Isaiah 2 in Sunwar
1 आमोज आ तौ यसैयामी यहूदा नेल्ल नु यरूसलेम आ पर्बम कोंइशो नु तशो लोव़ एको बाक्ब।
2 नोले ङा नाक्ती परमप्रभु यावे आ खिं सेल्शो डांडा, डांडा नेल्ल आन क्येङा लाइश्शो दुम्ब। पहाड नेल्ल आन क्येङा यो लाइश्शो दुम्ब। मिनु रागी रागी ङा मुर नेल्ले मेको डांडाम जाक्नीम। मीका ४:१-३; यसैया १९:२३; येरमीया ३:१७
3 रागी रागी ङा शुश मुर जाक्शा “जाक्कीन, गोपुकी परमप्रभु यावे आ डांडा ङोइश्शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्यवस्था ४:६; यूहन्ना ४:२२
4 मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्शा, फाली सेल्नीम। आन तूतीक चहिं गुये सेल्नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४
5 याकूब आ खिं ङा मुर जाक्कीन। गोपुकी परमप्रभु यावे आ छेङछेङम गाक्य।
6 याकूब आ खिं ङा मुर, गे इन ङोंइती ङा लां प्रोंइतीनी। गे इन थुं पूर्ब ङा मुर आन पतीक गेयम ब्रीशो बाक्ब। गे पलिस्ती खोदेंशो पा लिंक्यु कोव़ब दुम्तीनी। अर्को जात ङा मुर नु खाल्साक्नी।
7 मेको आन रागी सुन चांदीम ब्रीशो बाक्ब। मेको आन शोंप हिक्ने मचाप्चा ङा बाक्ब। मेको आन रागीमी शुश शारा बाक्नीम। मेको आन बग्गीपुकी हिक्ने मचाप्चा ङा बाक्नीम। मीका ५:९
8 मेको आन रागी मूर्तिम ब्रीशो बाक्ब। मेकोपुकी आंमा सेल्शो मूर्ति आ ङोंइती बाप्नीम। आंमा गुइमी सेल्शो मूर्ति आ ङोंइती पोक्च थेक्नीम।
9 मोपतीके मुरपुकी ब्रेम्शो सेल्चा पुंइसीनीम। मुर नेल्ल आइक्च दुम्नीम। गे मेको आन कली माफ मगेन।
10 परमप्रभु यावे आ हिंच कोंइतीक नु आ छेङछेङ रे पुक्खी आगाम ख्रुंइसीन। फुरक आगाम ख्रुंइसीन।
11 मुर नेल्ल आन ठेयब लेश्शो आइक्च सेल्चा पुंइसीनीम। बोरशो मुर नेल्ल ब्रेम्शो सेल्चा पुंइसीनीम। मेको नाक्ती परमप्रभु यावे ला ठेयब दुम्ब। यसैया २:११
12 मिनु मुर नेल्ल आन परमप्रभु यावेमी काबु नाक्ती ठेयब लेश्शो, बोरशो मुर नु “गो ठेयब नङ” देंब आन कली आइक्च सेल्ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्याह १:१४
13 लेबानोन ङा लाइश्शो रवापुकी, बाशान ङा बोल्यो रवापुकी,
14 लाइश्शो डांडा नेल्ल नु ठेयब पहाड,
15 लाइश्शो खिं नु बोल्यो गारो,
16 टारसीस ङा जहाज नेल्ल, रिम्शो नु शुश क्येट लाइब सेल्शो थोव़कपुकी
17 नु मुर नेल्ल आन ठेयब लेश्शो आइक्च सेल्चा पुंइसीनीम। बोरशो मुर नेल्ल ब्रेम्शो सेल्चा पुंइसीनीम। मेको नाक्ती परमप्रभु यावे ला ठेयब दुम्ब। यसैया २:१
18 मेना मूर्ति नेल्ल जाम्नीम।
19 परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्मेनु, गे पुक्खीम नु खपी आगा ङा ढोडोङगाम ओव़शा ख्रुंइसीन।
20 मेको नाक्ती मुरपुकीम आन पूजा पचा कली सुन चांदी के सेल्शो मूर्ति थाक्यु नु पकातिक्ती आन ङोंइती ताइक्नीम। यसैया ३१:७
21 परमप्रभु यावे रागी ङा मुर आन कली हिंच कोंइचा कली जाक्मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्खी नु सेरथे फुल्लु ङा कापम ख्रुंइसीनीम। २थिस्सलोनिकी १:९-१०
22 मोपतीके नेंम सास मुइक्चा पुंइसीशो बेक्शा लाइब मुर रे ङोन लने। मेको मारेइ मनम।