Isaiah 27:9 in Sunwar 9 मोपतीके मेको रे पा याकूब आ मुर आन दोस क्याम्सीब। मेको आन पाप पशो आ पर्बम मो पचा पुंइसीशो बाक्तेक्म। मेकोमी चढ़ेतीके ङा फुल्लु खरी खोदेंशो पा फस सेल्ब। मिनु मूर्ति पाइश्शो थाम नु धूप चोशा चढ़ेतीक काइ मलीपाइक्ब। लेवी २६:३०
Other Translations King James Version (KJV) By this therefore shall the iniquity of Jacob be purged; and this is all the fruit to take away his sin; when he maketh all the stones of the altar as chalkstones that are beaten in sunder, the groves and images shall not stand up.
American Standard Version (ASV) Therefore by this shall the iniquity of Jacob be forgiven, and this is all the fruit of taking away his sin: that he maketh all the stones of the altar as chalkstones that are beaten in sunder, `so that' the Asherim and the sun-images shall rise no more.
Bible in Basic English (BBE) So by this will the sin of Jacob be covered, and this is all the fruit of taking away his punishment; when all the stones of the altar are crushed together, so that the wood pillars and the sun-images will not be put up again.
Darby English Bible (DBY) By this, therefore, shall the iniquity of Jacob be purged; and this is all the fruit of the taking away of his sin: when he shall make all the stones of the altar as chalkstones that are crumbled in pieces, -- the Asherahs and the sun-images shall not stand.
World English Bible (WEB) Therefore by this shall the iniquity of Jacob be forgiven, and this is all the fruit of taking away his sin: that he makes all the stones of the altar as chalk stones that are beaten in sunder, [so that] the Asherim and the sun-images shall rise no more.
Young's Literal Translation (YLT) Therefore by this is the iniquity of Jacob covered, And this `is' all the fruit -- To take away his sin, in His setting all the stones of an altar, As chalkstones beaten in pieces, They rise not -- shrines and images.
Cross Reference Exodus 34:13 in Sunwar 13 मेको आन चढ़ेतीकपुकी प्रेश्शा, आन पूजा पचा कली ख्रुक्शो फुल्लु प्रोल्शा, मूर्ति पाइश्शो थाम कली क्योरशा, तिम्चा माल्नीनी। प्रस्थान २३:२४
2 Kings 25:9 in Sunwar 9 मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्ल नु ठेयब खिं नेल्ल मी सुइक्ता बाक्त।
2 Kings 25:13 in Sunwar 13 मिनु कल्दीपुकीमी परमप्रभु यावे आ खिंम बाक्शो कांसा के थामपुकी, निप्पाइक्तीकपुकी नु कांसा के ठेयब बोस प्रोल्शा आइक्च सेल्शा बेबीलोन लदमे बाक्त। येरमीया २७:१९-२२
2 Chronicles 14:5 in Sunwar 5 मेकोमी यहूदा ङा नेल्ल सहरम बाक्शो डांडा ङा थान नु धूप चोतीके यो प्रेश्शा गेवा बाक्त। मेको आ सासनमी आ राज्य नाइक्चा तवा बाक्त। २इतिहास १५:१५
2 Chronicles 34:4 in Sunwar 4 मिनु पिप आ ङोंइती बाल देवता आन चढ़ेतीकपुकी प्रेप्पदा बाक्त। मिनु मेको इच्का इर बाक्शो धूप चोतीकपुकी नु चढ़ेतीक प्रोल्शा खतम पोक्गा बाक्त। मिनु मेकोमी मूर्ति पाइश्शो थाम, चेम्शा सेल्शो मूर्तिपुकी फस पोक्मी बाक्त। मिनु मेको कली चढ़ेब आन तुरस तारी फ्रवा बाक्त।
2 Chronicles 36:19 in Sunwar 19 मेकोपुकीम परमप्रभु आ खिंम मी सुइक्तमे बाक्त। यरूसलेम सहर ङा गारो प्रेत्मे बाक्त। मिनु मेकोपुकीम सहर ङा दरवार नेल्लेम मी सुइश्शा, आगा बाक्शो शोंप खतम सेल्मे बाक्त। येरमीया २६:६
Ezra 3:2 in Sunwar 2 मेना योसादाक आ तौ येशुआ नु मेको आ वारच चढ़ेब, शाल्तीएल आ तौ जेरूब-बाबेल नु मेको आ खिं ङा मुर नेल्लेमी इस्राएली आन परमप्रभु कली चढ़ेतीके सेल्तेक्म। परमप्रभु आ मुर मोसामी आ अरेशो लोव़म दोपा ब्रेक्शो बाक्मे, मोपा चोशा चढ़ेचा कली मेको चढ़ेतीक सेल्तेक्म। एज्रा २:२; प्रस्थान २७:१; लेवी ६:२
Psalm 119:67 in Sunwar 67 गो श्येत जचा क्येङा ङोंइती हेंथे लां खोइश्शो नङ। तन्न मुल इन लोव़ टीनुङ।
Psalm 119:71 in Sunwar 71 गे आं कली श्येत जपाइक्तीनी, मेको रिम्शो बाक्त। मोपा इन फुल्लुम मुशा ब्रेक्शो लोव़ शेंसाक्यी।
Proverbs 20:30 in Sunwar 30 तुप्शो गारमी लेंशा मरिम्शो मपपाइक्ब। मिनु तुप्शोमी यो मुर आन थुं कली रिम्शो पाइब सेल्ब।
Isaiah 1:24 in Sunwar 24 मोपतीके परमप्रभु, मुर नेल्ल आन परमप्रभु यावे, इस्राएली आन सक्ति पाइश्शो परमप्रभु यावेमी “गो आं जोरी सत्रु आन तारी आं गाइश्शो मोइश्शा, क्येक्क लेत्नुङमी।
Isaiah 1:29 in Sunwar 29 गे रवा आगाम पूजा पशो आ पर्बम मुने दोक्नीनी। इन दाक्शा योव़शो रवा रू आ पर्बम शुश मुने दोक्नीनी। यसैया ५७:५; यसैया ६५:३
Isaiah 2:12 in Sunwar 12 मिनु मुर नेल्ल आन परमप्रभु यावेमी काबु नाक्ती ठेयब लेश्शो, बोरशो मुर नु “गो ठेयब नङ” देंब आन कली आइक्च सेल्ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्याह १:१४
Isaiah 4:4 in Sunwar 4 परमप्रभु यावेमी सियोन ङा तमी नु यरूसलेम ङा मुर आन पाप निसाफ पतीक नु क्याम्तीकेमी क्याम्ताक्व हना,
Isaiah 17:8 in Sunwar 8 मेकोपुकीम आंम आन गुइमी सेल्शो देवी देवता आन कली चढ़ेचा ममिम्नीम। आंमा आन सेल्शो मूर्ति पाइश्शो थाम नु धूप चोतीके कली मकोव़नीम।
Isaiah 48:10 in Sunwar 10 कोव़ङीन, गो इन कली यपाइक्ता, तन्न चांदी खोदेंशो पा ममाइ। शुश श्येत जपाइश्शा, नाक्ताक्न्नी। ब्यवस्था ४:२०
Ezekiel 11:18 in Sunwar 18 मिनु मेकोपुकी लेश्शा जाक्शा, मेकेर ङा ग्रांग्रा दिशो थोव़क नु मूर्ति नेल्ल ग्रुंइशा ताइक्नीम।
Ezekiel 20:38 in Sunwar 38 इन दाते ङा आं कली मटीब नु मरिम्शो पाइब आन कली तिल्नुङमी। गो मेको आन कली अर्को रागी ङा मुर दुम्शा बाक्शो रागी रे ग्रुंइनुङमी। तन्न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्नीनी।
Ezekiel 24:11 in Sunwar 11 मेको नोले मेको ग्योंब श्येत्थ सेल्शा मी तार कादीन। मिनु मेको होल। मिनु मेको आ तांबा लल दुम्ल। मेको आ आगा ङा ग्रांग्रा दिशो नु खिया यशा लल। मिनु मीम नेक्गल।
Daniel 11:35 in Sunwar 35 मिनु मुरुम जोक्ब तुइक्ब आन कली मोदेंशो खेदा पतीके रागीम नोले ङा नाक्ती सम्म मेको आन कली सुन खोदेंशो पा यपाइक्चा, नाक्चा नु रिम्शो दुम्पाइक्चा कली बाक्ब। मेको मुल सम्म मजाक्शो बाक्ब।
Hosea 14:8 in Sunwar 8 एफ्राइम ङा मुरपुकी, मूर्तिपुकी नु गो आं के मार गेय बाक्बा ङा? गो इन कली लोव़ लेत्नुङ। मिनु इन कली कोव़नुङ। गो तोव़शी रवा खोदेंशो पा गिग बाक्नुङ। इ फल फुल सित्चा आं सक्ति रे जाक्ब।
Micah 5:13 in Sunwar 13 गो इन दाते ङा मूर्ति नेल्ल खतम पोक्नुङ। इन पूजा पचा कली ख्रुक्शो फुल्लु खतम पोक्नुङ। मिनु इन गुइमी सेल्शो थोव़क आन ङोंइती मबाप्नीनी।
Zechariah 13:2 in Sunwar 2 मुर नेल्ल आन परमप्रभु यावेमी मार देंत देंशा हना मेको नाक्ती “गो रागी रे मूर्ति आन नें क्याम्नुङ। मिनु सुइमी मेको आन कली ममिम्नीम। मिनु गो मेको रागी रे जोल पा नोले दुम्ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९
Malachi 3:2 in Sunwar 2 मिनु मेकोमी “तन्न आ जाक्ची नाक्त सु फाल्ने चाप्बा ङा? आ ग्रूची ना सु राप्शा बाक्ने चाप्बा ङा? मारदे हना मेको तुप्तीलमी मुइश्शो मी नु वा मुरब आ वा बुश सेल्तीक खोदेंशो बाक्ब। यसैया १:२५
Romans 11:27 in Sunwar 27 मेको आन पाप क्याम्नुङ। मिनु मेको आन कली गेशो कबल खाप्नुङ” दे ब्रेक्शो बाक्ब। यसैया ५९:२०, येरमीया ३१:३३
1 Corinthians 11:32 in Sunwar 32 तन्न प्रभुमी आंइ कली नाक्शा सजाइ गेब। मेको शेंचा कली बाक्ब। मोपा रागी ङा मुर नु काथा बाक्शा, जाम्शा मलाइनीकी। हितोपदेस ३:११-१२
Hebrews 12:6 in Sunwar 6 परमप्रभुमी सु कली दाक्बा, मेको कली सजाइ गेब। सु कली आ तौ मिम्बा, मेको कली तुप्ब” दे ब्रेक्शो बाक्ब। हितोपदेस ३:११-१२; प्रकाश ३:१९
Hebrews 12:9 in Sunwar 9 एको रागी ङा इं आफोमी इं कली तुप्तेक्म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्चा कली स्वर्ग ङा आफ आ देंशो टिचा ममाल्नया ङा?