Isaiah 44:3 in Sunwar 3 मारदे हना गो सोव़शो रागी तारी ब्वाक्कु लुक्नुङ। सोव़शो खपीम खोला शाइक्पाइक्नुङ। गो इ चच युइ आन तारी आं सोक्त मोइक्नुङ। इ आल आन कली आसीक गेनुङ’। यसैया ३२:१५; योएल ३:१
Other Translations King James Version (KJV) For I will pour water upon him that is thirsty, and floods upon the dry ground: I will pour my spirit upon thy seed, and my blessing upon thine offspring:
American Standard Version (ASV) For I will pour water upon him that is thirsty, and streams upon the dry ground; I will pour my Spirit upon thy seed, and my blessing upon thine offspring:
Bible in Basic English (BBE) For I will send water on the land needing it, and streams on the dry earth: I will let my spirit come down on your seed, and my blessing on your offspring.
Darby English Bible (DBY) For I will pour water upon him that is thirsty, and floods upon the dry ground; I will pour my Spirit upon thy seed, and my blessing upon thine offspring.
World English Bible (WEB) For I will pour water on him who is thirsty, and streams on the dry ground; I will pour my Spirit on your seed, and my blessing on your offspring:
Young's Literal Translation (YLT) For I pour waters on a thirsty one, And floods on a dry land, I pour My Spirit on thy seed, And My blessing on thine offspring.
Cross Reference Psalm 63:1 in Sunwar 1 यहूदा आ गोरशो रागीम बाक्शो ना ङा दाऊद आ कुम्सो। १सामुएल २२:५ परमप्रभु, गे आं परमप्रभु बाक्नीनी। गो इन कली थमा पा माल्नुङ। गो ब्वाक्कु तूतू दाक्शो खोदेंशो पा आं थुंमी इन कली माल्नुङ। गो ब्वाक्कु मबाक्शो रागीम ब्वाक्कु माल्शो खोदेंशो पा इन कली माल्स ङा माल्स बाक्नुङ। भजन संग्रह ४२:३
Psalm 78:15 in Sunwar 15 मेकोमी गोरशो रागीमी सेरथे फुल्लु कली प्रोल्शा ब्वाक्कु बुक्पाइक्तु। मिनु शुश ब्वाक्कु तूचा गेम्तीमी। प्रस्थान १७:६; गन्ती २०:७-११; ब्यवस्था ३२:१८
Psalm 107:35 in Sunwar 35 मेकोमी गोरशो रागी कली दोम्ली बाक्शो रागी सेल्ब। मिनु थाम्पा सोव़शो रागीम शुश ब्वाक्कु बुक्पाइक्ब।
Proverbs 1:23 in Sunwar 23 गे आं हुइश्शो लोव़ नेनीन। आं मिम्शो इन कली देंनुङ। आं लोव़ इन कली तुइक्पाइक्नुङ।
Isaiah 32:2 in Sunwar 2 मिनु मेको मुर नेल्ल फश रे ख्रुंइसीतीके, रेउ यिमेनु फाम्सीतीके, सोव़शो रागीमी ब्वाक्कु यितीके नु थम होश रागीमी ठेयब सेरथे फुल्लु आ वांकु खोदेंशो बाक्नीम।
Isaiah 32:15 in Sunwar 15 मिनु नोले परमप्रभु यावेमी आ सोक्ती इं तार मोइक्ब। मेना मुर मबाक्तीके गोरशो रागी ग्रेल्शो रू दुम्ब। मिनु मेको ग्रेल्शो रू ब्वाकी खोदेंशो दुम्ब। यसैया ४४:३; यसैया २९:१७
Isaiah 35:6 in Sunwar 6 खोइल मदुक्ब मुर किश्श खोदेंशो पा प्रेक्नीम। मब्वाक्बपुकीम ग्येरसीशा कुम्सो पाइनीम। मारदे हना मुर मबाक्तीकेम ब्वाक्कु बुक्नीम। गोरशो रागीमी खोला यीनीम।
Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Isaiah 43:19 in Sunwar 19 गो नक गेय का पचा चिक्शो बाक्नुङ। मुल मेको दुम्चशो बाक्ब। गे मेको मतुइक्नीनी? गो मुर मबाक्तीकेम लां का सेल्नुङ। यसैया ४१:१८
Isaiah 48:21 in Sunwar 21 मेकोमी मेको आन कली गोरशो रागीम लदानु, मेकोपुकी ब्वाक्कु तूतू मदाक्म। मारदे हना मेकोमी सेरथे फुल्लु रे ब्वाक्कु बुक्पाइक्तु। सेरथे फुल्लु प्रोलानु, शुश ब्वाक्कु ग्रूत।
Isaiah 49:10 in Sunwar 10 शोव़लु मबेक्नीम, तूतू मदाक्नीम। नां नु होश फश नु नांमी मेको आन कली मनाप्ब। मारदे हना मेको आन कली शिशी पाइबमी मेको आन कली खुल्ब। प्रकाश ७:१६
Isaiah 59:21 in Sunwar 21 “गो नु पशो कबल मार बाक्त देंशा हना, आं सोक्त इन तार बाक्ब। गो आं लोव़ इन शोव़म कुर पाता। मेकेर गेना हना यो बाक्शा इन आलपुकीम मेको लोव़ पना पन बाक्नीमी। मेको लोव़ गेना हना यो इन चच युइम यो पना पन बाक्नीम” दे परमप्रभु यावेमी देंत। येरमीया १:९
Isaiah 61:9 in Sunwar 9 मिनु रागी रागी ङा मुरुम मेको आन चच युइ आन कली तुइक्नीम। मिनु जात जात ङा मुरुम मेको आन आल आन कली तुइक्नीम। मेको आन कली ताइब नेल्लेमी ‘मेरे परमप्रभु यावे रे पा आसीक तशो मुर बाक्नीम’ देंनीम।
Isaiah 65:23 in Sunwar 23 मेकोपुकीमी मोशा गेय मपाइनीम। श्येत जपाइक्चा कली आल मथीनीम। मारदे हना मेकोपुकी परमप्रभु यावे आ आसीक ताइब आन आल बाक्नीम। मिनु आन आल मेको नु बाक्नीम।
Ezekiel 34:26 in Sunwar 26 गो मेको आन कली नु आं डांडा आ एर ओंथ नेल्ल ङा रागी कली अरु आन कली आसीक गेब सेल्नुङमी। गो रेउ यिची ना मेको आन कली रेउ यिपाइक्नुङ। मेको रेउ आसीक खोदेंशो पा यीब। लेवी २६:४
Ezekiel 39:29 in Sunwar 29 मुल रे गो आं कुल मेको आन ङोंइती रे गेनायो मख्रुइक्नुङ। मारदे हना गो आं सोक्त इस्राएल आ खिं ङा मुर आन तार मोइक्नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१
Joel 2:28 in Sunwar 28 मिनु नोले गो आं सोक्त मुर नेल्ल आन तार मोइक्नुङ। मिनु इन तमी तौपुकीमी आं लोव़ पाइनीम। इन खाल्पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्ती ११:२९; यसैया ४४:३; इजीकीएल ३९:२९; तीतस ३:५-६
Joel 3:18 in Sunwar 18 मेको नाक्ती डांडाम शुश अङगुर सित्नीम। मिनु पहाडम दूध शुश बाक्ब। यहूदा ङा खोला नेल्लेमी ब्वाक्कु शाइक्नीम। मिनु परमप्रभु यावे आ खिं रे पा ब्वाक्कु बुक्तीके शित्तीम ङा दिंम जिप्पाइक्ब। आमोस ९:१३; इजीकीएल ४७:१
Zechariah 12:10 in Sunwar 10 मिनु परमप्रभुमी “गो दाऊद आ खिं ङा मुर नु यरूसलेममी बाक्ब मुर आन तारी शिशी पतीक नु पुंइतीक लोव़ पतीके सोक्त मोइक्नुङ। मो दुम्मेनु, आ साइश्शो आन कली तशा, मेको आन पर्बम आन का ला तौ आन पर्बम रोंका पशो खोदेंशो पा, रोंका पाइनीम। मेको आन पर्बम, आन ङोंइती जरमेशो तौ आन पर्बम खोदेंशो पा ङाक्नीम। योएल ३:१; यूहन्ना १९:३७; प्रकाश १:७
Matthew 12:43 in Sunwar 43 मुर रे वोल कली ग्रुंइशा खेरमेनु, ग्रांग्रा दिचा ङा वोल ग्रूशा लशा, ब्वाक्कु मबाक्तीकेमी नाइक्तीके माल्थ गाक्ब। माल्शा यो नाइक्तीके मथीब।
John 7:37 in Sunwar 37 मिनु बाली ओंइतीक चाड नुप्ची नाक्त नेल्ल क्येङा ठेयब नाक्ती बाक्त। मेना येसुमी मुर आन कली “सु सुमी तूतू दाक्नीमी, मेको आं गे पिशा तूङमेक्ल। लेवी २३:३६; यूहन्ना ४:१०; यसैया ५५:१; प्रकाश २२:१७
Acts 2:17 in Sunwar 17 ‘परमप्रभु यावेमी रागी नुप्ची नाक्त मुर नेल्ल आन कली आं सोक्तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्पापुकीमी ङोमु ताइनीम।
Acts 2:33 in Sunwar 33 मिनु येसु परमप्रभु यावे आ ग्युरा गे बाक्शा, आ आफ रे परमप्रभु यावे आ सोक्त ताक्शा, आंइ तारी मोइक्तु। मिनु मार मार नेंनी, मार मार तनी, मेको नेल्ल परमप्रभु यावे आ सोक्तीम पपाइश्शो बाक्माक्त, दे तुइक्तीने। यूहन्ना १५:२६
Acts 2:39 in Sunwar 39 मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्ब आन कली गेशो बाक्त। मिनु परमप्रभु आंइ परमप्रभु यावेमी सु सु कली ब्रेश्शो बाक्मे, मेको आन कली गेशो बाक्त” दे शेंदीमी बाक्त। योएल ३:५
Acts 10:45 in Sunwar 45 पत्रुस नु काथा जाक्शो ख्रोइक्तीक चिनु ख्रोइश्शो थमा सुइक्ब यहूदीपुकीम अर्को रागी ङा मुर यो परमप्रभु यावे आ सोक्तीम ब्रीशो तशा छक लाक्मा बाक्त।
Titus 3:5 in Sunwar 5 मेकोमी इं कली मरिम्शो गेय रे प्रोंइतु। इं पशो ठीक गेय तशा मप्रोन, तन्न आ शिशीमी इं कली प्रोंइतु। दोपा पाप रे प्रोंइतु देंशा हना, इं कली मरिम्शो गेय रे चिक्शो खोदेंशो पा, आ सोक्त आ पशोमी नक मुर सेल्तु। योएल ३:१; २तिमोथी १:९; यूहन्ना ३:५; एफिसी ५:२६
Revelation 21:6 in Sunwar 6 मिनु मेकोमी लेंशा आं कली “गो आल्फा नु ओमेगा नङ। नेल्ल क्येङा ङोंइती नु नेल्ल क्येङा नोले ङा गो नङ। सु सुमी तूतू दाक्नीमी, मेको आन कली ब्रोंइचा गेब ब्वाक्कु बुक्तीक रे मोशा तूचा गेनुङ। प्रकाश १:८; प्रकाश २२:१३
Revelation 22:17 in Sunwar 17 मिनु परमप्रभु यावे आ सोक्त नु ग्युम्लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्नी, पिने। मिनु ब्रोंइचा गेब ब्वाक्कु मोशा तूङीन। यसैया ५५:१; यूहन्ना ७:३७