Isaiah 37:23 in Sunwar 23 गे सु कली शुक्शी पवी? सु आ पर्बम गे ठेयब लेश्शो लोव़ पवी? गे इस्राएली आन का ला बाक्शो परमप्रभु आ ङोंइती ठेयब लेश्शो दुमे?
Other Translations King James Version (KJV) Whom hast thou reproached and blasphemed? and against whom hast thou exalted thy voice, and lifted up thine eyes on high? even against the Holy One of Israel.
American Standard Version (ASV) Whom hast thou defied and blasphemed? and against whom hast thou exalted thy voice and lifted up thine eyes on high? `even' against the Holy One of Israel.
Bible in Basic English (BBE) Against whom have you said evil and bitter things? and against whom has your voice been loud and your eyes lifted up? even against the Holy One of Israel.
Darby English Bible (DBY) Whom hast thou reproached and blasphemed? and against whom hast thou exalted the voice? Against the Holy One of Israel hast thou lifted up thine eyes on high.
World English Bible (WEB) Whom have you defied and blasphemed? and against whom have you exalted your voice and lifted up your eyes on high? [even] against the Holy One of Israel.
Young's Literal Translation (YLT) Whom hast thou reproached and reviled? And against whom lifted up the voice? Yea, thou dost lift up on high thine eyes Against the Holy One of Israel.
Cross Reference Exodus 5:2 in Sunwar 2 मिनु फाराओमी “परमप्रभु यावे सु बाक्म, गो मतुइक्नुङ। मार, आ देंशो लोव़ टिचा माल्नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्नुङ। मोपतीके इस्राएल ङा मुर, इन कली लचा मगेनन्नी” देंत।
Exodus 9:17 in Sunwar 17 गे आं मुर आन कली लचा मगेतीके, इ ठेयब लेश्शो तुइक्ताक्ङ।
Exodus 15:11 in Sunwar 11 परमप्रभु यावे, देवी देवता आन दातेमी इन खोदेंशो ठेयब सुइ मबाक्नीम। इन खोदेंशो सक्ति पाइश्शो, ठेयब मान ताइब सुइ मबाक्नीम। इन ठेयब गेय हिंचा ङा बाक्ब। गे छक लाक्चा ङा गेय पाइब बाक्नीनी। प्रस्थान ८:६; प्रस्थान १८:११; भजन संग्रह ८६:८
2 Kings 19:4 in Sunwar 4 परमप्रभु यावे, इन परमप्रभुमी अस्सुर ङा पिपमी सोइश्शो मेको राब्शाके आ लोव़ नेल्ल नेंना माइ। आ होव़प, अस्सुर ङा पिपमी ब्रोंइशा बाक्शो परमप्रभु कली शुक्शी पथ सोइश्शो बाक्ब। मिनु परमप्रभु यावे, इन परमप्रभुमी आ नेंशो लोव़ आ पर्बम मेको कली हुइक्बा कों। मोपतीके मुल लीशो मुर आन पर्बम प्रार्थना पने’ देंत” देंमा बाक्त। १सामुएल १७:१०; २राजा १८:३५
2 Kings 19:22 in Sunwar 22 गे सु कली शाक्शा शुक्शी पवी? गे सुका आ पर्बम ठेयब लेश्शा लोव़ पवी? मेको इस्राएली आन का ला बाक्शो परमप्रभु यावे आ पर्बम बाक्ब।
2 Chronicles 32:17 in Sunwar 17 पिप सन्हेरीबम परमप्रभु यावे, इस्राएली आन परमप्रभु कली यो तोक्शा लोव़ पा चिठी ब्रेक्शो बाक्माक्त। मिनु मेको चिठीम मार ब्रेक्शो बाक्माक्त देंशा हना “दोपा अर्को रागी रागी ङा मुर आन देवतापुकीम आन मुर आन कली आं गुइ रे प्रोंइने मचाप्मे, मोपा हिज्कीयाह आ परमप्रभुमी यो आ मुर आन कली आं गुइ रे प्रोंइने मचाप्ब” दे ब्रेक्शो बाक्माक्त।
Psalm 44:16 in Sunwar 16 आं कली शुक्शी पाइब, मरिम्शो लोव़ पाइब, जोरी सत्रुमी पतीके नु क्येक्क लेप्ब आन पतीके मोदेंशो दुम्शो बाक्नुङ।
Psalm 73:9 in Sunwar 9 मेकोपुकीमी “स्वर्ग नेल्ल आंइ के बाक्ब” देंनीम। मिनु रागी नेल्ल आंम के सेल्नीम।
Psalm 74:18 in Sunwar 18 परमप्रभु यावे इन जोरी सत्रुमी इन कली दोपा शाक्ग्मे। मिनु इन कली मटीबपुकीमी दोपा इन नें आ पर्बम शुक्शी पामे? मेको मिम्तीन।
Psalm 74:23 in Sunwar 23 इन पर्बम दूली लोव़ पाइब आन रेयके नु इन जोरी सत्रु आन लडाइ पस ङा पस पशो मप्रेंदीन।
Proverbs 30:13 in Sunwar 13 का निक्शी मुर ठेयब लेश्शो बाक्नीम। मेको शुश बोरशो बाक्नीम।
Isaiah 2:11 in Sunwar 11 मुर नेल्ल आन ठेयब लेश्शो आइक्च सेल्चा पुंइसीनीम। बोरशो मुर नेल्ल ब्रेम्शो सेल्चा पुंइसीनीम। मेको नाक्ती परमप्रभु यावे ला ठेयब दुम्ब। यसैया २:११
Isaiah 10:13 in Sunwar 13 मारदे हना मेकोमी “गो आं सक्तिमी पाता। गो आं तुइक्तीके नु रुप्तीक थुंमी मोदेंशो पाता। गो रागी रागी ङा सांद याक्ताक्ङ। मेकेर ङा मुर आन शोंप नु मारेइ मारेइ रोइक्ताक्ङ। गो आं ठेयब सक्तिमी मेको आन पिप आन कली लुक्च सोइक्ताक्ङमी।
Isaiah 10:20 in Sunwar 20 मिनु मेको नाक्ती इस्राएल ङा लीशो मुरपुकी नु याकूब आ खिं ङा प्रोक्शा ब्रोंइशो मुरपुकी लेंशा, आंम कली तुप्ब गे मलाइनीम। तन्न मेकोपुकी थमा पा परमप्रभु यावे, इस्राएली आन का ला बाक्शो परमप्रभु आ नोले खोइक्नीम। यसैया ६:१३; यसैया ७:३
Isaiah 12:6 in Sunwar 6 सियोनम बाक्बपुकी ठेयब सेंदा पा ग्येरशा परमप्रभु कली ठेयब सेल्शा कुम्सो पने। मारदे हना इस्राएली आन का ला बाक्शो परमप्रभु इन दातेमी ठेयब बाक्ब।
Isaiah 14:13 in Sunwar 13 गे इ थुंमी “गो स्वर्ग ङोइश्शा लाइनुङ। परमप्रभु आ सोरुल आन क्येङा आइक्था आं नित्तीके वोइक्नुङ। मिनु गो उत्तर ङा देवी देवता ग्रुम्तीक डांडाम नित्नुङ। भजन संग्रह ४८:३; इजीकीएल २८:१४
Isaiah 17:7 in Sunwar 7 मेको नाक्ती मुरपुकीमी आंम कली सेल्ब कली मिम्नीम। मिनु इस्राएली आन का ला बाक्शो परमप्रभु यावे गे कोव़नीम।
Isaiah 30:11 in Sunwar 11 परमप्रभु यावे आ लां प्रोनीन। एर ओंथ लने। इस्राएली आन का ला बाक्शो परमप्रभु आ पर्बम मशेंदीन’ देंनीम” देंत।
Isaiah 37:4 in Sunwar 4 इन परमप्रभु यावे, इन परमप्रभुमी राब्शाके आ लोव़ नेंना माइ। अस्सुर ङा पिपमी मेको कली गेना हना यो ब्रोंइशा बाक्ब परमप्रभु कली शुक्शी पथ सोइक्ताक्व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्म।
Isaiah 37:10 in Sunwar 10 मार लोव़ सोइक्ताक्व देंशा हना, यहूदा ङा पिप हिज्कीयाह कली “इन थमा सुइश्शो परमप्रभुमी इन कली दूली लां मखोइक्पांइसीन। ‘यरूसलेम अस्सुर ङा पिप आ गुइमी मदुम्ब’ देंनीनी।
Isaiah 41:14 in Sunwar 14 गे महिक्सीशो याकूब महिनो। इच्कका ला लीशो इस्राएलीपुकी महिनीन। गो इ कली वारच पाइनुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्शो परमप्रभु, गो नङ। यसैया ४३:३
Isaiah 41:16 in Sunwar 16 गे मेको आन कली हारशा, फशेम योल्पाइक्नेवे। मिनु फश गिवारम मेको आन कली एर ओंथ फ्रशा योल्ब। मेना गे परमप्रभु यावे कली तुइश्शा, ग्येरनेवे। इस्राएली आन का ला बाक्शो परमप्रभु आ मुर दुम्शा, ग्येरसीनेवे” देंत।
Isaiah 43:3 in Sunwar 3 मारदे हना गो परमप्रभु यावे, इ परमप्रभु नङ। गो इस्राएली आन का ला बाक्शो परमप्रभु नङ। गो इ कली पाप रे प्रोंइब नङ। गो इजीप्त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४
Isaiah 43:14 in Sunwar 14 मिनु परमप्रभु यावे, इन कली पाप रे प्रोंइब, इस्राएली आन का ला बाक्शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्चो ङा आग्लो जिक्नुङ। गो कल्दी आन ग्रीतीक कली रोंका पपाइक्नुङ।
Ezekiel 28:2 in Sunwar 2 मार लोव़ पाप्तु देंशा हना “ए मुर, टायर ङा पिप आ तौ कली परमप्रभु, परमप्रभु यावेमी ‘गे इ थुं ङा ठेयब लेत्तीकेम, गो परमप्रभु नङ। गो समुन्द्र आ दातेम देवी देवता आन बाक्तीकेम बाक्नुङ’ देंते। तन्न गे मुर ला बाक्नेवे। परमप्रभु मनवे। गे ठेयब लेश्शा, इ थुंम ‘परमप्रभु खोदेंशो जोक्ब तुइक्ब बाक्नुङ’ दे मिम्साक्वे। यसैया ३१:३; दानीएल ५:२०; प्रेरित १२:२३
Ezekiel 28:9 in Sunwar 9 मिनु मार, इ कली साइक्ब आन ङोंइती गे मुर दुम्शा यो ‘गो देवता का नङ’ देंनेवे ङा? ‘इ कली साइक्ब आन गुइमी बाक्शा यो मोदेंशो लोव़ पाइनेवे?
Ezekiel 39:7 in Sunwar 7 गो आं नें आं मुर इस्राएली आन दातेम तुइक्पाइक्नुङमी। मिनु आं नें कली मरिम्शो सेल्चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्शो परमप्रभु नङ, दे तुइक्नीम।
Daniel 5:20 in Sunwar 20 तन्न मेको ठेयब लेत्तीके नु आ थुं खकटा दुम्पाइक्तीके पिप आ नित्तीक रे खेरचा नु आ छेङछेङ रोइक्चा पुंइसाक्व।
Daniel 7:25 in Sunwar 25 मिनु मेकोमी नेल्ल क्येङा ठेयब आ पर्बम मरिम्शो लोव़ पा, नेल्ल क्येङा ठेयब आ मुर आन कली यो खतम सेल्ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्चा दाक्ब। मिनु परमप्रभु आ मुर आन पाला का, पाला निक्शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७
Habakkuk 1:12 in Sunwar 12 मिनु हबकुकमी “परमप्रभु यावे, आं परमप्रभु, गे का ला आं परमप्रभु बाक्नीनी। गो मबेक्नीकी। परमप्रभु यावे, गे मेको आन कली निसाफ पचा कली योव़तीनी। गे, आं सेरथे फुल्लु, गे मेको आन कली सजाइ गेचा कली वोइक्तीनी। येरमीया १०:२४
2 Thessalonians 2:4 in Sunwar 4 मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्येङा आंम कली ठेयब सेल्शा, परमप्रभु यावे आ खिंमी निश्शा “गो का ला परमप्रभु यावे नङ” देंब। दानीएल ११:३६; मत्ती २४:१५
Revelation 13:1 in Sunwar 1 मिनु गो समुन्द्र रे ७ ओटा पिया नु १० ओटा ग्रोव़ पाइश्शो जन्तु का ग्रूशो ताता। मेको आ १० ओटा ग्रोव़मी १० ओटा मुकुट गुप्शो बाक्तेक्म। आ पियापुकीमी चहिं परमप्रभु कली शुक्शी पाइब नें ब्रेक्शो बाक्तेक्म। दानीएल ७:३-७