक्श रे वाशो राशीम फल फुल सिप्ब।
Isaiah 11:6 in Sunwar 6 मेना फर नु पाठा काथा बाक्नीम। जोइ क्यारश आ पाठा नु इप्ब। बाछा नु गुप्स आ चाइक्ब काथा जोइनीम। आइक्च आलमी मेको आन कली योव़ब। यसैया ६५:२५
Isaiah 22:21 in Sunwar 21 मिनु गो मेको कली इ वा फेक्पाइक्नुङ। इ किप्शुर किप्पाइक्नुङ। मिनु इ अधिकार मेको कली गेनुङ। मिनु मेको यरूसलेम नु यहूदा ङा मुर आन आफ दुम्ब। उत्पत्ती ४५:८
Isaiah 26:3 in Sunwar 3 गे ग्येत्थ लुक्च मदुम्ब थुं पाइश्शो मुर आन कली थुं नाइक्चा गेनीनी। मारदे हना मेकोपुकी इन कली थमा सुइक्ब बाक्नीम।
Isaiah 26:12 in Sunwar 12 परमप्रभु यावे, गे आंइ कली थुं नाइक्चा गेनीनी। मारदे हना मार रिम्शो पका, मेको नेल्ल इन रे पा पिशो बाक्ब। यसैया ९:६
Isaiah 28:29 in Sunwar 29 मेको मोदेंशो नेल्ल मुर नेल्ल आन परमप्रभु यावेमी शेंशो बाक्ब। मेको अर्ती गेतीकेम छक लाक्चा ङा नु तुइक्तीकेम नेल्ल क्येङा ठेयब बाक्ब।
Isaiah 45:24 in Sunwar 24 ‘परमप्रभु यावे ला ठीक पतीके नु सक्ति गेब बाक्ब’ दे कसम जाइनीम। परमप्रभु यावे कली मटीब नेल्ल आं बाक्तीकेम जाक्शा मुने दोक्चा माल्नीम। येरमीया २३:६
Isaiah 53:2 in Sunwar 2 मेको आ ङोंइती बिरवा खोदेंशो पा कोल्त। सोव़शो खपीम शाक्श खोदेंशो पा कोल्त। मिनु मुरुम मेको कली कोव़चा थुं मपाम। मेको दारशो नु मान ताइब खोदेंशो काइ मतांइसीशो बाक्त। मेको मदारशो ममाल्चा ङा मुर खोदेंशो बाक्त। यसैया ११:१
Isaiah 53:5 in Sunwar 5 तन्न मेको आंइ हेंथे पतीके आ पर्बम तुप्शा गार सेल्चा पुंइसाक्व। आंइ मरिम्शो पशो आ पर्बम साइक्चा पुंइसाक्व। आंइ कली पाप रे प्रोंइचा कली सजाइ ताप्तु। मेको कली तुप्शो गारमी गोपुकी सातक। रोमी ४:२५; १पत्रुस २:२४
Isaiah 53:10 in Sunwar 10 परमप्रभु यावेमी मेको कली मोदेंशो पा तुप्शा, श्येत गेचा दाक्ताक्व। मेकोमी आ रां पाप क्याम्चा कली चढ़ेप्तु। मो हना यो मेको कली आ आल खोदेंशो शुश थमा सुइक्ब आन कली ताइब। मिनु शुश नाक्त सम्म ब्रोंइब। मेको आ पतीके नेल्ल परमप्रभु यावे आ दाक्शो गेय दुम्ब। लेवी ५:१५; मत्ती २०:२८; भजन संग्रह २०:३१
Isaiah 63:16 in Sunwar 16 गे आंइ आफ बाक्नीनी। मिनु अब्राहाममी आंइ कली मतुइश्शो बाक्त। इस्राएलम आंइ कली मतव। गे, परमप्रभु यावे, आंइ आफ, आंइ श्येत रे प्रोंइब बाक्नीनी। मेको साइ रे इन नें बाक्ब। ब्यवस्था ३२:६
Isaiah 66:12 in Sunwar 12 मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्शा, कुरचा पुंइसीनीनी। थुकुम ग्यारपाइक्चा पुंइसीनीनी। यसैया ६०:४
Jeremiah 23:5 in Sunwar 5 परमप्रभु यावेम “गो दाऊद आ मुर रे ठीक पाइब राशी का वापाइक्नुङ। मेको नाक्त थमा पा जाक्ना जाक्न बाक्ब। पिप कामी आ जोक्तीक तुइक्तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१
Jeremiah 31:22 in Sunwar 22 गे काइ मटीब तमी, गे गेना सम्म रिम्नेवे? मारदे हना परमप्रभु यावेम मेको रागी ङा मुर आन पशो नक सेल्तु। मेको मीश मुरुम वोंइश मुर कली दाक्ब।
Daniel 9:24 in Sunwar 24 इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
Micah 5:4 in Sunwar 4 मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्शो पा बाक्नीम। मारदे हना मेको रागी ङा सुर सम्म नेल्ल क्येङा ठेयब दुम्ब। यसैया ९:५; एफिसी २:१४
Zechariah 6:12 in Sunwar 12 मिनु मेको कली मुर नेल्ल आन परमप्रभु यावेमी मार देंत देंशा हना ‘मेकेर मुर का बाक्ब। मेको आ नें राशी बाक्ब। मेको राशी आ बाक्तीकेमी बारशा, परमप्रभु यावे आ खिं सेल्चा माल्ब।
Zechariah 9:9 in Sunwar 9 सियोन आ तमी, साप्पा ग्येरसो। यरूसलेम आ तमी ग्येरशा ठेयब सेंदा पा ग्रीङो। मारदे हना इ पिप इ बाक्तीकेमी जाक्ना जाक्न बाक्ब। मेको ग्राशा ग्येरसीशा जाक्ब। मेको ब्रेम्शो बाक्ब। मेको गधा तार ङोइश्शा जाक्ब। गधा आ चाइक्ब तार ङोइश्शा जाक्ब। सेफन्याह ३:१४; मत्ती २१:५
Matthew 1:23 in Sunwar 23 “नेनीने, कन्ने मीश आलमी कोव़ज कुरशा, तौ का थीब। मेको आल आ नें इम्मानुएल वोइक्नीम। इम्मानुएल देंशो ‘परमप्रभु यावे गोपुकी नु बाक्शो बाक्ब’ दे रुम्सीब” दे ब्रेक्शो बाक्ब। यसैया ७:१४
Matthew 11:27 in Sunwar 27 आं आफोमी मारेइ मारेइ तुइक्पाइक्ती। सुइमी आं कली, आ तौ कली मतुइक्नीम। आं आफोमी ला तुइक्ब। सुइमी आं आफ कली मतुइक्नीम। आ तौमी ला तुइक्ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्पाइक्ब। मत्ती २८:१८; यूहन्ना ३:३५; यूहन्ना १७:२; फिलिप्पी २:९
Matthew 28:18 in Sunwar 18 मिनु येसु नेल्ल आन नेक्था जाक्शा “स्वर्ग नु रागी ङा अधिकार नेल्ल आं कली गेशो बाक्ब। मत्ती ११:२७; एफिसी १:२०-२२
Luke 1:35 in Sunwar 35 “परमप्रभु यावे आ सोक्तीमी इ कली सुम्ब। मिनु नेल्ल क्येङा ठेयब आ सक्ति ताइनेवे। मोपतीके इ आल परमप्रभु यावे के बाक्ब। मेको कली परमप्रभु यावे आ तौ देंनीम। मत्ती १:१८-२०
Luke 2:11 in Sunwar 11 एको ग्येरपाइक्ब लोव़ दोदेंशो बाक्ब देंशा हना, मुलाक्दो पिप दाऊद आ सहरम आल का जरमेसाक्व। मेको नक जरमेशो आल पाप रे प्रोंइब, प्रभु येसु ख्रीस्त बाक्ब।
Luke 2:14 in Sunwar 14 “नेल्ल क्येङा इर ङा परमप्रभु यावे नेल्ल क्येङा ठेयब बाक्ब। आ दाक्शो मुर आन कली थुं नाइश्शा बाक्चा गेब” दे कुम्सो पामे बाक्त। लूका १९:३८; गन्ती ६:२६; एफिसी २:१४,१७
Luke 21:15 in Sunwar 15 मारदे हना मोपा राप्पदमेनु, इन जोरी सत्रुमी लेन्ने मचाप्चा ङा लोव़ इन शोव़ रे पपाइक्नन्नी। इन कली ठीक लोव़ पपाइक्नुङ। मिनु मेकोपुकीमी इन लोव़ ख्रोइक्ने मचाप्नीम। प्रेरित ६:१०
John 1:1 in Sunwar 1 नेल्ल क्येङा ङोंइती लोव़ माइश्शो का बाक्त। मेको लोव़ माइश्शो परमप्रभु यावे नु बाक्शा, मेको नु उइक्थी बाक्त। यूहन्ना १७:५; उत्पत्ती १:१; १यूहन्ना १:१२; प्रकाश १९:१३
John 1:14 in Sunwar 14 मिनु लोव़ माइश्शो मुर दुम्शा, गोपुकी नु बाक्शो बाक्त। मेको शिशी पाइब नु परमप्रभु यावे आ लां कोंइब बाक्त। गोपुकीमी “परमप्रभु यावे आ कांइचीक तौ बाक्ब” दे तुइश्शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्थान ३३:१८; यसैया ६०:१; २पत्रुस १:१६-१७
John 1:16 in Sunwar 16 आ शिशी पतीक गो शुश शिशी तना तन बाक्तक। यूहन्ना ३:३४; कलस्सी १:१९
John 3:16 in Sunwar 16 परमप्रभु यावेमी रागी ङा मुर आन कली शुश दाक्ताक्व। मोपतीके आ कांइचीक तौ रागीमी सोइक्ताक्व। सु सुमी मेको कली थमा सुइक्नीमी, मेकोपुकी नरक मलाइनीम। तन्न गेना हना यो परमप्रभु यावे नु बाक्चा ताइनीम। रोमी ५:८; रोमी ८:३२; १यूहन्ना ४:९
John 14:27 in Sunwar 27 गो आं थुं नाइश्शो खोदेंशो पा इन थुं नाइक्पाइक्नन्नी। मुरुमी पशो खोदेंशो ममाइ, इन थुं ग्येत्थ लुक्च मपने। महिनीने। यूहन्ना १६:३३; फिलिप्पी ४:७
Acts 10:36 in Sunwar 36 परमप्रभु यावेमी येसु ख्रीस्त आ पतीकेम आंइ इस्राएल ङा मुर आन कली ग्येरपाइक्ब लोव़ नेंपाइक्तु। मिनु येसु ख्रीस्त नेल्ल आन प्रभु बाक्ब। एफिसी २:१७
Acts 20:28 in Sunwar 28 गे आंम कली कोव़ङीने। परमप्रभु यावे आ सोक्तीमी इन कली थमा सुइक्ब आन कली कोव़ब सेल्तु। गे परमप्रभु यावे आ मुर आन कली मुर आन कली कोव़ब रिम्शो गोठला दुमीन। मारदे हना मेकोपुकी आ तौ आ हुशेम ग्याप्शो बाक्नीमी। १तिमोथी ४:१६; १पत्रुस ५:२-४
Romans 5:1 in Sunwar 1 मिनु गो थमा सुइश्शोमीन ठीक दुम्पाइक्चा पुंइसीशा, इं प्रभु येसु ख्रीस्त रे पा परमप्रभु यावे नु दुशा बाक्तीक दुम्शो बाक्त। रोमी ३:२४,२८; यसैया ५३:५
Romans 8:32 in Sunwar 32 परमप्रभु यावेमी इं कली दाक्शा, आ दाक्शो तौ कली इं पाप क्याम्चा कली बेक्चा गेप्तु। मोपा आ दाक्शो तौ लाइ गेवानु, इं कली मार मार माल्या, मेको मगेबा ङा? गेब।
Romans 9:5 in Sunwar 5 नेल्लेम तुइश्शो किकी पिपी एको जात ङा बाक्मा बाक्त। मिनु मेको आन दाते रे मेको नेल्ल आन क्येङा ठेयब दुम्शा ख्रीस्त जरमेसे बाक्त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४
1 Corinthians 1:30 in Sunwar 30 मेकोमी येसु ख्रीस्त आ नेंमी इन कली ब्रोंइचा गेब। मेको इन जोक्तीक तुइक्तीक, इन ठीक पतीके, परमप्रभु यावे आ मुर दुम्तीके नु पाप रे प्रोंइतीके बाक्ब। येरमीया २३:५-६; २कोरिन्थी ५:२१; यूहन्ना १७:३९; मत्ती २०:२८
1 Corinthians 15:25 in Sunwar 25 मारदे हना ख्रीस्तमी आ जोरी सत्रु आन कली आ खोइलीम मदिम्दा सम्म सासन पचा माल्ब। भजन संग्रह ११०:१; मत्ती २२:४४
2 Corinthians 5:19 in Sunwar 19 परमप्रभु यावेमी ख्रीस्त रे पा मुर आन कली आ नु गारपाइक्तु। मेको आन मरिम्शो पशो नेल्ल प्रेंशा, गारपाइक्तीक गेय आंइ कली गेप्तु। रोमी ३:२४-२५; कलस्सी १:१९-२०
Ephesians 1:21 in Sunwar 21 मिनु हुकुम पाइब, अधिकार पाइश्शो, सक्ति पाइश्शो ठेयब दुम्शो नेल्लेमी ख्रीस्त कली प्रभु देंचा माल्नीमी। मेको नेल्ल आन क्येङा ठेयब नें बाक्ब। मुल ला ममाइ, नोले यो मोदेंशोन बाक्ब। रोमी ८:३८-३९; फिलिप्पी २:९; कलस्सी २:१०
Ephesians 2:14 in Sunwar 14 मेको इं कली दुशा बाक्चा गेब बाक्ब। मेकोमी इस्राएली नु अर्को रागी ङा थमा सुइक्ब आन कली का सेल्तु। मिनु मेको आन दातेमी बाक्शो दुचा मगेब गारो प्रेश्शा, जितीक खेतीक नेल्ल साम्तु। यसैया ९:५; गलाती ३:२८
Colossians 1:20 in Sunwar 20 परमप्रभु यावेमी येसु ख्रीस्त रेन मारेइ मारेइ आन कली आ नु गारपाइक्तु। सरीङ नु रागीम बाक्शो नेल्ल आन कली, शीम केप्शा कांटी थोक्शा साइक्चा पुंइसीशा, आ हुशेमी आ नु गारपाइक्तु। १यूहन्ना २:२
Colossians 2:3 in Sunwar 3 रुप्तीके तुइक्तीके नेल्ल ख्रीस्त आगाम ख्रुइश्शो बाक्नीम। १कोरिन्थी १:२४,३०
1 Timothy 3:16 in Sunwar 16 इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
Titus 2:13 in Sunwar 13 मोदेंशो दुम्शा, मान ताइब परमप्रभु यावे नु इं कली पाप रे प्रोंइब येसु ख्रीस्त आ छेङछेङ ग्रूब, दे गो आस पशा रिम्नय। १कोरिन्थी १:७; फिलिप्पी ३:२०; १थिस्सलोनिकी १:१०
Hebrews 1:8 in Sunwar 8 तन्न आ तौ आ पर्बम “इन राज्य पचा गेना हना यो लीब। इन राज्य ङा राज दन्ड ठीक निसाफ पतीके राज दन्ड बाक्ब।
Hebrews 2:13 in Sunwar 13 मिनु लेंशा “गो मेको कली थमा सुइक्नुङ” दे ब्रेक्शो बाक्त। मिनु चिनु लेंशा “नेनीन, परमप्रभु यावेमी आं कली गेशो तमी तौ, गो नेल्ल काथा बाक्नीकी” देंत। यसैया ८:१६-१७
Hebrews 7:2 in Sunwar 2 मिनु अब्राहाममी मेको कली आ ग्राशा चाक्शो थोव़क १० भागमी भाग का गेवा बाक्त। मेको आ नें मार रुम्सीब देंशा हना, ठीक निसाफ पाइब पिप नु सालेम ङा पिप, दे रुम्सीब। सालेम देंशो चहिं थुं नाइश्शा बाक्तीके बाक्ब।
Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
1 John 4:10 in Sunwar 10 मिनु परमप्रभु यावे आ दाक्चा मार बाक्ब देंशा हना, गोपुकी ङोंइती परमप्रभु यावे कली काइ मदाक्ताक्य हना यो, परमप्रभु यावेमी इं कली दाक्ताक्व। गिश दाक्ताक्व देंशा हना, आंम तौ कली साइक्चा पुंइसीब पपाइक्चा कली रागीमी सोइक्ताक्व। इं कली मरिम्शो गेय नु सैतान आ राज्य रे प्रोंइचा, दे साइक्चा पुंइसीचा कली रागीमी सोइक्ताक्व।
1 John 5:20 in Sunwar 20 मिनु परमप्रभु यावे आ तौमी इं कली रुप्तीक थुं गेप्तु, दे तुइक्नय। मेको रुप्तीक थुंमी थमा पतीके कली तुइक्नय। गोपुकी मेको थमा पाइब नु थुं का ङा बाक्नय। मोपा आ तौ येसु ख्रीस्त नु यो थुं का ङा बाक्नय। मेको थमा परमप्रभु यावे नु गेना हना यो ब्रोंइशा बाक्तीक बाक्ब। यूहन्ना १७:३
Revelation 19:16 in Sunwar 16 मिनु मेको ङोंइती ङा शारा ङोइक्ब आ वा नु आ फिलामी नें का ब्रेक्शो बाक्त। मार नें ब्रेक्शो बाक्त देंशा हना, पिप आन पिप नु प्रभु आन प्रभु, दे ब्रेक्शो बाक्त। प्रकाश १:५; १तिमोथी ६:१५