Isaiah 31 in Sunwar
1 आबी, इजीप्त रागी कली “वारच पाइक्की” दे लाइबपुकी, मेकोपुकी शारा कली थमा सुइक्ब बाक्नीम। बग्गी कली थमा सुइक्नीम। मारदे हना मेकेर शुश बाक्नीम। शारा ङोइक्ब आन कली थमा सुइक्नीम। मारदे हना मेको शुश बोल्यो बाक्नीम। तन्न मेकोपुकीम इस्राएली आन का ला बाक्शो परमप्रभु यावे कली ममिम्थु, हिल्लो मपाइनीम। यसैया ३०:१-२; भजन संग्रह २०:८
2 मो हना यो परमप्रभु तुइक्ब बाक्ब। मिनु श्येत दुम्पाइक्ब। आ मिम्शो पशा, मरिम्शो पाइब आन खिं नु मेको आन कली वारच पाइब नु लडाइ पाइब। आमोस ३:६; गन्ती २३:१९
3 इजीप्त ङा मुर, मुर ला बाक्नीम। मेको परमप्रभु मनम। आन शारा बेक्ब बाक्नीम। सोक्त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्ले कालेमी बेक्नीम।
4 मिनु परमप्रभु यावेमी आं कली “गुप्स कि गुप्स आ चाइक्ब आन सिखार तारी ङरर ङरर पाइनीमी। गोठलापुकीमी मेको आन सिखार रोइक्चा, दे जाक्तेक्म हना, गुप्स मेको आन ग्रीशो नेंशा महिंनीम। मेको आन पशो रेयकेमी गुप्स आन कली मप्रोक्पाइक्ब। मोपा मुर नेल्ल आन परमप्रभु यावे सियोन डांडा नु आ आइक्च डांडामी लडाइ पथ यीब।
5 दोपा चिक्बपुकीमी आन चाइक्ब आन तार फिल फिल पा कोव़थ बेरनीमी, मोपा मुर नेल्ल आन परमप्रभु यावेमी यरूसलेम कली कोव़ब। मेको कली कोव़शा, प्रोंइशा, आ नेक्था बाक्शा खाल पाइब। मत्ती २३:३७
6 ए इस्राएली, गे हेंथे पा शुश ङोन लाइबपुकी, परमप्रभु गे लेतीन। येरमीया ७:३-५
7 मारदे हना मेको नाक्ती गे नेल्लेमी इन सुन नु चांदी के मूर्ति नेल्ल बेरपाइक्नीनी। गे मेको पाप पा इन आंम गुइमी सेल्तीनी। यसैया २:२०
8 मेना अस्सुर तरवारम साइक्चा पुंइसीब। तन्न मेको तरवार बेक्शा लाइब मुर के ममाइ। मेकोमी नेल्ल आन कली खतम सेल्ब। मेको तरवार तशा मुर नेल्ल प्रोक्नीम। मिनु आन ठिटापुकी वाइल दुम्नीम। यसैया ३७:३६
9 अस्सुर ङा पिप, सेरथे फुल्लु खोदेंशो बोल्यो बाक्त हना यो, हिंशा प्रोक्ब। आ कप्तान आन छेदर प्रोंइशा प्रोक्नीम। परमप्रभु यावेमी आं चुप्लु सियोनम नु आं मी यरूसलेमम बाक्ब” देंत। ब्यवस्था ३२:३१