Isaiah 17:10 in Sunwar 10 मारदे हना गे इन कली पाप रे प्रोंइब परमप्रभु कली प्रेंताक्नी। मिनु इन ख्रुइक्तीक सेरथे फुल्लु कली मफ्रुक्नी। गे अर्को रागी ङा रिम्शो अङगुर ख्रुम्तीनी। यसैया ६:२-३; ब्यवस्था ३२:१५
Other Translations King James Version (KJV) Because thou hast forgotten the God of thy salvation, and hast not been mindful of the rock of thy strength, therefore shalt thou plant pleasant plants, and shalt set it with strange slips:
American Standard Version (ASV) For thou hast forgotten the God of thy salvation, and hast not been mindful of the rock of thy strength; therefore thou plantest pleasant plants, and settest it with strange slips.
Bible in Basic English (BBE) For you have not given honour to the God of your salvation, and have not kept in mind the Rock of your strength; for this cause you made a garden of Adonis, and put in it the vine-cuttings of a strange god;
Darby English Bible (DBY) For thou hast forgotten the God of thy salvation, and hast not been mindful of the rock of thy strength; therefore shalt thou plant pleasant plantations, and shalt set them with foreign slips:
World English Bible (WEB) For you have forgotten the God of your salvation, and have not been mindful of the rock of your strength; therefore you plant pleasant plants, and set it with strange slips.
Young's Literal Translation (YLT) Because thou hast forgotten the God of thy salvation, And the rock of thy strength hast not remembered, Therefore thou plantest plants of pleasantness, And with a strange slip sowest it,
Cross Reference Leviticus 26:16 in Sunwar 16 गो इन कली मार पाइनुङ देंशा हना, गो इन दातेमी शुश हिंतीके सेल्नुङ। मिनु इन रां सोव़ना सोव़न बाक्नीम। मिनु जरो पा इन मिक्च ततीके जाम्ना जाम्न लाइब। मिनु गे ओंखां पा बेक्नीनी। इन शोक्शो अन्न मोशा दुम्नीम। मारदे हना इन जोरी सत्रुम नेक्नीम।
Leviticus 26:20 in Sunwar 20 मिनु इन सक्ति मोशा दुम्शा मारेइ पने मचाप्नीनी। इन रूम मारेइ मवाब। मिनु इन रागी ङा रवापुकीम फल मसित्नीम।
Deuteronomy 6:12 in Sunwar 12 परमप्रभु यावे कली मप्रेंचा, दे होस पा बाक्कीन। मेकोमी इन कली इन वाइलीम वाइल दुम्शो इजीप्त रे ग्रुंइताक्व।
Deuteronomy 8:11 in Sunwar 11 मिनु गे परमप्रभु यावे, इन परमप्रभु कली मप्रेंदीन। मिनु मुलाक्त गो इन कली देंशो आ शेंशो, आ निसाफ पतीके लोव़ नु आ फुल्लुम मुशा ब्रेक्शो लोव़ यो मप्रेंचा, दे होस पा बाक्कीन।
Deuteronomy 8:14 in Sunwar 14 गेपुकी ठेयब लेश्शा, वाइलीम वाइल दुम्तीक इजीप्त रे ग्रुंइब परमप्रभु यावे, इन परमप्रभु कली मप्रेंचा, दे होस पा बाक्कीन।
Deuteronomy 8:19 in Sunwar 19 मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्तीनी, मेको आन कली पूजा पाइतीनी नु मेको आन ङोंइती बाप्तीनी हना, गो इन कली ‘गेपुकी थमा पा साइक्चा पुंइसीनीनी’ दे मुलाक्ती लोव़ का पाइनुङ।
Deuteronomy 28:30 in Sunwar 30 गेपुकी मीश आल का कली पुंइनीनी, तन्न अरु वोंइश मुरुम मेको नु इप्ब। मिनु खिं का सेल्नीनी, तन्न आंमान बाक्चा मताइनीनी। मिनु गेपुकीम अङगुर रू का ख्रुम्नीनी, तन्न आंमान ब्वचा मताइनीनी।
Deuteronomy 28:38 in Sunwar 38 गेपुकीमी शुश वांचेर शोक्नीनी, तन्न इच्का ला रुप्नीनी। मारदे हना मालेपुकीमी मेको नेल्ल नेक्नीम। मीका ६:१५
Deuteronomy 32:4 in Sunwar 4 मेको सेरथे फुल्लु बाक्ब। मेको आ गेय नेल्ल क्येङा रिम्शो बाक्ब। आ लां नेल्ले ठीक बाक्नीम। मारदे हना मेको आ देंशो पाइब परमप्रभु बाक्ब। जोल मपाइब, कुल मकोव़ब नु ठीक पाइब बाक्ब।
Deuteronomy 32:15 in Sunwar 15 मिनु येशुरुनमी दोम्शा ताइक्तु। गे दोम्ते। गे दोम्शा, ठेयब लेश्शो दुम्ते। मेकोमी आ कली सेल्ब परमप्रभु कली प्रोंइतु। मिनु आ श्येत रे प्रोंइब सेरथे फुल्लु, कली प्रोंइतु। येशुरुन याकूब-इस्राएल कली मान पतीक नें बाक्ब।ब्यवस्था ३३:५,२६; यसैया ४४:२; ब्यवस्था ३१:२०; नेहेम्याह ९:२५
Deuteronomy 32:18 in Sunwar 18 मिनु गे इन कली सेल्ब सेरथे फुल्लु कली ममिम्तीनी। इन कली थीब परमप्रभु यावे कली प्रेंताक्नी। उत्पत्ती ४९:२४; भजन संग्रह १८:३२; भजन संग्रह ७८:१५-१६
Deuteronomy 32:31 in Sunwar 31 इं जोरी सत्रुमी “मेको आन सेरथे फुल्लु आंइ सेरथे फुल्लु खोदेंशो ममाइ” दे लोव़ पाम्तेक्म। ब्यवस्था ३२:४,३७
1 Chronicles 16:35 in Sunwar 35 मिनु गेपुकीम ‘आंइ कली श्येत रे प्रोनीन। गे आंइ कली प्रोंइब परमप्रभु बाक्नीनी। आंइ कली रागी रागी रे खुप्शा, प्रोंइकी’ दे यो देनीनी। गोपुकीमी इन कली ‘गे रिम्शो पाइब बाक्नीनी’ देंशा इन नें ठेयब सेल्शा, ग्येरशा बाक्नीकी।
Psalm 9:17 in Sunwar 17 परमप्रभु आ अरेशो मटीब रागी रागी ङा मुरपुकी नु मटीबपुकी बेक्शो मुर आन बाक्तीकेम लाइब बाक्नीम।
Psalm 18:2 in Sunwar 2 परमप्रभु यावे आं सेरथे फुल्लु, आं बोल्यो दरवार नु आं जोरी सत्रु रे प्रोंइब बाक्ब। आं परमप्रभु, गे आं ख्रुइक्तीके सेरथे फुल्लु बाक्नीनी। परमप्रभु आं तेक्तीके नु आं कली ग्येरपाइक्ब, आं कली प्रोंइब नु आ बोल्यो दरवार बाक्ब। ब्यवस्था ३२:१८
Psalm 31:2 in Sunwar 2 इन नोफा दाइक्तीने, आं कली रीब पा प्रोंइयीनी। गे आं ख्रुइक्तीक सेरथे फुल्लु नु आं कली प्रोंइब बोल्यो दरवार दुमीन। भजन संग्रह ७१:३
Psalm 65:5 in Sunwar 5 आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्नीनी। परमप्रभु, आंइ कली श्येत रे प्रोंइब बाक्नीनी। गे ङोन बाक्ब रागी नु नेल्ल क्येङा ङोन ङा समुन्द्र आ नेक्था बाक्ब आन आस बाक्नीनी।
Psalm 68:19 in Sunwar 19 परमप्रभु कली नाक्त किंत किंत ठेयब सेल्मेक्ल। मेको आंइ श्येत कुरशा, आंइ जोरी सत्रु रे प्रोंइब बाक्ब।ठेयब सेंदा पा।१कोरिन्थी १०:१३
Psalm 79:9 in Sunwar 9 आंइ कली श्येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्याम्दीने।
Psalm 85:4 in Sunwar 4 आंइ कली पाप रे प्रोंइब परमप्रभु, आंइ कली लेंशा ङोंइती ङा खोदेंशो सेल्की। मिनु इन आंइ कली मदाक्तीके समीन।
Psalm 106:13 in Sunwar 13 तन्न मेकोपुकीमी परमप्रभु आ पशो रीब पा प्रेंशो बाक्तेक्म। मेको आ अर्ती नेंचा मबिश्शो बाक्तेक्म।
Psalm 106:21 in Sunwar 21 मेकोपुकीमी आन कली श्येत रे प्रोंइब नु इजीप्तम ठेयब गेय पाइब आन परमप्रभु कली प्रेंशो बाक्तेक्म। ब्यवस्था ३२:१८
Isaiah 12:2 in Sunwar 2 थमा पा, परमप्रभु आं कली पाप रे प्रोंइब बाक्ब। गो मेको कली थमा सुइश्शा महिंनुङ। मारदे हना परमप्रभु यावे आं कली सक्ति नु बोल गेब बाक्ब। मेको आं कली श्येत रे प्रोंइब बाक्ब” दे कुम्सो पाइनीनी। प्रस्थान १५:२
Isaiah 26:4 in Sunwar 4 गे परमप्रभु यावे कली गेना हना यो थमा सुतीन। मारदे हना परमप्रभु यावे गेना हना यो बाक्ब, सेरथे फुल्लु का बाक्ब। ब्यवस्था ३२:४
Isaiah 51:13 in Sunwar 13 गे इन कली सेल्ब परमप्रभु यावे कली प्रेंताक्नी। मेकोमी सरीङ प्राक्तु। रागी आ जग वोइक्तु। इन कली श्येत गेब मुर गाइक्तमेनु, गे नाक्त किंत किंत हिंनीनी। मेकोमी इन कली खतम सेल्चा चिक्शो बाक्त। तन्न मुल आ गाइश्शो ते लाक्गा? यसैया ४४:२४
Isaiah 65:21 in Sunwar 21 मेकोपुकी खिं सेल्शा, बाक्नीम। मिनु मेकेर अङगुर ख्रुम्शा, ग्येरशा ब्वाइनीम। यसैया ६२:८
Jeremiah 2:32 in Sunwar 32 मार, मीश आलम आ सुन चांदी नु ग्युम्लीम आ ग्युंबे पशो दारशो वा प्रेंने चाप्नीमी ङा? तन्न आं मुरपुकीम दा आं कली शुश नाक्ती रे प्रेंताक्यीमी।
Jeremiah 12:13 in Sunwar 13 मेकोपुकीमी चेरब शोक्नीम। मिनु चू सिप्पाइक्नीम। मेकोपुकीमी श्येत पा गेय पाइनीम, तन्न नेल्ल शोर गाक्ब। मोपतीके मेको आन ख्रुम्शा मुने दोक्शो आंमा फाल्मेक्ल। मारदे हना परमप्रभु यावे आ ठेयब पा गाइश्शो इन तार जुक्शो बाक्ब। होसे ८:७
Jeremiah 17:13 in Sunwar 13 गे इस्राएली आन आस पशो परमप्रभु यावे, इन कली प्रोंइब नेल्ल मुने दोक्नीम। इन कली प्रोंइशा गाक्ब मुर नेल्ल फुरकुम नें ब्रेक्शो खोदेंशो ला बाक्नीम। मारदे हना मेकोपुकीमी गेना हना यो ब्रोंइचा गेब ब्वाक्कु, परमप्रभु यावे कली प्रोंइशो बाक्नीम। येरमीया २:१३
Hosea 2:13 in Sunwar 13 गो मेको कली बाल देवता कली धूप चोशो नाक्ती सजाइ गेनुङ। मेको नाक्त मेको ग्योम्सीशा वोंइश खोइक्तु। आं कली चहिं प्रेंताक्यी।
Hosea 4:6 in Sunwar 6 आं मुर मारेइ मतुइक्तीके खतम दुम्नीम। मारदे हना गेपुकीमी तुइक्तीक कली ताइक्ताक्नी। मोपतीके गो यो इन कली आं कली चढ़ेब दुम्तीक रे ताइक्नन्नी। मारदे हना गेपुकीमी इन परमप्रभु, आं अरेशो लोव़ कली क्यारी मपनी। मोपतीके गो यो इन आल आन कली क्यारी मपाइनुङ।
Hosea 8:14 in Sunwar 14 इस्राएलीपुकीमी आंम कली सेल्ब कली प्रेंशा, ठेयब दरवार सेल्शो बाक्नीम। यहूदा ङा मुरपुकीमी शुश सहर एर ओंथ गारो सेल्शो बाक्नीम। तन्न गो मेको आन सहरमी मी सुइश्शा दरवार नेल्ल क्रोइक्नुङ” दे परमप्रभुम देंत। येरमीया १७:२७; आमोस २:५
Hosea 13:6 in Sunwar 6 गो मेको आन कली रूपाइक्ता। मिनु मेकोपुकी ठेयब लेश्शा, आं कली प्रेंताक्म। ब्यवस्था ३२:१५
Amos 5:11 in Sunwar 11 मारदे हना गे प्रुङग आन कली दिम्नीनी। मेको आन कली गेन कि गेन, दे शुश अन्न थाप्पाइक्नीनी। गे ख्रोइश्शो फुल्लु के खिं सेल्तीनी। तन्न मेकेर बाक्चा मताइनीनी। रिम्शो अङगुर रू सेल्तीनी। तन्न अङगुर शांबु तूचा मताइनीनी। सेफन्याह १:१३
Habakkuk 3:18 in Sunwar 18 गो परमप्रभु यावे कली तुइश्शा ग्येरसीनुङ। मिनु आं कली श्येत रे प्रोंइब परमप्रभु कली ठेयब सेल्शा ग्येरसीनुङ। यसैया ६१:१०
Zephaniah 1:13 in Sunwar 13 मेको आन शोंप नेल्ल रोइक्चा पुंइसीनीम। मेको आन खिं ब्रेत्नीम। मेकोपुकीमी खिं सेल्तेक्म हना यो, मेकेर बाक्चा मताइनीम। मेकोपुकीम अङगुर ख्रुम्तेक्म हना यो, अङगुर शांबु तूचा मताइनीम। ब्यवस्था २८:३०,३९; आमोस ५:११