Isaiah 33:14 in Sunwar 14 सियोनम बाक्ब पाप पाइबपुकी हिंनीम। परमप्रभु यावे आ अरेशो मटीब ख्रिंख्रि पाइनीम। सु खतम पोक्ब मी नु ब्रोंइशा बाक्ने चाप्बा? आंइ दातेमी सु गेना हना यो ब्रशो मी नु ब्रोंइशा बाक्ने चाप्बा?” देंत। यसैया १०:१७; येरमीया २३:२९
Other Translations King James Version (KJV) The sinners in Zion are afraid; fearfulness hath surprised the hypocrites. Who among us shall dwell with the devouring fire? who among us shall dwell with everlasting burnings?
American Standard Version (ASV) The sinners in Zion are afraid; trembling hath seized the godless ones: Who among us can dwell with the devouring fire? who among us can dwell with everlasting burnings?
Bible in Basic English (BBE) The sinners in Zion are full of fear; the haters of God are shaking with wonder. Who among us may keep his place before the burning fire? who among us may see the eternal burnings?
Darby English Bible (DBY) The sinners in Zion are afraid; trembling hath surprised the hypocrites: Who among us shall dwell with the consuming fire? who among us shall dwell with everlasting flames?
World English Bible (WEB) The sinners in Zion are afraid; trembling has seized the godless ones: Who among us can dwell with the devouring fire? who among us can dwell with everlasting burning?
Young's Literal Translation (YLT) Afraid in Zion have been sinners, Seized hath trembling the profane: Who doth dwell for us -- consuming fire, Who doth dwell for us -- burnings of the age?
Cross Reference Numbers 17:12 in Sunwar 12 मिनु इस्राएलीपुकीमी मोसा कली “कोव़ङीन, गोपुकी खतम दुम्शा जाम्शा लाइनीकी।
Deuteronomy 5:24 in Sunwar 24 मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्व। मिनु गोपुकीमी मेको आ सेंदा मी आ दाते रे नेंतक। मुलाक्त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्म, दे ताइतक। ब्यवस्था ४:१२-१३,३३
Deuteronomy 32:21 in Sunwar 21 देवी देवता आन पर्बमी आं कली रुश पपाइक्नीम। मूर्ति पूजा पा आं कली गाइक्ब सेल्तीमी। मोपतीके गो ङोन ङा मुर आन कली आंम के सेल्शा, एको आन कली रुश पपाइक्नुङ। रागी ङा मतुइक्ब मुर आन कली गुप्शा, मेको आन कली गाइक्पाइक्नुङ। भजन संग्रह ७८:५८; येरमीया २:११; रोमी १०:१९
Job 15:21 in Sunwar 21 मेकोपुकीम हिंचा ङा रेयके नेंनीमी। मेको मारेइ मारेइ गाप्शा बाक्मानु, मेको आन कली खतम सेल्ब जाक्ब।
Job 18:11 in Sunwar 11 शुश हिंतीकेम मेको आन कली ख्रिंख्रि पपाइक्ब। ते बाक्तेक्म हना यो, मेकेर हिंतीके यो बाक्ब। लेवी २६:३६
Psalm 11:6 in Sunwar 6 परमप्रभुमी आ अरेशो मटीब आन तारी मी नु गन्धक यिपाइक्ब। मिनु मेको आन तारी होश फश पपाइक्ब। मरिम्शो पाइब मोदेंशो पाइक्चा पुंइसीशो बाक्नीम।
Psalm 21:9 in Sunwar 9 इन जाक्ची ना मेको आन कली ठेयब चुप्लुम हुम्शो खोदेंशो पा हुम्नीनी। परमप्रभु यावे, गे चुरशा, मेको आन कली दाक्शो खोदेंशो पा मीम दाक्पाइक्नीनी।
Psalm 50:3 in Sunwar 3 आंइ परमप्रभु जाक्शा, सिक्सी पा मबाक्ब। मेको आ ङोंइती ग्राव ग्रु दाक्ब मी ब्राइब। मिनु आ एर ओंथ नेल्ले कुमीर गिमीर पा फश गिवार पाइब।
Psalm 53:5 in Sunwar 5 मिनु नोले मेकोपुकी थाम्पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्ब आन रुश फ्राइब। मिनु मेकोपुकी मुने दोक्नीम। मारदे हना परमप्रभुमी मेको आन कली तिल्शो बाक्ब।
Proverbs 28:1 in Sunwar 1 परमप्रभु यावे आ अरेशो मटीब सुइम खेदा मपथु यो प्रोक्नीम। ठीक पाइबपुकी गुप्स खोदेंशो पा महिंथु बाक्नीम। यसैया ५७:२१
Isaiah 5:24 in Sunwar 24 मोपतीके दोपा मीम ठुटा नु सोव़शो घांस नेक्बा, मोपा मेको आन शाक्श राक्ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्ल आन परमप्रभु यावे आ लोव़ मटीम। मिनु इस्राएली आन का ला बाक्शो परमप्रभु आ लोव़ आ पर्बम शुक्शी पाम्तेक्म।
Isaiah 7:2 in Sunwar 2 मिनु मुरपुकीम दाऊद आ खिं ङा मुर आहाज कली “अराम ङा लडाइ पाइबपुकी एफ्राइम नु गारशा जाक्तेक्म” दे शेंताक्म। मेको नेंशा आहाज नु आ मुर, फशेम रवा हिम्शो खोदेंशो पा आन थुं हिम्सीमा बाक्त।
Isaiah 9:17 in Sunwar 17 मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्च नु वोंइश बेक्शो मीश मुर आन कली तशा यो शिशी मपावो। मारदे हना मेको नेल्ल परमप्रभु आ अरेशो मटीब दुम्शा, काइ मरिम्शो पाइब ला बाक्तेक्म। मिनु नेल्लेमी मरिम्शो लोव़ पाम्तेक्म। मोपा यो परमप्रभु आ गाइश्शो मनाइक्थु, आ गुइ दिंस ङा दिंस बाक्त।
Isaiah 10:6 in Sunwar 6 गो अस्सुर कली आं कली मटीब रागी कली लडाइ पथ सोइक्नुङ। अस्सुर कली आं कली गाइक्पाइक्ब मुर नु सोइक्नुङ। मारेइ मारेइ रोइक्पाइक्चा कली सोइक्नुङ। मिनु मेको आन कली लांम दिम्पाइक्चा कली सोइक्नुङ।
Isaiah 28:14 in Sunwar 14 मोपतीके गे शुक्शी पाइबपुकी, परमप्रभु यावे आ लोव़ नेनीन। गे यरूसलेम ङा मुर आन कली हुकुम पाइनीनी।
Isaiah 28:17 in Sunwar 17 गो ठीक निसाफ कली गारो प्रोव़ची ना क्युक्तीक डोरी खोदेंशो सेल्नुङ। मिनु ठीक पतीके कली घन्टी खोदेंशो सेल्नुङ। मिनु मुप्सीम मेको जोल पा ख्रुइक्तीके खतम सेल्ब। ब्वाक्कुमी फाम्सीतीके योल्ब।
Isaiah 29:6 in Sunwar 6 मिनु मुर नेल्ल आन परमप्रभु यावे इ कली ग्रुम्थ जाक्ब। मेको बुंबु, ख्रिनु ठेयब रेयके नु जाक्ब। मेको हिरशो फश गिवार नु ठेयब मी नु जाक्ब।
Isaiah 29:13 in Sunwar 13 परमप्रभु यावेमी “एको मुरपुकी लोव़ पशा आं नेक्था जाक्नीम। मिनु आन शोव़मी आं कली ठेयब सेल्नीम। तन्न आन थुंम चहिं आं क्येङा ङोन बाक्नीम। मेको आन आं कली मान पतीके मुर आन शेंशो ला बाक्ब। यसैया १:१५; यसैया ५८:२-३; मत्ती १५:८-९
Isaiah 30:8 in Sunwar 8 मिनु परमप्रभु यावेमी यसैया कली “मुल गे लावो, मेको मुर आन ङोंइती आं लोव़ फुल्लु तार ब्रेक्तो। मिनु किताबम ब्रेक्तो। नोले सम्म लील, दे नु गेना हना यो सांकछी दुम्पाइक्चा कली ब्रेक्तो।
Isaiah 30:27 in Sunwar 27 कोव़ङीन, परमप्रभु यावे ङोन रे जाक्ना जाक्न बाक्ब। आ गाइश्शो मी खोदेंशो पा ब्रशा, शुश कुन ग्रूब। आ शोव़ चुरचामी ब्रीशो नु आ लें ग्राव ग्रु दाक्ब मी खोदेंशो बाक्ब।
Isaiah 32:11 in Sunwar 11 गे ठेयब लेश्शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्शा अरन्डी फेक्सीन।
Isaiah 34:9 in Sunwar 9 मेना एदोम ङा खोलापुकी अलकत्रा दुम्नीम। मिनु आ खप चहिं गन्धक दुम्ब। एदोम रागी ब्रशो अलकत्रा दुम्ब। उत्पत्ती १९:२४
Isaiah 66:24 in Sunwar 24 मिनु मेकोपुकी ग्रूशा आं कली काइ मटीब आन बेक्शो रां कोव़थ लाइनीम। मेको आन लुस्पु मबेक्नीम, आन मी यो मकाप्ब। मेको मुर नेल्ल आन कली ग्रांग्रा दितीके दुम्नीम” दे परमप्रभु यावेमी देंत। मर्कूस ९:४८
Nahum 1:6 in Sunwar 6 परमप्रभु यावे गाइक्तानु, मेको आ ङोंइती सु राप्ने चाप्बा ङा? मेको आ चुरशो सुम फाल्ने चाप्बा ङा? मेको आ गाइश्शो मी खोदेंशो पा ब्राइब। मिनु मेकोमी सेरथे फुल्लु आन कली प्रोल्ब।
Matthew 18:8 in Sunwar 8 इ गुइ खोइलीमी इ कली पाप पपाइक्तु हना, ख्रोइश्शा ताइक्तो। मारदे हना गुइ खोइल निम्फा बाक्शा, नरकम ख्रुम्चा पुंइसीचा क्येङा डुंडे खोरन्डे दुम्शा, स्वर्ग ङा राज्यम ओव़चा तचा रिम्शो दुम्ब। मत्ती ५:२९-३०
Matthew 22:12 in Sunwar 12 मिनु ‘ए वारच, ग्युंबे भोज ङा वा मफेक्थु, दोपा एकेर ओव़ङे?’ देंमेनु, सिक्सी पा मारेइ देंने मचबा बाक्त।
Matthew 24:51 in Sunwar 51 मिनु मेको कली तुप्शा, फस सेल्शा कपटीपुकी नु काथा वोइक्ब। मेकेर मुरपुकी आन ख्रुइ शेप्शा ङाक्नीम।
Matthew 25:41 in Sunwar 41 मिनु आ पेरा गे राप्शो आन कली हिरशा ‘सराप तशोपुकी, गो नु मबाक्कीने। सैतान नु आ गेय पाइब आन कली गेनायो मकाप्ब मी वोइश्शो बाक्ब। मेकेर लने। प्रकाश २०:१०,१५
Matthew 25:46 in Sunwar 46 मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्शोपुकी चहिं गेना हना यो परमप्रभु यावे नु बाक्चा ततीकेमी लाइनीम” दे शेंताक्मी। यूहन्ना ५:२९; याकूब २:१३
Mark 9:43 in Sunwar 43 इ गुइमी तेक्तु हना, मेको गुइ ख्रोतो। मारदे हना निम्फा गुइ पाइश्शो दुम्शा, गेनायो मकाप्ब नरक ङा मीम ओव़चा क्येङा, डुंडे दुम्शा, परमप्रभु यावे आ राज्यमी ओव़चा तचा रिम्शो बाक्ब। मत्ती ५:३०
Luke 16:23 in Sunwar 23 मेको शोंप पाइश्शो मुर बेक्शो मुर आन बाक्तीक जाक्दीम्माक्त। मिनु शुश श्येत जशा, ङोन रे कोव़ङानु, लाजरस कली अब्राहाम आ थुकुम बाक्शो तवा बाक्त।
2 Thessalonians 1:8 in Sunwar 8 मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्ब नु आ ग्येरपाइक्ब लोव़ मटीब आन कली क्येक्क लेप्ब। रोमी २:८
Hebrews 12:29 in Sunwar 29 इं परमप्रभु यावे नेल्ल खतम सेल्ब मी खोदेंशो बाक्ब। हिब्रू १०:३१; ब्यवस्था ४:२४
Revelation 6:15 in Sunwar 15 मेना रागी ङा पिपपुकी नु ठेयब मुरपुकी, फौज ङा कप्तानपुकी, शोंप पाइश्शो नु बोल्यो मुरपुकी, वाइलीम वाइल नु मुर नेल्ल पहाड ङा सेरथे फुल्लु नु पुक्खीमी ख्रुंइसाक्म। यसैया २:१०,१९
Revelation 14:10 in Sunwar 10 मेको आन कली तशा, परमप्रभु यावे शुश गाइक्ब। मिनु मेको मुरपुकीमी आ गाइश्शो तचा माल्नीम। दोपा परमप्रभु आ गाइश्शो तचा माल्नीम देंशा हना, पाप रे ङोन बाक्ब परमप्रभु यावे आ स्वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्धकम श्येत जचा माल्नीम। भजन संग्रह ७५:७
Revelation 20:10 in Sunwar 10 मिनु मुर आन कली मरिम्शो लां शेंब दियाबलस गन्धक रे हुरुर पा ब्रशो मी ब्रतीकेमी हुम्चा पुंइसाक्व। मेकेर ठेयब जन्तु नु जोल पा परमप्रभु यावे आ लोव़ पखु पाइब यो बाक्ताक्स। मिनु मेकेर बाक्बपुकी नाक्दो नाक्ती गेना हना यो श्येत गेचा पुंइसीनीम। प्रकाश १९:२०