Isaiah 44:24 in Sunwar 24 मिनु परमप्रभु यावे, इ कली श्येत रे प्रोंइब, इ कली कोव़जीम सेल्बमी “गो मारेइ मारेइ सेल्ब परमप्रभु यावे नङ। गो आं कामी सरीङ प्राक्ता। रागी वोइक्ता। यसैया ४५:१२
Other Translations King James Version (KJV) Thus saith the LORD, thy redeemer, and he that formed thee from the womb, I am the LORD that maketh all things; that stretcheth forth the heavens alone; that spreadeth abroad the earth by myself;
American Standard Version (ASV) Thus saith Jehovah, thy Redeemer, and he that formed thee from the womb: I am Jehovah, that maketh all things; that stretcheth forth the heavens alone; that spreadeth abroad the earth (who is with me?);
Bible in Basic English (BBE) The Lord, who has taken up your cause, and who gave you life in your mother's body, says, I am the Lord who makes all things; stretching out the heavens by myself, and giving the earth its limits; who was with me?
Darby English Bible (DBY) Thus saith Jehovah, thy Redeemer, and he that formed thee from the womb: I [am] Jehovah, the maker of all things; who alone stretched out the heavens, who did spread forth the earth by myself;
World English Bible (WEB) Thus says Yahweh, your Redeemer, and he who formed you from the womb: I am Yahweh, who makes all things; who stretches forth the heavens alone; who spreads abroad the earth (who is with me?);
Young's Literal Translation (YLT) Thus said Jehovah, thy redeemer, And thy framer from the womb: `I `am' Jehovah, doing all things, Stretching out the heavens by Myself, Spreading out the earth -- who `is' with Me?
Cross Reference Job 9:8 in Sunwar 8 मेको आ कामीन सरीङ प्राक्शो बाक्ब। मेको समुन्द्र आ छाल तार गाक्ब।
Job 26:7 in Sunwar 7 मेकोम श्येत्थ बाक्तीकेमी उत्तर ङा सरीङ प्राक्ब। मिनु रागी कली मारेइ मबाक्तीकेम क्युक्ब।
Job 31:15 in Sunwar 15 आं ममा आ कोव़जम आं कली सेल्बम मेको आन कली यो मसेला ङा? मेकोमीन आंइ कली आंइ ममा आ कोव़जीम मसेला ङा? हितोपदेस १४:३१; मत्ती २५:४०
Psalm 71:6 in Sunwar 6 गो जरमेसीङा रेन इन कली थमा सुइक्ता। गे आं ममा आ कोव़ज रेन आं कली कोव़ब बाक्तीनी। गो इन कली गेना हना यो ठेयब सेल्नुङ।
Psalm 78:35 in Sunwar 35 मिनु मेकोपुकीमी परमप्रभु आन सेरथे फुल्लु नु नेल्ल क्येङा ठेयब परमप्रभु मेको आन कली श्येत रे प्रोंइब बाक्माक्त, दे तुइक्ताक्म।
Psalm 104:2 in Sunwar 2 गे छेङछेङ कली वा फेक्शो खोदेंशो पा फेक्शो बाक्नीनी। मिनु सरीङ कली ताम्बु खोदेंशो पा प्राक्शा कीशो बाक्नीनी।
Psalm 139:13 in Sunwar 13 मिनु गे आं आगा ङा मारेइ मारेइ सेल्तीनी। गे आं कली आं ममा आ कोव़जम सेल्तीनी।
Isaiah 40:22 in Sunwar 22 एको रागी नेल्ल आन तार बाक्ब, मेकोन बाक्ब। रागीम बाक्बपुकी माले खोदेंशो बाक्नीम। मेकोमी सरीङ कली वा खोदेंशो पा प्राक्ब। मिनु मेको मुर आन कली ताम्बु खोदेंशो दुम्ब।
Isaiah 42:5 in Sunwar 5 मेको परमप्रभु, परमप्रभु यावे आ लोव़ बाक्ब। मेकोमी सरीङ कली सेल्शा प्राक्तु। मिनु रागी खप फ्राशा, मेकेर मार मार वापाइक्तु। मेकोमी मेकेर बाक्शो मुर आन कली आ ब्रोंइतीक गेब। मेकेर बाक्ब आन कली यो आ सोक्त गेब। उत्पत्ती १:-
Isaiah 43:1 in Sunwar 1 याकूब, इ कली नु इस्राएल कली सेल्ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्ती। गे आं मुर बाक्नीनी।
Isaiah 43:7 in Sunwar 7 आं नेंम ब्रेत्चा पुंइसीशो मुर नेल्ल चाक्कीन। गो मेको आन कली आं कली ठेयब सेल्चा कली वोइक्तामी। मेको आन कली सेल्ब गो नङ। येरमीया १४:९
Isaiah 43:14 in Sunwar 14 मिनु परमप्रभु यावे, इन कली पाप रे प्रोंइब, इस्राएली आन का ला बाक्शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्चो ङा आग्लो जिक्नुङ। गो कल्दी आन ग्रीतीक कली रोंका पपाइक्नुङ।
Isaiah 44:2 in Sunwar 2 इ कली कोव़जीम सेल्शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्ब।ब्यवस्था ३२:१५
Isaiah 44:6 in Sunwar 6 मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्ल आन परमप्रभु यावेमी “गो नेल्ल क्येङा ङोंइती नु नेल्ल क्येङा नोले ङा नङ। गो आं ङा लाक्शा, अरु परमप्रभु मबाक्नीम। यसैया ४१:४; यसैया ४३:११; प्रकाश १:१७
Isaiah 45:12 in Sunwar 12 गो रागी नु रागीम बाक्ब मुर आन कली सेल्ता। गो आं गुइमी सरीङ प्राक्ता। मिनु मेकेर मार मार बाक्मा, मेको नेल्ल सेल्तामी। यसैया ४४:२४
Isaiah 45:18 in Sunwar 18 मिनु परमप्रभु यावे सरीङ नु रागी सेल्ब बाक्ब। मुर मबाक्तीके मसेल्थु, मुर आन कली बाक्तीक सेल्तु। मेकोमी “गो परमप्रभु यावे नङ। आं ङा लाक्शा अरु सुइ परमप्रभु मबाक्ब।
Isaiah 46:3 in Sunwar 3 “याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्नी रेन इन कली कुरता।
Isaiah 48:13 in Sunwar 13 गो रागी आ जग वोइक्ता। आं ग्युरा गुइमी सरीङ प्राक्ता। मेको आन कली ब्रेत्तुनु नेल्ल ग्रूशा राप्नीम।
Isaiah 48:17 in Sunwar 17 इन कली श्येत रे प्रोंइब इस्राएली आन का ला बाक्शो परमप्रभुमी “गो परमप्रभु यावे, इन परमप्रभु नङ। गो इन कली रिम्शो दुम्चा कली शेंनुङ। मिनु तेको लां लचा माल्नीनी, मेको कोंइनुङ।
Isaiah 49:1 in Sunwar 1 गे समुन्द्र आ नेक्था बाक्बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्येङा ङोंइती रेन ब्रेश्शो बाक्त। गो आं ममा आ कोव़जीम बाक्ङानु, मेकोमी आं कली नें गेती।
Isaiah 49:7 in Sunwar 7 परमप्रभु यावेम, इस्राएली आन श्येत रे प्रोंइब, इस्राएली आन का ला बाक्शो परमप्रभु यावेमी काइ मदाक्शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्नीम। हुकुम पाइबम आ देंशो पाइब परमप्रभु यावे आ ङोंइती बाप्नीम। इ कली योव़ब इस्राएली आन का ला बाक्शो परमप्रभु आ ङोंइती बाप्नीम” देंत।
Isaiah 49:26 in Sunwar 26 इ कली श्येत गेब आन कली आंम आन श्ये ब्वपाइक्नुङ। मेकोपुकी अङगुर शांबुम दुक्शो खोदेंशो पा आंम आन हुशेम दुक्नीम। मिनु मुर नेल्लेमी ‘गो इ कली श्येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्शो परमप्रभु नङ’ दे तुइक्नीम” देंत।
Isaiah 51:13 in Sunwar 13 गे इन कली सेल्ब परमप्रभु यावे कली प्रेंताक्नी। मेकोमी सरीङ प्राक्तु। रागी आ जग वोइक्तु। इन कली श्येत गेब मुर गाइक्तमेनु, गे नाक्त किंत किंत हिंनीनी। मेकोमी इन कली खतम सेल्चा चिक्शो बाक्त। तन्न मुल आ गाइश्शो ते लाक्गा? यसैया ४४:२४
Isaiah 54:5 in Sunwar 5 मारदे हना इ कली सेल्ब इ वोंइश बाक्ब। मेको आ नें मुर नेल्ल आन परमप्रभु यावे बाक्ब। इ कली श्येत रे प्रोंइब इस्राएली आन का ला बाक्शो परमप्रभु बाक्ब। मेको आ नें रागी नेल्ल ङा परमप्रभु बाक्ब।
Isaiah 54:8 in Sunwar 8 गो शुश गाइश्शा, याम का आं कुल इ ङोंइती रे ख्रुइक्ताक्ङ। तन्न आं गेना हना यो दाक्तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२
Isaiah 59:20 in Sunwar 20 मिनु सियोनम का जाक्ब। मिनु मेकेर ङा मुर आन कली पाप रे प्रोंइब। मेकोमी हेंथे पतीके रे लेप्ब याकूब आ खिं ङा मुर आन कली रोमी ११:२६
Isaiah 60:16 in Sunwar 16 गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्येत रे प्रोंइब बाक्नुङ। याकूब आ सक्ति पाइश्शो परमप्रभु इ कली पाप रे प्रोंइब बाक्नुङ, दे तुइक्नेवे। यसैया ४९:२०
Isaiah 63:16 in Sunwar 16 गे आंइ आफ बाक्नीनी। मिनु अब्राहाममी आंइ कली मतुइश्शो बाक्त। इस्राएलम आंइ कली मतव। गे, परमप्रभु यावे, आंइ आफ, आंइ श्येत रे प्रोंइब बाक्नीनी। मेको साइ रे इन नें बाक्ब। ब्यवस्था ३२:६
Jeremiah 50:34 in Sunwar 34 मो हना यो मेको आन कली श्येत रे प्रोंइब सक्ति पाइश्शो बाक्ब। मेको आ नें मुर नेल्ल आन परमप्रभु यावे बाक्ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्शो दुम्पाइक्ने चाप्ब। तन्न बेबीलोनम बाक्ब आन कली चहिं थुं नाइक्चा मगेब” दे परमप्रभु यावेमी देंत।
Jeremiah 51:15 in Sunwar 15 मेकोमी रागी कली आ सक्तिम सेल्तु। मेकोमी आ तुइक्तीकेम रागी कली वोइक्तु। मेकोमी आ रुप्तीकेम सरीङ प्राक्तु। येरमीया १०:१२-१६
John 1:3 in Sunwar 3 परमप्रभु यावेमी मेको कली नेल्ल सेल्पाइश्शो बाक्त। मार मार सेल्शो बाक्मे, मेको नेल्ल आ सेल्शो बाक्त। १कोरिन्थी ८:६; कलस्सी १:१६; हिब्रू १:२
Galatians 1:15 in Sunwar 15 परमप्रभु यावेमी चहिं काबु आं मोदेंशो पचा तेक्ती। मारदे हना आ दाक्शो पा आं जरमेचा ङोंइती रे योव़शा, आ लोव़ शेंब सेल्ने थुम्शो बाक्माक्त। येरमीया १:५; रोमी १:१
Ephesians 3:9 in Sunwar 9 मिनु मारेइ मारेइ सेल्ब परमप्रभु यावेमी रागी सेल्शो रे ख्रुइश्शा वोइश्शो नेल्ल आन कली तपाइक्चा, दे कोंइब सेल्ती। एफिसी १:९-१०; रोमी १६:२५-२६; कलस्सी १:१६
Colossians 1:16 in Sunwar 16 सरीङ नु रागीमी बाक्ब, तांइसीब नु मतांइसीब नेल्ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्ल नु मार मार सेल्शो बाक्मा, मेको नेल्ल येसु ख्रीस्तमी आंम कली सेल्तु। यूहन्ना १:३,१०; हिब्रू १:२
Hebrews 1:2 in Sunwar 2 नोले ङा नाक्ती आ तौ रे पा इं कली लोव़ पाप्तु। आ तौ कली नेल्ल अधिकार गेशो बाक्त। सरीङ नु रागी नेल्ल आ तौ रे पा सेला बाक्त। भजन संग्रह २:८; यूहन्ना १:३; कलस्सी १:१६
Hebrews 1:10 in Sunwar 10 अरु लोव़मी यो “प्रभु, गे नेल्ल क्येङा ङोंइती रागी ङा जग वोइक्तीनी। मिनु सरीङ इन गुइ ङा गेय बाक्ब।
Revelation 5:9 in Sunwar 9 मिनु मेकोपुकीमी पाठा कली नक कुम्सो का पाम्तेक्म। मार नक कुम्सो पाम्तेक्म देंशा हना “मेको कागज ताक्ने नु प्राक्ने चाप्ब, गे का ला ननी। मारदे हना गे मुर आन कली परमप्रभु यावे आ नेक्था बाक्पाइक्चा कली ग्याप्तीनी। दोपा ग्याप्तीनी देंशा हना, साइक्चा पुंइसीशा, इन हुश शाइश्शा ग्याप्तीनी। मिनु गे मार मुर ग्याप्तीनी देंशा हना, नेल्ल थर रे, नेल्ले लोव़ रे, नेल्ल जात रे नु नेल्ल रागी रे मुरपुकी ग्याप्तीनी। भजन संग्रह ३३:३