Isaiah 9:3 in Sunwar 3 परमप्रभु, गे रागी रागी ङा मुर आन कली सोशा बोशा दुम्पाइक्तीनी। मेको आन कली थाम्पान ग्येरपाइक्तीनी। मेको आन कली इन ङोंइती बाली नाली ओंइची ना खोदेंशो पा ग्येरपाइक्तीनी। लडाइ ग्राशा, आन रोइश्शो मार मार योक्सीची ना खोदेंशो पा ग्येरपाइक्तीनी।
Other Translations King James Version (KJV) Thou hast multiplied the nation, and not increased the joy: they joy before thee according to the joy in harvest, and as men rejoice when they divide the spoil.
American Standard Version (ASV) Thou hast multiplied the nation, thou hast increased their joy: they joy before thee according to the joy in harvest, as men rejoice when they divide the spoil.
Bible in Basic English (BBE) You have made them very glad, increasing their joy. They are glad before you as men are glad in the time of getting in the grain, or when they make division of the goods taken in war.
Darby English Bible (DBY) Thou hast multiplied the nation, hast increased its joy: they joy before thee like to the joy in harvest; as [men] rejoice when they divide the spoil.
World English Bible (WEB) You have multiplied the nation, you have increased their joy: they joy before you according to the joy in harvest, as men rejoice when they divide the spoil.
Young's Literal Translation (YLT) Thou hast multiplied the nation, Thou hast made great its joy, They have joyed before Thee as the joy in harvest, As `men' rejoice in their apportioning spoil.
Cross Reference Judges 5:3 in Sunwar 3 पिपपुकी, नेनीन। सासन पाइबपुकी, इन नोफा दाइक्तीन। नेनीन। गो परमप्रभु यावे कली कुम्सो पाइनुङ। गो परमप्रभु यावे, इस्राएली आन परमप्रभु कली ताप्तीक का ताप्शा, कुम्सो का पाइनुङ।
1 Samuel 30:16 in Sunwar 16 मिनु मेकोम लां कोंइना कोंइन मेको आन कली उइ चाक्दीदा बाक्त। मेकेर अमालेकी एर ओंथ ब्रशा जशा तूशा सिल पा, आन रोइश्शो मार मार पुक्शा ग्येरशा बाक्शो बाक्मा बाक्त। मारदे हना मेकोपुकीम पलिस्ती नु यहूदा रे शुश मार मार रोइश्शो बाक्मा बाक्त।
2 Chronicles 20:25 in Sunwar 25 मिनु येहो-शाफात नु आ मुरपुकी मार मार रोइक्थ जाक्मा बाक्त देंशा हना, मार मार वासी, सुन चांदी के शोंप मार मार थोव़क थित्मे आंम कली कुरने मचाप्चा ङा पा रोइक्तमे बाक्त। मिनु मेको आन बस्तु भाव यो लदमे बाक्त। मेकोपुकीम नाक्त सां सम्म मेको रोइश्शो मार मार खुप्तमे बाक्त। मारदे हना मेको थम शुश बाक्माक्त।
Nehemiah 9:23 in Sunwar 23 गे मेको आन तौ सरीङ ङा सोरुल खोदेंशो पा हिक्ने मचाप्चा ङा पा शुश सेल्तीनी। मिनु आन किकी पिपी आन कली ‘गे मेको रागी आंम के सेलीन’ देंशो रागीमी चाक्दीत्तीनी।
Psalm 4:7 in Sunwar 7 मेकोपुकी नु अन्न नु अङगुर रस शुश बाक्त हना यो, गे आं कली मेको आन क्येङा ग्येरपाइक्तीनी।
Psalm 107:38 in Sunwar 38 मेकोपुकी परमप्रभु आ आसीक तशा, सोशा बोशा दुम्नीम। मिनु आन बी ब्यफ आन कली यो शुश दुम्पाइक्ब।
Psalm 119:162 in Sunwar 162 गो शुश शोंप तशा, ग्येरसीचा क्येङा इन लोव़ तशा ग्येरसाक्यी।
Psalm 126:5 in Sunwar 5 मिनु ङाक्ना ङाक्न शोक्बपुकीमी ग्येरसीशा खुप्नीम। मत्ती ५:४
Isaiah 12:1 in Sunwar 1 मेको नाक्ती गेपुकीमी “परमप्रभु यावे, गे रिम्शो पाइब बाक्नीनी। गे आंइ पर्बम गाइक्ताक्नी हना यो, इन गाइक्चा नाइक्साक्व। मुल गे आंइ कली लेम्नीनी।
Isaiah 16:9 in Sunwar 9 मोपतीके गो सिब्मा ङा अङगुर बोट आ पर्बम याजेर खोदेंब पा ङाक्नुङ। गो इस कली आं प्रेक्कुम जिप्पाइक्नुङ। मारदे हना हेश्बोन नु एलेआले, इस अङगुर नु अन्न ओंइची नाक्त मजाक्ब। यसैया १५:४-९
Isaiah 25:9 in Sunwar 9 मिनु मेको नाक्ती मुरपुकीमी “कोव़ङीन, मेको आंइ परमप्रभु बाक्ब। गो मेको आ लां कोव़तक। मिनु मेकोम आंइ कली श्येत रे प्रोंइतु। मेको आंइ रिम्शा बाक्शो परमप्रभु यावे बाक्ब। गोपुकी आ प्रोंइशो तशा ग्येरसाक्क। भजन संग्रह ४८:१५
Isaiah 26:15 in Sunwar 15 तन्न गे रागी ङा मुर आन कली सोपाइश्शा बोपाइश्शा शुश सेल्तीनी। गे मान ताइब बाक्नीनी। गे मेको रागी कली ठेयब सेल्तीनी।
Isaiah 35:2 in Sunwar 2 मिनु मेको थाम्पा बोइश्शा, ग्येरसीशा कुम्सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।
Isaiah 35:10 in Sunwar 10 परमप्रभु यावेमी श्येत रे प्रोंइशो मुर ला लेश्शा जाक्नीम। मिनु सियोनमी कुम्सो पना पन ओव़नीम। मेकोपुकी गेना हना यो ग्येरसीशा बाक्नीम। ग्येरसीना सीन बाक्नीम। आन श्येत जशा, हुकयी पतीके लेश्शा मजाक्ब। यसैया ५१:११; प्रकाश २१:४
Isaiah 49:20 in Sunwar 20 इन ब्राची ना ङा जरमेशो आलपुकीमी इ कली ‘एको रागीम आंइ कली मरिक्त, अर्को बाक्तीक रू गेकी’ देंनीम। यसैया ५४:१
Isaiah 54:1 in Sunwar 1 मिनु परमप्रभु यावेमी “गे आल मथीब मीश मुर, कुम्सो पावो। आल थितीक रोइ गेनायो मपशो मीश मुर, कुम्सो पा ग्येरसो। मारदे हना ग्युंबे पशो मीश मुर आ आल क्येङा, आ का ला बाक्ब मीश मुर आ आल शुश दुम्नीम। यसैया ४९:२०; गलाती ४:२७
Isaiah 55:12 in Sunwar 12 मिनु गेपुकी ग्येरसीशा लाइनीनी। रिम्शो पा लेत्नीनी। इन ङोंइती डांडा नु पहाड कुम्सो पाइनीम। मिनु ब्वाकी ङा रवा नेल्लेमी गुइ फ्रोक्नीम। यसैया ४४:२३
Isaiah 61:7 in Sunwar 7 मारदे हना गे अरु क्येङा निक्शी खेयप मुने दोक्तीनी। मिनु इन कली ग्रांग्रा दित्ताक्म। मोपतीके गे इन रागीमी निक्शी खेयप रू ताइनीनी। मिनु गेना हना यो ग्येरसीतीके गे नु बाक्ब।
Isaiah 61:10 in Sunwar 10 गो परमप्रभु यावे कली मिम्शा, ग्येरसीनुङ। आं थुं नेल्लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्पाइश्शा, ठीक पतीकेमी सुम्ती। दोदेंशो पा ग्युम्लेम माहुर चुइक्सीबा नु ग्युम्लीम ग्योम्सीबा, मोदेंशो पा परमप्रभु यावेमी आं कली ग्योम्ताक्यी। मत्ती २२:११-१२
Isaiah 65:18 in Sunwar 18 गेपुकी आं सेल्शोमी शुश ग्येरसीने। मारदे हना गो यरूसलेम कली कुम्सो पपाइश्शा, आ मुर नेल्ल आन कली ग्येरपाइक्नुङमी। यसैया ६६:२२; यसैया ३५:१०; यसैया २५:८; प्रकाश २१:४
Isaiah 66:10 in Sunwar 10 मिनु गे यरूसलेम कली दाक्ब नेल्लेमी मेको नु ग्येरसीन। गे मेको आ पर्बम रोंका पाइब नेल्ल ग्येरसीन।
Jeremiah 31:7 in Sunwar 7 परमप्रभु यावेमी “याकूब आ पर्बम ग्येरशा ठेयब सेंदा पा कुम्सो पने। मिनु रागी रागी ङा नेल्ल क्येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्येत रे प्रोंइतु। इस्राएल ङा लीशो आन कली प्रोंइतु।
Jeremiah 31:12 in Sunwar 12 मेकोपुकी जाक्शा इर सियोनम ठेयब सेंदा पा कुम्सो पाइनीम। मेकोपुकीम परमप्रभु यावे आ रिम्शो पशो आ पर्बम ग्येरनीम। अन्न, अङगुर शांबु नु तेल तशा, क्यारश भेडा आन पाठा नु बी ब्यफ आन कली तशा ग्येरनीम। मेको ब्वाक्कुम जिश्शो फल फुल रू खोदेंशो दुम्नीम। मेकोपुकी लेंशा गेनायो सुर्ता मपाइनीम। येरमीया ५८:१
Hosea 4:7 in Sunwar 7 चढ़ेबपुकी दोशो बारमा, मोशोन आं कली मरिम्शो पाम्तेक्म। मेको आन ठेयब दुम्तीके ताइश्शा, मुने दोक्तीक गेय पाम्तेक्म।
Zechariah 2:11 in Sunwar 11 मेको नाक्त शुश रागी ङा मुरपुकी परमप्रभु यावे नु गारचा कली जाक्नीम। मेको नाक्ती मेको आं मुर दुम्नीम। मिनु गो गे इन दातेमी बाक्नुङ। मिनु गेपुकीमी मुर नेल्ल आन परमप्रभु यावेमी आं कली इन कली लोव़ पथ सोइश्शो बाक्ब, दे तुइक्नीनी” दे परमप्रभु यावेमी देंत। यसैया ११:१०
Zechariah 8:23 in Sunwar 23 मुर नेल्ल आन परमप्रभु यावेमी मार देंत देंशा हना “मेको नाक्ती रागी रागी ङा आन आन लोव़ ब्वाक्ब १० जना मुरपुकीमी यहूदी का आ वा ग्याइश्शा ‘गो गे नु लाइनीकी। मारदे हना परमप्रभु यावे गेपुकी नु बाक्ब देंशो नेंशो बाक्नीक’ देंनीम” दे परमप्रभुमी देंत।
Zechariah 10:8 in Sunwar 8 गो आं मुर आन कली ब्रेश्शा, खुप्नुङ। मारदे हना गो मेको आन कली श्येत रे प्रोंइता। मिनु मेकोपुकी ङोंइती ङा खोदेंशो पा सोशा बोशा, शुश दुम्नीम।
Luke 11:22 in Sunwar 22 तन्न मेको क्येङा यो बोल्यो अर्को का जाक्त हना ला, मेको आ या नेल्ल रोइश्शा, ग्राशा, शोंप नेल्ल आंम के सेल्ब। कलस्सी २:१५; १यूहन्ना ४:४
Acts 8:8 in Sunwar 8 मोपतीके मेको सहरमी सापाइक्चा पुंइसीब मुर नेल्ले ग्येरसीबाक्मा बाक्त।
Philippians 4:4 in Sunwar 4 प्रभु नु बाक्शा गेना हना यो ग्येरसीन। गो लेंशा “ग्येरसीने” देंनुङ। फिलिप्पी ३:१; २कोरिन्थी १३:११; १थिस्सलोनिकी ५:१६
1 Peter 1:8 in Sunwar 8 गे मेको कली मताइतीनी हना यो, दाक्नीनी। मेको कली मुल सम्म मतथु यो, थमा सुइक्तीनी। गे गिश ग्येरना ग्येरन बाक्शो बाक्नीनी, देंने मचाप्नीनी। यूहन्ना २०:२९; २कोरिन्थी ५:७