Isaiah 53:10 in Sunwar 10 परमप्रभु यावेमी मेको कली मोदेंशो पा तुप्शा, श्येत गेचा दाक्ताक्व। मेकोमी आ रां पाप क्याम्चा कली चढ़ेप्तु। मो हना यो मेको कली आ आल खोदेंशो शुश थमा सुइक्ब आन कली ताइब। मिनु शुश नाक्त सम्म ब्रोंइब। मेको आ पतीके नेल्ल परमप्रभु यावे आ दाक्शो गेय दुम्ब। लेवी ५:१५; मत्ती २०:२८; भजन संग्रह २०:३१
Other Translations King James Version (KJV) Yet it pleased the LORD to bruise him; he hath put him to grief: when thou shalt make his soul an offering for sin, he shall see his seed, he shall prolong his days, and the pleasure of the LORD shall prosper in his hand.
American Standard Version (ASV) Yet it pleased Jehovah to bruise him; he hath put him to grief: when thou shalt make his soul an offering for sin, he shall see `his' seed, he shall prolong his days, and the pleasure of Jehovah shall prosper in his hand.
Bible in Basic English (BBE) And the Lord was pleased ... see a seed, long life, ... will do well in his hand. ...
Darby English Bible (DBY) Yet it pleased Jehovah to bruise him; he hath subjected [him] to suffering. When thou shalt make his soul an offering for sin, he shall see a seed, he shall prolong [his] days, and the pleasure of Jehovah shall prosper in his hand.
World English Bible (WEB) Yet it pleased Yahweh to bruise him; he has put him to grief: when you shall make his soul an offering for sin, he shall see [his] seed, he shall prolong his days, and the pleasure of Yahweh shall prosper in his hand.
Young's Literal Translation (YLT) And Jehovah hath delighted to bruise him, He hath made him sick, If his soul doth make an offering for guilt, He seeth seed -- he prolongeth days, And the pleasure of Jehovah in his hand doth prosper.
Cross Reference Psalm 16:9 in Sunwar 9 मोपतीके आं थुं ग्येरसीब। गो आं थुंमी कुम्सो पाइनुङ। गो महिंथु बाक्ने चाप्नुङ।
Psalm 21:4 in Sunwar 4 मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्चा गेतीनी। भजन संग्रह ६१:७
Psalm 22:30 in Sunwar 30 मिनु मेको आन चच युइपुकीमी मेको कली सेवा पाइनीम। मिनु आन नोले ङा पाला ङा मुर परमप्रभु यावे आ पर्बम शेंचा पुंइसीनीम।
Psalm 45:16 in Sunwar 16 मिनु इन आफ आ पा ङा इन तौपुकी दुम्नीम। गे मेको आन कली रागी ङा सासन पाइब सेल्नीनी।
Psalm 69:26 in Sunwar 26 मारदे हना इन तुप्शो मुर कली खेदा पाइनीम। मेकोपुकीमी इन खाइक्पाइश्शो मुर आन कली लडाइ तोइनीम।
Psalm 72:7 in Sunwar 7 मेको आ पालामी मुर आन दातेमी ठीक पतीके ठेयब दुम्ल। मिनु तास्ला लीम सम्म मुर आन थुं नाइक्तीक दुम्ल।
Psalm 72:17 in Sunwar 17 मेको आ नें गेना हना यो लील। नां बाक्म सम्म आ नें ठेयब बाक्ल। रागी रागी ङा मुर नेल्लेम मेको रे पा आसीक तामेक्ल। मिनु मेकोपुकीमी मेको आ पर्बम “ग्येरसीशो मुर बाक्ब” देंमल। उत्पत्ती १२:३; उत्पत्ती २२:१८
Psalm 85:10 in Sunwar 10 गेना हना यो दाक्तीक नु थमा पा दाक्शा मप्रोंइतीक गारनीस। ठीक पतीक नु थुं नाइक्तीक पुक्पु पमुइनीस।
Psalm 89:29 in Sunwar 29 गो मेको आ चच युइ आन कली गेनायो मग्याम्चा ङा पा वोइक्नुङ। मिनु मेको आ सासन पतीके सरीङ लीम सम्म बाक्ब।
Psalm 89:36 in Sunwar 36 मेको आ चच युइ गेना हना यो लीनीम। मिनु मेको आ सासन पतीके आं ङोंइती नां बाक्म सम्म बाक्ब। भजन संग्रह ७२:१७
Psalm 110:3 in Sunwar 3 गे लडाइ पनी नाक्ती इन मुर आन थुंम ग्येरशा इन नोले खोइक्नीम। सुनी ङा सीत खोदेंशो पा इन रागी ङा ठिटापुकी खुम्सीशा इन नेक्था जाक्नीम।
Psalm 147:11 in Sunwar 11 तन्न परमप्रभु यावेमी आ कली मान पा हिंब नु आ गेना हना यो दाक्तीके कली रिम्ब आन कली दाक्ब।
Psalm 149:4 in Sunwar 4 मारदे हना परमप्रभु यावे आ मुर आन पर्बम ग्येरसीशो बाक्ब। आइक्च मुर आन कली ग्रातीकेमी ग्योम्ब।
Isaiah 9:7 in Sunwar 7 मेको आ अधिकार गेना हना यो बारब। दाऊद आ राज्य कली गेना हना यो थुं नाइक्तीके दुम्ब। मेको आ राज्य गेना हना यो ठीक निसाफ नु ठीक पतीकेमी बाक्ब। मेको मुर नेल्ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४
Isaiah 42:1 in Sunwar 1 परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्येरसीब। गो मेको कली आं सोक्तीम प्रिंताक्ङ। मेकोमी रागी रागी ङा मुर आन कली ठीक निसाफ पाइब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७
Isaiah 46:10 in Sunwar 10 गो साइ ङोंइती रे नोले सम्म मार दुम्मे, नेल्ल शेंनुङ। ङोंइती रे मुल सम्म मदुम्शो यो देंनुङ। मिनु गो आं मिम्शो मफाइक्थु, नेल्ल पाइनुङ। आ मिम्शो नेल्ल खाप्नुङ।
Isaiah 53:3 in Sunwar 3 मिनु अरुमी मेको कली ग्रांग्रा दिशा प्रोंइतेक्म। मेको श्येत जाइब नु रोइ पाइक्ब बाक्त। मेको कली तशा, मुरुम आन कुल ख्रुइक्ताक्म। मेको ग्रांग्रा दित्चा पुंइसेनु, सुइम महिक्गेम। भजन संग्रह २२:७-८; मर्कूस ९:१२
Isaiah 53:12 in Sunwar 12 मोपतीके गो मेको कली ठेयब नु सक्ति पाइश्शो नु वोइक्नुङ। मेकोमी बोल्यो मुर नु मार मार योक्सीब। मारदे हना मेको साइक्ब नु मरिम्शो मुरपुकी नु हिक्सीचा पुंइसाक्व। शुश पापी आन पाप कुरतु। मिनु हेंथे गाक्ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४
Isaiah 55:11 in Sunwar 11 आ लोव़ यो मोदेंशो बाक्ब। मेको श्येत्थ मलेप्ब। गो मेको कली मार पथ सोइक्तु, मेको पाइब। आं दाक्शो थमा पा पाइब। आं मिम्शो पाइब। मत्ती १३:८
Isaiah 62:3 in Sunwar 3 गे परमप्रभु यावे आ गुइमी दारशो सिरपेच का दुम्नेवे। मिनु इ परमप्रभु आ गुइमी गे पिपीम आन सुन फू खोदेंशो दुम्नेवे। २तिमोथी ४:८
Jeremiah 32:41 in Sunwar 41 गो मेको आन कली रिम्शो पना पन ग्येरसीनुङ। मिनु थमा पा गो आं थुं नु आं सोक्त नेल्लेम मेको आन कली एको रागीम वोइक्नुङमी” देंत। ब्यवस्था २८:६३; आमोस ९:१५
Ezekiel 33:11 in Sunwar 11 मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्शो खोदेंशो पा आं अरेशो लोव़ मटीब मुर बेक्मानु मग्येरसीनुङ। तन्न मेकोपुकीम आं अरेशो लोव़ टिशा ब्रोंइमल। गे इन मरिम्शो लां रे लेतीन। ए इस्राएल आ खिं ङा मुरपुकी, गे मारदे बेक्चा दाक्नीनी? ब्यवस्था ३२:४०; यसैया ५५:७; योएल २:१२-१३
Ezekiel 37:25 in Sunwar 25 मिनु मेकोपुकी आं गेय पाइब याकूब कली गेशो रागीम बाक्नीम। मेकेर आन किकी पिपी बाक्शो बाक्तेक्म। मिनु मेकेर मेको आन आल, चच युइ गेना हना यो बाक्नीम। मिनु आं गेय पाइब दाऊद गेना हना यो मेको आन कली सासन पाइब दुम्ब। लूका १:३२-३३
Daniel 7:13 in Sunwar 13 मिनु नोले गो नाक्दो ङा कोंइतीकेमी मुर खोदेंशो का ताता। मेको गोस्सुम गिल्सीशा पिना पिन पशो ताता। मिनु मेको कली शुश बर्स दुम्शो का आ ङोंइती राप्पाइश्शो ताता। लूका २१:२७; प्रकाश १:१३; प्रकाश १४:१४
Daniel 9:24 in Sunwar 24 इ मुर नु परमप्रभु आ सहर ७० हप्ता सम्म श्येत जचा माल्नीम। मिनु मे नोले मरिम्शो नु पाप पतीके नुप्ब। मेना अरेशो मटितीके क्याम्तीके गेय पशो बाक्ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्शा नोले परमप्रभु आ बाक्तीक लेंशा सेल्शा तेल ख्रेक्नीम।
Micah 7:18 in Sunwar 18 इन खोदेंशो परमप्रभु अर्को सु बाक्बा ङा? गे ठीक मपशो क्याम्ब बाक्नीनी। इन लीशो मुर आन मरिम्शो पतीके माफ गेनीनी। गे गेना हना यो गाइक्स ङा गाइक्स मबाक्नीनी। तन्न शिशी पचा कली ग्येरशा बाक्नीनी। भजन संग्रह १०३:३,८-१३
Zephaniah 3:17 in Sunwar 17 परमप्रभु यावे, इन परमप्रभु इन दातेमी बाक्ब। मेको बोल्यो बाक्शा, श्येत रे प्रोंइब बाक्ब। मेको इन कली तशा, शुश ग्येरशो बाक्ब। मेकोमी आ दाक्तीकेमी इन कली नक मुर सेल्ब। मेकोमी इन कली तशा ग्येरशा कुम्सो पाइब। यसैया ६२:५
Zechariah 13:7 in Sunwar 7 मिनु मुर नेल्ल आन परमप्रभु यावेमी मार देंत देंशा हना ‘तरवार, आं गोठला आ पर्बम बोक्को। नेल्ल क्येङा आं नेक्था ङा मुर आन पर्बम बोक्को। गोठला कली तुपो। मिनु भेडापुकी ब्रमल। मिनु गो आं गुइ आइक्च गोठला आन पर्बम क्युक्नुङ। मत्ती २६:३१
Matthew 3:17 in Sunwar 17 मिनु सरीङ रे “एको आं दाक्शो तौ बाक्ब। एको कली तशा थाम्पा ग्येरसीनुङ” देंशो सेंदा ग्रूमाक्त। मत्ती १७:५; यसैया ४२:१
Matthew 17:5 in Sunwar 5 मोदेंशो लोव़ पना पन बाक्मेनु, जिलील पा बुश तांइसीशो गोस्सुमी नेल्ल आन कली गिल्मी बाक्त। मिनु गोस्स आगा रे “एको आं दाक्शो तौ बाक्ब। एको कली तशा ग्येरसाक्यी। आ लोव़ नेनीने” देंशो सेंदा नेन्मे बाक्त। मत्ती १:१७
Luke 1:33 in Sunwar 33 मिनु मेको याकूब आ खिं ङा मुर, यहूदी आन पिप दुम्शा, हुकुम पाइब। मिनु आ राज्य गेनायो मनुप्ब” देंमाक्त।
Luke 15:5 in Sunwar 5 मिनु मेको जाम्शो भेडा का कली थिश्शा, ग्येरसीशा, बलाम लाप्शा, आ खिं चाक्ब।
Luke 15:23 in Sunwar 23 मिनु दोम्शो बाछा क्योरशा, क्येशा जचा तूचा सेल्शा, नेल्ल ग्येरसय।
John 6:37 in Sunwar 37 मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्नुङमी। मत्ती ११:२८
John 12:24 in Sunwar 24 नोफा दाइश्शा नेनीन, चेरब गेडा खपीमी शोक्शा मराक्त हना, मेको मोशा लीब। तन्न शोक्शा राक्त हना, शुश ग्रेल्ब। रोमी १४:९; १कोरिन्थी १५:३६
Acts 2:24 in Sunwar 24 गेपुकीमी साइक्पाइक्तीनी हना यो, परमप्रभुमी येसु कली बेक्शो रे सेंताक्व। मारदे हना आ गेना हना यो ब्रोंइशा बाक्ब परमप्रभु बाक्ब।
Romans 6:9 in Sunwar 9 मारदे हना येसु यो बेक्शो रे सेंसीशा, मुल गेनायो मबेक्चा ङा पा ब्रोंइत। मुल मेको गेनायो मबेक्ब।
Romans 8:8 in Sunwar 8 रागी ङा मुर आन थुंमी मिम्बपुकीमी परमप्रभु यावे कली ग्येरपाइक्ने मचाप्नीम।
Romans 8:32 in Sunwar 32 परमप्रभु यावेमी इं कली दाक्शा, आ दाक्शो तौ कली इं पाप क्याम्चा कली बेक्चा गेप्तु। मोपा आ दाक्शो तौ लाइ गेवानु, इं कली मार मार माल्या, मेको मगेबा ङा? गेब।
2 Corinthians 5:21 in Sunwar 21 परमप्रभु यावेमी काइ पाप मतुइश्शो ख्रीस्त कली पापी सेल्तु। मिनु गो ख्रीस्त आगाम बाक्शा, परमप्रभु यावे आ ङोंइती ठीक दुम्नीकी। यूहन्ना ८:४६; यसैया ५३:४-६; गलाती ३:१२; रोमी १:१७; १कोरिन्थी १:३०
Galatians 3:13 in Sunwar 13 ख्रीस्तमी सुइमी मेको लोव़ टिने मचाप्नीम, दे तुइश्शा, इं पा ङा सराप रशा, मेको सराप रे प्रोंइतु। मिनु “शीम क्याइश्शा साइक्चा पुंइसीबपुकी सराप रशो बाक्नीम” दे ब्रेक्शो बाक्ब। ब्यवस्था २१:२३; २कोरिन्थी ५:२१
Ephesians 1:5 in Sunwar 5 मिनु परमप्रभु यावेमी इं कली दाक्शा “येसु ख्रीस्त कली थमा सुइक्ब दुम्नीम” दे आंम आ तमी तौ सेल्तु। मेकोन परमप्रभु यावे आ दाक्शो बाक्त।
Ephesians 1:9 in Sunwar 9 परमप्रभु यावेमी इं कली ङोंइती ख्रीस्त रे आ थुंमी ख्रुइश्शा वोइश्शो लोव़ तुइक्पाइक्चा दाक्ताक्व।
Ephesians 5:2 in Sunwar 2 मिनु येसु ख्रीस्तमी इं कली दाक्शो खोदेंशो पा दाक्मुने। मेकोमी दोपा दाक्ताक्व देंशा हना, आंम कली ममिम्थु, ब्रोव़शो रिना पाइश्शो धूप नु क्योरशा चढ़ेशो खोदेंशो पा, इं पाप क्याम्चा कली बेक्शा, परमप्रभु यावे कली जिम्मा गेंसाक्व।
2 Thessalonians 1:11 in Sunwar 11 मोपतीके गो इन पर्बम प्रार्थना पना पन बाक्नीकी। परमप्रभु यावेमी इन कली ब्रेश्शा, आ ब्रेश्शो शिरशो सेलल, दे गोपुकीमी गेना हना यो, पुंइना पुंइन बाक्नीकी। इन रिम्शो पतीके नु इन थमा सुइश्शो ङा गेय आ सक्तिमी पपदल।
Hebrews 2:13 in Sunwar 13 मिनु लेंशा “गो मेको कली थमा सुइक्नुङ” दे ब्रेक्शो बाक्त। मिनु चिनु लेंशा “नेनीन, परमप्रभु यावेमी आं कली गेशो तमी तौ, गो नेल्ल काथा बाक्नीकी” देंत। यसैया ८:१६-१७
Hebrews 7:27 in Sunwar 27 अरु चढ़ेबपुकीमी नाक्त किंत किंत ङोंइती आन पशो पाप, नोले मुर आन पशो पाप क्याम्चा कली चढ़ेशो खोदेंशो पा आं पचा ममाल्द। कालेमीन आ रां चढ़ेशा, मुर नेल्ल आन पाप क्याम्ने थुम्तु। लेवी ९:७; लेवी १६:६,१५
Hebrews 9:14 in Sunwar 14 ख्रीस्त आ हुशेमी मेको क्येङा इं पशो जाम्शा लतीक गेय रे चोव़खो सेल्ने चाप्ब। गेपुकी ब्रोंइशा बाक्ब परमप्रभु यावे आ गेय पचा कली ख्रीस्त गेना हना यो बाक्शो सोक्तीम पतीके मारेइ मरिम्शो मपथु, परमप्रभु यावे आ ङोंइती आंम कली चढ़ेवा बाक्त। १पत्रुस १:१८-१९; १यूहन्ना १:७; प्रकाश १:५; हिब्रू १:३
Hebrews 9:25 in Sunwar 25 ख्रीस्तमी आंम कली शुश खेयप चढ़ेचा ममाल्द। नेल्ल क्येङा ठेयब चढ़ेब चहिं बर्स बर्सम आंम हुश ममाइ, मार मार आन हुश कुरशा मेको नेल्ल क्येङा चोव़खो कोठा ओव़चा माल्दा बाक्त।
Hebrews 10:6 in Sunwar 6 गे चोशा चढ़ेतीके नु पाप आ पर्बम चढ़ेतीके मदाक्तीनी।
Hebrews 13:10 in Sunwar 10 गुइमी सेल्शो ताम्बुम गेय पाइबपुकीमी येसु आ भोज जचा मताइनीम।
1 Peter 2:24 in Sunwar 24 मेको इं पाप क्याम्चा कली शीमी क्येप्शा कांटी थोक्शा साइक्चा पुंइसाक्व। इं पाप पतीक थुं साइक्चा नु इं ठीक पतीक थुं प्रोंइचा, दे साइक्चा पुंइसाक्व। मोपा मेको आ कांटी थोक्शो गारपुकीमी गे साशा ठीक दुम्तीनी। १यूहन्ना ३:५; गलाती ३:१३; रोमी ६:८,११
1 John 4:9 in Sunwar 9 परमप्रभु यावेमी दोपा आ दाक्चा कोंइताक्व देंशा हना, आ का ला तौ रागीमी सोइक्ताक्व। मिनु आ तौ साइक्चा पुंइसीतीके इं कली गेना हना यो ब्रोंइशा बाक्चा गेप्तु। यूहन्ना ३:१६
Revelation 1:18 in Sunwar 18 ब्रोंइशा बाक्ब नङ। गो बेक्शा यो, लेंशा मबेक्चा ङा पा ब्रोंइती। मिनु नरक नु बेक्शा लशो मुर आन बाक्तीक ङा रोक्तीक सांचो गो नु बाक्ब।