Isaiah 42:6 in Sunwar 6 मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्ताक्न। गो इ गुइ ग्याइश्शा, इ कली कोव़शा बाक्नुङ। गो मुर आन पा ङा इ कली आं कबल खाप्ब सेल्तन। रागी रागी ङा मुर आन कली छेङछेङ दुम्पाइक्चा कली सोइक्ताक्न। यसैया ४९:६,८
Other Translations King James Version (KJV) I the LORD have called thee in righteousness, and will hold thine hand, and will keep thee, and give thee for a covenant of the people, for a light of the Gentiles;
American Standard Version (ASV) I, Jehovah, have called thee in righteousness, and will hold thy hand, and will keep thee, and give thee for a covenant of the people, for a light of the Gentiles;
Bible in Basic English (BBE) I the Lord have made you the vessel of my purpose, I have taken you by the hand, and kept you safe, and I have given you to be an agreement to the people, and a light to the nations:
Darby English Bible (DBY) I, Jehovah, have called thee in righteousness, and will take hold of thy hand; and I will preserve thee, and give thee for a covenant of the people, for a light of the nations,
World English Bible (WEB) I, Yahweh, have called you in righteousness, and will hold your hand, and will keep you, and give you for a covenant of the people, for a light of the Gentiles;
Young's Literal Translation (YLT) I, Jehovah, did call thee in righteousness, And I lay hold on thy hand, and keep thee, And I give thee for a covenant of a people, And a light of nations.
Cross Reference Psalm 45:6 in Sunwar 6 परमप्रभु, इन ठेयब नित्तीके गेना हना यो लीब। इन ठीक पतीके इन राज दन्ड खोदेंशो बाक्ब। हिब्रू १:८-९हिब्रू १:८,९
Isaiah 26:3 in Sunwar 3 गे ग्येत्थ लुक्च मदुम्ब थुं पाइश्शो मुर आन कली थुं नाइक्चा गेनीनी। मारदे हना मेकोपुकी इन कली थमा सुइक्ब बाक्नीम।
Isaiah 32:1 in Sunwar 1 कोव़ङीन, नोले ठीक पाइब पिप काम सासन पाइब। ठेयब मुर नेल्लेमी ठीक निसाफ पाइनीम। यसैया ३३:१७; येरमीया २३:५
Isaiah 41:13 in Sunwar 13 मिनु गो परमप्रभु यावे, इ परमप्रभुमी इ ग्युरा गुइ ग्याइक्नुङ। मिनु गो इ कली ‘महिनो’ देंशा, वारच पाइनुङ।
Isaiah 42:1 in Sunwar 1 परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्येरसीब। गो मेको कली आं सोक्तीम प्रिंताक्ङ। मेकोमी रागी रागी ङा मुर आन कली ठीक निसाफ पाइब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७
Isaiah 43:1 in Sunwar 1 याकूब, इ कली नु इस्राएल कली सेल्ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्ती। गे आं मुर बाक्नीनी।
Isaiah 45:13 in Sunwar 13 गो कोरेस कली ठीक पचा कली पोक्ता। गो मेको आ लां नेल्ल दिंम सेल्नुङ। मेकोमी आं सहर सेल्चा माल्ब। मिनु मेकोमी ग्याइश्शा लाइश्शो मुर आन कली प्रोंइब। मेकोम क्येट नु मारेइ कोसेली मताक्ब” दे मुर नेल्ल आन परमप्रभु यावेमी देंत। यसैया ४१:२
Isaiah 49:1 in Sunwar 1 गे समुन्द्र आ नेक्था बाक्बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्येङा ङोंइती रेन ब्रेश्शो बाक्त। गो आं ममा आ कोव़जीम बाक्ङानु, मेकोमी आं कली नें गेती।
Isaiah 49:6 in Sunwar 6 मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्चा कली इ कली आइक्च गेय का बाक्ब। गो इ कली रागी रागी ङा मुर आन कली छेङछेङ दुम्पाइक्नुङ। मिनु मेको आं पाप रे प्रोंइतीके रागी ङा सुर सम्म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७
Isaiah 49:8 in Sunwar 8 मिनु परमप्रभु यावेमी “शिशी पतीक नाक्त गो इ लोव़ नेंशा, लोव़ लेत्ताक्न। प्रोंइतीके नाक्त गो इ कली वारच पाता। गो इ कली कोव़शा, आं कबल ङा मुर सेल्ता। गो रागी लेंशा सेल्चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्थी ६:२; यसैया ४२:६
Isaiah 51:4 in Sunwar 4 मिनु परमप्रभुमी “आं मुरपुकी, आं लोव़ नेनीन। आं रागी ङा मुरपुकी इन नोफा दाइक्तीन। मारदे हना गो आं लोव़ शेंनुङ। आं ठीक निसाफ जात जात ङा मुर आन कली तुइक्पाइक्नुङ। मेको आन कली छेङछेङ दुम्ब।
Isaiah 60:1 in Sunwar 1 परमप्रभुम “बोक्को। मिनु ग्येरसो। मारदे हना इ छेङछेङ जाक्शो बाक्ब। परमप्रभु यावे आ छेङछेङ इ तार जाक्शो बाक्ब।
Jeremiah 23:5 in Sunwar 5 परमप्रभु यावेम “गो दाऊद आ मुर रे ठीक पाइब राशी का वापाइक्नुङ। मेको नाक्त थमा पा जाक्ना जाक्न बाक्ब। पिप कामी आ जोक्तीक तुइक्तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१
Jeremiah 33:15 in Sunwar 15 मेको नाक्ती, मेना गो दाऊद आ खिं रे ठीक पाइब राशी का दाप्पाइक्नुङ। मिनु मेकोमी रागीम ठीक निसाफ नु ठीक गेय पाइब।
Matthew 26:28 in Sunwar 28 एको आं हुश बाक्ब। आं हुशेमी परमप्रभु यावे आ नक कबल खाप्ता। आं हुश जारशोमी शुश मुर आन पाप क्याम्सीब। प्रस्थान २४:८; येरमीया ३१:३१; हिब्रू ९:१५-१६
Luke 1:69 in Sunwar 69 मेकोमी आ गेय पाइब दाऊद आ खिं ङा मुर रे इं कली सक्ति पाइश्शो पाप रे प्रोंइब सोइक्ताक्व।
Luke 2:32 in Sunwar 32 अर्को जात ङा मुर आन कली छेङछेङ दुम्शा, मेको आन कली रुप्तीक थुं गेचा कली सोइक्ताक्नी। गो इस्राएली आंइ कली थम रिम्शो दुम्त” देंमाक्त। यसैया ४९:६
John 8:12 in Sunwar 12 मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्बपुकी गेनायो छिङछिङमी मगाक्नीम। ब्रोंइतीक छेङछेङ ताइनीम” देंत। यूहन्ना १:५,९; यसैया ४९:६; यसैया ६०:२०; मत्ती ५:१४-१६
Acts 13:47 in Sunwar 47 आंमा शेंब दुम्शा, गाक्शो मनस्कु। परमप्रभु यावेमी आंस कली आ लोव़ शेंब सेल्तु। मिनु मेकोमी ‘गो इ कली नेल्ल रागी ङा, नेल्ल जात ङा मुर आन कली लां कोंइशा, छेङछेङ दुम्शा रुप्पाइक्चा कली सोइक्ताक्ङ’ दे ब्रेक्शो बाक्ब” देंसा बाक्त। यसैया ४९:६
Acts 26:23 in Sunwar 23 मेकोपुकीमी ‘ख्रीस्तम श्येत जचा माल्ब’ दे ब्रेक्शो बाक्शो बाक्तेक्म। मिनु बेक्शो रे सेंसीशा ब्रोंइशा बाक्ब। बेक्शो रे सेंचा पुंइसीबपुकीमी नेल्ल आन क्येङा ङोंइती मेको येसु ख्रीस्त बेक्शो रे सेंसाक्व। मिनु मोपा यहूदी नु अर्को रागी ङा मुर नेल्ल आन कली छेङछेङ दुम्शो खोदेंशो पा आन लां कोंइब दुम्त” दे पावलमी सांकछी गेशा शेंदीमी बाक्त। १कोरिन्थी १५:२०
Romans 3:25 in Sunwar 25 ङोंइती परमप्रभु यावेमी रिम्शा, पापी आन कली सजाइ मगेवा बाक्त। नोले मेको आन जचा ङा सजाइ येसु ख्रीस्त कली जपाइश्शा बेक्चा गेशा, मेको आन पाप क्याम्ताक्व।
Romans 15:8 in Sunwar 8 इं किकी पिपी आन कली गेशो लोव़ खाप्चा कली ख्रीस्त यहूदी आन कली पाप रे प्रोंइब दुम्त। मोपा परमप्रभु यावे आ देंशो थमा बाक्ब, दे कोंइचा कली मोदेंशो दुम्त। मत्ती १५:२४; प्रेरित ३:२५
2 Corinthians 1:20 in Sunwar 20 परमप्रभु यावे आ गेशो लोव़ नेल्ल येसु ख्रीस्तमी खाप्तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्नीनी” दे ठेयब सेल्नीकी। प्रकाश ३:१४
Galatians 3:15 in Sunwar 15 आं लोक्बपुकी, कथा सेल्शा रुप्पाइक्नन्नी, कागज ब्रेक्शा, ब्रेप्चो दिम्ने थुम्शो ङा मेरे मेको ब्रेक्शो लोव़ लीब। सुइमी मारेइ लोव़ क्याम्ने तेम्ने मचाप्नीम।
Hebrews 1:8 in Sunwar 8 तन्न आ तौ आ पर्बम “इन राज्य पचा गेना हना यो लीब। इन राज्य ङा राज दन्ड ठीक निसाफ पतीके राज दन्ड बाक्ब।
Hebrews 7:2 in Sunwar 2 मिनु अब्राहाममी मेको कली आ ग्राशा चाक्शो थोव़क १० भागमी भाग का गेवा बाक्त। मेको आ नें मार रुम्सीब देंशा हना, ठीक निसाफ पाइब पिप नु सालेम ङा पिप, दे रुम्सीब। सालेम देंशो चहिं थुं नाइश्शा बाक्तीके बाक्ब।
Hebrews 7:26 in Sunwar 26 इं ठेयब चढ़ेब दोदेंशो माल्शो बाक्त देंशा हना, पाप रे ङोन बाक्शो, दोस मताइब, रिम्शो थुं पाइश्शो, पापी रे दिल्शा बाक्शो, स्वर्गमी नेल्ल क्येङा ठेयब सेल्चा पुंइसीशो माल्शो बाक्त।
Hebrews 8:6 in Sunwar 6 मेको चढ़ेबपुकीमी पशो गेय क्येङा ख्रीस्त आ पशो गेय रिम्शो कबल ङा बाक्ब। मारदे हना ङोंइती पशो कबल क्येङा नोले पशो रिम्शो कबल ङा लोव़ खाप्ब दुम्शो बाक्त। मेको नोले पशो कबल ङोंइती गेशो लोव़ क्येङा रिम्शो लोव़मी फ्रेंशो बाक्ब। हिब्रू ७:२२
Hebrews 9:15 in Sunwar 15 मोपतीके मेको नक कबल ङा गारपाइक्ब बाक्ब। मोपा ब्रेश्शोपुकी आन गेना हना यो लीब शोंप तामेक्ल। मारदे हना ख्रीस्त बेक्त। मिनु मेको आन ङोंइती ङा कबलम पशो पाप यो क्याम्साक्व। हिब्रू १२:२४; १तिमोथी २:५
Hebrews 12:24 in Sunwar 24 नक कबल खाप्ब येसु बाक्ब। मिनु येसु आ जारशो हुश यो बाक्ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्ल क्याम्शा, सजाइ जचा रे प्रोंइतामी” देंब। हिब्रू ९:१५; उत्पत्ती ४:१०
Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
1 Peter 2:9 in Sunwar 9 तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८